San Juan 14:9 - Tukano

⁹ Jesu kɨ̃ɨ̂re niîwĩ: —Filipe, yɨ'ɨ̂ mɨsâ me'ra yoakã́ niîwɨ. Yɨ'ɨ̂re ĩ'yâ masi weeti yuhûpɨ? Yɨ'ɨ̂re ĩ'yagɨ́ yɨ'ɨ̂ pakɨ niisétise kẽ'rare ĩ'yâmi. De'ró weégɨ yɨ'ɨ̂re “Mɨ'ɨ̂ pakɨre ĩ'yoyá”, niiáti?

Õꞌacʉ̃ Yere Ucũrĩ Turi

⁹ Jesú cʉ̃rẽ niwĩ: —Felipe, yʉꞌʉ mʉsã meꞌrã yoacã niwʉ̃. ¿Yʉꞌʉre ĩꞌamasĩweti yujupʉ? Yʉꞌʉre ĩꞌagʉ̃ yʉꞌʉ pacʉ quẽꞌrãrẽ masĩmi. ¿Deꞌro weegʉ yʉꞌʉre “Mʉꞌʉ pacʉre ĩꞌoña”, niati?

San Juan 14:9 Iomraidhean Croise

Marcos 9:19

Jesu naâre niîkɨ niîwĩ: —Mɨsâ neê ẽho peóse moó butia'. Yɨ'ɨ̂ mɨsâre yoakã́ bu'êmikã, neê tɨ'o masí wee' yuhûpɨ. No'ó kã'a tero yoakã́ mɨsâ yɨ'ɨ̂re ẽho peótikã põo tẽógɨsari? Kɨ̃ɨ̂ wi'magɨ́re yɨ'ɨ̂ tiro miítia, niîkɨ niîwĩ.

San Lucas 12:56

Mɨsâ weé ta'sarã niî'. A'ti nukúkãkãhase, ɨ'mɨárokãhase marikãre “Tohô niî'”, niî masî'. Tohô niîmirã, de'ró weérã a'tóka tero yɨ'ɨ̂ weé ĩ'yose pe'ere “Tohô niî sĩ'riro weé'”, niî masí weeti? niîkɨ niîwĩ.

San Juan 1:14

Õ'âkɨ̃hɨ makɨ Õ'âkɨ̃hɨ niisétisere ĩ'yogɨ́ a'ti ɨmɨ́kohopɨre a'tîkɨ niîwĩ. Masɨ́ ẽha tĩhágɨ, ɨ̃sâ me'ra niîwĩ. Masaré ma'í yɨ'rɨwĩ. Niî pe'tise kɨ̃ɨ̂ uúkũ'ke, tohô niikã́ kɨ̃ɨ̂ weé'ke diakɨ̃hɨ́ niîwɨ. Kɨ̃ɨ̂ Õ'âkɨ̃hɨ weeró noho tutuâ yɨ'rɨgɨ, ãyú yɨ'rɨgɨ niîwĩ. Kɨ̃ɨ̂ tohô weesétisere ĩ'yâwɨ. Kɨ̃ɨ̂ Õ'âkɨ̃hɨ makɨ ni'kɨtá niîmi. Tohô weégɨ kɨ̃ɨ̂ pakɨ́ weeró noho niîmi.

San Juan 10:30

Yɨ'ɨ̂ pakɨ me'ra ɨ̃sâ ni'kɨtá niî', niîwĩ Jesu.

San Juan 12:45

Yɨ'ɨ̂re ĩ'yâgɨ yɨ'ɨ̂re o'ôo'kɨ kẽ'rare ĩ'yâmi.

San Juan 14:20

Yɨ'ɨ̂ pakɨ mɨsâre Espírito Santore o'ôo'gɨsami. Tohô weéka be'ro yɨ'ɨ̂ pakɨ me'ra yɨ'ɨ̂ niisére masîrãsa'. Tohô niikã́ mɨsâ yɨ'ɨ̂ me'ra niisére, yɨ'ɨ̂ mɨsâpɨre niisére masîrãsa'.

San Juan 14:7

Mɨsâ yɨ'ɨ̂re masîrã, yɨ'ɨ̂ pakɨ kẽ'rare masî boosa'. Ni'kâroakã kɨ̃ɨ̂re masî'. Mɨsâ yɨ'ɨ̂re ĩ'yârã, kɨ̃ɨ̂re ĩ'yârã weeró noho niî', niîwĩ Jesu.

San Juan 8:19

Naâ Jesuré sẽrí yã'awã: —Too pũríkãre mɨ'ɨ̂ pakɨ no'opɨ́ niîsari? Jesu naâre yɨ'tiwĩ́: —Mɨsâ yɨ'ɨ̂re masí wee'. Yɨ'ɨ̂ pakɨ kẽ'rare masîtisa'. Yɨ'ɨ̂re masîrã pũrikã, kɨ̃ɨ́ kẽ'rare masî booapã, niîwĩ.

1 Corintios 15:12

Ɨ̃sâ Cristo wẽrî masá'ke kitire bu'êwɨ. Teeré bu'êmikã, de'ró weérã mɨsâ ni'karérã “Wẽrî'kãrã masatíma”, niîsari?

Filipenses 2:6

Kɨ̃ɨ̂ Õ'âkɨ̃hɨ niisétisere kɨomígɨ, “Yɨ'ɨ̂ a'ti nukúkãpɨ a'tîgɨ, Õ'âkɨ̃hɨ weeró noho niisére neê du'usomé”, niîtikɨ niîwĩ.

Colosenses 1:15

Õ'âkɨ̃hɨre ĩ'yâ no'oya marí'. Kɨ̃ɨ̂ makɨ́ a'ti nukúkãpɨ a'tîgɨ, kɨ̃ɨ̂ niisétisere masaré bahû yoaropɨ ĩ'yókɨ niîwĩ. Jesu Cristo niî pe'tise dɨporo niî tohakɨ niîwĩ.

Hebreos 1:3

Kɨ̃ɨ́ta Õ'âkɨ̃hɨ asistésere kɨogɨ́ niîmi. Õ'âkɨ̃hɨ tutuâ yɨ'rɨgɨ, ãyú yɨ'rɨgɨ niîmi. Kɨ̃ɨ̂ makɨ́ kẽ'ra kɨ̃ɨ̂ weeró nohota niîmi. Kɨ̃ɨ̂ uúkũ tutuase me'ra niî pe'tise a'ti ɨmɨ́kohokãhasere kɨ̃ɨ̂ neê waropɨ weé nɨ'ka'karo weeró nohota niî nu'kukã weemí. Kɨ̃ɨ̂ wẽrisé me'ra marî yã'âro weé'kere yɨ'rɨókɨ niîwĩ. Tohô weéka be'ro ɨ'mɨ̂sepɨre Õ'âkɨ̃hɨ tutuâ yɨ'rɨgɨ duhirí kumuropɨ ehâ nuhakɨ niîwĩ.

1 João 5:20

Apêye kẽ'rare, Õ'âkɨ̃hɨ makɨ kɨ̃ɨ̂ a'tî'kere masî'. Kɨ̃ɨ̂ marîre Õ'âkɨ̃hɨ diakɨ̃hɨ́ niigɨ́re masî dutigɨ tɨ'o masíse o'ôkɨ niîwĩ. Marî Jesu Cristo me'ra niîrã, kɨ̃ɨ̂ pakɨ́ Õ'âkɨ̃hɨpɨreta niî'. Jesu Cristo Õ'âkɨ̃hɨ niîmi. Kɨ̃ɨ́ta katî nu'kugɨ marî katî nu'kuatehere o'ômi.