San Juan 5:26 - Tukano

²⁶ Yɨ'ɨ̂ pakɨta masaré katî nu'kusere o'ô masimi. Kɨ̃ɨ́ta masaré katî nu'kukã wee dutígɨ yɨ'ɨ̂re o'ôo'mi.

Õꞌacʉ̃ Yere Ucũrĩ Turi

²⁶ Yʉꞌʉ pacʉta masãrẽ catinuꞌcũsere oꞌomasĩmi. Cʉ̃́ta masãrẽ catinuꞌcũcã weedutigʉ yʉꞌʉre oꞌómi.

San Juan 5:26 Iomraidhean Croise

San Juan 1:4

Õ'âkɨ̃hɨ makɨ katisé pe'titíse o'ogɨ́ niîmi. Tohô niikã́ a'ti ɨmɨ́kohokãharãre sĩ'óo'se weeró noho niîmi. Kɨ̃ɨ̂ ãyusére, diakɨ̃hɨ́kãhasere ĩ'yomí.

San Juan 11:25

Jesu koôre niîwĩ: —Yɨ'ɨ̂ wẽrî'kãrãre masó, katisé o'ogɨ́ niî'. Yɨ'ɨ̂re ẽho peógɨ wẽrî'kɨpɨ niîmigɨ, katîgɨsami taha.

San Juan 11:26

Ni'kâroakãre katirã́ yɨ'ɨ̂re ẽho peórã wẽrîrã, wẽrî dohasome. Mɨ'ɨ̂ a'teré ẽho peóti?

San Juan 14:19

Kã'roákã dɨ'sá', be'ró masá yɨ'ɨ̂re ĩ'yâsome. Mɨsâ pũrikã ĩ'yârãsa'. Yɨ'ɨ̂ katî nu'kukã'. Tohô weérã mɨsá kẽ'ra katî nu'kukã'rãsa'.

San Juan 14:6

Jesu kɨ̃ɨ̂re niîwĩ: —Yɨ'ɨ̂, yɨ'ɨ̂ pakɨ tiropɨ wa'arí ma'a weeró noho niî'. Yɨ'ɨ̂ masaré toopɨ́ wa'akã́ weegɨ́ niî'. Yɨ'ɨ̂ masaré diakɨ̃hɨ́kãhasere masikã́ weé'. Naâre katî nu'kukã weegɨ́ niî'. Yɨ'ɨ̂re ẽho peórã di'akɨ̃ yɨ'ɨ̂ pakɨ tiropɨ wa'ârãsama.

San Juan 4:10

Jesu niîkɨ niîwĩ: —Mɨ'ɨ̂ Õ'âkɨ̃hɨ masaré o'osére masîtisa'. Yɨ'ɨ́ kẽ'rare masîtisa'. Mɨ'ɨ̂ masîgo pũrikã, yɨ'ɨ̂re sẽri booápã. Mɨ'ɨ̂ sẽrikã́, yɨ'ɨ̂ pe'e akó katisé o'osére o'ô booapã.

San Juan 6:57

Yɨ'ɨ̂ pakɨ katî nu'kugɨ yɨ'ɨ̂re o'ôo'wĩ. Yɨ'ɨ̂ kɨ̃ɨ̂ me'ra katî'. Tohô weégɨ yɨ'ɨ̂ ɨpɨ́ ba'agɨ́re katî nu'kukã weegɨ́ti.

San Juan 8:51

Diakɨ̃hɨ́ta mɨsâre niîgɨti. Yɨ'ɨ̂ uúkũsere tɨ'ó ẽho peógɨ wẽrîsome.

Hechos 17:25

Neê apêye noho dɨ'satísa' Õ'âkɨ̃hɨre. Niî pe'tirãre katisé, ehêri miise, niî pe'tisere o'ôsami. Neê marî da'rasé me'ra kɨ̃ɨ̂re wee tamúta basiótisa'.

