San Lucas 1:1 - Tukano

¹ Pãharã́ masá ɨ̃sâ wa'teropɨ wa'â'kere Jesu yeé kitire ohâ sĩ'rikãrã niîwã.

Õꞌacʉ̃ Yere Ucũrĩ Turi

¹ Pãjãrã masã ʉ̃sã waꞌteropʉ waꞌaꞌquere Jesú ye quetire ojasĩꞌrĩcãrã niwã.

San Lucas 1:1 Iomraidhean Croise

Marcos 16:20

Tohô wa'âka be'ro kɨ̃ɨ̂ bu'erã́ niî pe'tiropɨ kɨ̃ɨ̂ yɨ'rɨóse kitire werêsterã wa'âkãrã niîwã. Naâ werekã́, Jesu kɨ̃ɨ̂ basita naâre wee tamúkɨ niîwĩ. Naâ weresére diakɨ̃hɨ́ta niî' niîgɨ, ãyusé naâ weé ĩ'yo mɨhakã weékɨ niîwĩ.

San Juan 20:31

Yɨ'ɨ̂ a'ti pũrípɨ Jesu ni'karé kɨ̃ɨ̂ weé ĩ'yo'kere ohâ'. Mɨsâre Jesu Õ'âkɨ̃hɨ besé'kɨ kɨ̃ɨ̂ makɨ́ niîmi niisére ẽho peó dutigɨ ohâ'. Tohô niikã́ kɨ̃ɨ̂re ẽho peórã katî nu'kuato niîgɨ tohô weé'.

Romanos 14:5

Apêye niî nemogɨti. Ni'karérã “Ni'karé nɨmɨri yɨ'rɨóro ape nɨmɨ́ Õ'âkɨ̃hɨre ẽho peóro ɨá'”, niîsama. Ãpêrã pe'e “Niî pe'tise nɨmɨri ni'kâro noho Õ'âkɨ̃hɨ yee niî'”, niîsama. Masa nɨkɨ́ “Õ'âkɨ̃hɨ yɨ'ɨ̂ a'tîro weekã́ ɨasamí”, niiró ɨá'.

Romanos 4:21

“Õ'âkɨ̃hɨ yɨ'ɨ̂re kɨ̃ɨ̂ ‘Weegɨ́ti’ niisére wee masí pe'okã'sami”, niî ẽho peókɨ niîwĩ.

Colosenses 2:2

A'tîro sẽrí': “Õ'âkɨ̃hɨ, naâre wãkû tutuase o'ôya. Ãyuró sɨ'orí niisétiato. A'mêri ma'iáto. Naâ ãyuró mɨ'ɨ yeékãhasere tɨ'o masí pe'oato. Naâ tohô weérã, mɨ'ɨ̂ makɨre ãyuró masîrãsama”, niî sẽri basá'. Neê waropɨre Õ'âkɨ̃hɨ niî pe'tise kɨ̃ɨ̂ makɨ́ Jesu Cristo yeekãhasere werêtikɨ niîwĩ. A'tóka terore maha kɨ̃ɨ yeére werêmi.

Colosenses 4:12

Epafra mɨsâ me'rakɨ̃hɨ ãyu dutími. Kɨ̃ɨ̂ Jesu Cristo yeekãhasere da'rá ko'tegɨ niîmi. Kɨ̃ɨ̂ mɨsâre ɨpɨ́tɨ sẽri baságɨ weemí. Õ'âkɨ̃hɨre ãyuró siru tuuáto, kɨ̃ɨ̂ ɨaró ãyuró weé nu'kuato niîgɨ, tohô sẽri basámi.

1 Tesalonicenses 1:5

Mɨsâre Jesu yeé kitire werêrã, ɨ̃sa yeé ɨseri me'ra di'akɨ̃ werêtiwɨ. Espírito Santo tutuasé me'ra werêwɨ. Ɨ̃sâ bu'esé diakɨ̃hɨ́ta niî' niîrã, mɨsâre bu'êwɨ. Mɨsâ masísa'. Ɨ̃sâ toopɨ́ niîrã, mɨsâre ma'írã, ãyuró weesétiwɨ.

1 Timoteo 3:16

Diakɨ̃hɨ́ta niî'. Marî ẽho peóse too dɨpóro masá masîti'ke niî'. Mehô niisé nií wee'. Ãyusé waro niî'. A'tîro niî': Õ'âkɨ̃hɨ makɨ masɨ́ weeró noho ɨpɨtígɨ a'ti nukúkãpɨre bahuákɨ niîwĩ. Espírito Santo kɨ̃ɨ̂re “Ãyugɨ́ waro niîmi”, niî werê bahurẽ'kɨ niîwĩ. Õ'âkɨ̃hɨre werê ko'terã ɨ'mɨ̂sepɨ niirã́ kɨ̃ɨ̂re ĩ'yâkãrã niîwã. Kɨ̃ɨ yeé kiti a'ti nukúkãpɨre werê se'sa no'o'. A'ti nukúkãpɨre masá kɨ̃ɨ̂re ẽho peóma. Be'ró Õ'âkɨ̃hɨ ɨ'mɨ̂sepɨ kɨ̃ɨ̂re miáakɨ niîwĩ.

2 Timoteo 4:17

Õ'âkɨ̃hɨ pũrikã yɨ'ɨ̂re wee tamúwĩ. Yɨ'ɨ̂re tutuasé o'ôwĩ. Tohô weégɨ wiôrãre yɨ'ɨ̂ a'tîro werêwɨ. Jesu Cristo masá yã'âro niiséti'kere yɨ'rɨómi niisé kitire naâre werê pe'okã'wɨ. Niî pe'tirã a'ti ɨmɨ́kohokãharã Judeu masa niîtirã tee kitíre tɨ'oáto niîgɨ tohô werêwɨ. Apêye kẽ'rare Õ'âkɨ̃hɨ yɨ'ɨ̂re a'tîro weewĩ́. Yaîwa ba'â no'o boo'kɨre weeró noho wiosé wa'teropɨ niigɨ́re yɨ'rɨ wetíkã weewĩ́.

Hebreos 10:22

Tohô weérã Õ'âkɨ̃hɨre keoró wãkusé, ãyuró ẽho peóse me'ra sẽrirã́. “Tohô ẽho peó ma'akãrã weésa'” niiró mariró sẽrirã́. A'tîro niî'. Kɨ̃ɨ̂ marî yã'âro bu'îritirã tɨ'ó yã'a'kere bu'îri marirã́ tohakã́ weékɨ niîwĩ. Mari yaá ɨpɨ akó ãyusé me'ra ɨ'ó no'o'karo weeró noho niî'. Marî yã'âro weé'kere kõ'â pe'o no'o'kãrãpɨ niî'.

Hebreos 6:11

Mɨsâ a'tîro weekã́ ɨpɨ́tɨ ɨá'. Ãpêrãre wee tamúrã, mɨsâ nɨkɨ e'katíse me'ra ãyuró weé sĩ'risere tohôta weé yapatíkã'ya. Tohô weéro Õ'âkɨ̃hɨ “O'ôgɨti” niî'ke keoró mɨsâ wãkû'karo nohota wa'ârosa'.