San Juan 17:26 - Tukano

²⁶ Mɨ'ɨ̂ niisétisere naâre masikã́ weewɨ́. Tohô masikã́ weé nu'kukɨ̃'ti. Mɨ'ɨ̂ yɨ'ɨ̂re ma'iró nohota naá kẽ'rare a'mêri ma'i dutígɨ tohô weé'. Tohô niikã́ yɨ'ɨ̂ naâ me'ra niî nu'kugɨti niîgɨ, tohô weé', niîwĩ Jesu.

Õꞌacʉ̃ Yere Ucũrĩ Turi

²⁶ Mʉꞌʉ nisetisere narẽ masĩcã weewʉ. Tojo masĩcã weenuꞌcũcʉ̃ti. Mʉꞌʉ yʉꞌʉre maꞌirõnojõta na quẽꞌrãrẽ aꞌmerĩ maꞌidutigʉ tojo weeꞌe. Tojo nicã yʉꞌʉ na meꞌrã ninuꞌcũgʉ̃ti nígʉ̃, tojo weeꞌe, niwĩ Jesú.

San Juan 17:26 Iomraidhean Croise

San Juan 14:20

Yɨ'ɨ̂ pakɨ mɨsâre Espírito Santore o'ôo'gɨsami. Tohô weéka be'ro yɨ'ɨ̂ pakɨ me'ra yɨ'ɨ̂ niisére masîrãsa'. Tohô niikã́ mɨsâ yɨ'ɨ̂ me'ra niisére, yɨ'ɨ̂ mɨsâpɨre niisére masîrãsa'.

San Juan 14:23

Jesu kɨ̃ɨ̂re niîwĩ: —Yɨ'ɨ̂re ma'igɨ́ yɨ'ɨ̂ dutisére weemí. Yɨ'ɨ̂ pakɨ kɨ̃ɨ̂re ma'igɨ́sami. Ɨ̃sâ pɨárãpɨta kɨ̃ɨ̂ me'ra niîrãsa'.

San Juan 15:15

Yɨ'ɨ̂ mɨsâre “Yɨ'ɨ̂re da'rá ko'terã niîma”, niîsome. Da'rá ko'terã naâ wiôgɨ weesére masîtisama. Mɨsâ yɨ'ɨ̂ me'rakãharã niî'. Tohô weégɨ yɨ'ɨ̂ pakɨ yɨ'ɨ̂re niî'kere werê pe'okã'.

San Juan 15:4

Yɨ'ɨ̂ mɨsâpɨre niî nu'kugɨsa'. Mɨsá kẽ'ra yɨ'ɨ̂ me'ra niî nu'kukã'ya. Ni'kâ dɨpɨ yukɨ̂gɨpɨ a'mé sɨ'atimiro dɨkâtitisa'. A'té weeró noho mɨsâ yɨ'ɨ̂ me'ra niî nu'kutirã, neê ãyuró wee masísome.

San Juan 15:9

Yɨ'ɨ̂ pakɨ yɨ'ɨ̂re ma'iró nohota yɨ'ɨ́ kẽ'ra mɨsâre ma'í'. Yɨ'ɨ̂ me'ra niî nu'kuya. Tohô weekã́, mɨsâre ma'í nu'kugɨsa'.

San Juan 17:23

Yɨ'ɨ̂ naâpɨre niî'. Mɨ'ɨ̂ pe'e yɨ'ɨ̂pɨre niî'. Tohô weérã naâ ni'kâro me'ra niîrãsama. Tohô wa'akã́ ĩ'yârã, a'ti nukúkãkãharã mɨ'ɨ̂ yɨ'ɨ̂re o'ôo'kere masîrãsama. Apêyere, mɨ'ɨ̂ yɨ'ɨ̂re ma'iró nohota “Marîre ma'imí”, niîrãsama.

