San Juan 1:29 - Tukano

²⁹ Tohô wa'âka be'ro ape nɨmɨ́ pe'e João Jesu a'tikã́ ĩ'yâwĩ. Kɨ̃ɨ̂re ĩ'yâgɨ, a'tîro niîwĩ: —Ĩ'yâya, ã'rí niîmi Õ'âkɨ̃hɨ o'ôo'gɨ. Kɨ̃ɨ̂ ovelha wi'magɨ́ naâ wẽhé ɨ̃hâ moro peogɨ weeró noho niîmi. Kɨ̃ɨ̂ wẽrisé me'ra a'ti ɨmɨ́kohokãharã yã'âro weé'kere akobohógɨsami.

Õꞌacʉ̃ Yere Ucũrĩ Turi

²⁹ Tojo waꞌáca beꞌro ape nʉmʉ peꞌe Juã Jesú aꞌticã ĩꞌawĩ. Cʉ̃rẽ ĩꞌagʉ̃, aꞌtiro niwĩ: —Ĩꞌaña, ãꞌrĩ nimi Õꞌacʉ̃ oꞌógʉ. Cʉ̃ oveja wĩꞌmagʉ̃ na wẽjẽ ʉ̃jʉ̃amorõpeogʉ weronojõ nimi. Cʉ̃ wẽrĩse meꞌrã aꞌti turicjãrã ñaꞌarõ weeꞌquere acobojogʉsami.

San Juan 1:29 Iomraidhean Croise

Mateus 1:21

Koô wi'magɨ́re wɨâgosamo. Kɨ̃ɨ̂, kɨ̃ɨ yarã́ masaré naâ yã'âro weé'kere yɨ'rɨoákɨhɨ niîgɨsami. Tohô weégɨ Jesu wamê yeeya, niî werêkɨ niîwĩ Õ'âkɨ̃hɨre werê ko'tegɨ. Jesu niîro, “Masaré yɨ'rɨógɨ” niîro weé'.

Mateus 20:28

Yɨ'ɨ̂ Õ'âkɨ̃hɨ makɨ weeró noho weeyá. Yɨ'ɨ̂re ãpêrã wee tamuáto niîgɨ meheta a'tîwɨ. Yɨ'ɨ̂ pe'e naâre wee tamúgɨ a'tîwɨ. Tohô niikã́ yã'âro weé'ke wapare pãharã́re wẽrî basa, wapa yeé wĩrogɨ a'tîwɨ, niîwĩ.

San Juan 1:35

Tohô wa'âka be'ro ape nɨmɨ́ João kɨ̃ɨ̂ wamê yee wɨaropɨta niîwĩ taha. Ɨ̃sâ pɨárã, yɨ'ɨ̂, tohô niikã́ André João bu'erã́ niîwɨ.

San Juan 1:36

Tiîtare Jesu ɨ̃sâ pɨ'to yɨ'rɨákã ĩ'yâgɨ, João a'tîro niîwĩ: —Ĩ'yâya, ã'rí niîmi Õ'âkɨ̃hɨ o'ôo'gɨ. Ovelha wi'magɨ́ weeró noho niîmi.

San Juan 1:43

Tii nɨmɨ́ be'ro Jesu Galiléiapɨ wa'â sĩ'riwĩ. Kɨ̃ɨ̂ toopɨ́ wa'aátoho dɨporo Filipe wamêtigɨre boka ehá, niîwĩ: —Te'á yɨ'ɨ̂ me'ra.

San Juan 2:1

I'tiá nɨmɨ Filipere, Natanaelre Jesu pihîka be'ro Galiléiapɨre Caná wamêtiri makapɨ ni'kɨ́ amûkã dɨ'tewĩ́. Kɨ̃ɨ̂re bosê nɨmɨ wee peówã. Jesu pakó toopɨ́ niîko niîwõ.

San Juan 3:16

Õ'âkɨ̃hɨ a'ti nukúkãkãharãre ɨpɨ́tɨ ma'ígɨ, kɨ̃ɨ̂ makɨ́ ni'kɨ́ niigɨ́re o'ôo'kɨ niîwĩ. Teé me'ra niî pe'tirã kɨ̃ɨ̂ makɨré ẽho peórã, pekâ me'epɨ wa'âsome. Naâ kɨ̃ɨ̂ me'ra katî nu'kukã'rãsama.

