San Lucas 1:17 - Tukano

¹⁷ Kɨ̃ɨ̂ marî wiôgɨ dɨporo werê mɨ'ta sihagɨsami. Dɨporókɨ̃hɨpɨ Õ'âkɨ̃hɨ yeekãhasere werê mɨ'tagɨ Elia marikã Espírito Santo tutuasére kɨó yɨ'rɨakɨ niîwĩ. Kɨ̃ɨ̂ weeró noho kɨ̃ɨ́ kẽ'ra kɨó yɨ'rɨagɨsami. A'tîro weegɨ́sami. Pakɨ sɨmɨáre naâ põ'rá me'ra kumûkã mariró niisétikã weegɨ́sami. Tohô niikã́ yɨ'rɨ́ nɨ'karãre wiôrã dutisére yɨ'tikã́ weegɨ́sami. A'tîro weé masaré marî wiôgɨre yẽ'ê dutigɨ bu'ê yuugɨsami, niîkɨ niîwĩ Õ'âkɨ̃hɨre werê ko'tegɨ.

Õꞌacʉ̃ Yere Ucũrĩ Turi

¹⁷ Cʉ̃ marĩ wiogʉ dʉporo weremʉꞌtãsijagʉsami. Dʉporocjʉ̃pʉ Õꞌacʉ̃ ye cjasere weremʉꞌtãrĩ masʉ̃ Elíamarĩcã Espíritu Santu tutuasere cʉoyʉꞌrʉacʉ niwĩ. Cʉ̃ weronojõ cʉ̃ quẽꞌrã cʉoyʉꞌrʉagʉsami. Aꞌtiro weegʉsami. Pacʉsʉmʉarẽ na põꞌrã meꞌrã cumuca marĩrõ niseticã weegʉsami. Tojo nicã yʉꞌrʉnʉꞌcãrĩ masãrẽ wiorã dutisere yʉꞌticã weegʉsami. Aꞌtiro wee masãrẽ marĩ wiogʉre ñeꞌedutigʉ buꞌeyugʉsami, nicʉ niwĩ Õꞌacʉ̃rẽ werecoꞌtegʉ.

San Lucas 1:17 Iomraidhean Croise

Mateus 11:14

Mɨsâ yɨ'ɨ̂re ẽho peó sĩ'rikã maa, a'tîro niîgɨti. Dɨporókɨ̃hɨpɨ Õ'âkɨ̃hɨ yee kiti werê mɨ'tagɨ a'tîro niîkɨ niîwĩ: “Masaré yɨ'rɨoákɨhɨ a'tiátoho dɨporo Elia Õ'âkɨ̃hɨ yee kiti werê mɨ'tagɨ weeró noho niigɨ́ a'tîgɨsami”, niî ohâ no'okaro niîwɨ. João naâ tohô ohâ no'o'kɨta niîmi.

Mateus 14:4

Kɨ̃ɨ̂ tohô weesére tɨ'ógɨ, João Herode tiropɨ wa'â, a'tîro niîkɨ niîwĩ: —Mɨ'ɨ̂ akabihí nɨmore nɨmôtikã, yã'â niî'. Koôre kɨotíkã'ya, niîkɨ niîwĩ. Kɨ̃ɨ̂ tohô niî'ke bu'iri Herode kɨ̃ɨ̂re bu'îri da'rerí wi'ipɨ sõróo dutikɨ niîwĩ.

Mateus 3:3

João yeekãhásere Õ'âkɨ̃hɨ yee kiti werê mɨ'tagɨ Isaía a'tîro ohâkɨ niîwĩ: Ni'kɨ́ yukɨ́ mariró, masá marirópɨ a'tîro karíkũ nu'ku bahâ ke'atigɨsami: “Marî wiôgɨ a'tiátihi ma'are apo yuúya. Diakɨ̃hɨ́ri ma'a ãyurí ma'a kẽ'râro weeró noho wee yuúya”, niî ohâkɨ niîwĩ. Marî wiôgɨ a'tiátoho dɨporo mɨsâ niisétisere apo yuúya, mɨsâ wãkusére dɨka yuúya niîgɨ, tohô niîkɨ niîwĩ.

Mateus 3:4

João kɨ̃ɨ̂ su'tîro camelo poari me'ra naâ su'â'karo niîkaro niîwɨ. Wa'îkɨ̃rã kasero me'ra ehêri tuukɨ niîwĩ. Pahasé kɨorã naâ ba'asétisere poreroá, nɨkɨ̂kãhase mumia yeé mumire ba'âkɨ niîwĩ.

San Lucas 1:16

Pãharã́ Israel kurakãharã Õ'âkɨ̃hɨ naâ wiôgɨre ẽho peó du'u'kãrãre ẽho peókã weegɨ́sami taha.

San Lucas 1:76

Mɨ'ɨ̂, yɨ'ɨ̂ makɨakã, marî wiôgɨ a'tiátihi ma'are apo yuú mɨ'tagɨ niîgɨsa'. Tohô weégɨ “Õ'âkɨ̃hɨ ɨ'mɨ̂sekɨ̃hɨ yee kitire werê mɨ'tagɨ niîmi”, niî no'ogɨsa'.

San Juan 1:13

Õ'âkɨ̃hɨ põ'ra niisé pakɨ sɨmɨá põ'ratíse weeró noho nií wee'. Kɨ̃ɨ̂ makɨré ẽho peóse me'ra pe'e kɨ̃ɨ̂ põ'rá niî no'o'.

