San Juan 8:32 - Tukano

³² Tohô weérã mɨsâ diakɨ̃hɨ́ niisére masîrãsa'. Teeré diakɨ̃hɨ́ niisére masîrã, mɨsâ yã'âro weesére dutigɨ́ doka niîsome.

Õꞌacʉ̃ Yere Ucũrĩ Turi

³² Diacjʉ̃cjʉ̃rẽ masĩrãsaꞌa. Cʉ̃rẽ masĩrã, mʉsã ñaꞌarõ weesere dutigʉ doca nisome.

San Juan 8:32 Iomraidhean Croise

Mateus 11:29

Yɨ'ɨ̂ dutisére, yɨ'ɨ̂ ɨaró noho weeyá. Mɨsâ tohô weekã́, wee tamúgɨti. Yɨ'ɨ̂ da'ra dutípegɨ nií wee'. Yɨ'ɨ̂ mɨsâre pahá yã'agɨ, mehô niigɨ́ weeró noho weé'. Mɨsâ bɨhâ wetisere yɨ'ɨ̂re werekã́, mɨsâre e'katísere dɨka yuúgɨti.

San Juan 1:14

Õ'âkɨ̃hɨ makɨ Õ'âkɨ̃hɨ niisétisere ĩ'yogɨ́ a'ti ɨmɨ́kohopɨre a'tîkɨ niîwĩ. Masɨ́ ẽha tĩhágɨ, ɨ̃sâ me'ra niîwĩ. Masaré ma'í yɨ'rɨwĩ. Niî pe'tise kɨ̃ɨ̂ uúkũ'ke, tohô niikã́ kɨ̃ɨ̂ weé'ke diakɨ̃hɨ́ niîwɨ. Kɨ̃ɨ̂ Õ'âkɨ̃hɨ weeró noho tutuâ yɨ'rɨgɨ, ãyú yɨ'rɨgɨ niîwĩ. Kɨ̃ɨ̂ tohô weesétisere ĩ'yâwɨ. Kɨ̃ɨ̂ Õ'âkɨ̃hɨ makɨ ni'kɨtá niîmi. Tohô weégɨ kɨ̃ɨ̂ pakɨ́ weeró noho niîmi.

San Juan 1:17

Õ'âkɨ̃hɨ dutisé Moisé me'ra o'ô no'okaro niîwɨ. Jesu Cristo me'ra pe'e maa Õ'âkɨ̃hɨ marîre ma'isére masî no'o'. Tohô niikã́ diakɨ̃hɨ́kãhasere masî no'o'.

San Juan 14:6

Jesu kɨ̃ɨ̂re niîwĩ: —Yɨ'ɨ̂, yɨ'ɨ̂ pakɨ tiropɨ wa'arí ma'a weeró noho niî'. Yɨ'ɨ̂ masaré toopɨ́ wa'akã́ weegɨ́ niî'. Yɨ'ɨ̂ masaré diakɨ̃hɨ́kãhasere masikã́ weé'. Naâre katî nu'kukã weegɨ́ niî'. Yɨ'ɨ̂re ẽho peórã di'akɨ̃ yɨ'ɨ̂ pakɨ tiropɨ wa'ârãsama.

San Juan 16:13

Espírito Santo a'tîgɨ, niî pe'tisere keoró werêgɨsami. Kɨ̃ɨ̂ diakɨ̃hɨ́ uúkũgɨ niîmi. Kɨ̃ɨ̂ se'saro uúkũsome. Õ'âkɨ̃hɨ uúkũsere, kɨ̃ɨ̂ tɨ'ó'kere werê turiagɨsami. Be'ropɨ́ wa'aátehe kẽ'rare mɨsâre werê yuugɨsami.

San Juan 17:17

Mɨ'ɨ yeé kiti diakɨ̃hɨ́ waro niî'. Teé me'ra naâre mɨ'ɨ̂ ɨaró weeáhã ãyurã́ wa'akã́ weeyá.

San Juan 6:45

Õ'âkɨ̃hɨ yee kiti werê mɨ'tarã a'tîro ohâkãrã niîwã: “Õ'âkɨ̃hɨ niî pe'tirãre bu'êgɨsami.” Tohô weérã niî pe'tirã yɨ'ɨ̂ pakɨ weresére tɨ'ó ẽho peórã yɨ'ɨ̂re siru tuúrãsama.

San Juan 7:17

No'ó Õ'âkɨ̃hɨ ɨaró weé sĩ'rigɨ noho yɨ'ɨ̂ uúkũsere “Diakɨ̃hɨ́ta niî'”, niî masîgɨsami. “Õ'âkɨ̃hɨ dutiró bu'êmi. Kɨ̃ɨ̂ ɨaró bu'êtimi”, niîgɨsami.

San Juan 8:36

Yɨ'ɨ̂ Õ'âkɨ̃hɨ makɨ mɨsâ yã'âro weesé doka niîmi'kãrãre yɨ'rɨ wetíkã weégɨ a'tîwɨ. Tohô weéka be'ro diakɨ̃hɨ́ta mɨsâ yɨ'rɨó no'o'kãrã niîrãsa'.

Romanos 6:22

Ni'kâroakãre marî yã'âro weesére yɨ'rɨ wetí'kãrãpɨ niî'. Yã'âro weesé doka nií wee' maha. Õ'âkɨ̃hɨ dutisére da'rá wã'ya ko'terã niî'. Tee pũríkã ãyuró yapatísa'. Marî, marî wiôgɨ Õ'âkɨ̃hɨ me'ra niî'. Siâpe me'ra kɨ̃ɨ̂ ɨaró noho weérã, ãyusé, kɨ̃ɨ̂ tiropɨ katî nu'kusere bokarã́sa'.