San Juan 4:42

Be'ró numiôre niîwã: —Ɨ̃sâ mɨ'ɨ̂ werê'ke me'ra di'akɨ̃ kɨ̃ɨ̂re ẽho peó wee'. Ɨ̃sâ basi kɨ̃ɨ̂ uúkũsere tɨ'oápɨ. Tohô weérã kɨ̃ɨ̂re ẽho peó'. Ɨ̃sâ masî'. Diakɨ̃hɨ́ta niiápã. Kɨ̃ɨ̂ Õ'âkɨ̃hɨ besé'kɨ a'ti nukúkãkãharã masaré yɨ'rɨógɨ niîmi, niîwã koôre.

San Juan 6:51

Teé ba'asé ɨ'mɨ̂sepɨ diháti'kɨ yɨ'ɨ́ta niî'. Teeré ba'ârã, katî nu'kukã'rãsama. Yɨ'ɨ̂ ba'asé o'osé yɨ'ɨ̂ ɨpɨ́ niî'. Yɨ'ɨ̂ ɨpɨré a'ti ɨmɨ́kohokãharãre katî nu'ku dutigɨ o'ôgɨti, niîwĩ Jesu.

Hechos 8:32

Etiópiakɨ̃hɨ kɨ̃ɨ̂ bu'ê sãya'ke Õ'âkɨ̃hɨ makɨre wa'aátehe niîkaro niîwɨ Isaía kɨ̃ɨ̂ a'tîro ohâ'ke: Masá ovelhare wẽherã́tirã, kɨ̃ɨ̂re miáasama naâ wẽhe wɨáropɨ. Ni'kɨ́ masɨ́ kẽ'rare kɨ̃ɨ̂ neê bu'îri moogɨ́ niîmikã, tohôta weerã́sama. Ovelha wi'magɨ́, yutâ weerã́tirã naâ poâri seekã́, neê utîtisami. Kɨ̃ɨ̂ masɨ́ kẽ'ra ye'sûtigɨsami kɨ̃ɨ̂re yã'âro weekã́.

1 Corintios 15:3

Yɨ'ɨ̂re bu'ê'kere mɨsâre werê turiawɨ. Teé apêye yɨ'rɨóro niî yɨ'rɨ nɨ'kase a'tîro niîwɨ. Õ'âkɨ̃hɨ yee kiti ohâka pũripɨ ohâ'karo nohota Cristo marî yã'âro weé'kere kõ'â sĩ'rigɨ, wẽrî basakɨ niîwĩ.

2 Corintios 5:21

Cristo neê kã'roákã yã'âro weetíkɨ niîwĩ. Õ'âkɨ̃hɨ pe'e marî yã'âro weesé bu'iri kɨ̃ɨ̂re wẽrî basa dutikɨ niîwĩ. Kɨ̃ɨ̂re yã'agɨ́re weeró noho bu'îri da'rêkɨ niîwĩ. Tohô weesé me'ra Õ'âkɨ̃hɨ marîre Cristo yarã wa'akã́ weékɨ niîwĩ. Tohô niikã́ kɨ̃ɨ̂ ɨaró kɨ̃ɨ̂ weeró noho ãyuró niî dutigɨ tohô weékɨ niîwĩ.

Gálatas 1:4

Jesu Cristo kɨ̃ɨ̂ basi kɨ̃ɨ̂ ɨaró me'ra marî yã'âro weé'kere wẽrî basakɨ niîwĩ. A'ti ɨmɨ́kohokãhase yã'asé doka niî nemotikã'ato niîgɨ tohô weékɨ niîwĩ. A'teré weégɨ, marî pakɨ Õ'âkɨ̃hɨ dutî'karo nohota weékɨ niîwĩ.

