San Juan 17:3 - Tukano

³ Masá mɨ'ɨ̂ Õ'âkɨ̃hɨ ni'kɨtá keoró niigɨ́re, tohô niikã́ yɨ'ɨ̂re mɨ'ɨ̂ o'ôo'kɨre ẽho peórã katî nu'kukã'rãsama.

Õꞌacʉ̃ Yere Ucũrĩ Turi

³ Masã mʉꞌʉ Õꞌacʉ̃ niꞌcʉ̃ nigʉ̃rẽ, tojo nicã yʉꞌʉre mʉꞌʉ oꞌóꞌcʉre ẽjõpeorã catinuꞌcũcãꞌrãsama.

San Juan 17:3 Iomraidhean Croise

Marcos 9:37

—Yɨ'ɨ̂re ma'igɨ́ noho ni'kɨ́ ã'rí wi'magɨ́re yẽ'êgɨ weeró noho weemí. Kɨ̃ɨ̂re yẽ'êgɨ, yɨ'ɨ̂reta yẽ'êgɨ weemí. Yɨ'ɨ̂re yẽ'egɨ́ kẽ'ra yɨ'ɨ̂ di'akɨ̃re yẽ'êgɨ weetími. Yɨ'ɨ̂re o'ôo'kɨ Õ'âkɨ̃hɨ kẽ'rare meharóta yẽ'êgɨ weemí, niîkɨ niîwĩ.

San Lucas 9:48

naâre niîkɨ niîwĩ: —Yɨ'ɨ̂re ma'igɨ́ noho ni'kɨ́ ã'rí wi'magɨ́re yẽ'êgɨ weeró noho weemí. Kɨ̃ɨ̂re yẽ'êgɨ, yɨ'ɨ̂reta yẽ'êgɨ weemí. Yɨ'ɨ̂re yẽ'êgɨ, yɨ'ɨ̂re o'ôo'kɨ Õ'âkɨ̃hɨ kẽ'rare yẽ'êgɨta weemí. No'ó mɨsâ wa'teropɨre ãpêrã yɨ'rɨóro niî' niî wãkûtigɨ kɨ̃ɨ́ta niîmi ãpêrã yɨ'rɨóro niigɨ́, niîkɨ niîwĩ Jesu.

San Juan 10:36

Õ'âkɨ̃hɨ yɨ'ɨ̂re bese tĩhágɨ, a'ti ɨmɨ́kohopɨre o'ôo'wĩ. Tohô niîmikã, “Yɨ'ɨ̂ Õ'âkɨ̃hɨ makɨ niî'” niî'ke bu'iri mɨsâ pe'e yɨ'ɨ̂re “Õ'âkɨ̃hɨre yã'âro uúkũami”, niiápɨ. Tohô nií wee'.

San Juan 11:42

Yɨ'ɨ̂ masî', mɨ'ɨ̂ yɨ'ɨ̂re tɨ'ó nu'kukã'. Ã'rá a'topɨ́ nu'kurã́ yee bu'iri sẽrí'. Mɨ'ɨ̂ yɨ'ɨ̂re o'ôo'kere masiáto niîgɨ tohô weé'.

San Juan 14:26

Yɨ'ɨ̂ sẽrikã́, yɨ'ɨ̂ pakɨ Espírito Santore mɨsâre o'ôo'gɨsami. Kɨ̃ɨ̂ mɨsâre wee tamú, wãkû tutua nu'kukã weegɨ́sami. Niî pe'tise mɨsâre bu'êgɨsami. Niî pe'tise yɨ'ɨ̂ mɨsâre bu'ê'kere opâturi wãkukã́ weegɨ́sami.

San Juan 17:18

Yɨ'ɨ̂re mɨ'ɨ yeé kitire a'ti nukúkãkãharãre werê dutigɨ o'ôo'wɨ. Yɨ'ɨ́ kẽ'ra yɨ'ɨ̂ bu'erã́re a'ti nukúkãkãharãre werê dutigɨ o'ôo'.

