San Juan 7:37 - Tukano

³⁷ Jesu bosê nɨmɨ naâ wee tɨóri nɨmɨre wã'kâ nɨ'ka, tutuaró me'ra niîwĩ: —Ako wɨórã, yɨ'ɨ̂ tiropɨ a'tî, sĩ'rírã a'tiá.

Õꞌacʉ̃ Yere Ucũrĩ Turi

³⁷ Jesú bosenʉmʉ na weeyapatiri nʉmʉ warore wãꞌcãnʉꞌcã, tutuaro meꞌrã niwĩ: —Acowʉorã, yʉꞌʉ tiropʉ aꞌti, sĩꞌrĩrã aꞌtia.

San Juan 7:37 Iomraidhean Croise

Mateus 11:28

Mɨsâ basi wee tutuáse me'ra Õ'âkɨ̃hɨre e'katíkã weé sĩ'ri'. Tohô weérã nɨkɨsére wɨarã́, da'rá kari butírã weeró noho niî'. Mɨsâ bu'îri tɨ'ó yã'arã, bɨhâ wetirãre a'tîro niîgɨti. Mɨsâ tohô tɨ'ó yã'asere yɨ'ɨ̂re werêya. Yɨ'ɨ̂ mɨsâre wee tamúgɨti. Mɨsâ tohô weekã́, yɨ'ɨ̂ mɨsâre ãyuró tɨ'ó yã'ase o'ôgɨti.

Mateus 3:3

João yeekãhásere Õ'âkɨ̃hɨ yee kiti werê mɨ'tagɨ Isaía a'tîro ohâkɨ niîwĩ: Ni'kɨ́ yukɨ́ mariró, masá marirópɨ a'tîro karíkũ nu'ku bahâ ke'atigɨsami: “Marî wiôgɨ a'tiátihi ma'are apo yuúya. Diakɨ̃hɨ́ri ma'a ãyurí ma'a kẽ'râro weeró noho wee yuúya”, niî ohâkɨ niîwĩ. Marî wiôgɨ a'tiátoho dɨporo mɨsâ niisétisere apo yuúya, mɨsâ wãkusére dɨka yuúya niîgɨ, tohô niîkɨ niîwĩ.

Mateus 5:6

Õ'âkɨ̃hɨ yee, diakɨ̃hɨ́ niisére masî sĩ'rirã, ɨhá boâ, ako wɨó'kãrã weeró noho niîsama. Tohô ɨhá boâ, ako wɨórã weeró noho masî sĩ'rirãre Õ'âkɨ̃hɨ e'katíse o'ôgɨsami. Naâ Õ'âkɨ̃hɨ yeere masîka be'ro ba'â, sĩ'ri tuúrã weeró noho niîsama.

San Juan 1:23

João naâre yɨ'tiwĩ́: —Dɨporókɨ̃hɨ Õ'âkɨ̃hɨ yee kiti werê mɨ'tagɨ Isaía wamêtigɨ niî'karo nohota “Ni'kɨ́ yukɨ́ mariró, masá marirópɨ karíkũ nu'ku bahâ ke'atigɨsami” niî no'o'kɨ niî'. Isaía a'tîro niîkɨ niîwĩ: Marî wiôgɨ a'tiátihi ma'are apo yuúya. Diakɨ̃hɨ́ri ma'a, ãyurí ma'a kẽ'râro weeró noho wee yuúya, niî ohâkɨ niîwĩ. Marî wiôgɨ a'tiátoho dɨporo mɨsâ niisétisere apo yuúya, mɨsâ wãkusére dɨka yuúya niîgɨ, tohô niîkɨ niîwĩ.

San Juan 14:6

Jesu kɨ̃ɨ̂re niîwĩ: —Yɨ'ɨ̂, yɨ'ɨ̂ pakɨ tiropɨ wa'arí ma'a weeró noho niî'. Yɨ'ɨ̂ masaré toopɨ́ wa'akã́ weegɨ́ niî'. Yɨ'ɨ̂ masaré diakɨ̃hɨ́kãhasere masikã́ weé'. Naâre katî nu'kukã weegɨ́ niî'. Yɨ'ɨ̂re ẽho peórã di'akɨ̃ yɨ'ɨ̂ pakɨ tiropɨ wa'ârãsama.

San Juan 4:10

Jesu niîkɨ niîwĩ: —Mɨ'ɨ̂ Õ'âkɨ̃hɨ masaré o'osére masîtisa'. Yɨ'ɨ́ kẽ'rare masîtisa'. Mɨ'ɨ̂ masîgo pũrikã, yɨ'ɨ̂re sẽri booápã. Mɨ'ɨ̂ sẽrikã́, yɨ'ɨ̂ pe'e akó katisé o'osére o'ô booapã.

San Juan 4:11

Koô niî nemoko niîwõ taha: —Yẽ'é me'ra mɨ'ɨ̂ akoré waa mií boosari? A'ti peé ɨ̃'kɨá niî'. No'opɨ́ mɨ'ɨ̂ akó katisé o'osére boka boósari?

San Juan 4:14

Yɨ'ɨ̂ o'osé pe'ere sĩ'rírã, neê ako wɨósome. Naâpɨre naa yeé ehêri põ'raripɨ akó a'mâ bɨro nu'kuro weeró noho niîrosa'. Naâ katî nu'kukã'rãsama.

San Juan 5:40

Mɨsâ katî nu'kusere ɨamírã, yɨ'ɨ̂re ẽho peó sĩ'ri wee'.

