Gálatas 1:6 - Tukano

⁶ Õ'âkɨ̃hɨ mɨsâre ma'ígɨ, besékɨ niîwĩ. Jesu Cristo kɨ̃ɨ̂ wẽrisé me'ra mɨsâre yɨ'rɨókɨ niîwĩ. Kɨ̃ɨ̂ tohô weemíkã, mɨsâ pe'e maatá waro kɨ̃ɨ̂re ẽho peó du'urã weé'. Apêye bu'esé pe'ere siru tuúrã weé'. Mɨsâ tohô weekã́ tɨ'ógɨ, ɨpɨ́tɨ ɨkɨása'.

Õꞌacʉ̃ Yere Ucũrĩ Turi

⁶ Õꞌacʉ̃ mʉsãrẽ maꞌígʉ̃, besecʉ niwĩ. Jesucristo cʉ̃ wẽrĩse meꞌrã mʉsãrẽ yʉꞌrʉocʉ niwĩ. Cʉ̃ tojo weemicã, mʉsã peꞌe maata waro cʉ̃rẽ ẽjõpeoduꞌurã weeꞌe. Apeye buꞌese peꞌere siruturã weeꞌe. Mʉsã tojo weecã tʉꞌogʉ, ʉpʉtʉ ʉcʉasaꞌa.

Gálatas 1:6 Iomraidhean Croise

Marcos 6:6

Naâ ẽho peótikã ĩ'yâgɨ, ɨkɨá yɨ'rɨa wa'âkɨ niîwĩ. Nazaré tii maká pɨ'toakã niisé makaripɨ bu'ê kusiakɨ niîwĩ.

San Juan 9:30

Kɨ̃ɨ̂ naâre niîkɨ niîwĩ: —A'yó nee. Mɨsâ yɨ'ɨ̂re kapêri ĩ'yakã́ weé'kɨre masí weeti?

Hechos 15:11

A'tîro pe'e niî'. Marî wiôgɨ Jesu Cristo ma'i tĩhágɨ, marî wapa yeékã meheta, marîre yã'âro weé'kere akobohókɨ niîwĩ. Marîre yɨ'rɨó'karo nohota Jesu Cristo naâ Judeu masa niîtirã kẽ'rare yɨ'rɨókɨ niîwĩ, niîkɨ niîwĩ Pedro.

Romanos 10:3

Õ'âkɨ̃hɨ marîre Jesu Cristore ẽho peóse me'ra “Ãyurã́ niîma”, niîsami. Kɨ̃ɨ̂ tohô niisére ẽho peó sĩ'ritirã, Judeu masa pe'e naâ basi wee tutuáse me'ra ãyurã́ niî sĩ'rimisama. Tohô weérã Õ'âkɨ̃hɨ kɨ̃ɨ̂ “Weeyá” niî'kere weetísama.

Romanos 5:2

Jesu Cristore ẽho peókã, Õ'âkɨ̃hɨ marîre ma'ígɨ, kɨ̃ɨ̂ me'ra niiáto niîgɨ yɨ'rɨósami. Kɨ̃ɨ̂ tiropɨ kɨ̃ɨ̂ ãyú yɨ'rɨagɨ niisére bu'î peha tamurãsa'. Marîre “Ãyuró weewɨ́”, niîgɨsami. Kɨ̃ɨ̂ tohô weegɨ́sami niîrã, e'katíse me'ra ko'tê'.

Romanos 8:28

Õ'âkɨ̃hɨ marîre kɨ̃ɨ̂ ɨaró weeáto niîgɨ besékɨ niîwĩ. Tohô weérã marî a'tîro masî'. Marî kɨ̃ɨ̂re ma'irã́re wee tamú nu'kukã'sami. kɨ̃ɨ̂ weeró noho wa'akã́ ɨágɨ niî pe'tise marîre wa'asére ãyuró yapatíkã weesamí.

Romanos 8:30

Dɨporópɨ Õ'âkɨ̃hɨ marîre kɨ̃ɨ yarã́ niiáto niîgɨ bese yuú tohakɨ niîwĩ. Besé toha, kɨ̃ɨ̂ põ'rá sãhakã́ weékɨ niîwĩ. Be'ró “Bu'îri marirã́, ãyurã́ niîma”, niîkɨ niîwĩ. Marî kɨ̃ɨ̂ tohô niî'kãrãre ɨ'mɨ̂sepɨ kɨ̃ɨ̂ makɨ́ weeró noho niisétiahãre kũû tohakɨ niîwĩ.

1 Corintios 4:15

Mɨsâ pãharã́ pɨámukãsetiri mil Cristo yee kitire bu'erã́ kɨo masí'. Tohô pãharã́ kɨotá basiómikã, ni'kɨtá niîsami mɨsâre werê mɨ'ta'kɨ. Teé Jesu Cristo masaré yɨ'rɨógɨ a'tîkɨ niîwĩ niisé kitire yɨ'ɨ́ta werê mɨ'tawɨ. Mɨsâ tee kitíre tɨ'órã, kɨ̃ɨ̂re ẽho peó nɨ'kawɨ. Tohô weégɨ yɨ'ɨ̂ mɨsâ pakɨ weeró noho niî'. Mɨsá kẽ'ra yɨ'ɨ̂ põ'ra weeró noho niî'.