San Juan 17:21

Naâ marî me'ra ni'kâro me'ra niiáto niîgɨ tohô weé'. Pakɨ́, yɨ'ɨ̂ mɨ'ɨ̂ me'ra niîro noho, mɨ'ɨ̂ yɨ'ɨ̂ me'ra niîro noho naá kẽ'ra niiáto. Tohô wa'akã́ ĩ'yârã, a'ti nukúkãkãharã yɨ'ɨ̂re mɨ'ɨ̂ o'ôo'kere ẽho peórãsama.

San Juan 17:23

Yɨ'ɨ̂ naâpɨre niî'. Mɨ'ɨ̂ pe'e yɨ'ɨ̂pɨre niî'. Tohô weérã naâ ni'kâro me'ra niîrãsama. Tohô wa'akã́ ĩ'yârã, a'ti nukúkãkãharã mɨ'ɨ̂ yɨ'ɨ̂re o'ôo'kere masîrãsama. Apêyere, mɨ'ɨ̂ yɨ'ɨ̂re ma'iró nohota “Marîre ma'imí”, niîrãsama.

San Juan 17:25

Pakɨ́, mɨ'ɨ̂ keoró weé'. A'ti nukúkãkãharã yɨ'ɨ̂re ẽho peótirã mɨ'ɨ̂re masîtima. Yɨ'ɨ̂ mɨ'ɨ̂re masî'. Ã'rá yɨ'ɨ̂ bu'erã́ mɨ'ɨ̂ yɨ'ɨ̂re o'ôo'kere masîma.

San Juan 17:8

Naâre niî pe'tise mɨ'ɨ̂ werê duti'kere werêwɨ. Naâ teeré tɨ'órã, ẽho peówã. Naâ diakɨ̃hɨ́ta yɨ'ɨ̂ mɨ'ɨ̂ tiropɨ a'tî'kere ẽho peówã. Tohô niikã́ mɨ'ɨ̂ yɨ'ɨ̂re o'ôo'kere ẽho peówã.

San Juan 3:17

Õ'âkɨ̃hɨ a'ti nukúkãkãharãre bu'îri da'rêgɨti niîgɨ meheta kɨ̃ɨ̂ makɨré o'ôo'kɨ niîwĩ. Naâre yɨ'rɨógɨ pe'e tohô weékɨ niîwĩ.

San Juan 3:34

Õ'âkɨ̃hɨ Jesu Cristore Espírito Santore kɨó yɨ'rɨkã weékɨ niîwĩ. Tohô weégɨ kɨ̃ɨ̂ pakɨ yeére uúkũmi.

San Juan 5:44

Mɨsâ basita mɨsâ weesére a'mêri “Ãyú'”, niî kũya'. Õ'âkɨ̃hɨ ni'kɨ́ niigɨ́ “Ãyú'” niisé pe'ere a'má wee'. Tohô wee kũyárã, de'ró weé mɨsâ yɨ'ɨ̂re ẽho peó boosari?

San Juan 6:57

Yɨ'ɨ̂ pakɨ katî nu'kugɨ yɨ'ɨ̂re o'ôo'wĩ. Yɨ'ɨ̂ kɨ̃ɨ̂ me'ra katî'. Tohô weégɨ yɨ'ɨ̂ ɨpɨ́ ba'agɨ́re katî nu'kukã weegɨ́ti.

San Juan 7:29

Yɨ'ɨ̂ kɨ̃ɨ̂ tiropɨ niî'kɨ niî'. Tohô weégɨ kɨ̃ɨ̂re masî', niîwĩ Jesu.

San Juan 8:19

Naâ Jesuré sẽrí yã'awã: —Too pũríkãre mɨ'ɨ̂ pakɨ no'opɨ́ niîsari? Jesu naâre yɨ'tiwĩ́: —Mɨsâ yɨ'ɨ̂re masí wee'. Yɨ'ɨ̂ pakɨ kẽ'rare masîtisa'. Yɨ'ɨ̂re masîrã pũrikã, kɨ̃ɨ́ kẽ'rare masî booapã, niîwĩ.

