San Juan 1:4 - Tukano

⁴ Õ'âkɨ̃hɨ makɨ katisé pe'titíse o'ogɨ́ niîmi. Tohô niikã́ a'ti ɨmɨ́kohokãharãre sĩ'óo'se weeró noho niîmi. Kɨ̃ɨ̂ ãyusére, diakɨ̃hɨ́kãhasere ĩ'yomí.

Õꞌacʉ̃ Yere Ucũrĩ Turi

⁴ Õꞌacʉ̃ macʉ̃ catise peꞌtitise oꞌogʉ nimi. Tojo nicã aꞌti turicjãrãrẽ sĩꞌose weronojõ nimi. Cʉ̃ añusere, diacjʉ̃ cjasere ĩꞌomi.

San Juan 1:4 Iomraidhean Croise

Mateus 4:16

Tookãhárã masá na'î tĩ'aropɨ niirã́ weeró noho Õ'âkɨ̃hɨre masîtisama. Tohô niîmirã, ãyuró bo'rê yuusere ĩ'yârã weeró noho naâre yɨ'rɨoákɨhɨre ĩ'yârãsama. Naâ Õ'âkɨ̃hɨ yeere masîtimirã teeré werekã́, tɨ'orã́sama. Naâ bu'îri da'rê bahurió no'o boo'kãrã niîmirã, masa bahuáma, niî ohâ no'owɨ.

San Lucas 2:32

Kɨ̃ɨ́ta Judeu masa niîtirãre mɨ'ɨ̂re ẽho peó dutigɨ sĩ'óo'gɨ weeró noho weegɨ́sami. Tohô niikã́ niî pe'tirã mɨ'ɨ yarã́ Israel kurakãharã “Õ'âkɨ̃hɨ ãyuró weeámi”, niî no'orãsama, niîkɨ niîwĩ Simeão.

San Juan 11:25

Jesu koôre niîwĩ: —Yɨ'ɨ̂ wẽrî'kãrãre masó, katisé o'ogɨ́ niî'. Yɨ'ɨ̂re ẽho peógɨ wẽrî'kɨpɨ niîmigɨ, katîgɨsami taha.

San Juan 12:35

Jesu naâre niîwĩ: —Yɨ'ɨ̂ a'ti nukúkãkãharãre sĩ'óo'se weeró noho niî'. Yɨ'ɨ̂ masaré Õ'âkɨ̃hɨ yeere ãyuró masikã́ weé'. Yoâtikã mɨsâ me'ra niîgɨsa'. Yɨ'ɨ̂ a'topɨ́ niirí kurare mɨsâ yɨ'ɨ̂ bu'esére ẽho peóya. Tohô weérã mɨsâ wãkûtiro na'î tĩ'aropɨ sihârã weeró noho wa'âsome. Yɨ'ɨ̂re ẽho peótirã na'î tĩ'aropɨ niirã́ weeró noho niîma. Naâ weesére “A'tîro pe'e ɨá'”, niî masitisama.

San Juan 12:46

Yɨ'ɨ̂ sĩ'óo'se weeró noho niî'. A'ti nukúkãpɨre yɨ'ɨ̂re ẽho peórã na'î tĩ'aropɨ tohatíkã'ato niîgɨ a'tîwɨ. Naâ yɨ'ɨ̂ bu'esére masîrãsama. Masîrã, ãyuró weerã́sama.

San Juan 14:6

Jesu kɨ̃ɨ̂re niîwĩ: —Yɨ'ɨ̂, yɨ'ɨ̂ pakɨ tiropɨ wa'arí ma'a weeró noho niî'. Yɨ'ɨ̂ masaré toopɨ́ wa'akã́ weegɨ́ niî'. Yɨ'ɨ̂ masaré diakɨ̃hɨ́kãhasere masikã́ weé'. Naâre katî nu'kukã weegɨ́ niî'. Yɨ'ɨ̂re ẽho peórã di'akɨ̃ yɨ'ɨ̂ pakɨ tiropɨ wa'ârãsama.

San Juan 3:19

A'tîro niî'. Jesu Cristo sĩ'óo'se weeró noho niîmi. Kɨ̃ɨ̂ Õ'âkɨ̃hɨ yeere ĩ'yógɨ a'tîwĩ. Kɨ̃ɨ̂ a'tikã́, a'ti nukúkãkãharã kɨ̃ɨ̂re ɨatíkãrã niîwã. Kɨ̃ɨ̂re ɨaró noho o'ôrã, yã'âro weesé pe'ere ɨâri peha yuurã, na'î tĩ'aropɨ niirã́ weeró noho niîkãrã niîwã.

San Juan 5:21

Yɨ'ɨ̂ pakɨ masá wẽrî'kãrãre masomí. Kɨ̃ɨ̂ weeró noho yɨ'ɨ́ kẽ'ra yɨ'ɨ̂ masó sĩ'rirãre masogɨ́sa'.

San Juan 5:26

Yɨ'ɨ̂ pakɨta masaré katî nu'kusere o'ô masimi. Kɨ̃ɨ́ta masaré katî nu'kukã wee dutígɨ yɨ'ɨ̂re o'ôo'mi.

