San Juan 4:14 - Tukano

¹⁴ Yɨ'ɨ̂ o'osé pe'ere sĩ'rírã, neê ako wɨósome. Naâpɨre naa yeé ehêri põ'raripɨ akó a'mâ bɨro nu'kuro weeró noho niîrosa'. Naâ katî nu'kukã'rãsama.

Õꞌacʉ̃ Yere Ucũrĩ Turi

¹⁴ Yʉꞌʉ oꞌose peꞌere sĩꞌrĩrã, ne acowʉosome. Napʉre na ye ejeripõꞌrãrĩpʉ aco oꞌmabʉronuꞌcũrõ weronojõ nirõsaꞌa. Na catinuꞌcũcãꞌrãsama.

San Juan 4:14 Iomraidhean Croise

Mateus 25:46

Be'ró naâre bu'îri da'rê bahuriógɨti. Ãpêrã yã'âro weé'kere akobohó no'o'kãrã pe'e katî nu'kusere boká, ɨ'mɨ̂sepɨ wa'ârãsama, niîwĩ Jesu.

Mateus 5:6

Õ'âkɨ̃hɨ yee, diakɨ̃hɨ́ niisére masî sĩ'rirã, ɨhá boâ, ako wɨó'kãrã weeró noho niîsama. Tohô ɨhá boâ, ako wɨórã weeró noho masî sĩ'rirãre Õ'âkɨ̃hɨ e'katíse o'ôgɨsami. Naâ Õ'âkɨ̃hɨ yeere masîka be'ro ba'â, sĩ'ri tuúrã weeró noho niîsama.

San Juan 10:10

Ovelhare yaharã́ naâre yahá, wẽhé sĩ'risama. Yɨ'ɨ̂ pũrikã naâre katisére o'ôgɨ a'tîwɨ. E'katí yɨ'rɨato niîgɨ naâre tohô weewɨ́.

San Juan 11:26

Ni'kâroakãre katirã́ yɨ'ɨ̂re ẽho peórã wẽrîrã, wẽrî dohasome. Mɨ'ɨ̂ a'teré ẽho peóti?

San Juan 4:10

Jesu niîkɨ niîwĩ: —Mɨ'ɨ̂ Õ'âkɨ̃hɨ masaré o'osére masîtisa'. Yɨ'ɨ́ kẽ'rare masîtisa'. Mɨ'ɨ̂ masîgo pũrikã, yɨ'ɨ̂re sẽri booápã. Mɨ'ɨ̂ sẽrikã́, yɨ'ɨ̂ pe'e akó katisé o'osére o'ô booapã.

San Juan 4:11

Koô niî nemoko niîwõ taha: —Yẽ'é me'ra mɨ'ɨ̂ akoré waa mií boosari? A'ti peé ɨ̃'kɨá niî'. No'opɨ́ mɨ'ɨ̂ akó katisé o'osére boka boósari?

San Juan 4:13

Kɨ̃ɨ̂ koôre yɨ'tíkɨ niîwĩ: —Niî pe'tirã a'ti peékãhase akoré sĩ'rírã, opâturi ako wɨórãsama.

San Juan 4:36

Otê'kere tɨ̃'rerí masɨ kɨ̃ɨ̂ da'rá'ke wapa wapa yeé no'osami. Ã'rí da'ragɨ́ weeró noho masaré ẽho peókã weegɨ́ kẽ'rare yɨ'ɨ̂ wapa yeégɨsa'. Ẽho peórã, naâ katî nu'kukã'rãsama. Neê waro werê mɨ'ta'kɨ, ãpí werê nemo turia wã'kagɨ naâ weresére ẽho peókã ĩ'yârã, naâ pɨárãpɨta e'katírãsama.

San Juan 6:27

Mɨsâ ba'asé di'akɨ̃re wapá ta'a sĩ'rirã, da'ratíkã'ya. Teé maatá pe'tisé niî'. Apêye ba'asére a'mâya. Teé katî nu'kuse o'osé niî'. Teeréta yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ mɨsâre o'ôgɨsa'. Õ'âkɨ̃hɨ yɨ'ɨ̂ pakɨ yɨ'ɨ̂re kɨ̃ɨ̂ o'ôo'kɨ niisére mɨsâre ĩ'yó tohawĩ.

San Juan 6:35

Jesu naâre niîwĩ: —Yɨ'ɨ́ta ba'asé ɨ'mɨ̂sekãhase niî'. Katî nu'kukã weé'. Yɨ'ɨ̂re ẽho peó siru tuúgɨ neê ɨhá boâsome. Neê ako wɨósome. A'tîro niî'. Ba'â yapîgɨ ɨhá boâtimi. Sĩ'rí yapîgɨ ako wɨótimi. A'té weeró noho yɨ'ɨ̂re ẽho peórã yapîrã weeró noho ãyuró tɨ'ó yã'a nu'kurãsama.

