San Lucas 12:19 - Tukano

¹⁹ “Tu'â eha nɨ'ko, yɨ'ɨ̂ basi a'tîro niîgɨti: Pehé kɨ'marikãhase niiátehere nɨrô'ke kɨó'. Tohô weégɨ yɨ'ɨ̂ ɨaró soó, ba'â, sĩ'rí e'katígɨti'”, niîsami.

Õꞌacʉ̃ Yere Ucũrĩ Turi

¹⁹ “Tuꞌajanʉꞌcõ, yʉꞌʉ basu aꞌtiro nigʉ̃ti: ‘Peje cʉ̃ꞌmarĩ cjase niatjere nʉrõꞌque cʉoꞌo. Tojo weegʉ yʉꞌʉ ʉaro soo, baꞌa, sĩꞌrĩ eꞌcatigʉti’ ”, nisami.

San Lucas 12:19 Iomraidhean Croise

San Lucas 12:18

Be'ró wãkû apokɨ niîwĩ taha: “A'béya. A'tîro weegɨ́ti. Yɨ'ɨ̂ ba'asé nɨrorí wi'ire kõ'â pe'o, nemoró pahirí wi'i weegɨ́ti. Toopɨ́ niî pe'tise otesé dɨkare no'ó yɨ'ɨ̂ kɨosére nɨrôgɨti”, niîsami.

San Lucas 16:19

Jesu fariseu masare niî werêkɨ niîwĩ: —Ni'kɨ́ masɨ́ pehé kɨogɨ́ a'tîro weékɨ niîwĩ. Ãyusé su'tí sãyâ, ma'mâ su'a, niî pe'tise nɨmɨri bosê nɨmɨri weékɨ niîwĩ. Teé bosê nɨmɨrire de'ró niisé niî pe'tise me'ra ãyuró wee mɨhákɨ niîwĩ.

San Lucas 21:34

Yɨ'ɨ̂ a'tiátihi nɨmɨre mɨsâ neê masîtisa'. Tohô weérã mɨsâ basi ãyuró ko'têya. Yã'âro weesére wee poóri niîrã, weetíkã'ya. Ke'atíkã'ya. A'ti ɨmɨ́kohokãhasere wãkû ke'titikã'ya. Tohô weérã mɨsâ wãkûtiro yɨ'ɨ̂ a'tiátihi nɨmɨ niikã́, yã'arã́ boka ehá peha no'osome.

1 Corintios 15:32

Yɨ'ɨ̂ Jesu Cristo yee kitire weresé bu'iri Éfesokãharã yɨ'ɨ̂re wa'îkɨ̃rã yaîwa weeró noho yã'âro weewã́. “Wẽrî'kãrã masasomé” niikã́, mehô waro naâ weesére pi'etí boopã. “Wẽrî'kãrã masasomé” niisé diakɨ̃hɨ́ niikã́ maa, marí kẽ'ra ãpêrã uúkũ wɨaro noho uúkũ boosa'. A'tîro niî boosa': “Te'á ba'ârã, te'á sĩ'rirã́. Maatá wẽrî diharãsa'. Marî wẽriátoho dɨporo tohô weé we'orã”, niî boosa'.

Filipenses 3:19

Be'ropɨ́re pekâ me'epɨ yapatírãsama. Õ'âkɨ̃hɨre ẽho peótima. Naâ ɨâri pehase di'akɨ̃re ẽho peóma. Bopôyaro noho o'ôrã, naâ weesé pe'ere “Ãyú yɨ'rɨa'”, niî yɨ'rɨ nɨ'kama. A'ti nukúkãkãhase di'akɨ̃re wãkûma.

1 Timoteo 5:6

Apêgo wapê wi'io pe'e koô ɨasére weé ma'akã'samo. Koô pekâ me'epɨ wa'aákoho weeró noho niî tohasamo.

1 Timoteo 6:17

No'ó pehé kɨorã́ nohore a'tîro wee dutíya. Naâ “Ãpêrã yɨ'rɨóro niî yɨ'rɨ nɨ'ka'”, niîtikã'ato. Naâ kɨosé me'ra “Ãyuró wa'ârosa'”, niî e'katí yuutikã'ato. Teé keoró nií wee'. Pe'ti dihá wa'ârosa'. Tohô weeró noho o'ôrã, Õ'âkɨ̃hɨ pe'ere e'katíse me'ra yuû kueato. Kɨ̃ɨ̂ katî nu'kugɨ marîre e'katíkã ɨágɨ niî pe'tise marî kɨosére o'ômi.

2 Timoteo 3:4

Naâ me'rakãharã niîmi'kãrãre yã'âro weerã́sama. No'ó ɨaró weé ma'akã'rãsama. Naâ ɨpɨ́tɨ “Ãpêrã yɨ'rɨóro ãyú yɨ'rɨ nɨ'ka'”, niî wãkûrãsama. Õ'âkɨ̃hɨ pe'ere wãkûro noho o'ôrã, e'katí niisétise noho di'akɨ̃re wãkûrãsama.

Santiago 5:5

Mɨsâ pe'e a'ti nukúkãpɨre pehe waró kɨó'. Niî pe'tise mɨsâ ɨasére kɨó yɨ'rɨokã'sa'. Mɨsâ a'tîro weeró noho niî'. Wekɨ̂ naâ wẽheátoho dɨporore ba'â, di'í yohâsami. Kɨ̃ɨ̂ weeró noho mɨsá kẽ'ra pehé kɨosé bu'iri, bu'îri da'rê no'orãsa'.

1 Pedro 4:3

Mɨsâ Jesu Cristore ẽho peótirã naâ weesétise nohore weé tohakãrã niîwɨ. Yã'âro mɨsâ weé sĩ'risere weékãrã niîwɨ. Numiâ me'ra yã'âro weékãrã niîwɨ. Numiâ kẽ'ra ɨmɨá me'ra meharóta yã'âro weékãrã niîwɨ. Ke'ákãrã niîwɨ. Bosê nɨmɨ niikã́ ke'á, karíkũkãrã niîwɨ. Yã'âro weesére yɨ'rɨó keheokã'kãrã niîwɨ. Apêyere Õ'âkɨ̃hɨ dutisére yɨ'rɨ́ nɨ'karã, masá yeê'kere ẽho peókãrã niîwɨ.

Apocalipse 18:7

Tii makákãharã a'tîro niîkãrã niîwã: “Ãpêrã yɨ'rɨóro ãyú yɨ'rɨ nɨ'ka'”, niîkãrã niîwã. Tohô niikã́ naâ no'ó ɨaró apêye nohore duú ma'arã pahiró niyéru kõ'âkã'kãrã niîwã. Naâ tohô weé'kãrãre ɨpɨ́tɨ pũrisé pi'etíkã weeáto. Tii makákãharã a'tîro wãkûsama. “Ɨ̃sâ wiôgo weeró noho niî'. Wapê wi'io weeró noho nií wee'. Neê bɨhâ wetisome”, niî wãkûsama.