San Juan 21:15 - Tukano

¹⁵ Ɨ̃sâ ba'âka be'ro Jesu Simão Pedrore sẽrí yã'awĩ: —Simão, Jona makɨ, mɨ'ɨ̂ ã'rá yɨ'rɨóro yɨ'ɨ̂re ma'í yɨ'rɨ nɨ'kati? Pedro kɨ̃ɨ̂re niîwĩ: —Ɨ̃ɨ̂, wiôgɨ, mɨ'ɨ̂ masî' yɨ'ɨ̂ mɨ'ɨ̂re ma'isére. Jesu kɨ̃ɨ̂re niîwĩ: —Too pũríkãre yɨ'ɨ̂re ẽho peórãre ko'têya. Naâre bu'êya.

Õꞌacʉ̃ Yere Ucũrĩ Turi

¹⁵ Ʉ̃sã baꞌáca beꞌro Jesú Simó Pedrore sẽrĩtiñaꞌwĩ: —¿Simó, Joná macʉ̃, mʉꞌʉ ãꞌrã yʉꞌrʉoro yʉꞌʉre maꞌiyʉꞌrʉnʉꞌcãti? Pedro cʉ̃rẽ niwĩ: —Ʉ̃ʉ, wiogʉ, mʉꞌʉ masĩꞌi yʉꞌʉ mʉꞌʉrẽ maꞌisere. Jesú cʉ̃rẽ niwĩ: —To pũrĩcãrẽ yʉꞌʉre ẽjõpeorãrẽ coꞌteya. Narẽ buꞌeya.

San Juan 21:15 Iomraidhean Croise

Mateus 10:37

Yɨ'ɨ̂re ma'iró nemoró mɨsâ pakɨ sɨmɨá pe'ere ma'í yɨ'rɨ nɨ'karã, yarã́ niî masitisa'. Tohô niikã́ pakɨ sɨmɨá kẽ'ra naâ põ'raré ma'í yɨ'rɨ nɨ'karã, yarã́ niî masitisama.

Mateus 16:17

Jesu kɨ̃ɨ̂re niîwĩ: —Simão, Jona makɨ, mɨ'ɨ̂ tohô uúkũgɨ, diakɨ̃hɨ́ta uúkũ'. Neê ni'kɨ́ masɨ́ mɨ'ɨ̂re teeré werêtiapĩ. Yɨ'ɨ̂ pakɨ ɨ'mɨ̂sepɨ niigɨ́ mɨ'ɨ̂re teeré masisé o'oápĩ. Tohô weégɨ e'katíya.

Mateus 18:10

Ã'rá wi'marã́ nohore tohô ĩ'yâ kõ'atikã'ya. A'tîro niî'. Ɨ'mɨ̂sekãharã Õ'âkɨ̃hɨre werê ko'terã ã'rá wi'marã́re ko'terã́ yɨ'ɨ̂ pakɨ ɨ'mɨ̂sepɨ niigɨ́ ĩ'yóropɨ niî nu'kuma.

Mateus 26:33

Kɨ̃ɨ̂ tohô niikã́ tɨ'ógɨ, Pedro yɨ'tiwĩ́: —Ãpêrã mɨ'ɨ̂re kõ'â wã'kakã, yɨ'ɨ̂ pũrikã neê wa'âsome, niîwĩ.

Mateus 26:35

Pedro kɨ̃ɨ̂re yɨ'tiwĩ́: —Yɨ'ɨ̂ pũrikã naâ yɨ'ɨ̂re wẽhé sĩ'rikã maa, “Kɨ̃ɨ̂ me'ra boâgɨti”, niîgɨsa'. “Kɨ̃ɨ̂re masí wee'”, niîsome, niîwĩ. Be'ró niî pe'tirã ɨ̃sâ kɨ̃ɨ̂ bu'erã́ kɨ̃ɨ̂ niî'karo nohota niî bɨrowɨ.