San Juan 6:58

Yɨ'ɨ̂ ɨ'mɨ̂sepɨkãhase ba'asé diháti'kere uúkũ'. A'té ba'asé maná mɨsâ yẽkɨ sɨmɨá ba'â'ke weeró noho nií wee'. Naâ teeré ba'âmirã, wẽrîa wa'âkãrã niîwã. Yeé ɨpɨré ba'arã́ pũrikã katî nu'kukã'rãsama, niîwĩ Jesu.

San Juan 7:37

Jesu bosê nɨmɨ naâ wee tɨóri nɨmɨre wã'kâ nɨ'ka, tutuaró me'ra niîwĩ: —Ako wɨórã, yɨ'ɨ̂ tiropɨ a'tî, sĩ'rírã a'tiá.

Romanos 5:21

Yã'âro weé'ke wapa wẽrisé niî pe'tirãpɨre se'sâa wa'âkaro niîwɨ. Teé se'sâ'karo weeró noho Õ'âkɨ̃hɨ marîre ma'ígɨ ãyuró weesé kẽ'ra se'sâa wa'âkaro niîwɨ. Marî wiôgɨ Jesu Cristo wẽrisé me'ra marîre ãyurã́, bu'îri marirã́ tohakã́ weékɨ niîwĩ. Tohô niikã́ kɨ̃ɨ̂ me'ra katî nu'kuatehere o'ôkɨ niîwĩ.

Romanos 6:23

Yã'âro weé'ke wapare pekâ me'epɨ bu'îri da'rê no'o, wẽrî dohasere boká no'osa'. Õ'âkɨ̃hɨ marîre wapa maríro o'osé pe'e katî nu'kuatehere bokaátehe niî'. Marî wiôgɨ Jesu Cristo me'ra teeré o'ôgɨsami.

2 Corintios 1:22

Marîre kɨ̃ɨ yarã́ wa'akã́ weékɨ niîwĩ. Kɨ̃ɨ yarã́ niî' niisére ĩ'yó sĩ'rigɨ Espírito Santore o'ôo'kɨ niîwĩ. Espírito Santo marî me'ra niîgɨ, kɨ̃ɨ́ta Õ'âkɨ̃hɨ marîre yɨ'rɨoátehere masikã́ weemí.

Efesios 4:30

Niî pe'tise yã'âro weesére weetíkã'ya. Espírito Santore bɨhâ wetikã weetíkã'ya. Õ'âkɨ̃hɨ Espírito Santore o'osé me'ra mɨsâ “Õ'âkɨ̃hɨ yarã niîma”, niî no'o'. Tohô weérã mɨsâ masî', Jesu Cristo a'tikã́pɨ Õ'âkɨ̃hɨ mɨsâre ãyuró yɨ'rɨó butia'gɨsami.

1 Pedro 1:22

Mɨsâ diakɨ̃hɨ́ niisére yɨ'tírã, Jesu Cristore ẽho peórã weékãrã niîwɨ. Kɨ̃ɨ̂re ẽho peórã, mɨsâ yã'âro weeséti'kere du'úkãrã niîwɨ. Tohô weérã mɨsâ ni'kâroakãre bu'îri marirã́ niî'. Mɨsâ ni'kɨ́ põ'ra weeró noho a'mêri ma'í'. A'mêri ma'írã, bu'îkãhase uúkũse me'ra di'akɨ̃ ma'itíkã'ya. Niî pe'tise mɨsâ weesé me'ra pe'e ma'iyá.

1 João 5:20

Apêye kẽ'rare, Õ'âkɨ̃hɨ makɨ kɨ̃ɨ̂ a'tî'kere masî'. Kɨ̃ɨ̂ marîre Õ'âkɨ̃hɨ diakɨ̃hɨ́ niigɨ́re masî dutigɨ tɨ'o masíse o'ôkɨ niîwĩ. Marî Jesu Cristo me'ra niîrã, kɨ̃ɨ̂ pakɨ́ Õ'âkɨ̃hɨpɨreta niî'. Jesu Cristo Õ'âkɨ̃hɨ niîmi. Kɨ̃ɨ́ta katî nu'kugɨ marî katî nu'kuatehere o'ômi.

Apocalipse 7:16

Naâ ɨhá boâ, ako wɨó nemosome. Naâre muhîpũ ɨmɨ̂kohokɨ̃hɨ ɨ̃hâ nemosome. Asisé yãisére tɨ'ó yã'a nemosome.

Apocalipse 7:17

Õ'âkɨ̃hɨ makɨ ovelha wi'magɨ́ weeró noho bahugɨ́ wiôgɨ duhirí kumuro pɨ'topɨ niigɨ́ ovelhare ko'têgɨ weeró noho naâre ko'têgɨsami. Akó wiharí peepɨ miáagɨsami. Teeré sĩ'rírã, katî nu'kurãsama. Õ'âkɨ̃hɨ niî pe'tirã naâ ya'ko koó wiharã́re tuu koégɨsami.