San Juan 12:48 - Tukano

⁴⁸ Yɨ'ɨ̂re ɨatírã noho, yɨ'ɨ̂ bu'ê'kere weetírã noho Õ'âkɨ̃hɨre bu'îri da'rê no'oahãpɨ niî tohama. Yɨ'ɨ̂ bu'ê'kere weetíse bu'iri naâ a'ti ɨmɨ́koho pe'tikã́, bu'îri da'rê no'orãsama.

Õꞌacʉ̃ Yere Ucũrĩ Turi

⁴⁸ Yʉꞌʉre ʉatirãnojõ, yʉꞌʉ buꞌeꞌquere weetirãnojõ Õꞌacʉ̃rẽ buꞌiri daꞌrenoꞌajãpʉ nitojama. Yʉꞌʉ buꞌeꞌquere weetise buꞌiri na aꞌti ʉmʉco peꞌticã, buꞌiri daꞌrenoꞌrãsama.

San Juan 12:48 Iomraidhean Croise

Mateus 10:15

Diakɨ̃hɨ́ mɨsâre werê'. Õ'âkɨ̃hɨ masaré beseátihi nɨmɨ naâre ɨpɨ́tɨ waro bu'îri da'rêgɨsami. Too dɨpóropɨ Sodoma, Gomorra wamêtise makarikãharãre bu'îri da'rê'karo nemoró naâre bu'îri da'rêgɨsami, niîwĩ Jesu.

Mateus 21:42

Naâ tohô niikã́ tɨ'ógɨ, Jesu niîwĩ: —Mɨsâ Õ'âkɨ̃hɨ yee kiti ohâka pũrire bu'êpã. Yɨ'ɨ̂re wa'aátehere a'tîro ohâ no'owɨ: Ɨ̃tâ pĩhiri me'ra wi'í yeerã́ ni'kâ pĩhi naâ ɨatíka pĩhire kõ'ârãsama. Naâ kõ'âka pĩhi me'ra ãpêrã pe'e ãyuró tutuarí wi'i yeê nɨ'ka mɨhasama. Õ'âkɨ̃hɨ marî wiôgɨ naâ kõ'âka pĩhi me'ra tohô weesamí. Kɨ̃ɨ̂ tohô weé'ke “Ãyú butia'”, niî tɨ'ó yã'a no'o', niî ohâ no'owɨ, niîwĩ Jesu.

Mateus 25:31

Jesu ɨ̃sâre werê nemowĩ: —Be'ró yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'ti nukúkãkãharãre dutîgɨ a'tîgɨti. Yɨ'ɨ̂re werê ko'terã ɨ'mɨ̂sekãharã me'ra a'tîgɨ, asistése me'ra a'tîgɨti. Be'ró wiôgɨ duhirí kumuropɨ duhîgɨsa'.

Marcos 12:10

Mɨsâ Õ'âkɨ̃hɨ yee kiti ohâka pũrire bu'êpã. Yɨ'ɨ̂re wa'aátehere a'tîro ohâ no'owɨ: Ɨ̃tâ pĩhiri me'ra wi'í yeerã́ ni'kâ pĩhi naâ ɨatíka pĩhire kõ'ârãsama. Naâ kõ'âka pĩhi me'ra ãpêrã pe'e ni'kâ wi'i tutuarí wi'i yeê nɨ'ka mɨhasama.

Marcos 16:16

No'ó yɨ'ɨ̂re ẽho peó, wamê yee no'ogɨ yɨ'rɨó no'ogɨsami. Yɨ'ɨ̂re ẽho peótigɨ pũrikã bu'îri da'rê no'ogɨsami.

Marcos 8:31

Tu'â eha nɨ'ko, kɨ̃ɨ̂ bu'erã́re a'tîro niî bu'ê nɨ'kakɨ niîwĩ. —Yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ pũûro pi'etígɨsa'. Tohô niikã́ Judeu masa bɨkɨrã́, sacerdotea wiôrã, Moisé ohâ'kere bu'erã́ yɨ'ɨ̂re ɨatírãsama. Yɨ'ɨ̂re wẽherã́sama. Naâ tohô weemíkã, i'tiá nɨmɨ be'ro masagɨ́sa', niîkɨ niîwĩ.

San Lucas 10:16

Be'ró kɨ̃ɨ̂ bu'erã́re a'tîro werê nemokɨ niîwĩ: —Mɨsâ bu'esére tɨ'órã, yɨ'ɨ̂reta tɨ'omá. Mɨsâre ɨatírã, meharóta yɨ'ɨ̂re ɨatíma. Tohô yɨ'ɨ̂re ɨatírã, yɨ'ɨ̂re o'ôo'kɨpɨ Õ'âkɨ̃hɨ kẽ'rare ɨatíma, niîkɨ niîwĩ Jesu.