Marcos 14:29

Kɨ̃ɨ̂ tohô niikã́ tɨ'ógɨ, Pedro yɨ'tíkɨ niîwĩ: —Ãpêrã mɨ'ɨ̂re kõ'â wã'kakã, yɨ'ɨ̂ pũrikã neê wa'âsome, niîkɨ niîwĩ.

San Lucas 12:32

Mɨsâ yɨ'ɨ̂ bu'erã́, yarã́ ovelha weeró noho niî'. Mɨsâ pehêterãkã niîmirã, uîtikã'ya. Marî pakɨ kɨ̃ɨ̂ wiôgɨ niirópɨ mɨsâ wa'akã́ ɨasamí.

San Lucas 22:32

Kɨ̃ɨ̂ tohô weekã́ ĩ'yâgɨ, yɨ'ɨ̂ pe'e ẽho peó du'u butia'tikã'ato niîgɨ Õ'âkɨ̃hɨre mɨ'ɨ̂re sẽri basaápɨ. Be'ró mɨ'ɨ̂ opâturi ẽho peógɨ taha, mɨ'ɨ̂ akawerérã yɨ'ɨ̂re ẽho peórãre wãkû tutuakã weeyá, niîkɨ niîwĩ.

San Juan 1:42

André Simãore Jesu tirópɨ pihî ehawĩ. Kɨ̃ɨ̂re ĩ'yâgɨ, Jesu a'tîro niîwĩ: —Mɨ'ɨ̂ Simão niî' Jona makɨ. Be'ró mɨ'ɨ̂ Cefa wamêtigɨsa', niîwĩ. Cefa, ɨ̃sa yeé me'ra niîro, Pedro “Ɨ̃tâga” niî sĩ'riro weé'.

San Juan 13:37

Pedro kɨ̃ɨ̂re niîwĩ taha: —Wiôgɨ, de'ró weégɨ yɨ'ɨ̂ mɨ'ɨ̂ me'ra maatá wa'â masitisari? Yɨ'ɨ́ kẽ'ra mɨ'ɨ̂ me'rata wẽrî masi'.

San Juan 16:27

Kɨ̃ɨ́ta mɨsâre ma'imí. A'tîro niî'. Mɨsâ yɨ'ɨ̂re ma'í'. Tohô niikã́ mɨsâ yɨ'ɨ̂re “Õ'âkɨ̃hɨ tiropɨ niî'kɨ a'tîpĩ”, niî ẽho peó'. Tohô weégɨ Õ'âkɨ̃hɨ mɨsâre ma'imí.

San Juan 21:12

Jesu ɨ̃sâre niîwĩ: —Ba'ârã a'tiá. Ɨ̃sâ kɨ̃ɨ̂re ĩ'yâ masirã, neê ni'kɨpéta “Mɨ'ɨ̂ noa nohó niîti?” niî sẽrí yã'a ma'atiwɨ.

San Juan 21:7

Tohô wa'akã́ ĩ'yâgɨ, yɨ'ɨ̂ Jesu ɨpɨ́tɨ ma'í no'ogɨ Pedrore niîwɨ: —Marî wiôgɨ niîmi. Yɨ'ɨ̂ tohô niikã́ tɨ'ógɨ, Simão Pedro su'tîro bu'îkãharore wehê sãyawĩ. Jesu tirópɨ wa'âgɨ, dokê yõhawĩ.

San Juan 8:42

Jesu naâre niîwĩ: —Mɨsâ diakɨ̃hɨ́ta Õ'âkɨ̃hɨ ɨ̃sâ pakɨ niîmi niîrã, yɨ'ɨ̂re ɨa boósa'. Yɨ'ɨ̂ kɨ̃ɨ̂ me'ra niî'kɨta a'tîwɨ. Yɨ'ɨ̂ ɨaró a'tîtiwɨ. Õ'âkɨ̃hɨta yɨ'ɨ̂re o'ôo'wĩ.

