San Juan 8:54 - Tukano

⁵⁴ Jesu naâre niîwĩ: —Yɨ'ɨ̂, yɨ'ɨ̂ basi, ni'kɨtá ãyuró uúkũ me'rise wapa marí'. “Ɨ̃sâ pakɨ Õ'âkɨ̃hɨ niîmi” mɨsâ niigɨ́ta yɨ'ɨ̂re ãyuró uúkũmi.

Õꞌacʉ̃ Yere Ucũrĩ Turi

⁵⁴ Jesú narẽ niwĩ: —Yʉꞌʉ, yʉꞌʉ basu, niꞌcʉ̃ta añurõ ucũmeꞌrĩse wapamarĩꞌi. “Ʉ̃sã pacʉ Õꞌacʉ̃ nimi” mʉsã nigʉ̃́ta yʉꞌʉre añurõ ucũmi.

San Juan 8:54 Iomraidhean Croise

San Juan 17:1

Jesu tohô niîka be'ro ĩ'yâ moro, a'tîro niîwĩ: —Pakɨ́, mɨ'ɨ̂ yɨ'ɨ̂re kũû'ke ehâ'. Yɨ'ɨ̂ mɨ'ɨ̂ makɨ niisére masaré ĩ'yoyá. Mɨ'ɨ̂ tohô weekã́, yɨ'ɨ̂ masaré mɨ'ɨ̂ tutuasére, mɨ'ɨ̂ ãyú yɨ'rɨsere ĩ'yogɨ́sa'.

San Juan 17:5

Pakɨ́, a'ti nukúkã weeátoho dɨporo yɨ'ɨ̂ mɨ'ɨ̂ me'ra niîwɨ. Mɨ'ɨ̂ me'ra niîgɨ, mɨ'ɨ̂ weeró noho niisétiwɨ. Ni'kâroakãre mɨ'ɨ̂ tiropɨ wa'âgɨ weé'. Yɨ'ɨ̂re meharóta weeyá taha.

San Juan 2:11

Jesu a'teré Galiléia wamêtiro Caná wamêtiri makapɨ tohô weewĩ́. A'té neê waro kɨ̃ɨ̂ tutuaró me'ra weé ĩ'yo nɨ'ka'ke niî'. Teeré ĩ'yârã, ɨ̃sâ kɨ̃ɨ̂ bu'erã́ kɨ̃ɨ̂re ẽho peówɨ.

San Juan 5:41

Masá yɨ'ɨ̂re ãyuró uúkũkã ɨá wee'.

San Juan 7:18

Ni'kɨ́ kɨ̃ɨ̂ ɨaró uúkũ ma'agɨ “Kɨ̃ɨ̂ ãyuró uúkũ me'rimi” niikã́ tɨ'ó sĩ'risami. Ãpí Õ'âkɨ̃hɨ ɨaró weregɨ́ pe'e masá “Õ'âkɨ̃hɨre ãyú yɨ'rɨami” niikã́ ɨasamí. Kɨ̃ɨ̂ pũrikã niî sooti, diakɨ̃hɨ́ uúkũsami.

San Juan 7:39

Kɨ̃ɨ̂ akó a'mâ bɨro nu'kusere uúkũgɨ, Espírito Santore uúkũgɨ weewĩ́. Kɨ̃ɨ́ta Jesuré ẽho peórãpɨre sãháakɨhɨ niîgɨsami niîgɨ, tohô niîwĩ. Tiîtare Espírito Santo kɨ̃ɨ̂ a'tiátoho dɨporo niîwɨ. Jesu kɨ̃ɨ̂ wẽrî masa mɨháti yuukã, Espírito Santo a'tîtiwĩ yuhûpɨ.

San Juan 8:41

Mɨsâ pe'e mɨsâ pakɨ weesé nohore weésa', niîwĩ Jesu. Kɨ̃ɨ̂ tohô niikã́ tɨ'órã, naâ niîwã: —Ɨ̃sâ, pakɨ́ marirã́, tohô boká'kãrã weeró noho nií wee'. Õ'âkɨ̃hɨ ni'kɨtá ɨ̃sâ pakɨ niîmi.

San Juan 8:50

Yɨ'ɨ̂, yeekãhásere masá ãyuró uúkũato niisére a'mâgɨ meheta weé'. Ni'kɨ́ niîmi yɨ'ɨ̂re ãyuró uúkũgɨ. Kɨ̃ɨ́ta besegɨ́sami.

