Gálatas 1:5 - Tukano

⁵ Tohô weérã marî Õ'âkɨ̃hɨre “Mɨ'ɨ̂ ãyú butia'gɨ, tutuâ yɨ'rɨagɨ niî'” niî nu'kukã'rã. Tohôta weerã́.

Õꞌacʉ̃ Yere Ucũrĩ Turi

⁵ Tojo weerã marĩ Õꞌacʉ̃rẽ eꞌcatise oꞌonuꞌcũcãꞌrã. Tojota weeroʉasaꞌa.

Gálatas 1:5 Iomraidhean Croise

Mateus 28:20

Niî pe'tise yɨ'ɨ̂ mɨsâre dutî'kere naâre yɨ'tí bu'ekã́ weeyá. Naâre niî pe'tise nɨmɨri yɨ'ɨ̂ mɨsâre bu'ê'kere werêya. A'teré masîya. Niî pe'tise nɨmɨri mɨsâ me'ra niî nu'kukɨ̃'sa'. Teê a'ti ɨmɨ́koho pe'tikã́pɨ kẽ'ra mɨsâ me'ra niî nu'kukɨ̃'sa', niî werêwĩ Jesu.

Mateus 6:13

Ɨ̃sâ yã'âro weé sĩ'risere ka'mú ta'aya. Tohô niikã́ yã'agɨ́ ɨ̃sâre niî kehe sãakã, ka'mú ta'aya. Mɨ'ɨ̂ ni'kɨtá dutî masi'. Tutuâ yɨ'rɨgɨ niî'. Mɨ'ɨ̂ ni'kɨréta masá ẽho peórãsama. Mɨ'ɨ̂ niî nu'kukɨ̃'sa', niî sẽriyá Õ'âkɨ̃hɨre.

San Lucas 2:14

Õ'âkɨ̃hɨ ɨ'mɨ̂sekɨ̃hɨre e'katí peorã. Niî pe'tirã kɨ̃ɨ̂re “Ãyú butia'mi”, niî basâ peoato. A'tí di'ta pe'ere kɨ̃ɨ̂ ãyuró weé no'o'kãrã ehêri põ'rapɨ ãyuró tɨ'ó yã'ato, niîkãrã niîwã.

Romanos 11:36

Niî pe'tise a'ti nukúkãkãhase, ɨ'mɨ̂sekãhase kɨ̃ɨ̂ weé'ke di'akɨ̃ niî'. Kɨ̃ɨ̂ tutuasé me'ra niî pe'tise niî nu'ku'. Kɨ̃ɨ yeé niî'. Tohô weérã niî pe'tirã Õ'âkɨ̃hɨre “Kɨ̃ɨ̂ ãyú yɨ'rɨagɨ, tutuâ yɨ'rɨagɨ niîmi”, niî nu'kukã'rã. Tohôta weerã́.

Romanos 16:27

Õ'âkɨ̃hɨ ni'kɨtá niîmi. Kɨ̃ɨ̂ ni'kɨtá niî pe'tisere masî pe'okã'mi. Tohô weérã Jesu Cristo wee tamúro me'ra Õ'âkɨ̃hɨre “Tutuâ yɨ'rɨami”, niî ẽho peó nu'kukã'rã. Tohôta weerã́. Toô kã'rota ohâ'. Paulo

1 Corintios 8:13

Marî ba'asé me'ra marî akawerégɨ ẽho peó tutuatigɨre dohórẽ' boosa'. Tohô weerí niîrã, diakɨ̃hɨ́ta ba'âti yɨ'rɨokã'ro ɨá'.

Efesios 1:12

Kɨ̃ɨ̂ a'tîro weégɨ, ɨ̃sâ Cristore ẽho peó mɨ'tarãre ãyuró weekã́ ɨágɨ besékɨ niîwĩ. Ɨ̃sâ ãyuró weesé me'ra masá kɨ̃ɨ̂ Õ'âkɨ̃hɨre “Ãyú butia'gɨ niîmi” niî wãkuáto niîgɨ tohô besékɨ niîwĩ.

Filipenses 4:20

Marî pakɨ Õ'âkɨ̃hɨre e'katí peo nu'kurã. Tohôta weerã́.

