San Juan 7:35 - Tukano

³⁵ Judeu masa wiôrã a'mêri sẽrí yã'awã: —Ã'rí yɨ'ɨ̂re bokasomé niîgɨ, no'opɨ́ wa'âgɨsari? Kɨ̃ɨ̂ Judeu masa grego masa tiropɨ wa'âstea'kãrãre bu'ê sihagɨ wa'âgɨsari? Grego masa kẽ'rare bu'êgɨsari?

Õꞌacʉ̃ Yere Ucũrĩ Turi

³⁵ Judío masã wiorã aꞌmerĩ sẽrĩtiñaꞌwã: —Ãꞌrĩ yʉꞌʉre bocasome nígʉ̃, ¿noꞌopʉ waꞌagʉsari? ¿Cʉ̃ judío masã griego masã tiropʉ waꞌasteaꞌcãrãrẽ buꞌesijagʉ waꞌagʉsari? ¿Griego masã quẽꞌrãrẽ buꞌegʉsari?

San Juan 7:35 Iomraidhean Croise

Mateus 12:21

Tohô weérã niî pe'tirokãharã kɨ̃ɨ̂ dutiátehere ko'têrãsama, niî ohâ no'okaro niîwɨ.

San Lucas 2:32

Kɨ̃ɨ́ta Judeu masa niîtirãre mɨ'ɨ̂re ẽho peó dutigɨ sĩ'óo'gɨ weeró noho weegɨ́sami. Tohô niikã́ niî pe'tirã mɨ'ɨ yarã́ Israel kurakãharã “Õ'âkɨ̃hɨ ãyuró weeámi”, niî no'orãsama, niîkɨ niîwĩ Simeão.

San Juan 12:20

Jerusalẽ́pɨ Páscoa bosê nɨmɨ niikã́, Õ'âkɨ̃hɨre ẽho peórã nerê'kãrã wa'terore ni'karérã grego masa niîwã.

San Juan 7:1

Jesu masaré bu'êka be'ro Galiléiapɨ ĩ'yâ kusiawĩ. Kɨ̃ɨ̂ Judeu masa wẽherí niîgɨ, Judéia di'tapɨre wa'â sĩ'ritiwĩ.

San Juan 8:22

Naâ a'mêri sẽrí yã'awã: —Kɨ̃ɨ̂ basi wẽhé, wẽrîgɨsari? Tohô weérã kɨ̃ɨ̂ wa'aátohopɨre marî wa'â masitisari?

Hechos 11:18

Kɨ̃ɨ̂ teeré tohô niî werê tohaka be'ro Judeu masa di'ta marí pe'tia wa'âkãrã niîwã. —Õ'âkɨ̃hɨ Judeu masa niîtirã kẽ'rare naâ yã'âro weé'kere bɨhâ wetikã ɨasamí naâ ɨ'mɨ̂sepɨ katî nu'kuato niîgɨ, niî e'katí peokãrã niîwã Õ'âkɨ̃hɨre.

Hechos 11:20

Ni'karérã Antioquiapɨ du'tí wã'ka'kãrã Chipre, Cirenekãharã niîkãrã niîwã. Naâ pũrikã Judeu masa niîtirãre Jesu yeé kitire werêkãrã niîwã. —Jesu niî pe'tirã wiôgɨ niîmi. Kɨ̃ɨ̂re ẽho peókã, marî yã'âro weé'kere akobohógɨsami, niî werêkãrã niîwã.

Hechos 14:1

Icôniopɨre ehârã, naâ Antioquiapɨre weé'karo nohota Paulo kẽ'ra Judeu masa nererí wi'ipɨ sãhâ nuhu, duhîkãrã niîwã. Toopɨ́ kẽ'rare Jesu yeé kitire werêkãrã niîwã. Naâ ãyuró werê tɨ'sa yuukã, pãharã́ Judeu masa, ãpêrã Judeu masa niîtirã Jesuré ẽho peókãrã niîwã.

Hechos 17:4

Tohô niî werekã́ tɨ'órã, ni'karérã Judeu masa ẽho peókãrã niîwã. Judeu masa weeró noho ẽho peósetirã kẽ'ra grego masa pãharã́ ẽho peókãrã niîwã. Wiôrã weeró noho niirã́ numia pãharã́ ẽho peókãrã niîwã.