Hechos 20:28

Mɨsâ basi pe'e ko'têya. Éfesopɨ toháarã, ãpêrã Espírito Santo mɨsâre ko'tê duti no'o'kãrã kẽ'rare ko'têya. Õ'âkɨ̃hɨ makɨ wẽrisé me'ra naá kẽ'ra marî weeró nohota kɨ̃ɨ̂ põ'rá niîma. Tohô weérã naâre ovelha ko'terã́ naa yarã́ ovelhare ãyuró ko'terã́ weeró nohota ãyuró ko'têya.

Hechos 20:29

Yɨ'ɨ̂ wa'âka be'ro ãpêrã niî soorã a'tîrãsama. Yaîwa ovelhare ba'â'karo weeró noho mɨsâ Jesuré ẽho peómi'kere pe'tikã́ weé sĩ'rirãsama.

Romanos 14:1

Ni'kɨ́ Jesu Cristore ẽho peómigɨ, kɨ̃ɨ̂ ẽho peó tutuatigɨ mɨsâ me'ra niî sĩ'rikã, ũru sãátirãta, kɨ̃ɨ̂re yẽ'êya. Kɨ̃ɨ̂re “A'tîro weekã́ ɨá'” niîtirãta, yẽ'êya. “De'ró weérã kɨ̃ɨ̂re yẽ'ê boosari?” niîtirãta, yẽ'êya.

Romanos 15:1

Marî ẽho peó tutuarã ãpêrã ẽho peó tutuatirãre wee tamúro ɨá'. Marî tɨ'sasé di'akɨ̃re weetíkã'ro ɨá'.

1 Corintios 8:11

Mɨ'ɨ̂ masîmigɨ ba'âgɨ, ẽho peó tutuatigɨ pe'ere dohórẽ'gɨ weé'. Cristo kɨ̃ɨ́ kẽ'rare wẽrî basakɨ niîwĩ. Mɨ'ɨ̂ ba'asé me'ra mɨ'ɨ̂ akawerégɨre dohórẽ'.

Gálatas 5:6

Marî Jesu Cristo yarã niî'. Õ'âkɨ̃hɨ ĩ'yóropɨre õ'rekɨhɨ́ yapa kaserore yehê kõ'a no'ose, yehê kõ'a no'otise wapa marí'. Marî Jesu Cristore ẽho peó tĩharã, ãpêrãre ma'í'. Tee pũríkã wapatí'.

Efesios 4:14

Tohô weérã wi'marã́ weeró noho wee sirú tuu mɨharã niîsome. Niî pe'tisetiri ma'má bu'esére tɨ'órã, na'îro dɨka yuú mɨhasome. Niî soo me'rirã marîre mehêkã ẽho peókã weesomé.

Efesios 6:24

Õ'âkɨ̃hɨ niî pe'tirã Jesu Cristore ma'í nu'kurãre ãyuró weeáto. Toô kã'rota ohâ'. Paulo

Hebreos 13:20

Õ'âkɨ̃hɨ ãyuró ehêri põ'ratikã weegɨ́ marî wiôgɨ Jesu Cristore wẽrî'kɨpɨre masókɨ niîwĩ. Jesu Cristo ovelha ko'tegɨ́ weeró noho marîre ãyuró ko'tegɨ́ niîmi. Kɨ̃ɨ̂ wẽrisé me'ra, kɨ̃ɨ yeé diî me'ra Õ'âkɨ̃hɨ masaré “Naâ wiôgɨ niîgɨti, naá kẽ'ra yarã́ niîrãsama” niî'kere keoró wa'akã́ weékɨ niîwĩ. Õ'âkɨ̃hɨ masaré “Tohô weegɨ́ti” niî'ke niî nu'kurosa'.