1 Corintios 15:34

Tohô weérã tɨ'o masíya. Mɨsâ too dɨpóro niî'karo noho wio pesáse me'ra keoró weeyá taha. Yã'âro weetíkã'ya. Ni'karérã Õ'âkɨ̃hɨre masí wee'. Mɨsâre bopôya dutigɨ tohô niî'.

1 Corintios 8:4

Mɨsâ wa'îkɨ̃ di'i naâ yeê'kãrãre o'ô'ke pe'e a'tîro niî'. Mɨsâ niîro nohota naâ ẽho peóse yeê'ke wapa marí'. Ãpêrã Õ'âkɨ̃hɨ weeró noho niirã́pɨa neê marimá. Kɨ̃ɨ̂ ni'kɨtá niîmi.

2 Corintios 4:6

A'tîro niî'. Õ'âkɨ̃hɨ neê waropɨ a'ti nukúkã na'î tĩ'aro niî'kere bo'rê yuukã weékɨ niîwĩ. Kɨ̃ɨ̂ teeré weé'karo noho kɨ̃ɨ́ta taha mari yeé ehêri põ'raripɨ bo'rê yuukã weékɨ niîwĩ. Kɨ̃ɨ yeére tɨ'o masítimi'kãrãre tɨ'o masíkã weékɨ niîwĩ. Tohô niikã́ marîre Õ'âkɨ̃hɨ tutuâ yɨ'rɨagɨ niîmi niisére masikã́ weékɨ niîwĩ. Jesu Cristore masirã́ teeré masî no'o'.

Filipenses 3:10

Yɨ'ɨ̂ a'tîro di'akɨ̃ weé sĩ'ri'. Cristore ãyuró masî sĩ'ri'. Õ'âkɨ̃hɨ kɨ̃ɨ̂ tutuaró me'ra yɨ'ɨ̂re dɨka yuú nu'kukã ɨá'. Kɨ̃ɨ̂ tutuasé me'ra Cristore masókɨ niîwĩ. Cristo kɨ̃ɨ̂ pakɨ yeére weégɨ, pi'etí, kurúsapɨ wẽrîkɨ niîwĩ. Yɨ'ɨ́ kẽ'ra Õ'âkɨ̃hɨ yeere ɨpɨ́tɨ weé sĩ'ri'. Jesu Cristo yeere wẽrîgɨpɨ, wee tɨó sĩ'ri'.

Filipenses 3:8

Apêye maa, yɨ'ɨ̂ wiôgɨ Jesu Cristore masisé wapatí yɨ'rɨa'. Apêye noho yɨ'ɨ̂ kɨo boó'ke nemoró wapatí'. Jesu Cristore ẽho peóse bu'iri niî pe'tise yɨ'ɨ̂ weeséti'kere, niiséti'kere marî ɨatísere kõ'ârã weeró noho kõ'âwɨ. Jesu Cristo yɨ'ɨ̂ wiôgɨre kɨó sĩ'rigɨ, tohô weewɨ́.

1 Tesalonicenses 1:9

Mehô naâ pe'eta mɨsâ weesétisere kiti weréma. Ɨ̃sâ mɨsâ tiropɨ niikã́, mɨsâ ɨ̃sâre ãyuró weé'kere werêma. Apêye maa, mɨsâ yeê'kãrãre ẽho peó du'u'kere werêma. Teeré du'ú, ni'kâroakãre Õ'âkɨ̃hɨ katigɨ́ diakɨ̃hɨ́ niigɨ́ pe'ere ẽho peó, kɨ̃ɨ̂ ɨaró weeápa'ro.

2 Tesalonicenses 1:8

Õ'âkɨ̃hɨre ẽho peótirãre, marî wiôgɨ Jesu masaré yɨ'rɨóse kitire yɨ'rɨ́ nɨ'karãre bu'îri da'rêgɨ a'tîgɨsami.