1 Timoteo 1:17

Tohô weérã Õ'âkɨ̃hɨre “Ãyú yɨ'rɨami”, niî nu'kurã. Kɨ̃ɨ̂ wiôgɨ niî nu'kugɨ niîmi. Neê wẽrîsome. Õ'âkɨ̃hɨ ni'kɨtá niîmi. Kɨ̃ɨ̂ bahutígɨ, masî yɨ'rɨgɨ niîmi. Tohôta niîmi.

2 Timoteo 4:18

Tohô niikã́ niî pe'tise yɨ'ɨ̂re be'ropɨ́ yã'âro weeátehere yɨ'rɨ wetíkã weegɨ́sami. Ɨ'mɨ̂sepɨ kɨ̃ɨ̂ wiôgɨ niirópɨ yɨ'ɨ̂re miáagɨsami. Masá Õ'âkɨ̃hɨre ãyuró uúkũ nu'kuato. Tohôta wa'aáto.

Hebreos 13:21

Õ'âkɨ̃hɨ mɨsâre keoró niisétikã weeáto. Niî pe'tisere ãyuró weesétikã weeáto. Tohô weekã́, kɨ̃ɨ̂ ɨaró wee masírãsa'. Jesu Cristo kɨ̃ɨ̂ tutuaró me'ra mɨsâre tohô weegɨ́sami. Cristore e'katí peo nu'kurã. Tohôta weerã́.

1 Pedro 5:11

Tohô weérã kɨ̃ɨ̂re a'tîro niîrã: “Õ'âkɨ̃hɨ, mɨ'ɨ̂ niî pe'tirã bu'ipɨ, wiôgɨ niî'. Mɨ'ɨ̂ tutuasé neê pe'tisomé. Niî nu'kukã'rosa'”, niîrã kɨ̃ɨ̂re.

2 Pedro 3:18

Marî wiôgɨ Jesu Cristo marîre yɨ'rɨógɨ pe'ere masî nemoya. Kɨ̃ɨ̂ marîre ma'imí niisére masîrã, kɨ̃ɨ̂re nemoró ẽho peó wã'kaya. Niî pe'tirã ni'kâroakãre, be'ropɨ́ kẽ'rare Jesu Cristore “Ãyú yɨ'rɨami”, niî nu'kukã'rã. Tohôta niiró ɨá'. Toô kã'rota ohâ'. Pedro

Apocalipse 14:7

Kɨ̃ɨ̂ tutuaró me'ra a'tîro niîwĩ: —Õ'âkɨ̃hɨre wio pesáse me'ra ẽho peóya. “Kɨ̃ɨ̂ ãyú butia'gɨ niîmi”, niîya. Kɨ̃ɨ̂ bu'îri da'rerí kura ehâ toha'. Kɨ̃ɨ̂ ɨ'mɨ̂sere, a'tí di'tare weékɨ niîwĩ. Diâ pahirí maa, niî pe'tise no'ó akó niisé maariakãre weékɨ niîwĩ. Kɨ̃ɨ̂re ẽho peóya, niîwĩ.

Apocalipse 5:12

Tutuaró me'ra a'tîro niîwã: Ovelha wi'magɨ́ naâ wẽhé no'o'kɨ ãyugɨ́ waro niîmi. Tohô weégɨ niî pe'tirãre dutî masimi. Niî pe'tisere kɨo masími. Niî pe'tisere masî pe'omi. Tutuagɨ́ niîmi. Niî pe'tirã “Ãyú yɨ'rɨami” niî no'ogɨ niîmi. Kɨ̃ɨ̂ Õ'âkɨ̃hɨ asistésere kɨogɨ́ niîmi. Niî pe'tirã kɨ̃ɨ̂re e'katí peoma, niî basâwã.

Apocalipse 7:12

A'tîro niîwã: A'tîro wa'aáto marî wiôgɨre. Niî pe'tirã kɨ̃ɨ̂re ẽho peoáto. “Asistégɨ, masî pe'ogɨ niîmi”, niiáto. Niî pe'tirã “Ãyú yɨ'rɨami”, niî e'katí peoato. Niî pe'tirãre dutîmi. “Tutuâ yɨ'rɨgɨ niîmi”, niiáto. A'té tohôta niî nu'kuato. Tohôta niiáto, niî ẽho peówã.