San Lucas 16:2 - Tukano

² Tohô weégɨ niyéru bɨkɨ kɨ̃ɨ̂re pihîo, a'tîro niîkɨ niîwĩ: “Mɨ'ɨ̂re werê sãa'ke diakɨ̃hɨ́ta niîti? Mɨ'ɨ̂ da'rasékãhase ohâ õ'ori pũrire yɨ'ɨ̂re ĩ'yoyá. Mɨ'ɨ̂ ãpêrã da'rá ko'terã wiôgɨ niî nemosome maha”, niîkɨ niîwĩ.

Õꞌacʉ̃ Yere Ucũrĩ Turi

² Tojo weegʉ niyerubʉcʉ cʉ̃rẽ pijio, aꞌtiro nicʉ niwĩ: “Mʉꞌʉrẽ weresãꞌque ¿diacjʉ̃ta niti? Mʉꞌʉ daꞌrase cjase ojaõꞌorĩ pũrĩrẽ yʉꞌʉre ĩꞌoña. Mʉꞌʉ ãpẽrã daꞌracoꞌterã wiogʉ ninemosome majã”, nicʉ niwĩ.

San Lucas 16:2 Iomraidhean Croise

Mateus 12:36

Mɨsâre werêgɨti. Õ'âkɨ̃hɨ masaré beseátihi nɨmɨ niikã́, mɨsâ wãkûtimirã no'ó ɨaró uúkũ ma'a'ke nɨkɨ besegɨ́sami.

Mateus 20:8

Yamîpɨ tii wesé wiôgɨ sɨ'orí da'ragɨ́re pihîo, niîsami: “Da'rarã́re pihî nee, wapa yeéya. Be'ropɨ́ ehâ'kãrãre wapa yeé mɨ'taya. Be'ró bo'rê ke'ari kura da'rá nɨ'ka'kãrãre wapa yeé tu'â eha nɨ'koya”, niîsami.

San Lucas 12:20

Õ'âkɨ̃hɨ pe'e tohô weekã́ ĩ'yâgɨ, a'tîro niîkɨ niîwĩ: “Mɨ'ɨ̂ tɨ'o masí wee'. Ni'kakã́ yamita mɨ'ɨ̂ wẽrîgɨsa'. Too pũríkãre mɨ'ɨ̂ nɨrô'ke pehé noa yeé toharósari?” niîkɨ niîwĩ Õ'âkɨ̃hɨ.

San Lucas 12:42

Jesu niîkɨ niîwĩ: —Noa nohó yɨ'ɨ̂ dutiró weé me'rigɨ, tɨ'o masígɨ waro niîsari? niîgɨ, a'tîro werêgɨti. Wiôgɨ apêropɨ wa'âgɨ, kɨ̃ɨ yaá wi'ire ko'tê dutigɨ ni'kɨ́ kɨ̃ɨ̂re da'rá ko'tegɨre kũûsami. “Ãpêrã da'rá ko'terãre no'ó dɨ'sasé nohore ba'asé ekayá”, niîsami.

San Lucas 16:1

Jesu kɨ̃ɨ̂ bu'esére siru tuúrãre apêye werê nemokɨ niîwĩ: —Ni'kɨ́ masɨ́ niyéru bɨkɨ ãpêrã da'rá ko'terãre dutigɨ́ sõróokɨ niîwĩ. Da'rá ko'terã niyéru bɨkɨ tiropɨ wa'â, a'tîro werê sãakãrã niîwã: “Mɨ'ɨ̂ wiôgɨ sõróokɨ mɨ'ɨ yeé niyérure yã'âro weé bahuriógɨ weemí”, niîkãrã niîwã.

San Lucas 16:3

Kɨ̃ɨ̂ tohô niikã́ tɨ'ógɨ, a'tîro wãkûkɨ niîwĩ: “Yɨ'ɨ̂ wiôgɨ yɨ'ɨ̂re kõ'â wĩromi. Tohô weégɨ de'ró weegɨ́sari? Yɨ'ɨ̂ da'ra tutuá wee'. Ãpêrãre niyéru sẽri duhígɨ, bopôya niísa'.

Romanos 14:12

Teé ohâ'kere tɨ'órã, marî masî', marî nɨkɨ a'ti nukúkãpɨ marî weé'kere Õ'âkɨ̃hɨre werêrãsa'.

