San Juan 12:6 - Tukano

⁶ Kɨ̃ɨ̂ pahasé kɨorãre ma'ígɨ meheta, tohô niîwĩ. Yahasé bɨkɨ niîwĩ. Kɨ̃ɨ̂ ɨ̃sâ niyérure ko'tegɨ́ niîwĩ. Tii ahúropɨ ɨ̃sâ niyéru sãâ'kere yaha mɨhákũwĩ.

Õꞌacʉ̃ Yere Ucũrĩ Turi

⁶ Cʉ̃ pajasecʉorãrẽ maꞌígʉ̃ mejẽta, tojo niwĩ. Yajasebʉcʉ niwĩ. Cʉ̃ ʉ̃sã niyerure coꞌtegʉ niwĩ. Ti ajuropʉ ʉ̃sã niyeru sãaꞌquere yajamʉjãcũwĩ.

San Juan 12:6 Iomraidhean Croise

Mateus 21:13

Be'ró naâre niîwĩ: —Õ'âkɨ̃hɨ yee kiti ohâka pũripɨ a'tîro ohâ no'owɨ: “Yaá wi'i ‘Õ'âkɨ̃hɨre sẽrirí wi'i niî'’, niî no'oka wi'i niî'.” Mɨsâ pe'e keoró weetiápã. Yaharã́ yaa wi'ire weeró noho tohakã́ weé', niî tu'tîwĩ naâre.

San Lucas 8:3

Tohô niikã́ apêgo Joana, Cuza wamêtigɨ nɨmo niîko niîwõ. Koô marapɨ́ Herode yeeré da'rá ko'tegɨ niîkɨ niîwĩ. Susana wamêtigo kẽ'ra niîko niîwõ. Ãpêrã pãharã́ numia Jesuré naâ kɨosé me'ra wee tamúkãrã niîwã.

San Juan 10:13

Kɨ̃ɨ̂ wapá ta'ase di'akɨ̃re wãkûgɨ, tohô weesamí. Kɨ̃ɨ yarã́ niîti yuukã, ovelhare wãkû nɨrɨtisami.

San Juan 12:5

—De'ró weégo a'té ɨ'mɨ̂tihisere duâtiati? Teeré duâgo, ni'kâ kɨ'ma da'rasé wapa weeró noho wapá ta'a booapã. Teé niyérure pahasé kɨorãre o'ô booapã, niîwĩ.

San Juan 13:29

Ni'karérã a'tîro wãkûwɨ: “Juda kɨ̃ɨ̂ niyérure ko'tegɨ́ niî yuukã, Jesu kɨ̃ɨ̂re apêye noho bosê nɨmɨkãhasere duu dutígɨ weeápĩ, ou pahasé kɨorãre niyéru o'ô dutigɨ o'ô dutiapĩ”, niîwɨ.

1 Corintios 6:10

Tohô niikã́ yaharã́, ɨâri pehase bɨkɨrã noho, ke'asé bɨkɨrã, tu'tisé piharã, wee soóse me'ra yaharã́ Õ'âkɨ̃hɨ tiropɨ wa'âsome.

Gálatas 2:10

Ɨ̃sâre a'té di'akɨ̃re wee dutíwã: “Pahasé kɨorãre wee tamúya”, niîwã. A'tetá niîwɨ yɨ'ɨ̂ ãyuró weegɨ́ti niî wãkû yɨ'rɨ nɨ'ka'ke.

1 Tesalonicenses 5:22

No'ó yã'asé niisé nohore weetíkã'ya.

Santiago 2:2

Apé tero Õ'âkɨ̃hɨ wi'i mɨsâ nerê wɨaropɨ pɨárã sãháa boosama. Ni'kɨ́ pehé kɨogɨ́ ãyusé su'tí sãyagɨ́ amû pi'kapɨ ouro me'ra weéka be'tore kɨogɨ́ niî boosami. Ãpí pahasé kɨogɨ pe'e su'tí boasé meha sãyâ boosami. Mɨsâ pehé kɨogɨ́re ãyuró weérã, “A'tó ãyurópɨ duhîya”, niî boosa'. Ãpí pahasé kɨogɨ pe'ere “Tootá nu'kuyá” ou apé tero weérã “Tootá nukûkãpɨ duhîkã'ya”, niîkã' boosa'.

Santiago 2:6

Õ'âkɨ̃hɨ tohô beséka be'ro niîmikã, mɨsâ pe'e pahasé kɨorãre yabî bopôya sãasa'. Pehé kɨorã́re ãyuró weé yɨ'rɨ nɨ'karã, keoró weetísa'. Naáta mɨsâre yã'âro weemá. Mɨsâre werê sãarã, wiôrã tiropɨ mɨsâre yẽ'ê wã'kasama.