Gálatas 1:4 - Tukano

⁴ Jesu Cristo kɨ̃ɨ̂ basi kɨ̃ɨ̂ ɨaró me'ra marî yã'âro weé'kere wẽrî basakɨ niîwĩ. A'ti ɨmɨ́kohokãhase yã'asé doka niî nemotikã'ato niîgɨ tohô weékɨ niîwĩ. A'teré weégɨ, marî pakɨ Õ'âkɨ̃hɨ dutî'karo nohota weékɨ niîwĩ.

Õꞌacʉ̃ Yere Ucũrĩ Turi

⁴ Jesucristo cʉ̃ basu cʉ̃ ʉaro meꞌrã marĩ ñaꞌarõ weeꞌquere wẽrĩbosacʉ niwĩ. Aꞌti ʉmʉco cjase ñaꞌase doca ninemoticãꞌto nígʉ̃ tojo weecʉ niwĩ. Aꞌtere wéégʉ, marĩ pacʉ Õꞌacʉ̃ dutiꞌcaronojõta weecʉ niwĩ.

Gálatas 1:4 Iomraidhean Croise

Mateus 13:22

Ãpêrã otesé kape potâ wa'teropɨ bɨrɨ̂ ke'a'ke weeró noho niîsama. Yee kitíre tɨ'osamá, tɨ'órã pe'ea'. A'ti ɨmɨ́kohokãhase pe'ere wãkû yɨ'rɨ nɨ'kasama. No'ó de'ró niisére ɨâri peha yɨ'rɨasama. Naâ tohô niisétikã, a'té naâre dohórẽ'kã'sa'. Naâ tɨ'ó'kere akobohó, dɨkâ marirã́ weeró noho niîsama.

Mateus 20:28

Yɨ'ɨ̂ Õ'âkɨ̃hɨ makɨ weeró noho weeyá. Yɨ'ɨ̂re ãpêrã wee tamuáto niîgɨ meheta a'tîwɨ. Yɨ'ɨ̂ pe'e naâre wee tamúgɨ a'tîwɨ. Tohô niikã́ yã'âro weé'ke wapare pãharã́re wẽrî basa, wapa yeé wĩrogɨ a'tîwɨ, niîwĩ.

Mateus 26:28

A'té yeé diî niî'. Masá yã'âro weé'kere wẽrî wapa yeé basagɨsa'. Õ'âkɨ̃hɨ masaré apêye ma'má “A'tîro weegɨ́ti” niî'kere kũûgɨsami. Tohô weégɨ yɨ'ɨ̂ wẽrîgɨ diî a'mâ bɨrose me'ra pãharã́ masá yã'âro weé'kere akobohógɨsami.

Mateus 26:42

Be'ró opâturi wa'â, kɨ̃ɨ̂ pakɨré sẽri nemókɨ niîwĩ taha: —Pakɨ́, yã'âro pi'etísere yɨ'ɨ̂re ka'mú ta'a sĩ'ritigɨ, mɨ'ɨ̂ ɨaró weeyá. Yɨ'ɨ̂ ɨaró wa'âtikã'ato, niîkɨ niîwĩ.

Mateus 6:9

Tohô weérã mɨsâ a'tîro sẽriyá: Pakɨ́, mɨ'ɨ̂ ɨ'mɨ̂sepɨ niî'. Niî pe'tirã mɨ'ɨ̂re wio pesáse me'ra ẽho peoáto.

Marcos 10:45

Yɨ'ɨ̂ weeró noho weeyá. Õ'âkɨ̃hɨ makɨ masɨ́ weeró noho ɨpɨtígɨ niîmigɨ, ãpêrã yɨ'ɨ̂re wee tamuáto niîgɨ meheta a'tîwɨ. Yɨ'ɨ̂ pe'e naâre wee tamúgɨ a'tîwɨ. Tohô niikã́ pãharã́ naâ yã'âro weé'ke wapare wẽrî basa wapa yeé wĩrogɨ a'tîwɨ, niîkɨ niîwĩ.

San Lucas 22:19

Be'ró pãugáre miî, Õ'âkɨ̃hɨre “Ãyú'” niîkɨ niîwĩ. Tu'â eha nɨ'ko, dɨka waá, kɨ̃ɨ̂ bu'erã́re o'ôgɨ, a'tîro niîkɨ niîwĩ: —A'té yɨ'ɨ̂ ɨpɨ́ niî'. Mɨsa yeé niiátehere wẽrî basagɨti. A'tîro yɨ'ɨ̂ ni'kâroakã weé'karo noho weé nu'kukã'ya. Teeré weérã, yɨ'ɨ̂ mɨsâre wẽrî basasere wãkûya, niîkɨ niîwĩ.