Gálatas 3:13

Marî niî pe'tise Moisé dutî'kere weé põo tẽó wee'. Tohô weégɨ Õ'âkɨ̃hɨ naâ weé pe'otima niîgɨ, “Bu'îri kɨomá”, niîkɨ niîwĩ. Apêro, Õ'âkɨ̃hɨ yee kiti ohâka pũripɨre a'tîro ohâ no'okaro niîwɨ: “No'ó naâ wẽrîka be'ro yukɨ̂gɨpɨ dɨ'te yoó no'o'kãrã Õ'âkɨ̃hɨ bu'îri da'rê duti'kãrã niîma”, niî ohâ no'okaro niîwɨ. Dɨporópɨre masá yã'arã́re tohô weékũkãrã niîwã. Jesu Cristo kẽ'ra yã'agɨ́, bu'îritigɨ weeró noho marî bu'îri da'rê no'o boo'kere kurúsapɨ wẽrî wapa yeékɨ niîwĩ. Tohô weégɨ kɨ̃ɨ̂ marîre yɨ'rɨkã́ weékɨ niîwĩ. Marî ni'kâroakãre kɨ̃ɨ̂re ẽho peórã, bu'îri marí'.

1 Timoteo 2:6

Jesu Cristo niî pe'tirã masaré yɨ'rɨógɨ wẽrî basakɨ niîwĩ. Marî yã'âro weé'ke wapare wapa yeégɨ tohô weékɨ niîwĩ. A'te kitíre “Tohô wa'ârosa'” niîka tero ehakã́, werê bahurẽ' no'okaro niîwɨ.

Tito 2:14

Jesu Cristo marî yã'âro weesére yɨ'rɨ wetíkã weégɨ, wẽrî basakɨ niîwĩ. Kɨ̃ɨ̂ marîre kɨ̃ɨ yarã́ sãha dutígɨ, yã'asé moorã́ niiáto niîgɨ tohô weékɨ niîwĩ. Marîre e'katíse me'ra ãyuró weesétikã ɨasamí. Tohô weégɨ wẽrî basakɨ niîwĩ.

Hebreos 1:3

Kɨ̃ɨ́ta Õ'âkɨ̃hɨ asistésere kɨogɨ́ niîmi. Õ'âkɨ̃hɨ tutuâ yɨ'rɨgɨ, ãyú yɨ'rɨgɨ niîmi. Kɨ̃ɨ̂ makɨ́ kẽ'ra kɨ̃ɨ̂ weeró nohota niîmi. Kɨ̃ɨ̂ uúkũ tutuase me'ra niî pe'tise a'ti ɨmɨ́kohokãhasere kɨ̃ɨ̂ neê waropɨ weé nɨ'ka'karo weeró nohota niî nu'kukã weemí. Kɨ̃ɨ̂ wẽrisé me'ra marî yã'âro weé'kere yɨ'rɨókɨ niîwĩ. Tohô weéka be'ro ɨ'mɨ̂sepɨre Õ'âkɨ̃hɨ tutuâ yɨ'rɨgɨ duhirí kumuropɨ ehâ nuhakɨ niîwĩ.

Hebreos 2:17

Jesu Cristo marî kɨ̃ɨ̂ akawerérã weeró noho ɨpɨtíkɨ niîwĩ. Marîre yɨ'rɨó sĩ'rigɨ tohô weékɨ niîwĩ. Kɨ̃ɨ̂ wẽrisé me'ra marî yã'âro weé'kere kɨ̃ɨ̂ pakɨré akobohó dutikɨ niîwĩ. Kɨ̃ɨ̂ tohô weégɨ sacerdotea wiôgɨ masá yã'âro weé'kere Õ'âkɨ̃hɨre sẽri baságɨ weeró noho weékɨ niîwĩ. Marîre ãyuró wee tamú nu'ku sĩ'rigɨ tohô weékɨ niîwĩ. Niî pe'tise marî weeró noho weesétigɨ, marîre pahá yã'agɨti niîgɨ, tohô ɨpɨtíkɨ niîwĩ.