San Juan 17:6

Mɨ'ɨ̂ ã'raré a'ti nukúkãpɨ niirã́ wa'terore besewɨ́. Yɨ'ɨ̂re naâre o'ôgɨti niîgɨ, tohô weékɨ niîwɨ. Mɨ'ɨ̂ niisétisere naâre masikã́ weewɨ́. Naâ mɨ'ɨ yarã́ niîmi'kãrãre yɨ'ɨ̂re wiawɨ́. Naâ mɨ'ɨ̂ dutisére weewã́.

San Juan 17:8

Naâre niî pe'tise mɨ'ɨ̂ werê duti'kere werêwɨ. Naâ teeré tɨ'órã, ẽho peówã. Naâ diakɨ̃hɨ́ta yɨ'ɨ̂ mɨ'ɨ̂ tiropɨ a'tî'kere ẽho peówã. Tohô niikã́ mɨ'ɨ̂ yɨ'ɨ̂re o'ôo'kere ẽho peówã.

San Juan 6:56

Yeé ɨpɨré ba'agɨ́, yeé diîre sĩ'rigɨ́ yɨ'ɨ̂ me'ra niîmi. Yɨ'ɨ́ kẽ'ra kɨ̃ɨ̂ me'ra niî'.

San Juan 8:50

Yɨ'ɨ̂, yeekãhásere masá ãyuró uúkũato niisére a'mâgɨ meheta weé'. Ni'kɨ́ niîmi yɨ'ɨ̂re ãyuró uúkũgɨ. Kɨ̃ɨ́ta besegɨ́sami.

Romanos 8:10

Marî yã'âro weesé wapa marî ɨpɨ́ boâ dihaatihi ɨpɨ niî'. Tohô boâ dihaatihi ɨpɨ niîmikã, Jesu Cristo marîpɨre niî yuukã, Õ'âkɨ̃hɨ marîre “Ãyurã́, bu'îri marirã́ niîma”, niî ĩ'yâsami. Tohô weéro marî ɨpɨ́ boâmikã, marî ehêri põ'ra ɨ'mɨ̂sepɨ katî nu'kukã'rosa'.

1 Corintios 1:30

Mɨsâre Õ'âkɨ̃hɨ basita Jesu Cristo yarã sãhakã́ weékɨ niîwĩ. Tohô niikã́ Cristo me'rata marî masisé kɨó'. Kɨ̃ɨ̂ me'rata taha Õ'âkɨ̃hɨ marîre “Naâ ãyurã́, yɨ'rɨó no'o'kãrãpɨ niîma”, niî ĩ'yâsami. Marî kɨ̃ɨ yarã́ niî'. Tohô weégɨ marî pekâ me'epɨ wa'â boo'kãrãre yɨ'rɨ wetíkã weékɨ niîwĩ.

1 Corintios 12:12

Marî ɨpɨ́ ni'kâ ɨpɨ niîmiro, pehé dɨka watí'. Tohô dɨka watímiro, ni'kâ ɨpɨta niî'. Cristo kẽ'ra tohôta niîmi. Pãharã́ kɨ̃ɨ̂re ẽho peóma. Naâ pãharã́ niîmikã, kɨ̃ɨ̂ ɨpɨ́ weeró noho ni'kâ kura kɨ̃ɨ̂ me'ra niîma.

Gálatas 2:20

Jesu Cristo kurúsapɨ wẽrîkɨ niîwĩ. Yɨ'ɨ̂ kɨ̃ɨ̂re ẽho peógɨ, kɨ̃ɨ̂ me'ra wẽrîgɨ weeró noho wa'âkɨ niîwɨ. Tohô weégɨ yɨ'ɨ̂ se'saro nií wee'. Ni'kâroakãre Jesu Cristo yɨ'ɨ̂re sɨ'orí niîmi. Yɨ'ɨ̂ kɨ̃ɨ̂ ɨaró, kɨ̃ɨ̂ dutiró weé'. Õ'âkɨ̃hɨ makɨre ẽho peógɨ, wãkû tutua'. Kɨ̃ɨ̂ yɨ'ɨ̂re ma'ígɨ, yã'âro weé'kere wẽrî wapa yeé basakɨ niîwĩ.

