San Lucas 12:42 - Tukano

⁴² Jesu niîkɨ niîwĩ: —Noa nohó yɨ'ɨ̂ dutiró weé me'rigɨ, tɨ'o masígɨ waro niîsari? niîgɨ, a'tîro werêgɨti. Wiôgɨ apêropɨ wa'âgɨ, kɨ̃ɨ yaá wi'ire ko'tê dutigɨ ni'kɨ́ kɨ̃ɨ̂re da'rá ko'tegɨre kũûsami. “Ãpêrã da'rá ko'terãre no'ó dɨ'sasé nohore ba'asé ekayá”, niîsami.

Õꞌacʉ̃ Yere Ucũrĩ Turi

⁴² Jesú nicʉ niwĩ: —¿Noanojõ yʉꞌʉ dutiro weemeꞌrĩgʉ̃, tʉꞌomasĩgʉ̃ waro nisari? nígʉ̃, queose meꞌrã weregʉti. Wiogʉ aperopʉ waꞌagʉ, cʉ̃ ya wiꞌire coꞌtedutigʉ niꞌcʉ̃ cʉ̃rẽ daꞌracoꞌtegʉre cũasami. “Ãpẽrã daꞌracoꞌterãrẽ noꞌo dʉꞌsasenojõrẽ baꞌase ecaya”, nisami.

San Lucas 12:42 Iomraidhean Croise

Mateus 13:52

Ɨ̃sâ tohô niikã́, kɨ̃ɨ̂ niîwĩ: —Niî pe'tirã Moisé ohâ'kere bu'erã́ yɨ'ɨ̂ wiôgɨ niîgɨsa' niisére ẽho peórã, ni'kɨ́ wi'í kɨogɨ́ weeró noho niîma. Kɨ̃ɨ̂, kɨ̃ɨ yaá wi'ikãharãre o'oákɨhɨ, tií wi'ipɨ kɨ̃ɨ̂ apêye noho nɨrô'kere ma'maré, meharé mii wĩró masisami. Kɨ̃ɨ̂ weeró noho, Õ'âkɨ̃hɨ yee kiti werê mɨ'tarã naâ ohâ'kere werê masisama. Tohô niikã́ ma'má, yɨ'ɨ̂ bu'esé kẽ'rare werê masisama niîgɨ, tohô niîwĩ ɨ̃sâre.

Mateus 20:8

Yamîpɨ tii wesé wiôgɨ sɨ'orí da'ragɨ́re pihîo, niîsami: “Da'rarã́re pihî nee, wapa yeéya. Be'ropɨ́ ehâ'kãrãre wapa yeé mɨ'taya. Be'ró bo'rê ke'ari kura da'rá nɨ'ka'kãrãre wapa yeé tu'â eha nɨ'koya”, niîsami.

San Lucas 12:43

Be'ró apêropɨ ehâ'kɨ dahâsami. Kɨ̃ɨ̂ dahakã́, keoró da'rá boka ehá no'ogɨ e'katísami.

San Lucas 7:13

Koôre ĩ'yâgɨ, Jesu pũûro pahá yã'akɨ niîwĩ. A'tîro niîkɨ niîwĩ: —Utîtigota, niîkɨ niîwĩ.

San Lucas 7:19

A'tîro niîkɨ niîwĩ: —Jesu tirópɨ wa'âya. “Mɨ'ɨ́ta niîti ‘Masaré yɨ'rɨoákɨhɨ a'tîgɨsami’ niî no'o'kɨ ou ãpipɨ́re yuû kuerãsari yuhûpɨ?” niî sẽrí yã'aya, niîkɨ niîwĩ.

Hechos 20:28

Mɨsâ basi pe'e ko'têya. Éfesopɨ toháarã, ãpêrã Espírito Santo mɨsâre ko'tê duti no'o'kãrã kẽ'rare ko'têya. Õ'âkɨ̃hɨ makɨ wẽrisé me'ra naá kẽ'ra marî weeró nohota kɨ̃ɨ̂ põ'rá niîma. Tohô weérã naâre ovelha ko'terã́ naa yarã́ ovelhare ãyuró ko'terã́ weeró nohota ãyuró ko'têya.

