San Juan 8:17 - Tukano

¹⁷ Mɨsâre dutisé naâ ohâ'ke a'tîro niî': “Pɨárã masá ni'kâro noho naâ ĩ'yâ'kere werê sãakã, ẽho peóro ɨá'.”

Õꞌacʉ̃ Yere Ucũrĩ Turi

¹⁷ Mʉsãrẽ dutise na ojaꞌque aꞌtiro niꞌi: “Pʉarã masã niꞌcãrõnojõ na ĩꞌaꞌquere weresãcã, ẽjõpeoroʉaꞌa.”

San Juan 8:17 Iomraidhean Croise

Mateus 18:16

Kɨ̃ɨ̂ yɨ'titíkã maa, ni'kɨ́ ou pɨárãre pihîo, kɨ̃ɨ̂ tiropɨ wa'âya. Naâ tɨ'óropɨ werêya kɨ̃ɨ̂ mɨ'ɨ̂re yã'âro weé'kere. Tohô weéro Õ'âkɨ̃hɨ yee kiti ohâka pũri niî'karo nohota pɨárã ou i'tiárã tɨ'óropɨ “Diakɨ̃hɨ́ta niî'”, niî masî no'orosa'.

San Juan 10:34

Jesu naâre niîwĩ: —Mɨsâ dutisé wa'teropɨre Õ'âkɨ̃hɨ niî'kere a'tîro ohâ no'okaro niîwɨ: “Mɨsâ Õ'âkɨ̃hɨ weeró noho niî'.”

San Juan 15:25

Õ'âkɨ̃hɨ yee kiti ohâka pũripɨ niîro nohota keoró wa'âro weé'. A'tîro niî': “Bu'îri moomíkã, yɨ'ɨ̂re ĩ'yâ tu'tiwã”, niî ohâ no'owɨ.

2 Corintios 13:1

Ni'kâroakã yɨ'ɨ̂ mɨsâ tiropɨ wa'asé me'ra i'tiáti wa'ârosa'. Õ'âkɨ̃hɨ yee kiti ohâka pũripɨre a'tîro ohâ no'okaro niîwɨ: “Pɨárã ou i'tiárã ĩ'yâka be'ro marî ãpêrã weé'kere ĩ'yâ'kãrã werê sãa masi no'o'.”

Gálatas 3:24

Moisé dutisé me'ra Õ'âkɨ̃hɨ marîre “Yã'arã́ niî'” niî masî dutigɨ kũûkɨ niîwĩ. Teeré masîrã, marî “De'ró weé yã'âro niisére du'urã́sari?” niiáto niîgɨ kũûkɨ niîwĩ. Be'ró Jesu Cristo a'tikã́, marî a'teré masîkãrã niîwɨ. “Kɨ̃ɨ̂re ẽho peórã, Õ'âkɨ̃hɨ me'ra ãyuró niî masisa'”, niîkãrã niîwɨ.

Gálatas 4:21

Mɨsâ a'tîro wãkûmisa'. “Moisé dutisére weérã, Õ'âkɨ̃hɨ me'ra ãyuró niîkã'rãsa'”, niîmisa'. Tohô wãkûmirã, Moisé dutisére keoró masîtisa'. Keoró masîrã pũrikã, mɨsâ wãkuró noho wãkûti boopã.

Hebreos 10:28

Too dɨpóropɨre no'ó Moisé dutî'kere yɨ'rɨ́ nɨ'kagɨre pɨárã ou i'tiárã werê sãaka be'ro kɨ̃ɨ̂re neê pahá yã'atikãrã niîwã. Kɨ̃ɨ̂re wẽhé kõ'akãrã niîwã.

1 João 5:9

Masá naâ ĩ'yâ'kere werekã́ marikãre, marî ẽho peó'. Õ'âkɨ̃hɨ kɨ̃ɨ̂ makɨ yeére werekã́ pũrikãre, nemoró ẽho peóro ɨá'. Kɨ̃ɨ̂ masá uúkũse nemoró keoró werêmi.

Apocalipse 11:3

Be'ró Õ'âkɨ̃hɨ niî nemowĩ taha: —Pɨárã yarã́, yeekãhásere wererã́re o'ôo'gɨti. Naâ pehé ɨmɨ̂kohori, mil duzentos sessenta nɨmɨri yeekãhásere uúkũrãsama. Naâ bɨhâ wetisere ĩ'yórã naâ wee wɨáro noho su'tí wãkisére sãyâ, uúkũrãsama, niîwĩ.