2 Corintios 11:4

Mɨsâ a'tîro weé'. Ãpêrã mɨsâre mehêkã werekã́, ãyuró tɨ'ó tɨ'sa'. Ɨ̃sâ Jesu yeére werêwɨ. Naâ pe'e tee mehéreta werêma. Mɨsâ neê waropɨre Espírito Santore yẽ'êwɨ. Ni'kâroakãre Espírito Santo mehereta yẽ'êrã weé'. Naâ Õ'âkɨ̃hɨ masaré yɨ'rɨóse mehereta werekã́, ãyuró tɨ'ó ẽho peó'.

2 Corintios 2:17

Pãharã́ a'tîro weemá. Õ'âkɨ̃hɨ yee kitire werêrã, wapá ta'ase di'akɨ̃re wãkûma. Ɨ̃sâ naâ weeró noho weé wee'. Õ'âkɨ̃hɨ o'ôo'kãrã Cristore da'rá ko'terã niî'. Tohô weérã Õ'âkɨ̃hɨ ĩ'yóropɨre kɨ̃ɨ yeé kitire keoró werê'.

Gálatas 1:11

Yɨ'ɨ̂ keoró mɨsâre masikã́ ɨása'. Yɨ'ɨ̂ bu'esé masá naâ wãkusé meheta niî'.

Gálatas 1:15

Yɨ'ɨ̂ Jesu Cristore ẽho peórãre yã'âro weewɨ́. Tohô weemíkã, yɨ'ɨ̂ bahuaátoho dɨporopɨ Õ'âkɨ̃hɨ bese yuú tohakɨ niîwĩ. Ɨpɨ́tɨ ma'ígɨ, kɨ̃ɨ̂ makɨ́ niî dutigɨ besékɨ niîwĩ.

Gálatas 1:7

Ãpêrã mɨsâ neê waro ẽho peó'kere dohórẽ'sama. Mɨsâre Jesu Cristo yee kitire werê su'riasama. Teeré dɨka yuú sĩ'risama. Jesu Cristore ẽho peóse me'ra di'akɨ̃ marîre yɨ'rɨtá basió'. Apêye bu'esépɨa basiótisa'.

Gálatas 2:14

Naâ Jesu Cristore ẽho peóse me'ra di'akɨ̃ yɨ'rɨrã́sa' niisére masîmirã, keoró weetíwã. Tohô weégɨ naâ weesé keoró niîtikã ĩ'yâgɨ, Pedrore niî pe'tirã Jesu Cristore ẽho peórã ĩ'yóropɨ tu'tîwɨ. Kɨ̃ɨ̂re a'tîro niîwɨ: “Mɨ'ɨ̂ Judeu masɨ niîmigɨ, Judeu masa niîtirã me'ra ba'âgɨ, naâ weeró noho weesétigɨ weé'. Mɨ'ɨ̂ tohô weesé ãyú niî', ãyuró pe'ea'. Mehô ni'kâroakãre naâ me'ra ba'âti, naâ me'ra niisétitigɨ, ‘Judeu masa weeró noho weeyá’, niîgɨ weé' taha naâre. Mɨ'ɨ̂ tohô weekã́, ‘Ɨ̃sâre Moisé dutî'kere weeró ɨása'’, niî wãkûsama. Mɨ'ɨ̂ basi weetíse Judeu masa niîtirãre ‘Weeyá’ niîro noho wa'â'. Mɨ'ɨ̂ tohô weesé yã'â niî'”, niîwɨ.

Gálatas 2:2

Õ'âkɨ̃hɨ yɨ'ɨ̂re toopɨ́ wa'â dutiwĩ. Tohô weégɨ wa'âwɨ. Jerusalẽ́pɨre ehâ, Jesu Cristore ẽho peórã wiôrã me'ra di'akɨ̃ nerê, uúkũwɨ. Judeu masa niîtirãre Jesu Cristo masaré yɨ'rɨómi niisé kiti, yɨ'ɨ̂ bu'ê'kere naâre werêwɨ. Yɨ'ɨ̂ neê waropɨ bu'ê nɨ'ka'kere, yɨ'ɨ̂ ni'kâroakã bu'esére de'ró niîrãsari? niîgɨ, werêwɨ. Mɨ'ɨ̂ bu'esé wapa marí' niîri niîgɨ, werê yã'amiwɨ.

