San Lucas 13:25 - Tukano

²⁵ Apêyere naâre werêkɨ niîwĩ: —Wi'í wiôgɨ wã'kâ nɨ'ka, soperé bi'ákã'sami. Be'ró mɨsâ pe'e sopepɨ́ pisûrã, a'tîro niîrãsa': “Wiôgɨ, pãâo sõrogɨ a'tiá”, niîrãsa'. Kɨ̃ɨ̂ pe'e mɨsâre yɨ'tigɨ́sami: “Mɨsâre masîtisa'. No'okãhárã niîrã niísa'”, niîgɨsami.

Õꞌacʉ̃ Yere Ucũrĩ Turi

²⁵ Apeye queose meꞌrã narẽ werecʉ niwĩ: —Wiꞌi wiogʉ wãꞌcãnʉꞌcã, sopere biꞌacãꞌsami. Beꞌro mʉsã peꞌe sopepʉ pisurã, aꞌtiro nirãsaꞌa: “Wiogʉ, pãosõrõgʉ̃ aꞌtia”, nirãsaꞌa. Cʉ̃ peꞌe mʉsãrẽ yʉꞌtigʉsami: “Mʉsãrẽ masĩtisaꞌa. Noꞌocjãrã nírã nisasaꞌa”, nigʉ̃sami.

San Lucas 13:25 Iomraidhean Croise

Mateus 25:41

Be'ró kũûpe' pe'e nu'kurã́re a'tîro niîgɨti: “Mɨsâ Õ'âkɨ̃hɨ bu'îri da'rê no'oahã niî'. Tohô weérã a'toré niîtikã'ya. Pekâ me'e ɨ̃hɨ̂ nu'kuri me'epɨ wa'âya. Tií me'e wãtiâ wiôgɨ, kɨ̃ɨ̂ me'ra ɨ'mɨ̂sepɨ kõ'â diho'kãrãre apo yuúka me'e niî'.

San Lucas 13:27

Kɨ̃ɨ̂ pe'e mɨsâre yɨ'tigɨ́sami: “Yɨ'ɨ̂ mɨsâre ‘Masîtisa'’, niî tohamiapɨ baa. Mɨsâ yã'âro weé'kãrã niî'. Wa'ârãsa'”, niîgɨsami. Mɨsâ yɨ'ɨ̂re ẽho peótikã, ã'raré weé'karo weeró noho mɨsâre wa'ârosa'.

San Lucas 3:8

Mɨsâ diakɨ̃hɨ́ta ɨ̃sâ yã'âro weé'kere bɨhâ weti dɨka yuuápɨ niîrã, mɨsâ weesétise me'ra ĩ'yoyá. A'tîro wãkûtikã'ya: “Ɨ̃sâ Abraão paramérã niî'. Tohô weérã Õ'âkɨ̃hɨ tiropɨ wa'ârãsa'”, niî wãkûtikã'ya. Mɨsâ wãkusére dɨka yuútikã, Abraão paramérã niisé wapa marí'. Õ'âkɨ̃hɨ ɨágɨ, a'té ɨ̃tâ peeri me'ra Abraão paramérã wa'akã́ wee masími. Kɨ̃ɨ̂ tohô weekã́ maa, naâ pe'e Õ'âkɨ̃hɨ ɨaró wee boósama.

San Lucas 6:46

De'ró weérã yɨ'ɨ̂re “Ɨ̃sâ wiôgɨ” niîmirã, yɨ'ɨ̂ dutisé pe'ere weé weeti?

2 Corintios 6:2

Õ'âkɨ̃hɨ yee kiti ohâka pũripɨ kɨ̃ɨ̂ uúkũ'kere a'tîro niî ohâ no'okaro niîwɨ: Yɨ'ɨ̂ masaré ãyuró weerí kura, mɨ'ɨ̂ sẽrisére tɨ'owɨ́. Yɨ'ɨ̂ yɨ'rɨóri kura kẽ'rare, mɨ'ɨ̂re yɨ'rɨówɨ, niîkɨ niîwĩ Õ'âkɨ̃hɨ. Tɨ'oyá. Ni'kâroakã kɨ̃ɨ̂ tohô weerí kura niî'. Ni'kâroakã kɨ̃ɨ̂ yɨ'rɨó sĩ'risami.

Hebreos 12:17

Mɨsâ masísa'. Esaú kɨ̃ɨ̂ pakɨ́ “Mɨ'ɨ̂re ãyuró wa'aáto” niikã́ tɨ'ó sĩ'rikɨ niîmiwĩ. Kɨ̃ɨ̂ pakɨ́ pe'e “Basió wee', mɨ'ɨ̂ akabihíre o'ô tohapɨ”, niîkɨ niîwĩ. Kɨ̃ɨ̂ tohô niikã́ tɨ'ógɨ, pũûro utîkɨ niîwĩ. Tohô utîmikã, kɨ̃ɨ̂ pakɨ́ kɨ̃ɨ̂ akabihíre o'ô'ke neê dɨka yuúta basiótikaro niîwɨ.