Hebreos 4:13

Marî Õ'âkɨ̃hɨ weé'kãrã niî'. Kɨ̃ɨ̂re neê du'ti masí wee'. Niî pe'tise marî niisére, marî weesére kɨ̃ɨ̂ ĩ'yâ masimi. Kɨ̃ɨ́ta marî weé'kere “De'ró weérã tohô weerí?” niî besegɨ́sami.

1 Pedro 1:8

Mɨsâ Jesu Cristore a'ti nukúkãpɨ niikã́ ĩ'yâti'kãrã niîmirã, kɨ̃ɨ̂re ma'í'. A'tóka terore kɨ̃ɨ̂re ĩ'yâtimirã, ẽho peó'. Mɨsâ kɨ̃ɨ̂re ẽho peókã, mɨsâre pekâ me'epɨ wa'â boo'kãrãre yɨ'rɨkã́ weegɨ́sami. Tohô weérã mɨsâ Õ'âkɨ̃hɨ tiropɨ wa'aátehere wãkûrã, pũûro e'katí'. De'ró niî werê nemo boosari? Werêta basió wee'.

1 Pedro 2:2

Mɨsâ Õ'âkɨ̃hɨ ãyugɨ́ niîmi niisére masî tohasa'. Tohô weérã wi'marã́ neê bahuárã naâ pakó õpekṍre ɨpɨ́tɨ mi'rí sĩ'rirã weeró noho weeyá. Õ'âkɨ̃hɨ yee ãyusé kitire ɨpɨ́tɨ tɨ'sasé me'ra tɨ'ó sĩ'riya. Wi'marã́ naâ pakosã́ numia yee õpekṍre mi'rírã, ĩ'yo duárã wa'âsama. Õ'âkɨ̃hɨ uúkũse wi'magɨ́ pako õpekṍ weeró noho niî'. Teé diakɨ̃hɨ́ werê me'rikã'. Marî teeré wãkû nu'kurã, kɨ̃ɨ̂re ẽho peó tutua nemorãsa'. Kɨ̃ɨ̂re masî nemoato niîgɨ marîre yɨ'rɨókɨ niîwĩ.

1 Pedro 2:25

Marî a'tîro niîkũmiwɨ. Ovelha sã'rîro po'peapɨ niî'kãrã no'ó ɨaró wihá wã'kasama. Wihá wã'ka, ĩ'yâ nɨrɨtikã, bahu dutiá wa'âsama. Marî naâ weeró noho niîkũmiwɨ. Ni'kâroakãre Jesu Cristore ẽho peó'. Tohô weérã ovelhare ko'tegɨ́ bahu dutí'kãrãre a'mâ, kɨ̃ɨ̂ naâre boká'karo weeró noho niî'. Jesu Cristo marîre yã'âro weerí niîgɨ, marîre ĩ'yâ nɨrɨ, ko'tegɨ́ niîmi.

1 João 4:19

Õ'âkɨ̃hɨ marîre ma'í mɨ'takɨ niîwĩ. Tohô weérã marî kɨ̃ɨ̂re ma'í'.

1 João 5:1

Niî pe'tirã “Jesu Õ'âkɨ̃hɨ besé'kɨ niîmi” niî ẽho peórã noho Õ'âkɨ̃hɨ põ'ra niîma. Ãpêrãre ma'írã, naâ põ'rá kẽ'rare ma'iró ɨá'.

Apocalipse 2:23

Koô põ'raré wẽrikã́ weegɨ́ti. Tohô weekã́, niî pe'tirã Jesu Cristore ẽho peóse kurarikãharã a'tîro niîrãsama: ‘Kɨ̃ɨ̂ masá tɨ'ó yã'asere masîmi’, niîrãsama. ‘Naâ po'peapɨ wãkusére, ɨ̃sá kẽ'rare masî pe'okã'mi’, niîrãsama. ‘Marî niisétisere keoró wapa yeégɨsami’, niîrãsama.