Gálatas 2:5

Naâ tohô dutîmikã, ɨ̃sâ neê kã'roákã naâ dutisére “Weeró ɨása'”, niîtiwɨ. Mɨsâre Jesu Cristore ẽho peóse me'ra di'akɨ̃ yɨ'rɨrã́sa' niisé kitire masikã́ ɨá'. Tohô weérã diakɨ̃hɨ́kãhase, Jesu Cristo yeere werêrãti niîrã, naâ wee dutí'kere weetíwɨ.

Gálatas 2:7

Wiôrã yɨ'ɨ̂re a'tîro niîwã: “Mɨ'ɨ́ kẽ'ra Õ'âkɨ̃hɨ besé'kɨ niî'. Kɨ̃ɨ̂ mɨ'ɨ̂re Judeu masa niîtirãre Jesu Cristo yee kitire werê dutiapĩ. Pedrore Judeu masare werê duti'karo nohota mɨ'ɨ̂re naâ pe'ere werê dutiapĩ”, niîwã wiôrã.

Gálatas 5:14

Marî Moisé dutisé niî pe'tisere ni'kâropɨta neêo nɨ'ko masi'. A'tîro niî': “Marî basi ma'íro nohota ãpêrã kẽ'rare ma'iró ɨá'”, niî'.

Gálatas 5:4

Mɨsâ Moisé dutisé me'ra yɨ'rɨrã́sa' niîrã, Jesu Cristore du'úrã weé'. Kɨ̃ɨ̂ ma'isé me'ra mɨsâre ãyuró wee boó'kere bahuriórã weé'.

2 Tesalonicenses 2:14

Ɨ̃sâ mɨsâre Jesu Cristo masaré yɨ'rɨóse kitire werêwɨ. Teé me'ra Õ'âkɨ̃hɨ mɨsâre kɨ̃ɨ̂ põ'rá wa'akã́ weékɨ niîwĩ. Marî wiôgɨ Jesu Cristo niirópɨ marîre kɨ̃ɨ̂ ãyú butia'sere bu'î peha tamukã ɨágɨ, tohô weékɨ niîwĩ.

1 Timoteo 1:14

Marî wiôgɨ yɨ'ɨ̂re ma'ígɨ, ãyú butia'ro weewĩ́. Kɨ̃ɨ̂ yɨ'ɨ̂re Jesu Cristore ãyuró ẽho peókã weewĩ́. Ãpêrãre ma'ikã́ weewĩ́.

1 Timoteo 1:3

Yɨ'ɨ̂ Macedôniapɨ wa'aátoho dɨporo mɨ'ɨ̂re tii maká Éfesopɨ toha dutíwɨ. No'ó mehêkã bu'erã́re ka'mú ta'a dutigɨ tohâ ke'a dutiwɨ. Ni'kâroakãre meharóta niîgɨti taha.

2 Timoteo 1:9

Õ'âkɨ̃hɨ marîre pekâ me'epɨ wa'â boo'kãrãre yɨ'rɨ wetíkã weewĩ́. Kɨ̃ɨ̂ ãyuró weekã́ ɨágɨ, kɨ̃ɨ̂ ɨaró wee dutígɨ marîre besékɨ niîwĩ. Marî ãyusé weesétisere ĩ'yâgɨ meheta besékɨ niîwĩ. Kɨ̃ɨ̂ pe'e marîre ãyuró weé sĩ'rigɨ besékɨ niîwĩ. A'tîro niî'. Õ'âkɨ̃hɨ marîre ma'ígɨ, Jesu Cristo marîre yɨ'rɨoátehere wãkûkɨ niîwĩ. Teeré a'ti nukúkã weeátoho dɨporo wãkû tohakɨ niîwĩ.

2 Timoteo 2:1

Timóteo, mɨ'ɨ̂ yɨ'ɨ̂ makɨ weeró noho niigɨ́re a'tîro niîgɨti. Jesu Cristo mɨ'ɨ̂re ãyuró weemí. Tohô weégɨ kɨ̃ɨ̂ wee tamúse me'ra kɨ̃ɨ̂re ẽho peó nu'kukã'ya.

1 Pedro 1:15

A'tîro pe'e weesétiya. Õ'âkɨ̃hɨ marîre besé'kɨ yã'asé moogɨ́ niîmi. Tohô weérã marî yã'asé marirã́ niiró ɨá'.

2 Pedro 1:3

Õ'âkɨ̃hɨ kɨ̃ɨ̂ makɨ́ Jesu Cristore marîre masikã́ weékɨ niîwĩ. Kɨ̃ɨ̂re masîrã, kɨ̃ɨ̂ tutuaró me'ra marî kɨ̃ɨ̂ ɨaró ãyuró niiséti masirãsa'. Jesu Cristo ãyú yɨ'rɨagɨ, niî pe'tise ãyuró weegɨ́ marîre kɨ̃ɨ yarã́ niî dutigɨ pihîkɨ niîwĩ.

Apocalipse 22:21

Marî wiôgɨ Jesu Cristo mɨsâ niî pe'tirãre ãyuró weeáto. Tohôta weeáto.