San Juan 1:34

A'té tohô wa'akã́, yɨ'ɨ̂ kɨ̃ɨ̂re ĩ'yâ masiwɨ. Tohô weégɨ mɨsâre werê'. Kɨ̃ɨ́ta niîmi Õ'âkɨ̃hɨ makɨ, niî werêwĩ João.

San Juan 3:28

Mɨsâ yɨ'ɨ̂ werê'kere tɨ'ó tohawɨ. Yɨ'ɨ̂ “Õ'âkɨ̃hɨ besé'kɨ meheta niî'”, niîwɨ. Yɨ'ɨ̂ kɨ̃ɨ̂ dɨporo o'ôo' yuu mɨ'ta'kɨ niî'.

Hechos 10:33

Tohô weégɨ maatá mɨ'ɨ̂re pihî dutigɨ o'ôo'wɨ. Mɨ'ɨ̂ ãyuró weégɨ a'tiápã. Marî niî pe'tirãpɨta Õ'âkɨ̃hɨ ĩ'yóropɨ niî'. Niî pe'tise mɨ'ɨ̂re Õ'âkɨ̃hɨ werê dutisere mɨ'ɨ̂ ɨ̃sâre werekã́ tɨ'ó sĩ'risa', niîkɨ niîwĩ Cornélio Pedrore.

Romanos 9:23

Marîre, kɨ̃ɨ̂ pahá yã'arã pe'ere kɨ̃ɨ̂ ãyú butia'ro niisétisere, kɨ̃ɨ̂ tutuasére masikã́ ɨákɨ niîwĩ. Dɨporópɨ marîre kɨ̃ɨ̂ weeró noho ãyurã́ niiáto niîgɨ, tohô niikã́ kɨ̃ɨ̂ tutuasére kɨoáto niîgɨ bese yuúkɨ niîwĩ.

Colosenses 1:12

Mɨsâ Õ'âkɨ̃hɨre “Ãyú'” niîrãsa'. Kɨ̃ɨ̂ mɨsâ yã'âro weé'kere dɨporópɨ akobohó, dɨka yuú tohakɨ niîwĩ. Tohô weérã mɨsâ kɨ̃ɨ̂ tiropɨ ãpêrã kɨ̃ɨ yarã́, kɨ̃ɨ̂re ẽho peórã me'ra niîrãsa'.

2 Timoteo 2:21

Marî a'té weeró noho yã'asére weetírã, bosê nɨmɨ niikã́ ãyusé paari peosé weeró noho niîrãsa'. Marî wiôgɨ yarã waro niîrãsa'. Kɨ̃ɨ̂ niî pe'tise ãyuró wee dutísere keoró weerã́sa'.

1 Pedro 2:9

Marî pũrikã naâ weeró noho nií wee'. Õ'âkɨ̃hɨ kɨ̃ɨ yarã́ niiáto niîgɨ marîre besékɨ niîwĩ. Tohô weérã marî wiôgɨ yarã sacerdotea weeró noho kɨ̃ɨ yeére da'rarã́ niî'. Õ'âkɨ̃hɨ marîre kɨ̃ɨ yaá kurakãharã sãhakã́ weékɨ niîwĩ. Yã'asé mariró niisétikã weékɨ niîwĩ. Dɨporópɨ Õ'âkɨ̃hɨ kɨ̃ɨ yarã́ masá Israel kurakãharãre yɨ'ɨ̂ werê'ke peheré weékɨ niîwĩ. Mɨsâ Jesu Cristore ẽho peórã niî'. Tohô weégɨ mɨsâre meharóta weemí. Õ'âkɨ̃hɨ marîre ãyuró weé'kere ãpêrãre werê dutigɨ tohô weemí. Õ'âkɨ̃hɨ ãyú yɨ'rɨagɨ marî yã'âro weé'kere akobohómi. Akobohó, na'î tĩ'aropɨ niî'kãrãre marîre yɨ'rɨómi. Tohô weérã ni'kâroakãre kɨ̃ɨ̂ põ'rá bo'rê yuuropɨ niirã́ weeró noho niî'.

1 João 2:28

Ni'kâroakã kẽ'rare kɨ̃ɨ̂ me'ra niî nu'kukã'ya. Marî tohô weérã, kɨ̃ɨ̂ a'ti nukúkãpɨ a'tikã́, kɨ̃ɨ̂re põo tẽrírã ĩ'yâ ɨkɨásome. Bopôyasome.

Apocalipse 20:4

Be'ró, pehé wiôrã duhisé kumurire ĩ'yâwɨ. Tee kumúripɨ duhirã́ a'ti nukúkãkãharãre bese masísere o'ô no'o'kãrã niîwã. Ãpêrã kẽ'rare ĩ'yâwɨ. Naâ Õ'âkɨ̃hɨ yee kiti, tohô niikã́ Jesu yeére weresé bu'iri naâ dɨpopáre dɨtê sure no'o'kãrã niîwã. Naâ yaî weeró noho bahugɨ́ yeê'kere neê ẽho peótikãrã niîwã. Tohô niikã́ naâ diâpoapɨ, naâ amûkãripɨ kɨ̃ɨ̂ wameré neê ohâ õ'o no'otikãrã niîwã. Naâ wẽrî'kãrãpɨ niîmirã, masawã́. Naâ masáka be'ro Cristo me'ra mil kɨ'mari masaré dutî tamuwã.