San Juan 20:25 - Tukano

²⁵ Be'ró kɨ̃ɨ̂ dahakã́, ɨ̃sâ kɨ̃ɨ̂re niîwɨ: —Marî wiôgɨre ĩ'yaápɨ, niîwɨ. Tomé pe'e ɨ̃sâre niîwĩ: —Yɨ'ɨ̂ kɨ̃ɨ̂ amûkãpɨ paâ bi'pe'ke peeripɨ sĩô sõro ĩ'yatimigɨ, ẽho peósome. Tohô niikã́ kɨ̃ɨ̂re yõsê'karopɨ yaá amû pi'kare sĩô sõro ĩ'yatigɨ, ẽho peósome. Sĩô sõro ĩ'ya tohagɨpɨ, ẽho peógɨti, niîwĩ.

Õꞌacʉ̃ Yere Ucũrĩ Turi

²⁵ Beꞌro cʉ̃ dajacã, ʉ̃sã cʉ̃rẽ niwʉ̃: —Marĩ wiogʉre ĩꞌapʉ, niwʉ̃. Tomás peꞌe ʉ̃sãrẽ niwĩ: —Yʉꞌʉ cʉ̃ omocãpʉ paabiꞌpeꞌque peripʉ sĩosõrõĩꞌatimigʉ̃, ẽjõpeosome. Tojo nicã cʉ̃rẽ ñosẽꞌcaropʉ ya omopicare sĩosõrõĩꞌatigʉ, ẽjõpeosome. Sĩosõrõĩꞌatojagʉpʉ, ẽjõpeogʉti, niwĩ.

San Juan 20:25 Iomraidhean Croise

Mateus 27:42

—Ãpêrã marikãre yɨ'rɨówĩ. Kɨ̃ɨ̂ basi pe'e yɨ'rɨó masitimi. “Israel kurakãharã wiôgɨ niî'”, niîwĩ. Too pũríkãre kurúsapɨ wã'yágɨ dihátiato. Tohô weekã́, marî kɨ̃ɨ̂re ẽho peórãsa'.

Marcos 16:11

“Jesu katiámi, yɨ'ɨ̂ kɨ̃ɨ̂re ĩ'yaápɨ” niikã́ tɨ'órã, ẽho peótikãrã niîwã.

Marcos 16:13

Be'ró kɨ̃ɨ̂re ĩ'yâ masika be'ro ãpêrã kɨ̃ɨ̂ bu'erã́ niî'kãrãre werêrã wa'âkãrã niîwã. Naá kẽ'rare ẽho peótikãrã niîwã.

Marcos 16:14

Maria Madalenare, tohô niikã́ ãpêrãre bahuáka be'ro Jesu kɨ̃ɨ̂ bu'erã́ onzere bahuákɨ niîwĩ. Naâ ba'â duhiri kura bahuákɨ niîwĩ. Naâ “Kɨ̃ɨ̂ masákɨ niiámi” niisére ẽho peótikãrã niîwã. Naâ ẽho peótise bu'iri naâre tu'tîkɨ niîwĩ.

San Lucas 24:25

Tohô niisére tɨ'ógɨ, Jesu naâre niîkɨ niîwĩ: —Mɨsâ tɨ'o masí wee'. No'ó kõ'ro yoakã́ mɨsâ Õ'âkɨ̃hɨ yee kiti werê mɨ'tarã ohâ'kere ẽho peótirã niî nu'kurãsari?

San Juan 1:41

Kɨ̃ɨ̂, kɨ̃ɨ̂ ma'mi Simãore maatá a'mâgɨ wa'âwĩ. Kɨ̃ɨ̂re niîkɨ niîwĩ: —Messia masaré yɨ'rɨoákɨhɨ, Õ'âkɨ̃hɨ o'ôo'gɨti niî'kɨre boka ehaápɨ, niîkɨ niîwĩ. Messia, Cristo Õ'âkɨ̃hɨ besé'kɨ niî sĩ'riro weé'.

San Juan 20:27

Be'ró Tomére niîwĩ: —Ĩ'yâya yeé amûkãrire. Mɨ'ɨ̂ amû pi'kare naâ yɨ'ɨ̂re paâ bi'pe'ke peeripɨ sĩô sõroya. Yɨ'ɨ̂re paatí pa'mapɨ naâ yõsê'karopɨre mɨ'ɨ yaá amû pi'kare sĩô sõroya. Ẽho peóse moogɨ́ niîtikã'ya. Yɨ'ɨ̂re ẽho peóya.

San Juan 21:7

Tohô wa'akã́ ĩ'yâgɨ, yɨ'ɨ̂ Jesu ɨpɨ́tɨ ma'í no'ogɨ Pedrore niîwɨ: —Marî wiôgɨ niîmi. Yɨ'ɨ̂ tohô niikã́ tɨ'ógɨ, Simão Pedro su'tîro bu'îkãharore wehê sãyawĩ. Jesu tirópɨ wa'âgɨ, dokê yõhawĩ.

San Juan 6:30

Naâ kɨ̃ɨ̂re sẽrí yã'awã: —Yẽ'e nohó me'ra ĩ'yogɨ́sari ɨ̃sâ mɨ'ɨ̂re ẽho peókã? De'ró bahusé weegɨ́sari?

Hebreos 3:12

Yɨ'ɨ̂ akawerérã, tɨ'o masíya. Neê ni'kɨ́ yã'âro wãkû, ẽho peótigɨ niîtikã'ya. Yã'âro wãkûrã, kɨ̃ɨ̂re ẽho peótirã, mɨsâ Õ'âkɨ̃hɨ katî nu'kugɨre kõ'ârã wee boósa'.

Hebreos 3:18

Õ'âkɨ̃hɨ kɨ̃ɨ̂re yɨ'rɨ́ nɨ'ka'kãrãre “A'tîro weegɨ́ti” niîkɨ niîwĩ: “Yɨ'ɨ̂ naâre o'oátihi di'tare neê ehâsome. Naâ yɨ'ɨ̂ me'ra soó, e'katí tamusome”, niîkɨ niîwĩ.