San Juan 17:23 - Tukano

²³ Yɨ'ɨ̂ naâpɨre niî'. Mɨ'ɨ̂ pe'e yɨ'ɨ̂pɨre niî'. Tohô weérã naâ ni'kâro me'ra niîrãsama. Tohô wa'akã́ ĩ'yârã, a'ti nukúkãkãharã mɨ'ɨ̂ yɨ'ɨ̂re o'ôo'kere masîrãsama. Apêyere, mɨ'ɨ̂ yɨ'ɨ̂re ma'iró nohota “Marîre ma'imí”, niîrãsama.

Õꞌacʉ̃ Yere Ucũrĩ Turi

²³ Yʉꞌʉ napʉre niꞌi. Mʉꞌʉ peꞌe yʉꞌʉpʉre niꞌi. Tojo weerã na niꞌcãrõ meꞌrã nirãsama. Tojo waꞌacã ĩꞌarã, aꞌti nucũcãcjãrã mʉꞌʉ yʉꞌʉre oꞌóꞌquere masĩrãsama. Apeyere, mʉꞌʉ yʉꞌʉre maꞌirõnojõta “Marĩrẽ maꞌimi”, nirãsama.

San Juan 17:23 Iomraidhean Croise

San Juan 10:38

Kɨ̃ɨ̂ dutî'karo noho weekã́ pũrikãre, yɨ'ɨ̂re ẽho peótimirã, yɨ'ɨ̂ weé ĩ'yosere ẽho peóya. Mɨsâ teeré ẽho peórã, yɨ'ɨ̂ pakɨ yɨ'ɨ̂pɨre niîmi niisére masîrãsa'. Tohô niikã́ yɨ'ɨ̂, kɨ̃ɨ̂ me'ra ni'kɨtá niî' niisére masîrãsa', niîwĩ Jesu.

San Juan 13:35

Mɨsâ a'mêri ma'ikã́, ãpêrã niî pe'tirã mɨsâre yɨ'ɨ̂ bu'erã́ niisére masîrãsama, niîwĩ Jesu.

San Juan 14:10

Yɨ'ɨ̂, yɨ'ɨ̂ pakɨ me'ra pɨárã niîmirã, ni'kɨtá niî' niisére ẽho peó weeti? Kɨ̃ɨ̂ yɨ'ɨ̂pɨre niîmi niisé kẽ'rare ẽho peó weeti? Yɨ'ɨ̂ uúkũsere yɨ'ɨ̂ se'saro uúkũ wee'. Yɨ'ɨ̂ pakɨ yɨ'ɨ̂pɨre niigɨ́ta kɨ̃ɨ̂ ɨaró uúkũmi. Yɨ'ɨ̂ weesé kẽ'rare yɨ'ɨ̂ se'saro weé wee'. Kɨ̃ɨ́ta kɨ̃ɨ̂ ɨaró weekã́ weemí.

San Juan 14:23

Jesu kɨ̃ɨ̂re niîwĩ: —Yɨ'ɨ̂re ma'igɨ́ yɨ'ɨ̂ dutisére weemí. Yɨ'ɨ̂ pakɨ kɨ̃ɨ̂re ma'igɨ́sami. Ɨ̃sâ pɨárãpɨta kɨ̃ɨ̂ me'ra niîrãsa'.

San Juan 15:9

Yɨ'ɨ̂ pakɨ yɨ'ɨ̂re ma'iró nohota yɨ'ɨ́ kẽ'ra mɨsâre ma'í'. Yɨ'ɨ̂ me'ra niî nu'kuya. Tohô weekã́, mɨsâre ma'í nu'kugɨsa'.

San Juan 16:27

Kɨ̃ɨ́ta mɨsâre ma'imí. A'tîro niî'. Mɨsâ yɨ'ɨ̂re ma'í'. Tohô niikã́ mɨsâ yɨ'ɨ̂re “Õ'âkɨ̃hɨ tiropɨ niî'kɨ a'tîpĩ”, niî ẽho peó'. Tohô weégɨ Õ'âkɨ̃hɨ mɨsâre ma'imí.

San Juan 17:11

Yɨ'ɨ̂ a'ti nukúkãpɨ tohâ ke'asome. Yɨ'ɨ̂ bu'erã́ pũrikã toharã́sama. Yɨ'ɨ̂ mɨ'ɨ̂ tiropɨ wa'âgɨ weé'. Pakɨ́, ãyú yɨ'rɨgɨ, mɨ'ɨ̂ tutuasé me'ra mɨ'ɨ̂ yɨ'ɨ̂re o'ô'kãrãre ãyuró ko'têya. Mɨ'ɨ̂ tohô weekã́, marî niîro nohota naâ ni'kâro me'ra niîrãsama.