San Lucas 22:42

Sẽrígɨ, a'tîro niîkɨ niîwĩ: —Pakɨ́, mɨ'ɨ̂ ɨakã́, yɨ'ɨ̂re a'té yã'âro yɨ'rɨátehe wa'âtikã'ato. Yɨ'ɨ̂ tohô niîmikã, yɨ'ɨ̂ ɨaró weetíkã'ya. Mɨ'ɨ̂ ɨaró pe'e wa'aáto, niîkɨ niîwĩ.

San Juan 10:11

Yɨ'ɨ̂ ovelhare ãyuró ko'tê me'rigɨ weeró noho yɨ'ɨ̂re ẽho peórãre ãyuró ko'tê'. Ãyuró ko'tegɨ́ kɨ̃ɨ yarã́ ovelhare a'tîro weesamí. Naâre mehêkã wa'akã́ ka'mú ta'agɨ wẽrî masisami.

San Juan 12:31

Ni'kâroakãre Õ'âkɨ̃hɨ a'ti ɨmɨ́kohokãharãre besé, bu'îri da'rêgɨsami. Tohô niikã́ a'ti ɨmɨ́kohokãharãre dutigɨ́ wãtî kõ'â wĩro no'ogɨsami.

San Juan 5:30

Jesu wiôrãre niî nemowĩ taha: —Yɨ'ɨ̂ basi, yɨ'ɨ̂ se'saro masaré bese masítisa'. Yɨ'ɨ̂ pakɨ ɨaró, kɨ̃ɨ̂ dutîro noho yɨ'ɨ̂ besé'. Yɨ'ɨ̂ ɨaró weé sĩ'risere weé wee'. Yɨ'ɨ̂ pakɨ yɨ'ɨ̂re o'ôo'kɨ ɨaró weé'. Tohô weégɨ yɨ'ɨ̂ besesé keoró niî'.

San Juan 6:38

Ɨ'mɨ̂sepɨ niî'kɨ yɨ'ɨ̂ ɨaró weégɨ a'tîtiwɨ. Yɨ'ɨ̂re o'ôo'kɨ dutiró pe'ere weégɨ a'tîwɨ.

Romanos 12:2

Marî a'ti ɨmɨ́kohokãharã naâ wee wɨásere ĩ'yârã, naâ weeró noho weetíkã'rã. A'tîro pe'e weerã́. Marî katirí ɨmɨ̂kohore siâpe me'ra Õ'âkɨ̃hɨ marî wãkusére dɨka yuú nu'kukã'ato. Kɨ̃ɨ̂ marîre dɨka yuú nu'kukã, marî Õ'âkɨ̃hɨ ɨasére “A'tîro niî'”, niî masirãsa'. Kɨ̃ɨ̂ ɨasé ãyusé di'akɨ̃ niî'. Teé yã'asé marisé niî'. Marî kɨ̃ɨ̂ ɨaró weekã́, e'katísami.

Romanos 4:25

Jesu marî yã'âro weé'ke wapare wẽrîkɨ niîwĩ. Kɨ̃ɨ̂ wẽrîka be'ro Õ'âkɨ̃hɨ marîre bu'îri marirã́ toha dutígɨ kɨ̃ɨ̂re masókɨ niîwĩ.

Romanos 8:27

Õ'âkɨ̃hɨ ɨaró nohota Espírito Santo marîre, kɨ̃ɨ yarã́re sẽri basásami. Tohô weégɨ Õ'âkɨ̃hɨ niî pe'tise marî wãkusére ĩ'yâ bese pe'ogɨ, Espírito Santo marîre sẽri basásere masîsami.

Romanos 8:3

Marî yã'âro weerã́ niî yuukã, Moisé dutî'ke weé pe'ota basiótipã. Moisé dutî'ke me'ra yɨ'rɨ masí wee'. Õ'âkɨ̃hɨ pe'e yɨ'rɨó masimi. Kɨ̃ɨ̂ marî yã'âro weé'kere wẽrî wapa yeé dutigɨ kɨ̃ɨ̂ makɨré o'ôo'kɨ niîwĩ. Kɨ̃ɨ̂ makɨ́ marî yã'âro weerã́ ɨpɨ́ weeró noho ɨpɨtíkɨ niîwĩ. Tii ɨpɨ́ me'ra wẽrîgɨ, yã'asére kõ'â wapa yee pe'okã'kɨ niîwĩ.

