San Juan 10:1 - Tukano

^1-2 Jesu masaré bu'êgɨ, a'tîro werêwĩ: —Diakɨ̃hɨ́ta mɨsâre niîgɨti. Ni'kɨ́ masɨ́ ovelha ko'tegɨ́ naâ sã'ri sãáka sopepɨre keoró sãháasami. Ãpêrã ovelhare yahá sĩ'rirã pe'e sopé marirópɨ sãháasama.

Õꞌacʉ̃ Yere Ucũrĩ Turi

^1-2 Jesú masãrẽ buꞌégʉ, aꞌtiro queose werewĩ: —Diacjʉ̃ta mʉsãrẽ nigʉ̃ti. Niꞌcʉ̃ masʉ̃ oveja coꞌtegʉ na sãꞌrĩsãaca sopepʉre queoro sãjãasami. Ãpẽrã ovejare yajasĩꞌrĩrã peꞌe sope marĩrõpʉ sãjãasama.

San Juan 10:1 Iomraidhean Croise

Mateus 7:15

Ãpêrã “Ɨ̃sâ Õ'âkɨ̃hɨ yee kitire werê mɨ'tarã niî'”, niî soosama. Marî ĩ'yakã́, naâ ãyurã́ bahumíma. Ovelha uâtirã weeró noho bahumá. Naâ tohô bahumírã, naâ wãkusépɨre yaîwa uarã́ weeró noho mɨsâ ẽho peósere dohórẽ' sĩ'risama. Naâre tohô weerí niîrã, ãyuró ĩ'yâ nɨrɨya.

San Juan 10:7

Naâ tɨ'otíkã ĩ'yâgɨ, Jesu naâre niî nemowĩ taha: —Diakɨ̃hɨ́ta mɨsâre niîgɨti. Yɨ'ɨ̂ ovelha sãháari sope weeró noho niî'.

San Juan 3:3

Jesu kɨ̃ɨ̂re niîwĩ: —Mɨ'ɨ̂re diakɨ̃hɨ́ta niîgɨti. Neê ni'kɨ́ neê waropɨ kɨ̃ɨ̂ bahuá nɨ'ka'karo weeró noho bahuá apotigɨ, neê Õ'âkɨ̃hɨ tiropɨ wa'â masitisami.

Romanos 10:15

Õ'âkɨ̃hɨ werê dutigɨ o'ôo'tikã, ãpêrãre werêrã wa'âti boosama. Õ'âkɨ̃hɨ yee kiti ohâka pũripɨ niîro nohota a'tîro niî': “Ãpêrã marîre ãyuró ehêri põ'ratise kitire, apêye Õ'âkɨ̃hɨ yee kitire mii ehákã, pũûro e'katí'”, niî ohâ no'o'.

Romanos 16:18

Naâ marî wiôgɨ Jesu Cristo ɨaró weérã meheta weesamá. Naâ no'ó ɨaró weé sĩ'riro weesamá. Naâ ãyuró ɨ'sɨâro uúkũ me'rise me'ra, diakɨ̃hɨ́ uúkũrã weeró noho uúkũsama. Ɨpɨ́tɨ waro masî tutuatirãre weé ta'sa ẽho peókã weesamá.

Tito 1:11

Naâ niyéru wapá ta'a sĩ'rirã, no'ó ɨaró bu'ê ma'akã'sama. Naâ bu'esé me'ra pãharã́ ni'kɨ́ põ'ra ni'kâ wi'ikãharãre dohórẽ' pe'okã'sama. Tohô weerã́re naâ bu'esére ka'mú ta'aya.

Hebreos 5:4

Neê ni'kɨ́ sacerdotea wiôgɨ kɨ̃ɨ̂ basi besé sãha masítisami. A'tîro pe'e weé no'osami. Õ'âkɨ̃hɨ basi besé sõróosami. Kɨ̃ɨ̂ Arãore weé'karo nohota weesamí.

1 Pedro 1:10

Dɨporópɨ Õ'âkɨ̃hɨ yee kiti werê mɨ'tarã a'tîro niîkãrã niîwã: “Õ'âkɨ̃hɨ masá yã'âro weé'kere akobohó, naâre yɨ'rɨógɨsami”, niîkãrã niîwã. A'teré werêmirã, naâ basi weresére tɨ'o masítikãrã niîwã. Tohô weérã teeré masî sĩ'rirã, ɨpɨ́tɨ bu'ê wãkû nɨrɨkãrã niîwã.

2 Pedro 2:1

Dɨporópɨre Israel kurakãharã ni'karérã “Ɨ̃sâ Õ'âkɨ̃hɨ yee kiti werê mɨ'tarã niî'”, niî sookãrã niîwã. Naâ tohô weé'karo weeró noho mɨsâ tiropɨ niirã́ kẽ'ra meharóta wee sirú tuurãsama. Niî soose me'ra diakɨ̃hɨ́ weeró noho bu'êrãsama. Tohô weérã mɨsâ ẽho peósere dohórẽ'rãsama. Jesu naâ yã'âro weé'ke bu'iri wẽrî wapa yeé'kɨ pe'ere ɨasomé. Naâ tohô weekã́, Õ'âkɨ̃hɨ wãkûtiro naâre bu'îri da'rêgɨsami.

2 Pedro 2:3

Niyérure ɨâri peharã, niî soose me'ra mɨsâre bu'êrãsama. Naâ tohô weesé wapa naâre bu'îri da'reátehe niî yuu tohasa'. Neê yɨ'rɨ wetísome. Dɨporópɨ “Õ'âkɨ̃hɨ naâre bu'îri da'rê no'orãsama”, niî tohakɨ niîwĩ.

1 João 4:1

Akawerérã, Õ'âkɨ̃hɨ yeere wererã́ mɨsâ tiropɨ bu'êrã etakã́, naâ weresére “Diakɨ̃hɨ́ta Õ'âkɨ̃hɨ yee niîmitito?” niî ĩ'yâya. Ãpêrã Õ'âkɨ̃hɨ o'ôo'kãrã niîtima. Niî pe'tirãpɨre ẽho peótikã'ya. Naâ Espírito Santore moomírã, tohô niî ma'akã' boosama. A'ti ɨmɨ́kohopɨre no'ó ɨaró niî soorã niî bi'akã'ma. “Õ'âkɨ̃hɨ yeere werêrã weé'”, niî bɨsɨ̂ sihama.