San Juan 8:12

Jesu masaré bu'ê nemogɨ, a'tîro niîwĩ: —Yɨ'ɨ̂ a'ti nukúkãkãharãre sĩ'óo'se weeró noho niî'. Yɨ'ɨ̂re siru tuúrã na'î tĩ'aropɨ niirã́ weeró noho niîtima. Yɨ'ɨ̂ naâ me'ra niî nu'ku'. Naâ de'ró weeátehere ĩ'yó'. Tohô weérã ãyuró niiséti masima.

San Juan 9:5

Yɨ'ɨ̂ a'ti ɨmɨ́kohopɨ niirí kura masaré sĩ'óo'se weeró noho niî'. Yɨ'ɨ̂ naâre Õ'âkɨ̃hɨ yeere masikã́ weé', niîwĩ.

Hechos 26:23

Naâ a'tîro niî ohâkãrã niîwã: “Cristo Õ'âkɨ̃hɨ besé'kɨ pi'etí, wẽrîgɨsami. Wẽrî toha, kɨ̃ɨ́ta wẽrî'kɨpɨ masá mɨ'tagɨsami. Tohô weégɨ kɨ̃ɨ̂ yɨ'rɨósere werêgɨsami Judeu masare, Judeu masa niîtirãre”, niî ohâkãrã niîwã, niî werêkɨ niîwĩ Paulo.

1 Corintios 15:45

Õ'âkɨ̃hɨ yee kiti ohâka pũripɨ a'tîro ohâ no'o': “Õ'âkɨ̃hɨ kɨ̃ɨ̂ weé mɨ'ta'kɨ Adãore katisére o'ôkɨ niîwĩ.” Kɨ̃ɨ̂ be'rokɨ̃hɨ Jesu Cristo pe'e katisé pe'titísere o'ogɨ́ niîmi.

Efesios 5:14

Tohô weéro Jesu Cristore ẽho peótirãre a'tîro uúkũ no'o': Mɨ'ɨ̂ kãrigɨ́, tɨ'o masítigɨ weeró noho niî'. Wã'kayá. Õ'âkɨ̃hɨ ĩ'yóropɨre wẽrî'kɨ weeró noho niî'. Tohô niîmigɨ, masayá. Tɨ'o masíya. Cristo Õ'âkɨ̃hɨ besé'kɨ mɨsâre bo'rê yuuropɨ niirã́re weeró noho weegɨ́sami, niî no'o'.

Colosenses 3:4

Kɨ̃ɨ́ta marîre sɨ'orí niîmi. Sɨ'orí katîmi. Marî kɨ̃ɨ̂ me'ra niî'. Tohô weérã kɨ̃ɨ̂ a'ti nukúkãpɨre opâturi a'tikã́, marí kẽ'ra kɨ̃ɨ̂ tutuasé, kɨ̃ɨ̂ asistésere bu'î peha tamurãsa'.

1 João 1:1

Yɨ'ɨ̂ mɨsâre Jesu Cristo yeekãhasere, kɨ̃ɨ̂ niisétisere ohâgɨ weé'. A'tîro niî'. A'ti ɨmɨ́koho weeátoho dɨporo kɨ̃ɨ̂, kɨ̃ɨ̂ pakɨ́ me'ra niî tohakɨ niîwĩ. Be'ró a'ti nukúkãpɨre bahuákɨ niîwĩ. Kɨ̃ɨ̂ katî nu'kugɨ marîre katî nu'kukã weegɨ́ niîmi. Ɨ̃sâ kɨ̃ɨ̂re ĩ'yâwɨ. Kɨ̃ɨ̂ uúkũsere tɨ'owɨ́. Ɨ̃sâ basita kɨ̃ɨ̂re ĩ'yâ butia'wɨ. Kɨ̃ɨ̂re ãyuró masîwɨ. Tohô weérã kɨ̃ɨ̂re ĩ'yâ'kere mɨsâre werê'.

Apocalipse 22:1

Be'ró Õ'âkɨ̃hɨre werê ko'tegɨ diâre ĩ'yowĩ́. Tii maá ũ'îri marirí maa niîwɨ. Teé akó, katisé warore o'ôwɨ. Pũûro akostíri maa niîwɨ. Õ'âkɨ̃hɨ, tohô niikã́ kɨ̃ɨ̂ makɨ́ ovelha wi'magɨ́ weeró noho bahugɨ́ duhirí kumuro dokapɨ wihawɨ́.

Apocalipse 22:16

Yɨ'ɨ̂ Jesu niî'. Õ'âkɨ̃hɨre werê ko'tegɨ, yagɨ́ me'ra a'ti pũríkãhase niî pe'tirã yɨ'ɨ̂re ẽho peóse kurarikãharãre werê duti'. Yɨ'ɨ̂ dɨporókɨ̃hɨ wiôgɨ Davi paramí niî turiagɨ niî'. Tohô niikã́ yõkoáwɨ̃ bo'rêa mɨhatiri kura asisté mɨhatigɨ weeró noho niigɨ́ niî', niîwĩ Jesu.