San Lucas 10:18 - Tukano

¹⁸ Jesu naâre niîkɨ niîwĩ: —Mɨsâ niîro nohota niî'. Wãtîre ɨ'mɨ̂sepɨ niî'kɨ bɨpô ya'baró weeró noho diháakã ĩ'yâwɨ.

Õꞌacʉ̃ Yere Ucũrĩ Turi

¹⁸ Jesú narẽ nicʉ niwĩ: —Mʉsã nírõnojõta niꞌi. Wãtĩrẽ ʉꞌmʉsepʉ níꞌcʉ bʉpo yaꞌbaro weronojõ docaqueꞌa dijacã ĩꞌawʉ̃.

San Lucas 10:18 Iomraidhean Croise

Mateus 4:10

Tohô niikã́ tɨ'ógɨ, Jesu kɨ̃ɨ̂re niîkɨ niîwĩ: —Wa'âya, wãtî. Õ'âkɨ̃hɨ yee kiti ohâka pũripɨ a'tîro ohâ no'owɨ: “Õ'âkɨ̃hɨ mɨ'ɨ̂ wiôgɨ ni'kɨréta ẽho peóya. Kɨ̃ɨ̂ ni'kɨréta yɨ'tiró ɨá'”, niîwɨ, niîkɨ niîwĩ.

San Juan 12:31

Ni'kâroakãre Õ'âkɨ̃hɨ a'ti ɨmɨ́kohokãharãre besé, bu'îri da'rêgɨsami. Tohô niikã́ a'ti ɨmɨ́kohokãharãre dutigɨ́ wãtî kõ'â wĩro no'ogɨsami.

Hebreos 2:14

Marî wẽrî dihaatihi ɨpɨre kɨó'. Tohô weeró noho Jesu kẽ'ra marî weeró noho ɨpɨtíkɨ niîwĩ. Kɨ̃ɨ̂ marî weeró noho ɨpɨtígɨ, wẽrîkɨ niîwĩ. Kɨ̃ɨ̂ wẽrisé me'ra wãtî wẽrisé o'ogɨ́re dokâ ke'akã weékɨ niîwĩ.

1 João 3:8

Wãtî neê waropɨta yã'agɨ́ niî mɨhati'kɨ niîmi. Tohô weérã yã'âro weesétirã kɨ̃ɨ yarã́ niîma. Jesu Cristo Õ'âkɨ̃hɨ makɨ wãtî yã'âro weesére kõ'âgɨ a'tîgɨ a'ti nukúkãpɨre a'tîkɨ niîwĩ.

Apocalipse 20:2

Kɨ̃ɨ̂ pĩrohó weeró noho bahugɨ́re dɨ'tewĩ́. Pĩrô neê waro a'ti ɨmɨ́koho da'rêka be'rokɨ̃hɨ pĩrô niî no'o'kɨ niîmi. Kɨ̃ɨ̂ wãtiâ wiôgɨ niîmi. Kɨ̃ɨ̂re kome daá me'ra pehé kɨ'mari, mil kɨ'mari dɨ'te kũúwĩ.

Apocalipse 9:1

Ba'pâritirã be'rokɨ̃hɨ putiwĩ́. Kɨ̃ɨ̂ putikã́, ni'kɨ́ yõkoáwɨ̃ nukûkãpɨ bɨrɨ̂ diha'kɨre ĩ'yâwɨ. Kɨ̃ɨ̂re ni'kâ sáwi o'ôwã. Kopê niî bahu dutí dihari peekãha sáwi niîwɨ.