Hebreos 9:28

Cristo ni'kâtita kɨ̃ɨ̂ wẽrisé me'ra wa'îkɨ̃rãre wẽhé ɨ̃hâ moro peoro weeró noho weékɨ niîwĩ. Tohô weesé me'ra masá niî pe'tirã yã'âro weé'kere kõ'âkɨ niîwĩ. Be'ró opâturi a'tîgɨsami. Masá naâ yã'âro weé'kere kõ'âgɨ meheta a'tîgɨsami. Masá kɨ̃ɨ̂re yuû kuerã pe'ere yɨ'rɨógɨ a'tîgɨ weegɨ́sami.

1 Pedro 1:19

A'tîro pe'e weékɨ niîwĩ. Kɨ̃ɨ̂ makɨ́ Jesu Cristo kɨ̃ɨ̂ ɨpɨ́tɨ ma'igɨ́ wẽrîgɨ diî a'mâ bɨrose me'ra marîre yɨ'rɨókɨ niîwĩ. Ɨ̃sâ Judeu masa yẽkɨ sɨmɨápɨa naâ yã'âro weé'ke wapa Õ'âkɨ̃hɨre akobohóse sẽrírã, a'tîro weékãrã niîwã. Ovelha dohôri wi'i niîtigɨre, kamî marigɨ́re, niî pe'tiro kɨ̃ɨ̂ ɨpɨ́ ãyugɨ́re wẽhé, Õ'âkɨ̃hɨre ɨ̃hâ morokãrã niîwã. Kɨ̃ɨ̂, ovelha ãyugɨ́ niî'karo noho Jesu Cristo ãyugɨ́ waro, yã'asé moogɨ́ niîmi. Kɨ̃ɨ̂ wẽrîgɨ diî a'mâ bɨrose me'ra marî yã'âro weé'kere yɨ'rɨókɨ niîwĩ.

1 Pedro 2:24

Kɨ̃ɨ̂ basi marî yã'âro weé'ke wapare wapa yeégɨ kurúsapɨ wẽrîwĩ. Marî yã'âro weesére du'u dutígɨ marîre wẽrî basawĩ. Tohô kɨ̃ɨ̂ weesé me'ra a'tîro weewĩ́. Marîre yã'asére siru tuúmi'kãrãre ãyusé Õ'âkɨ̃hɨ yee pe'ere siru tuúkã weewĩ́. Kɨ̃ɨ̂ marîre yɨ'rɨógɨ, kamî da're no'o', ɨpɨ́tɨ pũrisé tɨ'ó yã'awĩ. Tohô kɨ̃ɨ̂ weesé me'ra marî yã'âro yɨ'rɨ boó'kãrã yɨ'rɨó no'owɨ.

1 Pedro 3:18

Jesu Cristo marikã ãyugɨ́ niîmigɨ, pi'etíwĩ. Kɨ̃ɨ̂ bu'îri moomígɨ, marî yã'âro weé'ke wapare wẽrî wapa yeé basawĩ. Marî bu'îri kɨorã́re wẽrî basagɨ tohô weewĩ́. Marîre yɨ'rɨógɨ, ni'kâtita wẽrîwĩ. Kɨ̃ɨ̂ tohô weesé me'ra kɨ̃ɨ̂ pakɨ tirópɨ marîre wa'âta basiókã weewĩ́. Kɨ̃ɨ̂ bu'îkaha ɨpɨ waro maa wẽrîa wa'âwĩ. Wẽrî toha, be'ró masákɨ niîwĩ. Kɨ̃ɨ̂ ehêri põ'ra pũrikã wẽrîtikaro niîwɨ.

1 João 2:2

Jesu Cristo wẽrisé me'ra marî yã'âro weé'kere akobohóse bokákãrã niîwɨ. Marî di'akɨ̃ akobohóse boka masítisa'. Niî pe'tirã a'ti nukúkãkãharã akobohóse boka masísama.

1 João 3:5

Mɨsâ masî toha', marî yã'âro weé'kere kõ'âgɨ Jesu Cristo a'ti nukúkãpɨre a'tîkɨ niîwĩ. Neê kɨ̃ɨ̂re kã'roákã yã'asé marí'.

