Gálatas 4:3 - Tukano

³ Marí kẽ'ra Jesu Cristore ẽho peoátoho dɨporo marî yẽkɨ sɨmɨá wee mɨháti'kere weérã, ã'rí weeró noho niî ni'ikãrã niîwɨ yuhûpɨ. Teé dutisé me'ra niîrã, ãpêrãre da'rá wã'ya ko'terã weeró noho niîkãrã niîwɨ.

Õꞌacʉ̃ Yere Ucũrĩ Turi

³ Marĩ quẽꞌrã Jesucristore ẽjõpeose dʉporo marĩ ñecʉ̃sʉmʉa weemʉjãtiꞌquere wéérã, ãꞌrĩ weronojõ níniꞌcãrã niwʉ̃ yujupʉ. Te dutise meꞌrã nírã, ãpẽrãrẽ daꞌrawãꞌñacoꞌterã weronojõ nicãrã niwʉ̃.

Gálatas 4:3 Iomraidhean Croise

Mateus 11:28

Mɨsâ basi wee tutuáse me'ra Õ'âkɨ̃hɨre e'katíkã weé sĩ'ri'. Tohô weérã nɨkɨsére wɨarã́, da'rá kari butírã weeró noho niî'. Mɨsâ bu'îri tɨ'ó yã'arã, bɨhâ wetirãre a'tîro niîgɨti. Mɨsâ tohô tɨ'ó yã'asere yɨ'ɨ̂re werêya. Yɨ'ɨ̂ mɨsâre wee tamúgɨti. Mɨsâ tohô weekã́, yɨ'ɨ̂ mɨsâre ãyuró tɨ'ó yã'ase o'ôgɨti.

San Juan 8:31

Jesu Judeu masa kɨ̃ɨ̂re ẽho peórãre a'tîro niîwĩ: —Mɨsâ yɨ'ɨ̂ uúkũsere yɨ'tírã, yɨ'ɨ̂ bu'erã́ niîrãsa'.

Hechos 15:10

Tohô weérã marî Judeu masa niîtirãre “Moisé kɨ̃ɨ̂ dutî'karo weeyá”, niîtikã'ro ɨá'. Marî teeré weeyá niîrã, “Õ'âkɨ̃hɨ naâre yɨ'rɨótikɨ niîwĩ yuhûpɨ”, niîrã wee boósa'. Marî, marî yẽkɨ sɨmɨá marikã Moisé kɨ̃ɨ̂ dutî'kere weé põo tẽótikãrã niîwã. Tãhâsama naâpɨa. Tohô weérã naâre teeré wee dutítikã'ro ɨá'.

Romanos 7:14

Marî masi', Moisé kɨ̃ɨ̂ dutî'kere Espírito Santo me'ra Õ'âkɨ̃hɨta kũûkɨ niîwĩ. Tohô weéro ãyusé di'akɨ̃ niî'. Marî pe'e yã'arã́ niî tĩharã, yã'asé marîpɨre niisé doka niî'.

Romanos 8:15

Õ'âkɨ̃hɨ Espírito Santore marîre o'ôo'kɨ niîwĩ. Tohô weérã ni'kâroakãre da'rá ko'terã naâ wiôgɨre uîrã weeró noho nií wee'. Marîre Õ'âkɨ̃hɨ põ'ra sãhakã́ weesamí. Tohô weérã kɨ̃ɨ̂ wee tamúro me'ra marî Õ'âkɨ̃hɨre “Pakɨ́”, niî masi'.

2 Corintios 11:20

Mɨsâ a'tîro weé'. Ãpêrã mɨsâre dutîpekã, põo tẽósa'. No'ó mɨsa yeére mii wapákã, põo tẽósa'. No'ó tohô weetírã, mɨsâre mehô niirã́ weekã́, põo tẽósa'. Tɨ'o masítirãre weeró noho ĩ'yakã́, põo tẽósa'. No'ó mɨsâre diâpoapɨ paakã́ kẽ'rare, põo tẽókã'sa'. Tohô weesé niî pe'tisere põo tẽó pe'okã'sa'.

