San Juan 6:57 - Tukano

⁵⁷ Yɨ'ɨ̂ pakɨ katî nu'kugɨ yɨ'ɨ̂re o'ôo'wĩ. Yɨ'ɨ̂ kɨ̃ɨ̂ me'ra katî'. Tohô weégɨ yɨ'ɨ̂ ɨpɨ́ ba'agɨ́re katî nu'kukã weegɨ́ti.

Õꞌacʉ̃ Yere Ucũrĩ Turi

⁵⁷ Yʉꞌʉ pacʉ catinuꞌcũgʉ̃ yʉꞌʉre oꞌówĩ. Yʉꞌʉ cʉ̃ meꞌrã catiꞌi. Tojo weegʉ yʉꞌʉ upʉ baꞌagʉre catinuꞌcũcã weegʉti.

San Juan 6:57 Iomraidhean Croise

Mateus 16:16

Kɨ̃ɨ̂ tohô niikã́ tɨ'ógɨ, Simão Pedro kɨ̃ɨ̂re yɨ'tiwĩ́: —Mɨ'ɨ̂ Õ'âkɨ̃hɨ besé'kɨ Cristo ɨ̃sâ yoakã́ yuû kue'kɨ niî'. Õ'âkɨ̃hɨ katî nu'kugɨ makɨ niî', niîwĩ.

San Juan 14:19

Kã'roákã dɨ'sá', be'ró masá yɨ'ɨ̂re ĩ'yâsome. Mɨsâ pũrikã ĩ'yârãsa'. Yɨ'ɨ̂ katî nu'kukã'. Tohô weérã mɨsá kẽ'ra katî nu'kukã'rãsa'.

San Juan 14:6

Jesu kɨ̃ɨ̂re niîwĩ: —Yɨ'ɨ̂, yɨ'ɨ̂ pakɨ tiropɨ wa'arí ma'a weeró noho niî'. Yɨ'ɨ̂ masaré toopɨ́ wa'akã́ weegɨ́ niî'. Yɨ'ɨ̂ masaré diakɨ̃hɨ́kãhasere masikã́ weé'. Naâre katî nu'kukã weegɨ́ niî'. Yɨ'ɨ̂re ẽho peórã di'akɨ̃ yɨ'ɨ̂ pakɨ tiropɨ wa'ârãsama.

San Juan 17:21

Naâ marî me'ra ni'kâro me'ra niiáto niîgɨ tohô weé'. Pakɨ́, yɨ'ɨ̂ mɨ'ɨ̂ me'ra niîro noho, mɨ'ɨ̂ yɨ'ɨ̂ me'ra niîro noho naá kẽ'ra niiáto. Tohô wa'akã́ ĩ'yârã, a'ti nukúkãkãharã yɨ'ɨ̂re mɨ'ɨ̂ o'ôo'kere ẽho peórãsama.

San Juan 3:17

Õ'âkɨ̃hɨ a'ti nukúkãkãharãre bu'îri da'rêgɨti niîgɨ meheta kɨ̃ɨ̂ makɨré o'ôo'kɨ niîwĩ. Naâre yɨ'rɨógɨ pe'e tohô weékɨ niîwĩ.

San Juan 5:26

Yɨ'ɨ̂ pakɨta masaré katî nu'kusere o'ô masimi. Kɨ̃ɨ́ta masaré katî nu'kukã wee dutígɨ yɨ'ɨ̂re o'ôo'mi.

San Juan 6:29

Jesu naâre yɨ'tiwĩ́: —Õ'âkɨ̃hɨ mɨsâre wee dutí'ke a'tîro niî'. Yɨ'ɨ̂re kɨ̃ɨ̂ o'ôo'kɨre ẽho peó dutimi.

San Juan 6:38

Ɨ'mɨ̂sepɨ niî'kɨ yɨ'ɨ̂ ɨaró weégɨ a'tîtiwɨ. Yɨ'ɨ̂re o'ôo'kɨ dutiró pe'ere weégɨ a'tîwɨ.

1 Corintios 15:22

Marî niî pe'tirã Adão põ'ra niisé bu'iri wẽrîrãsa'. Cristo yarã niirã́ pe'e marî kɨ̃ɨ̂re ẽho peórã, katî nu'kurãsa'.