1 João 4:10

Yɨ'ɨ̂ ma'isére uúkũgɨ, marî Õ'âkɨ̃hɨre ma'isére uúkũgɨ meheta weé'. Kɨ̃ɨ̂ pe'e marîre ma'isé pe'ere uúkũgɨ weé'. Kɨ̃ɨ̂ marîre ma'ígɨ, marî yã'âro weé'kere akobohó dutigɨ kɨ̃ɨ̂ makɨré o'ôo'kɨ niîwĩ. Kɨ̃ɨ̂ me'ra marî akobohóse boká'.

Apocalipse 1:5

Tohô niikã́ Jesu Cristo mɨsâre ãyuró weeáto. Kɨ̃ɨ̂ Õ'âkɨ̃hɨ yeekãhasere keoró weregɨ́ niîmi. Kɨ̃ɨ́ta niî pe'tirã wẽrî'kãrã dɨporo masá mɨ'ta'kɨ niîmi. Kɨ̃ɨ̂ niî pe'tirã a'tí di'takãharã wiôrãre dutîmi. Marîre ma'imí. Kɨ̃ɨ̂ wẽrîgɨ, kɨ̃ɨ yeé diî me'ra marî yã'âro weé'kere yɨ'rɨówĩ.

Apocalipse 12:11

Õ'âkɨ̃hɨ yarã marî akawerérã wãtîre dokâ ke'akã weewã́. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wẽrisé me'ra, kɨ̃ɨ yeé diî a'mâ bɨrose me'ra tohô weewã́. Naâ katirí ɨmɨ̂kohore ma'itírã, Õ'âkɨ̃hɨ yee kitire weresé me'ra kɨ̃ɨ̂re tohô weewã́. Ãpêrã naâre wẽhé sĩ'rikã, naâ werê du'utiwã. Wẽrisére uîtiwã.

Apocalipse 13:8

Niî pe'tirã a'ti nukúkãkãharã mehêkã bahugɨ́re ẽho peówã. Naâ, naâ wameré Õ'âkɨ̃hɨ makɨ ovelha wi'magɨ́ weeró noho bahugɨ́ wẽhé no'o'kɨ yaa pũripɨre ohâ õ'o no'oya maríkãrã niîwã. Tii pũrí a'tí di'ta weé nɨ'kari kura katisé kɨorã́re ohâ õ'o no'oka pũri niîkaro niîwɨ.

Apocalipse 14:1

Be'ró yɨ'ɨ̂ Õ'âkɨ̃hɨ makɨ ovelha wi'magɨ́ weeró noho bahugɨ́re ɨ̃rɨgɨ́ Sião wamêtikɨhɨpɨ nu'kukã́ ĩ'yâwɨ. Kɨ̃ɨ̂ me'ra pãharã́ cento quarenta e quatro mil masa niîwã. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wamere, kɨ̃ɨ̂ pakɨ wamére naâ diâpoapɨ ohâ õ'o no'o'kãrã niîwã.

Apocalipse 14:4

Naâ neê ni'kâti numiâ me'ra yã'âro weetíkãrã niîwã. Naâ Õ'âkɨ̃hɨ makɨ ovelha wi'magɨ́ weeró noho bahugɨ́re no'ó kɨ̃ɨ̂ wa'aró siru tuúwã. Naâ a'ti nukúkãkãharã wa'teropɨre yɨ'rɨó no'o'kãrã niîwã. Naâ Õ'âkɨ̃hɨre, Õ'âkɨ̃hɨ makɨ ovelha wi'magɨ́ weeró noho bahugɨ́re ẽho peó o'ô mɨ'ta'kãrã niîkãrã niîwã.

Apocalipse 15:3

Naâ Õ'âkɨ̃hɨre da'rá ko'tegɨ Moisé yee basasére basâ peowã. Õ'âkɨ̃hɨ makɨ ovelha wi'magɨ́ weeró noho bahugɨ́ yee basasé kẽ'rare basâ peowã. A'tîro niîwã: Õ'âkɨ̃hɨ ɨ̃sâ wiôgɨ, mɨ'ɨ̂ tutuâ yɨ'rɨgɨ niî'. Niî pe'tise mɨ'ɨ̂ weé'ke ãyú butia'se paka niî'. Teeré ĩ'yârã, ɨ̃sâ ĩ'yâ maria wa'â'. Mɨ'ɨ̂ niî pe'tise makarikãharã wiôgɨ niî'. Mɨ'ɨ̂ weesétise keoró niî'. Mɨ'ɨ̂re neê niî soose marí'.