San Lucas 17:25

Yɨ'ɨ̂ tohô weeátoho dɨporo ɨpɨ́tɨ pi'etí ni'igɨsa'. A'tóka terokãharã yɨ'ɨ̂re ɨasomé.

San Lucas 20:17

Be'ró Jesu naâre ĩ'yâ, niîkɨ niîwĩ: —Too pũríkãre de'ró niî sĩ'riro weetí Õ'âkɨ̃hɨ yee kiti ohâka pũripɨ niisé? A'tîro niî': Ɨ̃tâ pĩhiri me'ra wi'í yeerã́ ni'kâ pĩhi naâ ɨatíka pĩhire kõ'ârãsama. Naâ kõ'âka pĩhi me'ra ãpêrã pe'e ãyuró tutuarí wi'i yeê nɨ'ka mɨhasama, niîwɨ.

San Lucas 7:30

Fariseu masa, tohô niikã́ Moisé ohâ'kere bu'erã́ pe'e João wamê yee no'oya marí'kãrã niî tĩharã, Õ'âkɨ̃hɨ naâre weé sĩ'risere ɨatíkãrã niîwã.

San Lucas 9:22

Be'ró naâre niîkɨ niîwĩ: —Yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ pũûro pi'etígɨsa'. Judeu masa bɨkɨrã́, sacerdotea wiôrã, Moisé ohâ'kere bu'erã́ yɨ'ɨ̂re ĩ'yâ tu'tirãsama. Yɨ'ɨ̂re wẽherã́sama. Naâ tohô weemíkã, i'tiá nɨmɨ be'ro masagɨ́sa', niîkɨ niîwĩ.

San Lucas 9:26

Yɨ'ɨ̂re, tohô niikã́ yee kitíre bopôya sãatikã'ya. Mɨsâ bopôya sãakã, yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'tîro weegɨ́sa'. Opâturi a'ti nukúkãpɨre a'tîgɨ, yɨ'ɨ̂ pakɨ asistése me'ra, kɨ̃ɨ̂re werê ko'terã me'ra yɨ'ɨ́ kẽ'ra mɨsâre bopôya sãagɨsa'. Yɨ'ɨ̂ tutuasé me'ra a'tîgɨ, tohô weegɨ́sa'.

San Juan 11:24

Koô kɨ̃ɨ̂re niîwõ: —Yɨ'ɨ̂ masî', a'ti ɨmɨ́koho pe'tikã́, niî pe'tirã wẽrî'kãrã masarí kurapɨ masagɨ́sami.

San Juan 5:45

Mɨsâ “Kɨ̃ɨ̂ pakɨpɨ́re werê sãagɨsami”, niî wãkûtikã'ya. Mɨsâ ẽho peó'kɨ Moiséta mɨsâre werê sãagɨsami. Mɨsâ a'tîro wãkû': “Moisé dutî'kere keoró weé'. Tohô weérã ɨ'mɨ̂sepɨ wa'ârãsa'”, niî wãkû'.

San Juan 6:39

Kɨ̃ɨ̂ a'tîro ɨamí. Kɨ̃ɨ̂ yɨ'ɨ̂re o'ô'kãrãre bahuriókã ɨatími. Naâ pekâ me'epɨ wa'akã́ ɨatími. Be'ropɨ́ a'ti ɨmɨ́koho pe'tikã́, yɨ'ɨ̂ naâre masokã́ ɨasamí.

San Juan 8:47

Õ'âkɨ̃hɨ põ'ra kɨ̃ɨ̂ uúkũsere tɨ'ó yɨ'timá. Mɨsâ kɨ̃ɨ yarã́ meheta niî'. Tohô weérã yɨ'ɨ̂ uúkũsere tɨ'ó ẽho peó sĩ'ri wee', niîwĩ Jesu.

Hechos 17:31

Õ'âkɨ̃hɨ a'ti nukúkã niî pe'tirokãharãre beseátihi nɨmɨre ĩ'yâ kasa nɨ'kokɨ niîwĩ. Tii nɨmɨ́ niikã́, keoró niisé me'ra besegɨ́sami. Kɨ̃ɨ̂ besé'kɨ Jesu me'ra tohô weegɨ́sami. Õ'âkɨ̃hɨ kɨ̃ɨ̂re ã'ritá mɨsâre beseákɨhɨ niîmi niîgɨ, wẽrî'kɨpɨre masókɨ niîwĩ, niîkɨ niîwĩ Paulo.

Hechos 3:23

Kɨ̃ɨ̂ dutisére weé sĩ'ritirã noho wẽrîrãsama. Õ'âkɨ̃hɨ naâre kõ'âgɨsami. Ãpêrã Judeu masa me'ra neê niî nemosome maha”, niîkɨ niîwĩ Moisé.