Romanos 8:15

Õ'âkɨ̃hɨ Espírito Santore marîre o'ôo'kɨ niîwĩ. Tohô weérã ni'kâroakãre da'rá ko'terã naâ wiôgɨre uîrã weeró noho nií wee'. Marîre Õ'âkɨ̃hɨ põ'ra sãhakã́ weesamí. Tohô weérã kɨ̃ɨ̂ wee tamúro me'ra marî Õ'âkɨ̃hɨre “Pakɨ́”, niî masi'.

1 Corintios 7:22

Õ'âkɨ̃hɨ marî wiôgɨ Jesu Cristore ẽho peó dutigɨ mɨsâre besékɨ niîwĩ. Mɨsâre besé nɨ'kaka terore da'rá ko'terã niî'kãrã niîwɨ. Ni'kâroakã maa a'tîro niî'. Tohô da'rá ko'terã niîmirã, Jesu Cristo yarã niî tĩharã, da'rá ko'tesere wiháa'kãrã weeró noho niî'. Kɨ̃ɨ yeékãhasere da'rá'. Ãpêrã kẽ'ra kɨ̃ɨ̂ besé nɨ'kari kurare da'rá ko'tetirã niîkãrã niîwã. Ni'kâroakã maa Jesu Cristore da'rá ko'terã weeró noho niîma.

Gálatas 5:1

Jesu Cristo marîre marî yẽkɨ sɨmɨá wee mɨháti'ke doka niî'kãrãre yɨ'rɨókɨ niîwĩ. Õ'âkɨ̃hɨ põ'ra wa'â dutigɨ marîre yã'âro weé'kere wẽrî wapa yeé basakɨ niîwĩ. Marîre too dɨpóropɨre pehé dutisé niîkaro niîwɨ. Ni'kâroakãre Jesu Cristore ẽho peórã maha tiîtapɨ niî'karo noho nií wee'. Niî soorã mɨsâre a'tîro niî boosama. “Õ'âkɨ̃hɨ me'ra ãyuró niî sĩ'rirã, Moisé dutisére weeyá”, niî boosama. Tohô niikã́, tɨ'otíkã'ya. Teeré weetíkã'ya. Mɨsâ teeré weérã, da'rá ko'terã weeró noho wa'ârãsa' taha.

Gálatas 5:13

Akawerérã, Õ'âkɨ̃hɨ mɨsâre Moisé dutisé doka niiáto niîgɨ meheta kũûkɨ niîwĩ. Mɨsâ “Moisé dutisé doka nií wee'” niîmirã, “No'ó ɨ̃sâ yã'âro ɨâri pehasere weerã́ti”, niîtikã'ya. A'tîro pe'e weeyá. Ãpêrãre ma'írã, wee tamúya.

2 Timoteo 3:7

Niî pe'tise bu'esére masî sĩ'rimirã, neê diakɨ̃hɨ́kãhasere masî tu'a ehatisama.

Santiago 1:25

Ãpí pe'e kɨ̃ɨ̂ Õ'âkɨ̃hɨ yee tɨ'ó'kere wãkû nu'ku, akobohótisami. Õ'âkɨ̃hɨ dutîro noho marî weé nu'kukã, kɨ̃ɨ̂ niî pe'tise marî weesé me'ra e'katíkã weegɨ́sami. Õ'âkɨ̃hɨ yee kiti diakɨ̃hɨ́ta niî'. Teé me'ra marî yã'âro weé'kere yɨ'rɨ wetíkã weékɨ niîwĩ.

Santiago 2:12

Kɨ̃ɨ̂ dutisé marîre pahá yã'a, ma'i dutí'. Teé dutisé me'ra marîre besegɨ́sami. Tohô weérã ãpêrãre ma'ití, pahá yã'atirã, bu'îritirãsa'. Kɨ̃ɨ̂ tohô beseátehere masîrã, marî uúkũsere, marî weesére ãyuró wãkû yuuro ɨá'.

1 Pedro 2:16

Õ'âkɨ̃hɨ marîre yɨ'rɨó tohakɨ niîwĩ. Tohô weérã yɨ'rɨó no'o'kãrã weeró noho weesétirã. A'tîro wãkûtikã'rã. “Yɨ'ɨ̂ ãpêrã dutisé doka nií wee'. Tohô weégɨ yɨ'ɨ̂ ɨaró weegɨ́ti”, niîtikã'rã. A'tîro pe'e weerã́. Õ'âkɨ̃hɨre ma'í, kɨ̃ɨ̂ ɨaró weerã́. Yã'asére weetíkã'rã. Da'rá ko'terã naâ wiôgɨ dutisére ãyuró yɨ'tirã́ weeró noho marí kẽ'ra Õ'âkɨ̃hɨ dutisére yɨ'tirã́.

2 João 1:1

Yɨ'ɨ̂ Jesu Cristore ẽho peórãre sɨ'orí niigɨ́ niî'. Yɨ'ɨ̂ mɨ'ɨ̂re Õ'âkɨ̃hɨ besé'kore ohâ'. Mɨ'ɨ̂ põ'ra kẽ'rare ohâ'. Yɨ'ɨ̂ mɨsâre diakɨ̃hɨ́ta ma'í'. Yɨ'ɨ̂ di'akɨ̃ meheta mɨsâre ma'í'. Niî pe'tirã diakɨ̃hɨ́kãhase Jesu Cristo yee kitire tɨ'ó'kãrã mɨsâre ma'imá.