San Lucas 14:13 - Tukano

¹³ Mɨ'ɨ̂ bosê nɨmɨ wee peó, ãpêrãre pihîogɨ, a'tîro pe'e weeyá. Apêye noho moorã́re, dohôri wi'irãre, sihâ masitirãre, ĩ'yâtirãre pihîoya.

Õꞌacʉ̃ Yere Ucũrĩ Turi

¹³ Mʉꞌʉ bosenʉmʉ weepeo, ãpẽrãrẽ pijiogʉ, aꞌtiro peꞌe weeya. Apeyenojõ moorãrẽ, dojoriwiꞌiare, sijamasĩtirãrẽ, ĩꞌatirãrẽ pijioya.

San Lucas 14:13 Iomraidhean Croise

Mateus 15:30

Pãharã́ masá kɨ̃ɨ̂ duhirópɨ etâwã. Naâ opa yuríri siharã́re, kapêri bahú no'otirãre, amûkã, dɨ'pôkã dohôri wi'iare, uúkũ masitirãre, no'ó do'âtise kɨorã́ nohore mii eháwã. Jesu tirópɨ naâre mii ehá kũuowã. Naâre yɨ'rɨówĩ.

Mateus 22:10

Be'ró kɨ̃ɨ̂re da'rá ko'terã makâ dekopɨ pihîrã wa'âsama. Niî pe'tirã naâ boka ehárã ãyurã́, yã'arã́re pihî neêo kũu, wiôgɨ yaá wi'ipɨ miáasama. Naâ tohô weekã́, toopɨ́ naâ nererí tũku mu'mûa wa'ása'.

San Lucas 11:41

Mɨsâ kɨosére ãpêrãre pahá yã'arã, o'ôya. Tohô weérã bapârire po'peápɨ koerã́ weeró noho weerã́sa'. Be'ró bu'îpɨ, po'peápɨ kẽ'rare ũ'îri marirã́ weeró noho ãyurã́ toharã́sa'.

San Lucas 14:12

Kɨ̃ɨ̂ a'teré uúkũka be'ro Jesu ba'â dutigɨ pihîo'kɨ fariseu masɨre a'tîro niîkɨ niîwĩ: —Mɨ'ɨ̂ ba'â dutigɨ, ã'ra nohóre pihîotikã'ya. Mɨ'ɨ̂ me'rakãharãre, mɨ'ɨ̂ ma'mi sɨmɨare, mɨ'ɨ̂ akabihírãre, mɨ'ɨ̂ akawerérãre, mɨ'ɨ̂ pɨ'tokãharã pehé kɨorã́re pihîotikã'ya. Mɨ'ɨ̂ naâre pihîokã, naá kẽ'ra mɨ'ɨ̂re ba'â dutirã pihî a'me boosama. Tohô weesé me'ra naâ ba'â'kere mɨ'ɨ̂re eká a'mesama.

San Lucas 14:14

Teeré weégɨ, mɨ'ɨ̂ e'katí yɨ'rɨagɨsa'. Naâ pũrikã mɨ'ɨ̂re eká a'me masitisama. Tohô weesé me'ra mɨ'ɨ̂ ãyurã́ wẽrî'kãrã naâ masarí nɨmɨre ãyusé waro bokagɨ́sa', niîkɨ niîwĩ.

San Lucas 14:21

Da'rá ko'tegɨ toháa, wiôgɨpɨre niî pe'tise naâ tohô niî'kere werê pe'okã'sami. Teeré tɨ'ógɨ, wiôgɨ uâ yɨ'rɨgɨ, a'tîro niîsami: “Keêro wa'â bakeo'ya. Makâ dekopɨ, no'ó naâ niirópɨ pahasé kɨorãre, dohôri wi'irãre, sihâ masitirãre, ĩ'yâtirãre pihî wã'katia”, niîsami.

Hechos 9:39

Naâ Lidapɨ etakã́, maatá Pedro naâ me'ra Jopepɨre wa'âkɨ niîwĩ. Dorca niirí wi'ipɨre ehârã, koô wẽrî'ko pesarí tũkupɨ kɨ̃ɨ̂re pihî mɨhakãrã niîwã. Kɨ̃ɨ̂ tii tũkúpɨ sãhatákã, wapê wi'ia numia Pedro sumútoho nerê nɨ'kakãrã niîwã. Naâ utîrãta, ĩ'yókãrã niîwã camisari, apêye su'tí koô katîgo naâre dero basá'kere.

1 Timoteo 3:2

Tohô weé sĩ'rigɨ noho a'tîro niisétigɨ noho niiáto. Kɨ̃ɨ́ta “Yã'âro weemí” niî no'oya marigɨ́ niiáto. Ni'kotá nɨmôtigɨ niiáto. Kɨ̃ɨ̂ wio pesáse me'ra weesétigɨ noho niiáto. Ãyuró wãkû yuu weesétigɨ noho niiáto. Ãpêrã wio pesáse me'ra ĩ'yâ no'ogɨ noho niiáto. Siharí masa kɨ̃ɨ yaá wi'ipɨ wa'akã́, ãyuró põo tẽrígɨ noho niiáto. Ãpêrãre ãyuró bu'ê me'rigɨ noho niiáto.

1 Timoteo 5:10

“Koô ãyuró weemó” niî no'ogo nohore ohâya. Koô põ'raré ãyuró masó'ko nohore masá koo yaá wi'ipɨ ehakã́ ãyuró yẽ'egó nohore ohâya. Tohô niikã́ mehô niisére da'ragó ãpêrã Jesu Cristore ẽho peórãre wee tamúgo nohore ohâ õ'oya. Pi'etírãre wee tamúgo nohore ohâya. No'ó ãyusé apêye noho weegóre ohâya.

Tito 1:8

A'tîro pe'e niiáto. Masá kɨ̃ɨ yaá wi'ipɨ ehakã́, ãyuró põo tẽrígɨ noho niiáto. Ãyusére weegɨ́ noho niiáto. Tohô niikã́ ãyuró wãkû yuu weesétigɨ noho, ãpêrãre keoró weegɨ́ noho niiáto. Õ'âkɨ̃hɨ ɨaró di'akɨ̃ weegɨ́ niiáto. Keoró weesétigɨ noho niiáto.

Filemón 1:7

Akawerégɨ, mɨ'ɨ̂ Jesu Cristore ẽho peórãre wãkû tutuakã weewɨ́. Tohô weégɨ yɨ'ɨ̂ mɨ'ɨ̂ me'ra e'katí'. Mɨ'ɨ̂ ãpêrãre ma'isére tɨ'ógɨ, wãkû tutua'.

Hebreos 13:2

Mɨsa yaá wi'ipɨ etarã́re, siharí masare ãyuró weeyá. Teeré akobohótikã'ya. Ãpêrã tohô weérã ɨ'mɨ̂sekãharã Õ'âkɨ̃hɨre werê ko'terã eharã́re yẽ'êkãrã niîwã. “Õ'âkɨ̃hɨre werê ko'terã niîma”, niî masîtikãrã niîwã.