1 Corintios 15:45

Õ'âkɨ̃hɨ yee kiti ohâka pũripɨ a'tîro ohâ no'o': “Õ'âkɨ̃hɨ kɨ̃ɨ̂ weé mɨ'ta'kɨ Adãore katisére o'ôkɨ niîwĩ.” Kɨ̃ɨ̂ be'rokɨ̃hɨ Jesu Cristo pe'e katisé pe'titísere o'ogɨ́ niîmi.

1 Timoteo 1:17

Tohô weérã Õ'âkɨ̃hɨre “Ãyú yɨ'rɨami”, niî nu'kurã. Kɨ̃ɨ̂ wiôgɨ niî nu'kugɨ niîmi. Neê wẽrîsome. Õ'âkɨ̃hɨ ni'kɨtá niîmi. Kɨ̃ɨ̂ bahutígɨ, masî yɨ'rɨgɨ niîmi. Tohôta niîmi.

1 Timoteo 6:16

Kɨ̃ɨ̂ ni'kɨtá katî nu'kumi. Kɨ̃ɨ̂ pũûro asistéropɨ niîmi. Neê ni'kɨ́ masɨ́ kɨ̃ɨ̂ basi Õ'âkɨ̃hɨ niirópɨ wa'â masitimi. Neê ni'kɨ́ kɨ̃ɨ̂re ĩ'yâtikɨ niîwĩ. ĩ'yâta basió wee'. Õ'âkɨ̃hɨ ni'kɨréta ãyuró uúkũ yɨ'rɨ nɨ'karo ɨá'. “Kɨ̃ɨ̂ wiôgɨ niî nu'kuato”, niiró ɨá'. Tohôta niiáto.

Hebreos 1:2

A'tóka terore a'ti ɨmɨ́koho pe'tiátoho dɨporo kɨ̃ɨ̂ makɨ́ me'ra kɨ̃ɨ yeékãhasere marîre uúkũmi. Neê waropɨta Õ'âkɨ̃hɨ kɨ̃ɨ̂ makɨ́ me'ra niî pe'tise a'ti ɨmɨ́kohokãhasere weékɨ niîwĩ. Teeré weégɨ, niî pe'tise kɨ̃ɨ̂ makɨ yeé toha dutígɨ tohô weékɨ niîwĩ.

Apocalipse 21:6

Be'ró a'tîro niîwĩ: —Niî pe'tise tu'â eha nɨ'ko pe'o no'o'. Yɨ'ɨ́ta niî mɨ'tagɨ, niî tɨogɨpɨ niî'. No'ó yɨ'ɨ̂re ɨpɨ́tɨ ɨárã ako wɨórã nohore yɨ'ɨ̂ katî nu'kusere o'ôgɨti. Naâre wapa seésome.

Apocalipse 22:1

Be'ró Õ'âkɨ̃hɨre werê ko'tegɨ diâre ĩ'yowĩ́. Tii maá ũ'îri marirí maa niîwɨ. Teé akó, katisé warore o'ôwɨ. Pũûro akostíri maa niîwɨ. Õ'âkɨ̃hɨ, tohô niikã́ kɨ̃ɨ̂ makɨ́ ovelha wi'magɨ́ weeró noho bahugɨ́ duhirí kumuro dokapɨ wihawɨ́.

Apocalipse 22:17

Kɨ̃ɨ̂ tohô niîka be'ro Espírito Santo, tohô niikã́ Jesu Cristore ẽho peórã a'tîro niîwã: —A'tî bakeo'ya, niîwã. No'ó a'teré tɨ'orã́ noho kẽ'ra “A'tiáto”, niiáto. No'ó ako wɨórã sĩ'rí sĩ'rirã noho a'tiáto. Akó katisé warore o'osére sĩ'rírã a'tiáto. Teé neê wapa marírosa'.

Apocalipse 7:17

Õ'âkɨ̃hɨ makɨ ovelha wi'magɨ́ weeró noho bahugɨ́ wiôgɨ duhirí kumuro pɨ'topɨ niigɨ́ ovelhare ko'têgɨ weeró noho naâre ko'têgɨsami. Akó wiharí peepɨ miáagɨsami. Teeré sĩ'rírã, katî nu'kurãsama. Õ'âkɨ̃hɨ niî pe'tirã naâ ya'ko koó wiharã́re tuu koégɨsami.