San Juan 17:21

Naâ marî me'ra ni'kâro me'ra niiáto niîgɨ tohô weé'. Pakɨ́, yɨ'ɨ̂ mɨ'ɨ̂ me'ra niîro noho, mɨ'ɨ̂ yɨ'ɨ̂ me'ra niîro noho naá kẽ'ra niiáto. Tohô wa'akã́ ĩ'yârã, a'ti nukúkãkãharã yɨ'ɨ̂re mɨ'ɨ̂ o'ôo'kere ẽho peórãsama.

San Juan 17:24

A'ti ɨmɨ́koho weeátoho dɨporo mɨ'ɨ̂ yɨ'ɨ̂re ma'iwɨ́. Tohô weégɨ mɨ'ɨ̂ niisétisere yɨ'ɨ̂re o'ôwɨ. Pakɨ́, mɨ'ɨ̂ o'ô'kãrãre yɨ'ɨ̂ me'ra niikã́ ɨása'. Naâre yɨ'ɨ̂ tutuasére ĩ'yâ dutigɨ tohô weé'.

San Juan 17:26

Mɨ'ɨ̂ niisétisere naâre masikã́ weewɨ́. Tohô masikã́ weé nu'kukɨ̃'ti. Mɨ'ɨ̂ yɨ'ɨ̂re ma'iró nohota naá kẽ'rare a'mêri ma'i dutígɨ tohô weé'. Tohô niikã́ yɨ'ɨ̂ naâ me'ra niî nu'kugɨti niîgɨ, tohô weé', niîwĩ Jesu.

San Juan 17:3

Masá mɨ'ɨ̂ Õ'âkɨ̃hɨ ni'kɨtá keoró niigɨ́re, tohô niikã́ yɨ'ɨ̂re mɨ'ɨ̂ o'ôo'kɨre ẽho peórã katî nu'kukã'rãsama.

San Juan 17:8

Naâre niî pe'tise mɨ'ɨ̂ werê duti'kere werêwɨ. Naâ teeré tɨ'órã, ẽho peówã. Naâ diakɨ̃hɨ́ta yɨ'ɨ̂ mɨ'ɨ̂ tiropɨ a'tî'kere ẽho peówã. Tohô niikã́ mɨ'ɨ̂ yɨ'ɨ̂re o'ôo'kere ẽho peówã.

San Juan 3:17

Õ'âkɨ̃hɨ a'ti nukúkãkãharãre bu'îri da'rêgɨti niîgɨ meheta kɨ̃ɨ̂ makɨré o'ôo'kɨ niîwĩ. Naâre yɨ'rɨógɨ pe'e tohô weékɨ niîwĩ.

San Juan 6:56

Yeé ɨpɨré ba'agɨ́, yeé diîre sĩ'rigɨ́ yɨ'ɨ̂ me'ra niîmi. Yɨ'ɨ́ kẽ'ra kɨ̃ɨ̂ me'ra niî'.

1 Corintios 1:30

Mɨsâre Õ'âkɨ̃hɨ basita Jesu Cristo yarã sãhakã́ weékɨ niîwĩ. Tohô niikã́ Cristo me'rata marî masisé kɨó'. Kɨ̃ɨ̂ me'rata taha Õ'âkɨ̃hɨ marîre “Naâ ãyurã́, yɨ'rɨó no'o'kãrãpɨ niîma”, niî ĩ'yâsami. Marî kɨ̃ɨ yarã́ niî'. Tohô weégɨ marî pekâ me'epɨ wa'â boo'kãrãre yɨ'rɨ wetíkã weékɨ niîwĩ.

2 Corintios 5:21

Cristo neê kã'roákã yã'âro weetíkɨ niîwĩ. Õ'âkɨ̃hɨ pe'e marî yã'âro weesé bu'iri kɨ̃ɨ̂re wẽrî basa dutikɨ niîwĩ. Kɨ̃ɨ̂re yã'agɨ́re weeró noho bu'îri da'rêkɨ niîwĩ. Tohô weesé me'ra Õ'âkɨ̃hɨ marîre Cristo yarã wa'akã́ weékɨ niîwĩ. Tohô niikã́ kɨ̃ɨ̂ ɨaró kɨ̃ɨ̂ weeró noho ãyuró niî dutigɨ tohô weékɨ niîwĩ.