Hebreos 3:1

Yɨ'ɨ̂ akawerérã, Jesu Cristore ẽho peórã Õ'âkɨ̃hɨ besé no'o'kãrã Jesu Cristore ãyuró wãkû nɨrɨya. Kɨ̃ɨ̂ Õ'âkɨ̃hɨ yeere werê dutigɨ o'ôo' no'o'kɨ niîmi. Tohô niikã́ kɨ̃ɨ̂ sacerdotea wiôgɨ weeró noho Õ'âkɨ̃hɨre mari yeé niiátehere sẽri baságɨ weesamí.

2 Pedro 1:2

Õ'âkɨ̃hɨ, tohô niikã́ marî wiôgɨ Jesuré masî nemoya. Mɨsâ tohô weekã́, niî pe'tise ãyusé, mɨsâ ehêri põ'raripɨ ãyuró tɨ'o yã'asere o'ô yɨ'rɨ mɨharãsama.

2 Pedro 1:3

Õ'âkɨ̃hɨ kɨ̃ɨ̂ makɨ́ Jesu Cristore marîre masikã́ weékɨ niîwĩ. Kɨ̃ɨ̂re masîrã, kɨ̃ɨ̂ tutuaró me'ra marî kɨ̃ɨ̂ ɨaró ãyuró niiséti masirãsa'. Jesu Cristo ãyú yɨ'rɨagɨ, niî pe'tise ãyuró weegɨ́ marîre kɨ̃ɨ yarã́ niî dutigɨ pihîkɨ niîwĩ.

2 Pedro 1:8

Mɨsâ a'teré siâpe me'ra nemoró wee turiá wã'karã, marî wiôgɨ Jesu Cristore ãyuró masîrãsa'. Kɨ̃ɨ̂ ɨaró wee nemórãsa'. “Mehô waro kɨ̃ɨ̂re ẽho peópã”, niîsome.

1 João 1:3

Ɨ̃sâ marî pakɨ Õ'âkɨ̃hɨ me'ra, tohô niikã́ kɨ̃ɨ̂ makɨ́ Jesu Cristo me'ra ãyuró niîkã'. Mɨsá kẽ'rare tohôta ɨa sãása'. Tohô weérã ɨ̃sâ ĩ'yâ'kere, tɨ'ó'kere mɨsâre werê'.

1 João 2:23

No'ó kɨ̃ɨ̂ makɨ́ Jesu Cristore ɨatírã, kɨ̃ɨ̂ pakɨ́ kẽ'rare moosamá. Marî Jesu Cristore Õ'âkɨ̃hɨ besé'kɨ niîmi niîrã, Õ'âkɨ̃hɨ põ'ra niî'.

1 João 4:6

Marî pũrikã Õ'âkɨ̃hɨ põ'ra niî'. Kɨ̃ɨ̂ põ'rá niirã́ marî bu'esére tɨ'osamá. Kɨ̃ɨ̂ põ'rá niîtirã tɨ'otísama. Tohô weérã marî diakɨ̃hɨ́kãhase ẽho peórãre, diakɨ̃hɨ́ niîtisere ẽho peórãre ĩ'yâ bese masi'. “Ã'ratá niîma diakɨ̃hɨ́kãhasere ẽho peórã”, niî masi'. “Naâ niîma diakɨ̃hɨ́kãhasere ẽho peótirã”, niî ĩ'yâ dɨka waá masi'.

1 João 5:20

Apêye kẽ'rare, Õ'âkɨ̃hɨ makɨ kɨ̃ɨ̂ a'tî'kere masî'. Kɨ̃ɨ̂ marîre Õ'âkɨ̃hɨ diakɨ̃hɨ́ niigɨ́re masî dutigɨ tɨ'o masíse o'ôkɨ niîwĩ. Marî Jesu Cristo me'ra niîrã, kɨ̃ɨ̂ pakɨ́ Õ'âkɨ̃hɨpɨreta niî'. Jesu Cristo Õ'âkɨ̃hɨ niîmi. Kɨ̃ɨ́ta katî nu'kugɨ marî katî nu'kuatehere o'ômi.