Apocalipse 17:14

Naâ Õ'âkɨ̃hɨ makɨ ovelha wi'magɨ́ weeró noho bahugɨ́ me'ra a'mê wẽherãsama. Kɨ̃ɨ̂ naâre dokâ ke'akã weegɨ́sami. Kɨ̃ɨ̂ niî pe'tirã wiôrã bu'ipɨ niîmi. Tohô weégɨ naâre tohô weegɨ́sami. Õ'âkɨ̃hɨ makɨ me'rakãharã Õ'âkɨ̃hɨ besé'kãrã niîma. Õ'âkɨ̃hɨ ɨaró weé nu'kurã niîma, niîwĩ.

Apocalipse 19:7

E'katírã. Ehêri põ'raripɨ e'katí butia'rã tɨ'ó yã'arã. “Õ'âkɨ̃hɨ ãyú yɨ'rɨami”, niîrã. A'tîro niî'. Õ'âkɨ̃hɨ makɨ ovelha wi'magɨ́ weeró noho bahugɨ́ kɨ̃ɨ̂re ẽho peórã me'ra niî nɨ'kari nɨmɨ ehâ toha'. Kɨ̃ɨ̂re ẽho peórã kɨ̃ɨ̂ nɨmó niiákoho weeró noho niîma. Ni'kó amûkã dɨ'teátoho dɨporo ãyuró ma'mâ su'a no'osamo. Koô weeró noho naâ apo yuú'kãrãpɨ niîma.

Apocalipse 19:9

Be'ró Õ'âkɨ̃hɨre werê ko'tegɨ yɨ'ɨ̂re niîwĩ: —A'tîro ohâya: “No'ó Õ'âkɨ̃hɨ makɨ ovelha wi'magɨ́ weeró noho bahugɨ́ amûkã dɨ'terí bosê nɨmɨre ĩ'yâ duti no'orã noho e'katíya”, niî ohâ dutiwĩ. Kɨ̃ɨ̂ yɨ'ɨ̂re niîwĩ taha: —A'té uúkũse Õ'âkɨ̃hɨ uúkũse waro niî'.

Apocalipse 21:14

Tii makákãha sã'rirore ɨ̃tapá paka me'ra tuú yẽ'e no'owɨ. Teepagá dozepaga niîwɨ. Teepagá nɨkɨ Jesu Cristo bese kũú'kãrã wamere ohâ õ'o no'owɨ.

Apocalipse 21:27

Toopɨ́re neê ni'kâti yã'asé mii sãhá no'oya marirósa'. Yã'âro weerã́, niî soose bɨkɨrã toopɨ́re neê sãháasome. Õ'âkɨ̃hɨ makɨ ovelha wi'magɨ́ weeró noho bahugɨ́ yaa pũri katî nu'kuse kɨorã́ naâ wameré ohâ õ'o no'o'kãrã di'akɨ̃ sãháarãsama.

Apocalipse 21:9

Be'ró ni'kɨ́ sõ'ó niîkãrã sete me'rakɨ̃hɨre ĩ'yâwɨ. Naáta, naâ nɨkɨ bu'îri da'rê tɨoatehe posetíse paarire kɨowã́. Ni'kɨ́ naâ me'rakɨ̃hɨ a'tîro niîwĩ: —Te'á. Mɨ'ɨ̂re Õ'âkɨ̃hɨ makɨ ovelha wi'magɨ́ weeró noho bahugɨ́ nɨmo niiákohore ĩ'yogɨ́ti, niîwĩ. Kɨ̃ɨ̂ nɨmó Jesu Cristore ẽho peórã niî sĩ'riro weé'.