Gálatas 2:4

Wiôrã pe'e “Titore õ'rekɨhɨ́ yapa kaserore yehê kõ'aro ɨá'” niîtimikã, ãpêrã tohô niî ko'terã pe'e “Kɨ̃ɨ̂re yehê kõ'aro ɨá'”, niîwã. Naâ Jesu Cristore ẽho peó ta'sarã, Jesu Cristore ẽho peórã me'ra a'mé sɨ'awã. Tohô niî ta'sa, ĩ'yâ du'tirã niîwã. Naâ ɨ̃sâ Jesu Cristore ẽho peórã weesétisere ĩ'yâwã. Ɨ̃sâ kɨ̃ɨ̂re ẽho peórã Moisé dutisé doka niîtikã ĩ'yâwã. Teeré ĩ'yârã, ɨ̃sâre ɨ̃sâ yẽkɨ sɨmɨáre dutî mɨhati'kere wee dutí sĩ'rimiwã taha. Moisé kɨ̃ɨ̂ dutî'ke doka kũû sĩ'rimiwã taha.

Gálatas 3:19

Too pũríkãre de'ró weégɨ Õ'âkɨ̃hɨ Moisére sõ'ó niî'ke dutisére kũûpari? A'tîro niî'. Marîre “Yã'arã́ niî', bu'îri kɨó'” niî masî dutigɨ kũûkɨ niîwĩ. Õ'âkɨ̃hɨ teeré Abraão paramí niî turiagɨ Jesu Cristo a'tirí kurapɨ kũû tɨokɨ niîwĩ. Jesu Cristo me'ra Õ'âkɨ̃hɨ “A'ti nukúkãkãharãre ãyuró weegɨ́ti” niî'ke keoró wa'âwɨ. Teé dutisére Õ'âkɨ̃hɨ kɨ̃ɨ̂re werê ko'terã ɨ'mɨ̂sekãharã me'ra Moisére werê duti o'okɨ niîwĩ. Moisé pe'e kẽ'ra teeré tɨ'ógɨ, werê turiakɨ niîwĩ masapɨ́re taha.

Gálatas 4:2

Ãpêrã masá kɨ̃ɨ̂re ko'têsama. Kɨ̃ɨ̂ naâ dutisé doka niîsami. Kɨ̃ɨ yeé niiátehe kẽ'rare ĩ'yâ nɨrɨ basasama. Kɨ̃ɨ̂ pakɨ́ kɨ̃ɨ̂ wẽriátoho dɨporo ni'kâ nɨmɨ teeré wiaátihi nɨmɨre besesamí. “Tii nɨmɨ́ ehakã́, niî pe'tisere yɨ'ɨ̂ makɨre wiayá”, niîsami. Tohô weérã tii nɨmɨ́ niikã́, niî pe'tisere kɨ̃ɨ̂re wiá pe'okã'sama. Teeré wiáka be'ro kɨ̃ɨ̂ da'rá ko'tegɨ weeró noho niîtisami maha.

Gálatas 4:24

A'tîro weé'ke me'ra marî masî'. Naâ pɨárã numia Õ'âkɨ̃hɨ kɨ̃ɨ̂ pɨáro dutisé marîre kũû'ke weeró noho niî'. Agar ɨ̃rɨgɨ́ Sinai wamêtikɨhɨ weeró noho niîmo. Tigɨpɨ́ Õ'âkɨ̃hɨ Moisére dutisé o'ôkɨ niîwĩ. Tigɨ́ Arábia di'tapɨ niísa'. Agar makɨ kɨ̃ɨ̂ pakó da'rá ko'tego niî yuukã, kɨ̃ɨ́ kẽ'ra da'rá ko'tegɨ niîkɨ niîwĩ. Tii kurákãharã bahuá siru tuurã niî pe'tirã da'rá ko'terã niîma. Ãpêrã dutisére weé wã'ya ko'tema. Apêye maa taha a'tóka tero Jerusalẽ́pɨre ãyuró Moisé dutisére weerã́ niîsama. Agar tii maká weeró noho niîmo. Niî pe'tirã Moisé dutisére weerã́ Agar yaa kurakãharã weeró noho da'rá ko'terã niîma. Tohô weérã naâ Moisé dutisé doka niîma.