Hechos 3:13

Ɨ̃sâ tutuaró meheta niiápɨ. Jesu kɨ̃ɨ̂ tutuaró me'ra kɨ̃ɨ̂ sihâ masitigɨ niî'kɨ sihâmi. Marî yẽkɨ sɨmɨá Abraão, Isaque, Jacó, ãpêrã marî yẽkɨ sɨmɨá naâ wiôgɨ niî'kɨ niîmi Õ'âkɨ̃hɨ ɨ'mɨ̂sepɨ niigɨ́. Kɨ̃ɨ́ta taha “Yɨ'ɨ̂ makɨ ãyú yɨ'rɨagɨ niîmi” niî, tutuasére ĩ'yoámi. Kɨ̃ɨ̂ makɨtá ã'rí sihâ masitigɨ niî'kɨre sihakã́ weeámi. Kɨ̃ɨ̂reta mɨsâ wiôrãre o'ôwɨ. Pilato ĩ'yóro mɨsâ kɨ̃ɨ̂re ɨatíwɨ. Kɨ̃ɨ̂ “Kɨ̃ɨ̂re du'ugɨ́ti” niîmikã, mɨsâ “Du'utíkã'ya”, niîwɨ.

2 Corintios 10:18

Ni'kɨ́ kɨ̃ɨ̂ basi uúkũgɨ, “Yɨ'ɨ̂ ãyuró weé'” niigɨ́ nohore “Kɨ̃ɨ̂ ãyugɨ́ niîmi”, niîta basió wee'. Jesu Cristo marî wiôgɨ “Ãyugɨ́ niîmi” niî no'ogɨ pe'e ãyugɨ́ niîmi.

1 Pedro 1:12

Õ'âkɨ̃hɨ naâ masî sĩ'rikã ĩ'yâgɨ, naâre a'tîro werêkɨ niîwĩ: “A'te kití mɨsâ niirí kurare wa'âsome yuhûpɨ. Be'rokãhárãpɨ a'teré ĩ'yârãsama”, niîkɨ niîwĩ. Naâre teeré werê yuugɨ, marî a'tóka terokãharã pe'ere werêgɨ weékɨ niîwĩ. Tohô weégɨ Õ'âkɨ̃hɨ a'tóka terore a'tîro weemí maha. Espírito Santo ɨ'mɨ̂sepɨ niigɨ́re kɨ̃ɨ yeé kiti wererã́ me'ra mɨsâre werê dutigɨ o'ôo'kɨ niîwĩ. Naâ Espírito Santo tutuaró me'ra teeré a'tîro werêma. “Jesu Cristo a'tî tohakɨ niîwĩ. Marîre yɨ'rɨó'kɨ niîmi”, niîma. Õ'âkɨ̃hɨre werê ko'terã ɨ'mɨ̂sekãharã kẽ'ra masaré yɨ'rɨósere “De'ró niî butia'ti?” niî masî sĩ'risama.

1 Pedro 1:21

Jesu Cristo wẽrisé me'ra Õ'âkɨ̃hɨre ẽho peó no'o'. Kɨ̃ɨ̂ Jesu Cristore wẽrî'kɨpɨre masókɨ niîwĩ. Masó, ɨ'mɨ̂sepɨ kɨ̃ɨ̂re mii mɨhákɨ niîwĩ. Toopɨ́ kɨ̃ɨ̂re wiôgɨ sõróokɨ niîwĩ. Marîre ẽho peó dutigɨ tohô weékɨ niîwĩ. Tohô niikã́ marî ɨ'mɨ̂sepɨ wa'aátehere e'katíse me'ra yuû kue dutigɨ tohô weékɨ niîwĩ.

2 Pedro 1:17

Kɨ̃ɨ̂ pakɨ́ Õ'âkɨ̃hɨ kɨ̃ɨ̂ tutuasére, kɨ̃ɨ̂ asistésere ĩ'yokã́ ĩ'yâwɨ. Kɨ̃ɨ̂ tohô weerí kura ɨ'mɨ̂sepɨ uúkũgɨ, a'tîro niîwĩ: “Ã'rí yɨ'ɨ̂ makɨ yɨ'ɨ̂ ma'igɨ́ niîmi. Kɨ̃ɨ̂ me'ra e'katí'”, niîwĩ.