1 Corintios 1:11

Yɨ'ɨ̂re Cloé wamêtigo yaá wi'ikãharã mɨsâ a'mêri ĩ'yâ sĩ'ritise kitire werêwã.

1 Corintios 4:2

Marî da'rasé kɨórã, marî wiôgɨ dutî'karo nohota keoró weeró ɨá'. Tohô weekã́, marîre ẽho peósami.

1 Corintios 4:5

Tohô weérã ãpêrã weé'kere bese yuútikã'ya. Marî wiôgɨre yuû kueya. Kɨ̃ɨ̂ a'tîgɨ, niî pe'tise masá masîti'ke ya'yióropɨ niî'kere bahúrẽ'gɨsami. Masá naâ wãkurópɨ “A'tîro weegɨ́ti” niî'ke kẽ'rare ĩ'yogɨ́sami. Tii nɨmɨ́ niikã́ Õ'âkɨ̃hɨ naâ nɨkɨ ãyuró weeséti'kere “Keoró ãyuró weewɨ́”, niîgɨsami.

2 Corintios 5:10

A'tîro niî'. Cristo kɨ̃ɨ̂ beseátihi nɨmɨ niikã́, marî niî pe'tirãre besegɨ́sami. Marî ni'karérãre marî weé'ke nɨkɨ keoró marî ãyuró ou yã'âro weé'kere wapa yeégɨsami.

1 Timoteo 4:14

Õ'âkɨ̃hɨ mɨ'ɨ̂re wee masíse o'ô'kere weé nu'kukã'ya. Sõ'ó niîka tero Jesu Cristore ẽho peóri kurakãharã sɨ'orí niirã́ mɨ'ɨ̂re yãa peóka terore teé wee masísere Õ'âkɨ̃hɨ o'ôwĩ.

1 Timoteo 5:24

Ni'karérãre naâ yã'âro weesére beseátoho dɨporo maatá naâ yã'âro weesére masî no'o toha'. Ãpêrã pe'ere naâ yã'âro weesé be'ropɨ́ bahuárosa'.

1 Pedro 4:10

Õ'âkɨ̃hɨ kɨ̃ɨ̂ tutuaró me'ra marî Jesu Cristore ẽho peórã nɨkɨre de'ró marî wee masísere o'ôsami. Teé o'osé me'ra kɨ̃ɨ yeére ãyuró wee masí'. Teeré o'ôgɨ, ni'kâro noho o'ôtisami. Kɨ̃ɨ̂ o'ô'ke põo tẽóro ãpêrãre wee tamú dutigɨ o'ôsami. Marî ãpêrãre wee tamúrã, kɨ̃ɨ̂ o'ô'kere keoró weérã weé'.

1 Pedro 4:5

Naâ tohô weemíkã, a'teré masîya. Õ'âkɨ̃hɨ mɨsâre uukahá tu'tirã́re “De'ró weérã yɨ'ɨ̂ põ'rare tohô weerí?” niî sẽrí yã'agɨsami. Mɨsâre tohô weé'kãrã naâ weé'kere besé no'orãsama. Õ'âkɨ̃hɨ niî pe'tirã wẽrî'kãrãre, katirã́re marî weesé nɨkɨre besegɨ́sami. Neê ni'kɨré dɨ'asomé.

Apocalipse 20:12

Be'ró, niî pe'tirã wẽrî'kãrã Õ'âkɨ̃hɨ ĩ'yóropɨ nu'kukã́ ĩ'yâwɨ. Naâ no'ó niirã́ niîwã. Wiôrã, mehô niirã́ niîwã. Naâ toó nu'kurí kura Õ'âkɨ̃hɨ niî pe'tise masá weé'ke ohâ õ'o'ke pũrire pãâwĩ. Ape pũrí katî nu'kuse kɨorã́ naâ wameré ohâ õ'o no'oka pũrire pãâwĩ. Kɨ̃ɨ̂ wẽrî'kãrãre a'tîro weewĩ́. Naâ weé'ke nɨkɨre tee pũrípɨ ohâ õ'o no'o'karo nohota naâre keoró besé, bu'îri da'rêwĩ.