San Lucas 16:11 - Tukano

¹¹ Mɨsâ a'ti nukúkãkãhase me'ra keoró weetíkã, Õ'âkɨ̃hɨ mɨsâre ãyusé, ɨ'mɨ̂sekãhasere o'ôsome.

Õꞌacʉ̃ Yere Ucũrĩ Turi

¹¹ Mʉsã aꞌti nucũcã cjase meꞌrã queoro weeticã, Õꞌacʉ̃ mʉsãrẽ añuse, ʉꞌmʉse cjasere oꞌosome.

San Lucas 16:11 Iomraidhean Croise

Mateus 6:24

Ni'kɨ́ ãpêrãre da'rá ko'tegɨ pɨárã dutisére wee masítisami. Ni'kɨré ma'ígɨ, ãpiré ma'itísami. Tohô niikã́ ni'kɨ́ dutisére yɨ'tígɨ, ãpí dutisé pe'ere yɨ'titísami. Ã'rá weeró noho niyéru, a'ti nukúkãkãhasere ma'írã, Õ'âkɨ̃hɨ pe'ere ma'i masítisa'.

San Lucas 12:33

Mɨsâ kɨosére duâ, ãpêrã moorã́re o'ôya. A'ti nukúkãkãhase boâ dihaatehere wãkûtikã'ya. Ɨ'mɨ̂sekãhase boâtiatehe pe'ere wãkûya. Toopɨ́re mɨsâ ãyusé kɨoátehe neê pe'tisomé. Neê yaharã́ sãháa yahasomé. Ãpêrã noho kẽ'ra ba'â bahuriósome.

San Lucas 16:12

Mɨsâ ãpêrã yeekãhasere keoró weé wee'. Tohô weérã mɨsâ, mɨsa yeé niî boo'kere yẽ'êsome.

San Lucas 16:9

Jesu naâre a'tîro werê kasakɨ niîwĩ: —Mɨsâ a'ti nukúkãpɨ mɨsâ kɨosére pahasé kɨorãre ãyuró o'ô we'oya. Tohô weérã mɨsâ me'rakãharã bokarã́sa'. Be'ró mɨsâ kɨosé pe'tíka be'ro mɨsâ ãpêrãre wee tamú'ke ɨ'mɨ̂sepɨ niî yuu toharosa'. Mɨsâ wee tamú'kãrã ɨ'mɨ̂sepɨ niirã́ toopɨ́re mɨsâre põo tẽrírãsama.

San Lucas 18:22

Kɨ̃ɨ̂ tohô niikã́ tɨ'ógɨ, Jesu niîkɨ niîwĩ: —Mɨ'ɨ̂re apêye nohoakã dɨ'sá' yuhûpɨ. Mɨ'ɨ̂ kɨosére duâ pe'okɨ̃hɨ wa'âya. Teé duâ'ke wapare pahasé kɨorãre o'ôya. Tohô weégɨ mɨ'ɨ̂ ɨ'mɨ̂sepɨre pehé ãyusé kɨogɨ́sa'. Tu'â eha nɨ'ko, yɨ'ɨ̂re siru tuúya, niîkɨ niîwĩ.

Efesios 3:8

Yɨ'ɨ́ta mehô niigɨ́ waro niî pe'tirã Õ'âkɨ̃hɨre ẽho peórã dokapɨ tɨ'ó yã'a'. Tohô niîmikã, yɨ'ɨ̂re ãyuró weé sĩ'rigɨ, a'tîro weékɨ niîwĩ. Judeu masa niîtirãre kɨ̃ɨ̂ besé'kɨ Cristo yee ãyusé kitire werê dutiwĩ. Tee kití a'tîro niî'. Õ'âkɨ̃hɨ Jesu Cristo me'ra ãyú butia'sere marîre weemí. Teé ãyusére marî wãkû põo tẽó wee'.

Santiago 2:5

Yɨ'ɨ̂ akawerérã yɨ'ɨ̂ ma'irã́, yɨ'ɨ̂re tɨ'oyá. Õ'âkɨ̃hɨ pahasé kɨorãre pũûro ma'isamí. Kɨ̃ɨ̂re ẽho peó dutigɨ naâre besékɨ niîwĩ. Naâ ẽho peókã, kɨ̃ɨ̂ ĩ'yóropɨre naâ ẽho peóse pahiró wapatí'. Tohô niikã́ kɨ̃ɨ̂ tiropɨ wa'aáto niîgɨ besékɨ niîwĩ. Kɨ̃ɨ̂ niî'karo nohota kɨ̃ɨ̂re ma'irã́ kɨ̃ɨ̂ tiropɨ niî nu'kurãsama.

Apocalipse 3:18

Tohô weégɨ mɨsâre niîgɨti. Mɨsâ ouro pekâ me'epɨ ɨ̃hâ apó'ke yɨ'ɨ̂ kɨosére yẽ'êya. Pi'etímirã yɨ'ɨ̂re ẽho peórã, ouro kɨorã́ weeró noho niî'. Teeré kɨórã, mɨsâ pehé kɨorã́ niîrãsa'. Apêye kẽ'rare su'tí butisé yɨ'ɨ̂ kɨosére sãyâya. Mɨsâ teeré sãyakã́, bopôyase pe'tiá wa'ârosa'. Yɨ'rɨó no'o'kãrã niîrãsa'. Tohô niikã́ kapêri piosé yɨ'ɨ̂ kɨosére yẽ'êya. Mɨsâ teé piôka be'ro ãyuró ĩ'yârãsa' taha. Yeekãhásere ãyuró masîrãsa'.