Efesios 1:6

Kɨ̃ɨ̂ makɨ́ kɨ̃ɨ̂ ɨpɨ́tɨ ma'igɨ́ me'ra marîre ãyuró weékɨ niîwĩ. Tohô weérã kɨ̃ɨ̂ marîre ãyuró weé'kere wãkûrã, kɨ̃ɨ̂re e'katí peo nu'ku'.

Efesios 3:17

Mɨsâ Cristore ẽho peó, nemoró kɨ̃ɨ̂ me'ra ãyuró niiáto niîgɨ sẽri basá'. Apêye maa, mɨsâ Cristore, tohô niikã́ ãpêrãre ãyuró ma'ikã́ ɨágɨ sẽri basá'.

Efesios 5:30

Marî kɨ̃ɨ̂re ẽho peóri kurakãharã kɨ̃ɨ yaá ɨpɨ niî'.

Efesios 5:32

Teé tɨ'otá basiótise paka niî'. Tohô niîmikã, yɨ'ɨ̂ pe'e Cristo, tohô niikã́ kɨ̃ɨ̂re ẽho peóri kurakãharãre naâ ni'kâ ɨpɨ niîma niisére uúkũ'.

Colosenses 2:10

Mɨsá kẽ'ra kɨ̃ɨ̂pɨreta niî'. Tohô weérã mɨsâ Õ'âkɨ̃hɨre kɨó yɨ'rɨa toha'. Jesu Cristo niî pe'tirã wiôgɨ niîmi. Ɨ'mɨ̂sekãharã, a'ti nukúkãkãharã, bahurã́, bahutírã niî pe'tirã wiôrã kɨ̃ɨ̂ doka niîma.

Colosenses 3:11

Marî niî pe'tirãre Jesu Cristo ĩ'yóropɨre neê dɨka watíse marí'. Judeu masa, Judeu masa niîtirã, ãpêrã õ'rekɨhɨ́ yapa kasero yehê kõ'a no'o'kãrã, yehê kõ'a no'oya marirã́re dɨka watíse marí'. Tohô niikã́ apé sia'kãharãpɨ, sumútohorikãharã, da'rá ko'terã, da'rá ko'tetirã, ã'rá niî pe'tirã me'ra dɨka watíse marí'. Kɨ̃ɨ̂ niî pe'tirã kɨ̃ɨ̂re ẽho peórã wiôgɨ niîmi. Niî pe'tirãpɨre niîmi.

2 Tesalonicenses 2:16

Jesu Cristo marî wiôgɨ basita, tohô niikã́ marî pakɨ Õ'âkɨ̃hɨ marîre pahá yã'arã, ma'íkãrã niîwã. Naâ marîre wãkû tutuakã weé nu'kusama. Marîre o'oátehere e'katí yuu tohakã weesamá.

Hebreos 2:12

Õ'âkɨ̃hɨ yee kiti ohâka pũripɨ Jesu Cristo kɨ̃ɨ̂ pakɨré uúkũsere a'tîro ohâ no'okaro niîwɨ: Mɨ'ɨ yeékãhasere, yɨ'ɨ̂ akawerérã mɨ'ɨ̂re ẽho peórãre werêgɨti. Masá nerê wɨaropɨ “Õ'âkɨ̃hɨ ãyú yɨ'rɨami”, niî mɨ'ɨ̂re basâ peogɨti.

1 João 3:24

Marî kɨ̃ɨ̂ dutî'kere weérã, kɨ̃ɨ̂ me'ra ãyuró niîkã'. Kɨ̃ɨ́ kẽ'ra marî me'ra ãyuró niîkã'mi. Marîre Espírito Santore o'ôkɨ niîwĩ. Tohô weérã kɨ̃ɨ̂ marî me'ra niisére masî'.