Romanos 2:16

Yɨ'ɨ̂ Jesu Cristo yee kitire werêro nohota a'tîro wa'ârosa'. Õ'âkɨ̃hɨ masaré bu'îri da'reátihi nɨmɨ niikã́, niî pe'tirã wãkusére, ãpêrã ĩ'yâtiropɨ weesére besegɨ́sami. Jesu Cristo yã'âro wãkurã́re, yã'âro weerã́re bu'îri da'rêgɨsami. Ãyusé wãkurã́re, ãyuró weerã́re ãyuró weegɨ́sami.

2 Corintios 4:3

No'ó Jesu Cristo yee kitire tɨ'otí ẽho peótirã noho bu'îri da'rê no'oahã niîma.

2 Tesalonicenses 1:8

Õ'âkɨ̃hɨre ẽho peótirãre, marî wiôgɨ Jesu masaré yɨ'rɨóse kitire yɨ'rɨ́ nɨ'karãre bu'îri da'rêgɨ a'tîgɨsami.

Hebreos 10:25

Õ'âkɨ̃hɨre ẽho peórã nerê wɨaropɨ ãpêrã nerêtisama. Naâ weesére siru tuútikã'ro ɨá'. Naâre siru tuúro noho o'ôrã, marî nerêrã, a'mêri wãkû tutuakã weeró ɨá'. Kã'ró dɨ'sá' marî wiôgɨ a'tiátoho. Tohô weérã tohô weeró ɨá'.

Hebreos 12:25

Tohô weérã ãyuró tɨ'o masíya. Õ'âkɨ̃hɨre mɨsâre weregɨ́re teetíkã'ya. Too dɨpórokãharãre Õ'âkɨ̃hɨ bahû yoaropɨ werêkɨ niîwĩ. Naâ kɨ̃ɨ̂re teékãrã niîwã. Naâ tohô weekã́, naâre bu'îri da'rêkɨ niîwĩ. Marî pũrikãre teekã́, tãhâgɨsami. Õ'âkɨ̃hɨ ɨ'mɨ̂sepɨ niigɨ́ marîre werêmi. Kɨ̃ɨ̂re teérã, neê yɨ'rɨ wetísome.

Hebreos 2:3

Marî pũrikã Õ'âkɨ̃hɨ masaré yɨ'rɨóse kiti ãyú butia'sere kɨó'. Tohô kɨomírã, teeré ɨatírã, kɨ̃ɨ̂ bu'îri da'resére neê yɨ'rɨ wetísome. Neê warore Jesu Cristo marî wiôgɨ masaré yɨ'rɨógɨti niisére werê nɨ'kakɨ niîwĩ. Be'ró taha kɨ̃ɨ̂ werê'kere tɨ'órã, a'tîro weékãrã niîwã. Diakɨ̃hɨ́ta niî' niîrã, marîre werê turiakãrã niîwã.

Hebreos 4:12

Õ'âkɨ̃hɨ yee uúkũse niî nu'kukã'. Tutuâ yɨ'rɨa'. Yõserí pĩhiho pɨ̂a pe'eseri ɨse yoháka pĩhi me'ra yõsêro weeró noho niî'. Tii pĩhí nemoró Õ'âkɨ̃hɨ uúkũse pũrikã marî po'peapɨ, marî ehêri põ'rapɨ, marî wãkusépɨ, niî pe'tiropɨ sãháasa'. Õ'âkɨ̃hɨ uúkũsere tɨ'órã, marî po'peapɨ wãkusére “Ãyú niî', ou yã'â niî'”, niî bese masí no'o'.

1 Pedro 1:5

Marî Õ'âkɨ̃hɨre ẽho peó yuukã, kɨ̃ɨ̂ tutuaró me'ra marîre ko'têsami. Jesu Cristo opâturi a'ti nukúkãpɨre a'tîgɨ, niî pe'tirã ĩ'yóropɨ “Ã'rá yɨ'ɨ̂ yɨ'rɨó'kãrã niîma. Yɨ'ɨ̂ me'ra niî nu'kurãsama”, niî ĩ'yogɨ́sami.

2 Pedro 3:3

A'teré masî mɨ'taya. A'ti ɨmɨ́koho pe'tiátoho dɨporo masá Õ'âkɨ̃hɨ yeere buhíkã'rãsama. No'ó naâ yã'âro weé sĩ'risere weerã́sama.

2 Pedro 3:7

A'tóka tero niisépɨa maha ɨ'mɨ̂se niisé, a'tí di'takãhase pekâ me'e ɨ̃hâ kõ'a no'oatehe niî'. Be'ró Õ'âkɨ̃hɨ kɨ̃ɨ̂ uúkũse me'rata ɨ̃hâ pe'okã'gɨsami. Kɨ̃ɨ̂ masaré beseátihi nɨmɨ niikã́, yã'arã́re bu'îri da'rêgɨ ɨ̃hâ kõ'agɨsami.