Gálatas 4:31

Tohô weérã yɨ'ɨ̂ akawerérã, marî Jesu Cristore ẽho peórã Sara paramérã niî turiarã niî'. Da'rá ko'tego paramérã meheta niî'. Sara makɨ kɨ̃ɨ̂ pakɨ yeére yẽ'ê'karo weeró nohota marî Õ'âkɨ̃hɨ kɨ̃ɨ̂ põ'raré o'oátehere yẽ'êrãsa'.

Gálatas 4:8

Mɨsâ too dɨpóropɨre Õ'âkɨ̃hɨre masîtikãrã niîwɨ. Masá naâ yeê'kãrãre ẽho peókãrã niîwɨ. Naâre Õ'âkɨ̃hɨre weeró noho ĩ'yâkãrã niîwɨ. Naâre ẽho peórã, naâ dutisé doka niî wã'yarã weeró noho niîkãrã niîwɨ. Mɨsâ ẽho peó'kãrã Õ'âkɨ̃hɨ meheta niîkãrã niîwã.

Gálatas 4:9

Ni'kâroakãre mɨsâ Õ'âkɨ̃hɨre masî'. Kɨ̃ɨ̂ pe'e mɨsâre masî mɨ'takɨ niîwĩ. Kɨ̃ɨ̂re ẽho peóka be'ro too dɨpóropɨ mɨsâ ẽho peó'kere du'úkã'kãrã niîwɨ. Mɨsâ ẽho peó mɨ'ta'ke mehô niisé niî'. Wapa marí'. Ni'kâroakãre Moisé dutisére weérã, mɨsâ ẽho peó mɨ'ta'kere ẽho peórã weeró noho weérã weésa'. Too dɨpóropɨ da'rá wã'ya ko'te'kãrã weeró noho niî sĩ'risari taha?

Colosenses 2:20

Mɨsâre too dɨpóropɨre mɨsâ yẽkɨ sɨmɨá niiséti mɨhati'kere pehé dutisé niîkaro niîwɨ. A'tóka terore too dɨpóropɨ weeséti'kere Jesu Cristo kɨ̃ɨ̂ wẽrisé me'ra yɨ'rɨ wetíkã weékɨ niîwĩ. Yɨ'rɨ wetíka be'ro niîmikã, de'ró weérã mɨsâ too dɨpóropɨ weeséti'karo nohota niîti taha?

Colosenses 2:8

Ãpêrã mɨsâre werekã́, ãyuró tɨ'o masíya. Naâ mɨsâre niî soose me'ra werê boosama. Diakɨ̃hɨ́ weeró noho uúkũsama. Nií wee'. Teé uúkũse me'ra masaré werê, maa soórã weemá. Jesu Cristo yee meheta niî'. Naâ basi naâ wãkusére, dɨporókãharãpɨ niiséti mɨhati'kere werêrã weemá. Tohô weérã naâre ẽho peótikã'ya.

Hebreos 5:12

Mɨsâ yoakã́ Jesu Cristore ẽho peówɨ. Ni'kâroakãre ãpêrãre bu'erã́pɨ niî toha boosa'. Tohô niîmirã, Õ'âkɨ̃hɨ yeere mehô niiseákãre opâturi werê apokã ɨá'. Mɨsâ tutuâti butia'rã weeró noho wa'â' taha. Tohô weérã diâsatiseakãre ãyuró tɨ'óro noho o'ôrã, tɨ'otí yɨ'rɨokã'. Ba'asére ba'âro noho o'ôrã, ni'kâroakãre wekɨ̂ õpekṍre sĩ'rirã́ weeró noho niî' yuhûpɨ.