Apocalipse 5:6

Kɨ̃ɨ̂ tohô niîka be'ro yɨ'ɨ̂ Cristo masa mɨhá'kɨre ĩ'yâwɨ. Kɨ̃ɨ̂ ovelha wi'magɨ́ wẽhé no'o'kɨ weeró noho bahuwĩ́. Kɨ̃ɨ̂ wiôgɨ duhirí kumuro pɨ'to katigɨ́ nu'kuwĩ́. Sõ'ó niîkãrã ba'pâritirã katirã́ weeró noho bahurã́, tohô niikã́ wiôrã bɨkɨrã́ wa'teropɨ nu'kuwĩ́. Kɨ̃ɨ̂ sete kapé sa'ari kɨogɨ́ niîwĩ. Tiikéseta taha kapêri kẽ'rare kɨowĩ́. Kɨ̃ɨ̂ kapé sa'ari tutuasé kɨogɨ́ niîmi, niî sĩ'riro weé'. Kɨ̃ɨ̂ kapêri pe'e a'tîro niî sĩ'riro weé'. Kɨ̃ɨ̂ Espírito Santore kɨomí. Tohô weégɨ niî pe'tisere, niî pe'tiropɨ niisére masî pe'okã'mi, niîro weé'.

Apocalipse 5:8

Kɨ̃ɨ̂ tohô weekã́ ĩ'yârã, naâ ba'pâritirã katirã́ weeró noho bahurã́, tohô niikã́ vinte e quatro wiôrã bɨkɨrã́ kɨ̃ɨ̂ dɨ'pôkãpɨ ehâ ke'awã. Naâ nɨkɨ bɨâ pɨ̃tese pakare kɨowã́. Naâ nɨkɨ ouro me'ra weé'ke paari bapârire kɨowã́. Tee paári ɨ'mɨ̂tihise ɨ̃hâ morosere posetíse paari niîwɨ. Teé ɨ'mɨ̂tihise Õ'âkɨ̃hɨre ẽho peórã naâ sẽrisé niî', niî sĩ'riro weé'.

Apocalipse 6:1

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ tii tũrú pi'râ bi'a'kere pãakã́ ĩ'yâwɨ. Kɨ̃ɨ̂ pi'râ bi'a mɨ'ta'karo pãâka be'ro ni'kɨ́ sõ'ó niîkãrã ba'pâritirã katisé kɨorã́ niî mɨ'tagɨ yaî pahigɨ́ sõ'agɨ́ weeró noho bahugɨ́ uúkũsere tɨ'owɨ́. Kɨ̃ɨ̂ uúkũse bɨpô paasé weeró noho bɨsɨ̂wɨ. A'tîro niîwĩ: —A'tiá.

Apocalipse 6:16

Naâ ɨ̃rɨgɨ́re, ɨ̃ta paáre niîwã: —Ɨ̃sâ bu'i bɨrɨ̂ pehaya. Wiôgɨ duhirí kumuropɨ duhigɨ́ ɨ̃sâre bu'îri da'rêgɨ weemí. Ɨ̃sâre ka'mú ta'aya. Ovelha wi'magɨ́ kẽ'ra ɨ̃sâre ɨpɨ́tɨ bu'îri da'rêgɨ weemí. Ka'mú ta'aya.

Apocalipse 7:14

Yɨ'ɨ̂ kɨ̃ɨ̂re yɨ'tiwɨ́: —Wiôgɨ, mɨ'ɨ̂ masísa'. Kɨ̃ɨ̂ pe'e yɨ'ɨ̂re niîwĩ: —Ã'rá nukûkãkãharã pũûro pi'etíka terore naá kẽ'ra pi'etí'kãrã niîma. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wẽrisé me'ra naâ ehêri põ'raripɨ yã'asé moorã́ tohákãrã niîwã.

Apocalipse 7:17

Õ'âkɨ̃hɨ makɨ ovelha wi'magɨ́ weeró noho bahugɨ́ wiôgɨ duhirí kumuro pɨ'topɨ niigɨ́ ovelhare ko'têgɨ weeró noho naâre ko'têgɨsami. Akó wiharí peepɨ miáagɨsami. Teeré sĩ'rírã, katî nu'kurãsama. Õ'âkɨ̃hɨ niî pe'tirã naâ ya'ko koó wiharã́re tuu koégɨsami.