1 Timoteo 5:17

Jesu Cristore ẽho peóri kurakãharãre sɨ'orí wehê peorãre, ãyuró weerã́re a'tîro niiró ɨá'. “Naâ ãyú butia'ro dutîma”, niiró ɨá'. Tootá masaré werê bu'erã́ pe'ere nemoró niiró ɨá'.

2 Timoteo 4:2

Masaré Õ'âkɨ̃hɨ yee kitire werêya. Niî pe'tisetiri masá tɨ'ó sĩ'rikã, werêya. Naâ tɨ'ó sĩ'ritikã kẽ'rare, werê nu'kukã'ya. Mɨ'ɨ̂ weresére tɨ'órã, ẽho peórãsama. Naâ keoró weetíkã, tu'tîya. “A'tîro weeró ɨá'”, niîya. Naâre bu'êgɨ, keoró pahá yã'ase me'ra werê me'rikã'ya.

Tito 1:7

Ni'kɨ́ Jesu Cristore ẽho peóri kurakãharãre sɨ'orí wehê peogɨ Õ'âkɨ̃hɨ yeekãhasere ko'tegɨ́ niîmi. Tohô weégɨ “Kɨ̃ɨ́ta yã'agɨ́ niîmi” niî no'oya marigɨ́ noho niiáto. Kɨ̃ɨ̂ ɨaró di'akɨ̃ dutigɨ́ noho, uâ mɨyagɨ noho niîtikã'ato. Tohô niikã́ ke'agɨ́, kumûkã bɨkɨ no'ó yã'âro weesé me'ra niyéru wapá ta'a sĩ'rigɨ noho niîtikã'ato.

Hebreos 13:17

Mɨsâre sɨ'orí wehê peorãre yɨ'tiyá. Naâ dutisére weeyá. Naâ mehêkã ẽho peóri niîrã, mɨsâre ĩ'yâ nɨrɨ, bu'ê nu'kuma. Naâ Õ'âkɨ̃hɨre a'tîro niîrãsama: “Ɨ̃sâ naâre bu'êrã, keoróta weewɨ́”, niîrãsama. Tohô weérã naâ dutisére tɨ'sâropɨta yɨ'tiyá. Naâre bɨhâ wetikã weetíkã'ya. Mɨsâ naâre yɨ'rɨ́ nɨ'kakã, naâ mɨsâre ãyuró wee tamú masitima.

Hebreos 13:7

Mɨsâre ãyuró sɨ'orí wehê peo'kãrã Õ'âkɨ̃hɨ yee kiti werê'kãrãre wãkûya. Naâ ãyuró weeséti yapá da'reo'kere wãkûya. Naâ weeró noho ẽho peó niisétiya.

Hebreos 3:5

Moisé Õ'âkɨ̃hɨ yarãre ko'têgɨ, keoró weékɨ niîwĩ. Kɨ̃ɨ̂ da'rasé a'tîro niîkaro niîwɨ. Õ'âkɨ̃hɨ werê'kere werê mɨ'tagɨ niîkɨ niîwĩ.

1 Pedro 4:10

Õ'âkɨ̃hɨ kɨ̃ɨ̂ tutuaró me'ra marî Jesu Cristore ẽho peórã nɨkɨre de'ró marî wee masísere o'ôsami. Teé o'osé me'ra kɨ̃ɨ yeére ãyuró wee masí'. Teeré o'ôgɨ, ni'kâro noho o'ôtisami. Kɨ̃ɨ̂ o'ô'ke põo tẽóro ãpêrãre wee tamú dutigɨ o'ôsami. Marî ãpêrãre wee tamúrã, kɨ̃ɨ̂ o'ô'kere keoró weérã weé'.