1 Corintios 15:45

Õ'âkɨ̃hɨ yee kiti ohâka pũripɨ a'tîro ohâ no'o': “Õ'âkɨ̃hɨ kɨ̃ɨ̂ weé mɨ'ta'kɨ Adãore katisére o'ôkɨ niîwĩ.” Kɨ̃ɨ̂ be'rokɨ̃hɨ Jesu Cristo pe'e katisé pe'titísere o'ogɨ́ niîmi.

2 Corintios 13:4

Diakɨ̃hɨ́ta niî'. Kɨ̃ɨ̂ kurúsapɨ tutuâtigɨ weeró noho paâ bi'pe no'okɨ niîwĩ. Tohô niîmigɨ, ni'kâroakãre kɨ̃ɨ̂ pakɨ́ tutuaró me'ra katîmi. Ɨ̃sá kẽ'ra kɨ̃ɨ̂ niî'karo nohota tutuâtirã niî', niîrã pe'ea'. Tohô niîmirã, kɨ̃ɨ yarã́ niî yuurã, Õ'âkɨ̃hɨ tutuaró me'ra niî nu'ku'. Tohô weérã mɨsâre wee tamú masi'.

Gálatas 2:20

Jesu Cristo kurúsapɨ wẽrîkɨ niîwĩ. Yɨ'ɨ̂ kɨ̃ɨ̂re ẽho peógɨ, kɨ̃ɨ̂ me'ra wẽrîgɨ weeró noho wa'âkɨ niîwɨ. Tohô weégɨ yɨ'ɨ̂ se'saro nií wee'. Ni'kâroakãre Jesu Cristo yɨ'ɨ̂re sɨ'orí niîmi. Yɨ'ɨ̂ kɨ̃ɨ̂ ɨaró, kɨ̃ɨ̂ dutiró weé'. Õ'âkɨ̃hɨ makɨre ẽho peógɨ, wãkû tutua'. Kɨ̃ɨ̂ yɨ'ɨ̂re ma'ígɨ, yã'âro weé'kere wẽrî wapa yeé basakɨ niîwĩ.

1 Tesalonicenses 1:9

Mehô naâ pe'eta mɨsâ weesétisere kiti weréma. Ɨ̃sâ mɨsâ tiropɨ niikã́, mɨsâ ɨ̃sâre ãyuró weé'kere werêma. Apêye maa, mɨsâ yeê'kãrãre ẽho peó du'u'kere werêma. Teeré du'ú, ni'kâroakãre Õ'âkɨ̃hɨ katigɨ́ diakɨ̃hɨ́ niigɨ́ pe'ere ẽho peó, kɨ̃ɨ̂ ɨaró weeápa'ro.

Hebreos 9:14

Wekɨ yeé diî me'ra, cabra yee diî me'ra tohô weetá basiókã maa, Cristo yee diî me'ra maa tãhâ'. Cristo Espírito Santo niî nu'kugɨ wee tamúse me'ra wa'îkɨ̃rã ɨ̃hâ moro peoro noho o'ôgɨ, kɨ̃ɨ̂ basi Õ'âkɨ̃hɨre wiágɨ, wẽrîkɨ niîwĩ. Kɨ̃ɨ̂ kurúsapɨ wẽrîgɨ, yã'asé moogɨ́ niîkɨ niîwĩ. Kɨ̃ɨ yeé diî me'ra marî bu'îritirã, yã'âro weeséti tɨ'ó yã'a'kere pekâ me'epɨ wa'â boo'kãrãre yɨ'rɨ wetíkã weékɨ niîwĩ. Kɨ̃ɨ̂ Õ'âkɨ̃hɨ katî nu'kugɨ yeere weé nu'ku dutigɨ tohô weékɨ niîwĩ.

1 João 4:9

Kɨ̃ɨ̂ marîre ma'isére ĩ'yógɨ, kɨ̃ɨ̂ makɨ́ ni'kɨ́ niigɨ́re a'ti nukúkãpɨre o'ôo'kɨ niîwĩ. Marî katî nu'kuatehere weégɨ tohô weékɨ niîwĩ.