San Juan 15:12 - Tukano

¹² Yɨ'ɨ̂ dutisé a'tîro niî'. Yɨ'ɨ̂ mɨsâre ma'iró nohota a'mêri ma'iyá.

Õꞌacʉ̃ Yere Ucũrĩ Turi

¹² Yʉꞌʉ dutise aꞌtiro niꞌi. Yʉꞌʉ mʉsãrẽ maꞌirõnojõta aꞌmerĩ maꞌiña.

San Juan 15:12 Iomraidhean Croise

San Juan 13:34

Mɨsâre apêye ma'má dutisé kũûgɨti. Yɨ'ɨ̂ mɨsâre ma'iró nohota a'mêri ma'iyá.

San Juan 15:17

A'tetá niî' yɨ'ɨ̂ mɨsâre dutisé. A'mêri ma'iyá, niîwĩ.

Romanos 12:10

Jesu Cristore ẽho peórã ni'kɨ́ põ'ra weeró noho a'mêri ma'iyá. Mɨsâ weesé me'ra a'mêri ãyuró wãkû dutirã tohô weeyá. A'mêri wio pesáse me'ra ĩ'yâya.

Efesios 5:2

Jesu Cristo marîre ma'í'karo nohota a'mêri ma'í nu'kukã'ya. Kɨ̃ɨ̂ marîre ma'ígɨ, wẽrî basakɨ niîwĩ. Kɨ̃ɨ̂ wẽrî basa'ke Judeu masa ovelha wi'magɨ́re wẽhé, Õ'âkɨ̃hɨre ɨ̃hâ moro peo'karo weeró noho niî'. Õ'âkɨ̃hɨ naâ ɨ̃hâ morokã, tɨ'sâkɨ niîwĩ. Teé weeró noho Jesu Cristo marîre wẽrî basa'kere tɨ'sâkɨ niîwĩ.

1 Tesalonicenses 3:12

Nemoró naâ basi a'mêri ma'isétikã weeyá. Niî pe'tirã ãpêrã kẽ'rare ma'ikã́ weeyá. Naâre ɨ̃sâ ma'iró nohota naá kẽ'ra ãpêrãre ma'iáto.

1 Tesalonicenses 4:9

Mɨsâ a'mêri ma'isétise pũrikãre weré wee'. Õ'âkɨ̃hɨ kɨ̃ɨ̂ basi pe'e Espírito Santo me'ra mɨsâre a'mêri ma'i dutí tohakɨ niîwĩ.

2 Tesalonicenses 1:3

Yɨ'ɨ̂ akawerérã, ɨ̃sâ mɨsa yeékãhasere wãkûrã, Õ'âkɨ̃hɨre “Ãyú'” niî nu'kukã'rãti. Mɨsâ Jesu Cristore ẽho peó nemorã weé'. Apêye kẽ'rare mɨsâ a'mêri ma'i nemó'. Tohô weérã Õ'âkɨ̃hɨre “Ãyú'” niî nu'kukã'ro ɨá'.

1 Pedro 1:22

Mɨsâ diakɨ̃hɨ́ niisére yɨ'tírã, Jesu Cristore ẽho peórã weékãrã niîwɨ. Kɨ̃ɨ̂re ẽho peórã, mɨsâ yã'âro weeséti'kere du'úkãrã niîwɨ. Tohô weérã mɨsâ ni'kâroakãre bu'îri marirã́ niî'. Mɨsâ ni'kɨ́ põ'ra weeró noho a'mêri ma'í'. A'mêri ma'írã, bu'îkãhase uúkũse me'ra di'akɨ̃ ma'itíkã'ya. Niî pe'tise mɨsâ weesé me'ra pe'e ma'iyá.

1 Pedro 3:8

Ni'kâroakãre niî pe'tirãpɨre werê tɨogɨti. Ni'kâro me'ra niiséti bɨroya. Ãpêrãre pahá yã'aya. Ni'kɨ́ põ'ra weeró noho ma'isétiya. “Ɨ̃sâ ãpêrã yɨ'rɨóro niî'”, niî wãkûtikã'ya.

1 Pedro 4:8

Niî pe'tise apêye noho yɨ'rɨóro a'tîro weeyá. Diakɨ̃hɨ́ a'mêri ma'iyá. Neê a'mêri ma'í du'utikã'ya. Marî ãpêrãre ma'írã, marîre yã'âro weesére maatá akobohósa'.

1 João 3:23

Kɨ̃ɨ̂ dutî'ke a'té niî'. Kɨ̃ɨ̂ makɨ́ Jesu Cristore ẽho peó dutimi. Tohô niikã́ kɨ̃ɨ̂ dutî'karo nohota marîre a'mêri ma'i dutími.

1 João 4:21

Jesu Cristo marîre a'tîro dutîwĩ: “Õ'âkɨ̃hɨre ma'írã, ãpêrã kẽ'rare ma'iró ɨá'”, niîwĩ.

2 João 1:5

Ni'kâroakã mɨ'ɨ̂re niîgɨti. Marî a'mêri ma'iró ɨá'. A'té apêye ma'má dutisé meheta niî'. Maatá marî kɨó'ke niî'.