Hechos 18:4

Saurú nɨkɨ Judeu masa naâ nererí wi'ipɨ Judeu masare, Judeu masa niîtirãre Jesu yeékãhasere kɨ̃ɨ̂re ẽho peoáto niîgɨ werêgɨ wa'â mɨhakɨ niîwĩ.

Hechos 21:21

Ãpêrã masá a'tîro niî uukaháma mɨ'ɨ̂re. “Mɨ'ɨ̂ Judeu masa niîtirã yaá di'tapɨ niîgɨ, Judeu masa toopɨ́ niirã́re Moisé dutî'kere wee dutítiapa'ro. Naâ põ'rá õ'rekɨhɨ́ yapa kaserore yehê kõ'a dutitiapa'ro. Tohô niikã́ marî Judeu masa weesétise noho kẽ'rare wee dutítiapa'ro”, tohô niî uukaháma ãpêrã mɨ'ɨ̂re.

Hechos 22:21

Jesu yɨ'ɨ̂re niîwĩ: “Wa'âya. Yɨ'ɨ̂ apêropɨ yoarópɨ o'ôo'gɨti weé' mɨ'ɨ̂re Judeu masa niîtirã tiropɨ”, niîwĩ.

Romanos 1:16

Masá Jesu Cristo yee kitire tɨ'órã, kɨ̃ɨ̂re ẽho peó nɨ'kasama. Yɨ'ɨ̂ masî', Õ'âkɨ̃hɨ kɨ̃ɨ̂ tutuaró me'ra niî pe'tirã Jesu Cristore ẽho peórãre pekâ me'epɨ wa'â boo'kãrãre yɨ'rɨósami. Tohô weégɨ masaré tee kitíre neê bopôya sãa wee'. Neê waro kɨ̃ɨ̂re ẽho peórã Judeu masa niirã́re yɨ'rɨósami. Judeu masa niîtirã kɨ̃ɨ̂re ẽho peórã kẽ'rare meharóta yɨ'rɨósami.

Efesios 3:8

Yɨ'ɨ́ta mehô niigɨ́ waro niî pe'tirã Õ'âkɨ̃hɨre ẽho peórã dokapɨ tɨ'ó yã'a'. Tohô niîmikã, yɨ'ɨ̂re ãyuró weé sĩ'rigɨ, a'tîro weékɨ niîwĩ. Judeu masa niîtirãre kɨ̃ɨ̂ besé'kɨ Cristo yee ãyusé kitire werê dutiwĩ. Tee kití a'tîro niî'. Õ'âkɨ̃hɨ Jesu Cristo me'ra ãyú butia'sere marîre weemí. Teé ãyusére marî wãkû põo tẽó wee'.

1 Timoteo 2:7

Kɨ̃ɨ yeé kitire werê dutigɨ Cristo yɨ'ɨ̂re sõróowĩ. Kɨ̃ɨ̂ bese kũú'kɨ niiáto niîgɨ Judeu masa niîtirãre kɨ̃ɨ yeé, diakɨ̃hɨ́kãhasere bu'ê dutigɨ sõróowĩ. Diakɨ̃hɨ́ta niî'. Niî soogɨ meheta weé'.

2 Timoteo 1:11

Õ'âkɨ̃hɨ tee kitíre yɨ'ɨ̂re werê dutiwĩ. Judeu masa niîtirãre bu'ê dutigɨ yɨ'ɨ̂re bese kũúwĩ.

Santiago 1:1

Yɨ'ɨ̂ Tiago a'ti pũrí me'ra mɨsâre ãyu dutíse o'ôo'. Marî pakɨ Õ'âkɨ̃hɨ, tohô niikã́ marî wiôgɨ Jesu Cristo dutisére da'rá wã'ya ko'tegɨ niî'. Mɨsâ Judeu masa doze kurarikãharã Jesu Cristore ẽho peórãre ohâ'. Mɨsâ apêye di'tapɨ du'tisté wã'ka'kãrãre ohâ'.

1 Pedro 1:1

Yɨ'ɨ̂re Jesu Cristo kɨ̃ɨ yeé kitire bu'ê dutigɨ bese kũúwĩ. A'ti pũrí me'ra mɨsâre ãyu dutíse o'ôo'. Mɨsâ Ponto, Galácia, Capadócia, Ásia, Bitínia wamêtise di'tapɨ Jesu Cristore ẽho peóse bu'iri ãpêrã yã'âro weekã́ wa'âste wã'ka'kãrãre ohâ'.