Gálatas 3:28

Õ'âkɨ̃hɨ niî pe'tirã kɨ̃ɨ̂ makɨ́ Jesu Cristore ẽho peórãre yɨ'rɨósami. Judeu masare, Judeu masa niîtirãre yɨ'rɨósami. Tohô niikã́ ãpêrãre da'rá wã'ya ko'terãre, da'rá ko'tetirãre yɨ'rɨósami. Ɨmɨaré, numiâre ni'kâro noho yɨ'rɨósami. Marî niî pe'tirãpɨta Jesu Cristore ẽho peórã dɨka watíse moó'.

Filipenses 3:15

Niî pe'tirã Jesu Cristore ãyuró ẽho peórã yɨ'ɨ̂ niî'karo nohota wãkuró ɨá'. Mɨsâ mehêkã wãkukã́, Õ'âkɨ̃hɨ mɨsâre diakɨ̃hɨ́ wãkukã́ weegɨ́sami.

Colosenses 1:28

Ɨ̃sâ Jesu Cristo yee kitire werê'. Niî pe'tirã masa nɨkɨ́re kɨ̃ɨ̂ niisétisere masî dutirã werê'. Kɨ̃ɨ̂ ɨaró wee dutírã, kɨ̃ɨ̂ me'ra niî nu'ku dutirã werê'.

Colosenses 2:2

A'tîro sẽrí': “Õ'âkɨ̃hɨ, naâre wãkû tutuase o'ôya. Ãyuró sɨ'orí niisétiato. A'mêri ma'iáto. Naâ ãyuró mɨ'ɨ yeékãhasere tɨ'o masí pe'oato. Naâ tohô weérã, mɨ'ɨ̂ makɨre ãyuró masîrãsama”, niî sẽri basá'. Neê waropɨre Õ'âkɨ̃hɨ niî pe'tise kɨ̃ɨ̂ makɨ́ Jesu Cristo yeekãhasere werêtikɨ niîwĩ. A'tóka terore maha kɨ̃ɨ yeére werêmi.

Colosenses 3:14

A'mêri ma'iyá. Mɨsâ tohô ma'írã, niî pe'tise yɨ'ɨ̂ dutî'kere weé pe'okã'rãsa'. Ãyuró mɨsâ basi sɨ'orí niisétirãsa'.

1 Pedro 5:10

Õ'âkɨ̃hɨ marîre ma'ígɨ, no'ó niiró wee tamú nu'kugɨsami. Kɨ̃ɨ̂ makɨ́ Jesu Cristo wẽrisé me'ra marîre yɨ'rɨókɨ niîwĩ. Õ'âkɨ̃hɨta marîre kɨ̃ɨ̂ asistéropɨ kɨ̃ɨ̂ me'ra niî nu'ku dutigɨ besékɨ niîwĩ. Marî yoâtikã a'ti nukúkãpɨre pi'etí ni'irãsa' yuhûpɨ. Tohô weéka be'ro Õ'âkɨ̃hɨ marî yã'âro niiséti'kere apó nɨ'ko wãkû tutuakã weegɨ́sami. Kɨ̃ɨ̂ tohô weekã́, marî neê uîsome.

1 João 1:3

Ɨ̃sâ marî pakɨ Õ'âkɨ̃hɨ me'ra, tohô niikã́ kɨ̃ɨ̂ makɨ́ Jesu Cristo me'ra ãyuró niîkã'. Mɨsá kẽ'rare tohôta ɨa sãása'. Tohô weérã ɨ̃sâ ĩ'yâ'kere, tɨ'ó'kere mɨsâre werê'.

1 João 3:1

Ĩ'yâre mɨsâ Õ'âkɨ̃hɨ marî pakɨ marîre ma'isére. Marîre ma'ígɨ, “Yɨ'ɨ̂ põ'ra” niî ẽho peósami. Tohô niîro nohota marî kɨ̃ɨ̂ põ'rá niî'. Ãpêrã a'ti nukúkãkãharã Õ'âkɨ̃hɨre masîti tĩharã, marî kɨ̃ɨ̂re ẽho peórã weesétisere masîtisama.

1 João 4:19

Õ'âkɨ̃hɨ marîre ma'í mɨ'takɨ niîwĩ. Tohô weérã marî kɨ̃ɨ̂re ma'í'.

Apocalipse 3:9

Ãpêrã a'tîro niîsama: ‘Judeu masa niî'’, niîsama. Tohô niîmirã, Judeu masa waro niîtima. Niî soorã wãtiâ wiôgɨ yaa kurakãharã niîma. A'tîro weegɨ́ti naâre. Naâre mɨsâ dɨporo ehâ ke'akã weegɨ́ti. Yɨ'ɨ̂ tohô weekã́, yɨ'ɨ̂ mɨsâre ma'isére masîrãsama.