San Lucas 11:13 - Tukano

¹³ Mɨsâ yã'arã́ niîmirã, mɨsâ põ'rare ãyusére o'ô masi'. Too pũríkãre marî pakɨ ɨ'mɨ̂sepɨ niigɨ́, nemoró ãyusé o'ôgɨsami. Kɨ̃ɨ̂re sẽrirã́re Espírito Santore o'ôgɨsami, niîkɨ niîwĩ.

Õꞌacʉ̃ Yere Ucũrĩ Turi

¹³ Mʉsã ñaꞌarã nimirã, mʉsã põꞌrãrẽ añusere oꞌomasĩꞌi. To pũrĩcãrẽ marĩ pacʉ ʉꞌmʉsepʉ nigʉ̃́, nemorõ añuse oꞌogʉsami. Cʉ̃rẽ sẽrĩrãrẽ Espíritu Santure oꞌogʉsami, nicʉ niwĩ.

San Lucas 11:13 Iomraidhean Croise

Mateus 5:16

A'té weeró noho bahû yoaropɨ yɨ'ɨ̂ ɨaró noho ãyuró weesétiya. Mɨsâ ãyuró weekã́ ĩ'yârã, ãpêrã kẽ'ra marî pakɨ ɨ'mɨ̂sepɨ niigɨ́re “Ãyú yɨ'rɨgɨ niîmi”, niî e'katírãsama.

Mateus 5:45

Tohô weérã marî pakɨ ɨ'mɨ̂sepɨ niigɨ́ põ'ra niî' niisére ĩ'yorã́sa'. Kɨ̃ɨ̂ ãyurã́, yã'arã́ tiropɨ muhîpũre bo'rê yuukã weemí. Meharóta ãyuró weerã́, yã'âro weerã́ tiropɨ akó pehakã́ weemí.

Mateus 6:14

Ãpêrã mɨsâre yã'âro weé'kere akobohókã, marî pakɨ ɨ'mɨ̂sepɨ niigɨ́ kẽ'ra mɨsâre akobohógɨsami.

Mateus 6:30

O'ôri ni'kâ nɨmɨ katî ni'isa', ape nɨmɨ́ yãî diha wa'ása'. Be'ró pekâ me'epɨ ɨ̃hâ kõ'a no'osa'. Yoâtikã katîmikã, Õ'âkɨ̃hɨta o'ôrire tohô ãyuró bahukã́ weesamí. Kɨ̃ɨ̂ o'ôrire ãyuró ko'teró nemoró mɨsâ pe'ere weesamí. Mɨsâ, mɨsâ ẽho peótise bu'iri wãkû ke'ti'.

Mateus 6:32

A'ti nukúkãkãharã Õ'âkɨ̃hɨre ẽho peótirã teeré wãkû ke'tisama. Marî pakɨ ɨ'mɨ̂sepɨ niigɨ́ mɨsâ ɨasé nohore masî tohasami.

Mateus 7:11

Mɨsâ yã'arã́ niîmirã, mɨsâ põ'rare ãyusére o'ô masi'. Too pũríkãre marî pakɨ ɨ'mɨ̂sepɨ niigɨ́ kɨ̃ɨ̂re sẽrirã́re nemoró ãyusére o'ôgɨsami.

San Lucas 11:12

Tohô niikã́ kãrêkẽ' die sẽrikã́, kutîpare o'ôti boosa'.

San Lucas 11:2

Jesu yɨ'tíkɨ niîwĩ: —Õ'âkɨ̃hɨre sẽrírã, a'tîro niîya: “Pakɨ́, mɨ'ɨ̂ ɨ'mɨ̂sepɨ niî'. Niî pe'tirã mɨ'ɨ̂re wio pesáse me'ra ẽho peoáto. A'ti nukúkãpɨre mɨ'ɨ̂ besé'kɨ maatá wiôgɨ sãhágɨ a'tiáto. Ɨ'mɨ̂sepɨre mɨ'ɨ̂ ɨaró di'akɨ̃ weesamá. Naâ weeró noho a'ti nukúkãkãharã kẽ'ra meharóta weeáto.

San Lucas 18:7

Tohô niikã́ maa, Õ'âkɨ̃hɨ too pũríkãre kɨ̃ɨ̂ besé'kãrãre yamîri, ɨmɨ̂kohori kɨ̃ɨ̂re sẽrí nu'kurãre wee tamútisari? Naâ sẽrí'kere yogosarí?

San Juan 4:10

Jesu niîkɨ niîwĩ: —Mɨ'ɨ̂ Õ'âkɨ̃hɨ masaré o'osére masîtisa'. Yɨ'ɨ́ kẽ'rare masîtisa'. Mɨ'ɨ̂ masîgo pũrikã, yɨ'ɨ̂re sẽri booápã. Mɨ'ɨ̂ sẽrikã́, yɨ'ɨ̂ pe'e akó katisé o'osére o'ô booapã.

Hechos 2:38

Naâ tohô niikã́, Pedro naâre yɨ'tíkɨ niîwĩ: —Bɨhâ weti dɨka yuúya mɨsâ yã'âro weeséti'kere. Jesu Cristore ẽho peó, wamê yee no'oya. Mɨsâ tohô weéka be'ro Õ'âkɨ̃hɨ akobohógɨsami yã'âro weeséti'kere. Tohô niikã́ Espírito Santore o'ôo'gɨsami. Mɨsâ me'ra niî nu'kukɨ̃'sami.

Romanos 5:17

Ni'kɨ́ yɨ'rɨ́ nɨ'ka'ke me'ra wẽrisé se'sâa wa'âpã. Tohô weéro Jesu Cristo wẽrî'ke pe'e tootá yɨ'rɨó'. Õ'âkɨ̃hɨ marîre pahá yã'agɨ, wapa yeétimikã, marîre bu'îri marirã́ tohakã́ weékɨ niîwĩ. Ni'kɨ́ ɨmɨ́ me'rata marîre ɨ'mɨ̂sepɨ katî nu'kuatehere o'ôkɨ niîwĩ. Kɨ̃ɨ̂ Jesu Cristo niîkɨ niîwĩ.

Romanos 7:18

Yɨ'ɨ̂ ãyuró weé sĩ'rimigɨ, weé põo tẽótisa'. Tohô weégɨ a'tîro masî'. Yɨ'ɨ̂pɨre neê ãyusé marí'.

Romanos 8:32

Õ'âkɨ̃hɨ kɨ̃ɨ̂ makɨ waró marikãre o'ôo'kɨ niîwĩ. Neê “O'ôsome” niîtigɨta, marî niî pe'tirã yee niiátehere wẽrî basa dutigɨ tohô o'ôo'kɨ niîwĩ. Apêyepɨ maa tãhâsami maha. De'ró weeákɨhɨ kɨ̃ɨ̂ makɨ́ Jesu Cristore marîre o'ô'kɨ niîmigɨ, apêye niî pe'tisere o'ôti boosabe. O'ôgɨsami.

Tito 3:3

Too dɨpóropɨre marí kẽ'ra tɨ'o masítirã, Õ'âkɨ̃hɨre yɨ'rɨ́ nɨ'kase piharã niîwɨ. Marî bahu dutí'kãrã weeró noho niîwɨ. No'ó ɨaró niî pe'tisere ɨâri pehawɨ. Yã'âro weé nu'kuwɨ. Niî pe'tirãre ɨowɨ́. Ãpêrã marîre yabikã́, marí kẽ'ra naâre yabî a'mewɨ.