San Juan 6:35

Jesu naâre niîwĩ: —Yɨ'ɨ́ta ba'asé ɨ'mɨ̂sekãhase niî'. Katî nu'kukã weé'. Yɨ'ɨ̂re ẽho peó siru tuúgɨ neê ɨhá boâsome. Neê ako wɨósome. A'tîro niî'. Ba'â yapîgɨ ɨhá boâtimi. Sĩ'rí yapîgɨ ako wɨótimi. A'té weeró noho yɨ'ɨ̂re ẽho peórã yapîrã weeró noho ãyuró tɨ'ó yã'a nu'kurãsama.

San Juan 6:37

Niî pe'tirã yɨ'ɨ̂ pakɨ o'ô'kãrã yɨ'ɨ̂re ẽho peósama. Yɨ'ɨ̂re naâ ẽho peókã, naâre yẽ'êtikã weesomé.

San Juan 6:55

Yeé ɨpɨ́ ba'asé waro niî'. Yeé diî sĩ'risé waro niî'.

San Juan 7:28

Jesu kɨ̃ɨ̂ bu'erí kura naâ tohô niî uúkũkã tɨ'ógɨ, tutuaró naâre niîwĩ: —Mɨsâ yɨ'ɨ̂re masî', niîmi baa. Tohô niikã́ yɨ'ɨ̂ a'tî'karopɨre masísa'. Yɨ'ɨ̂ ɨaró me'ra a'tîtiwɨ. Yɨ'ɨ̂re o'ôo'kɨ diakɨ̃hɨ́ weegɨ́ niîmi. Mɨsâ kɨ̃ɨ̂re masí wee'.

1 Corintios 10:21

Marî põo tẽrírã, marî wiôgɨ yaa paare sĩ'rí'. Kɨ̃ɨ̂re bu'î peha tamurã, kɨ̃ɨ yeére ba'â'. Naâ yeê'kere ẽho peó wɨaropɨkãhase pe'e naâ o'osé teé sĩ'risé, teé ba'asé wãtia yeé niî'. Tohô weérã mɨsâ marî wiôgɨre bu'î peha tamurã, kɨ̃ɨ yeére ba'ârã, wãtia yeé pe'ere ba'âta basió wee'. Wãtia yeére ba'ârã, naâre bu'î peha tamu boosa'.

1 Corintios 10:4

Niî pe'tirã akó Õ'âkɨ̃hɨ o'ô'kere ɨ̃tâgapɨ niî'kere sĩ'ríkãrã niîwã. Cristo ɨ̃tâga akó wiháakaga weeró noho niîmi. Kɨ̃ɨ̂ naâ niî pe'tirãre ko'têgɨ, niî pe'tiropɨ ba'pâti wã'kakɨ niîwĩ.

1 Corintios 11:25

Naâ ba'âka be'ro sĩ'rirí paare miî, naâre niîkɨ niîwĩ: “Mɨsa yeé niiátehere yɨ'ɨ̂ wẽrîgɨti. Yɨ'ɨ̂ wẽrikã́, yeé diî a'mâ bɨrorosa'. Õ'âkɨ̃hɨ dɨporópɨ mɨsâ me'ra ‘A'tîro apogɨ́ti’, niîkɨ niîwĩ. Kɨ̃ɨ̂ niî'karo nohota yeé diî me'ra mɨsâ me'ra apogɨ́sami. Mɨsâ niî pe'tisetiri tii paáre sĩ'risétiri nɨkɨ yɨ'ɨ̂re wãkûya”, niîkɨ niîwĩ.

1 Corintios 12:13

A'tîro niî'. Marî kɨ̃ɨ̂re ẽho peórã niî pe'tirã Judeu masa, Judeu masa niîtirã, ãpêrãre da'rá wã'ya ko'terã, da'rá wã'ya ko'tetirã Espírito Santo ni'kɨ́ me'rata wamê yee no'owɨ. Tohô weérã ni'kâ ɨpɨ niî'. Marî niî pe'tirãpɨta Espírito Santoreta kɨó'.

Efesios 5:18

Ke'atíkã'ya. Tohô weesé pe'ti diháse niî'. E'katí sĩ'rirã, Espírito Santore kɨó yɨ'rɨ mahaya.

Apocalipse 21:6

Be'ró a'tîro niîwĩ: —Niî pe'tise tu'â eha nɨ'ko pe'o no'o'. Yɨ'ɨ́ta niî mɨ'tagɨ, niî tɨogɨpɨ niî'. No'ó yɨ'ɨ̂re ɨpɨ́tɨ ɨárã ako wɨórã nohore yɨ'ɨ̂ katî nu'kusere o'ôgɨti. Naâre wapa seésome.

Apocalipse 22:1

Be'ró Õ'âkɨ̃hɨre werê ko'tegɨ diâre ĩ'yowĩ́. Tii maá ũ'îri marirí maa niîwɨ. Teé akó, katisé warore o'ôwɨ. Pũûro akostíri maa niîwɨ. Õ'âkɨ̃hɨ, tohô niikã́ kɨ̃ɨ̂ makɨ́ ovelha wi'magɨ́ weeró noho bahugɨ́ duhirí kumuro dokapɨ wihawɨ́.

Apocalipse 22:17

Kɨ̃ɨ̂ tohô niîka be'ro Espírito Santo, tohô niikã́ Jesu Cristore ẽho peórã a'tîro niîwã: —A'tî bakeo'ya, niîwã. No'ó a'teré tɨ'orã́ noho kẽ'ra “A'tiáto”, niiáto. No'ó ako wɨórã sĩ'rí sĩ'rirã noho a'tiáto. Akó katisé warore o'osére sĩ'rírã a'tiáto. Teé neê wapa marírosa'.