Romanos 8:32

Õ'âkɨ̃hɨ kɨ̃ɨ̂ makɨ waró marikãre o'ôo'kɨ niîwĩ. Neê “O'ôsome” niîtigɨta, marî niî pe'tirã yee niiátehere wẽrî basa dutigɨ tohô o'ôo'kɨ niîwĩ. Apêyepɨ maa tãhâsami maha. De'ró weeákɨhɨ kɨ̃ɨ̂ makɨ́ Jesu Cristore marîre o'ô'kɨ niîmigɨ, apêye niî pe'tisere o'ôti boosabe. O'ôgɨsami.

1 Corintios 15:3

Yɨ'ɨ̂re bu'ê'kere mɨsâre werê turiawɨ. Teé apêye yɨ'rɨóro niî yɨ'rɨ nɨ'kase a'tîro niîwɨ. Õ'âkɨ̃hɨ yee kiti ohâka pũripɨ ohâ'karo nohota Cristo marî yã'âro weé'kere kõ'â sĩ'rigɨ, wẽrî basakɨ niîwĩ.

2 Corintios 4:4

Naâ ẽho peótise bu'iri a'ti ɨmɨ́kohokãharã wiôgɨ wãtî naâre tɨ'o masítirã, kapêri ĩ'yâtirã weeró noho tohakã́ weesamí. Kɨ̃ɨ̂, Cristo niî pe'tirã bu'ipɨ ãyú butia'gɨ niîmi niisére ẽho peó dutitigɨ tohô weesamí. Jesu Cristo masɨ́ weeró noho ɨpɨtígɨ niîkɨ niîwĩ. Kɨ̃ɨ̂ Õ'âkɨ̃hɨ warota niîmi. Tohô weégɨ masaré Õ'âkɨ̃hɨre masikã́ weékɨ niîwĩ.

Gálatas 2:20

Jesu Cristo kurúsapɨ wẽrîkɨ niîwĩ. Yɨ'ɨ̂ kɨ̃ɨ̂re ẽho peógɨ, kɨ̃ɨ̂ me'ra wẽrîgɨ weeró noho wa'âkɨ niîwɨ. Tohô weégɨ yɨ'ɨ̂ se'saro nií wee'. Ni'kâroakãre Jesu Cristo yɨ'ɨ̂re sɨ'orí niîmi. Yɨ'ɨ̂ kɨ̃ɨ̂ ɨaró, kɨ̃ɨ̂ dutiró weé'. Õ'âkɨ̃hɨ makɨre ẽho peógɨ, wãkû tutua'. Kɨ̃ɨ̂ yɨ'ɨ̂re ma'ígɨ, yã'âro weé'kere wẽrî wapa yeé basakɨ niîwĩ.

Gálatas 6:14

Yɨ'ɨ̂ pũrikã naâ weeró noho nií wee'. Jesu Cristo marîre yɨ'rɨógɨ kurúsapɨ wẽrî'ke pe'ere werê'. Yɨ'ɨ̂re “Ãpêrã yɨ'rɨóro niîmi” niiáto niîgɨ meheta werê'. Yɨ'ɨ̂ Jesu Cristo wẽrisé me'ra a'ti nukúkãkãharã naâ ɨâri pehasere du'úkã'wɨ. Yɨ'ɨ̂ teeré wãkû nɨrɨ wee' maha.

Efesios 1:11

Õ'âkɨ̃hɨ marîre Jesu Cristo me'ra ni'kâro me'ra niî dutigɨ dɨporópɨ bese yuúkɨ niîwĩ. Marîre kɨ̃ɨ̂ “O'ôgɨti” niî'kere yẽ'ê dutigɨ tohô weékɨ niîwĩ. A'té niî pe'tise kɨ̃ɨ̂ “Weegɨ́ti” niisé kɨ̃ɨ̂ wãkû yuu'kepɨ niî'. Kɨ̃ɨ̂ niî pe'tise ãyú tɨ'sa' niisére weesamí.

Efesios 2:2

Ãpêrã a'ti nukúkãkãharã weeró noho yã'âro weé nu'kukãrã niîwɨ. Wãtiâ wiôgɨ ɨaró noho weékãrã niîwɨ. Kɨ̃ɨ̂ a'ti nukúkãkãharã Õ'âkɨ̃hɨre yɨ'rɨ́ nɨ'karãre dutigɨ́ niîmi.

Efesios 5:16

A'tóka tero pehé yã'asé niî'. Tohô niîmikã, a'tîro weeyá. Niî pe'tise mɨsâ weesétisetiri nɨkɨ Õ'âkɨ̃hɨ ɨaró weeyá.

Efesios 5:2

Jesu Cristo marîre ma'í'karo nohota a'mêri ma'í nu'kukã'ya. Kɨ̃ɨ̂ marîre ma'ígɨ, wẽrî basakɨ niîwĩ. Kɨ̃ɨ̂ wẽrî basa'ke Judeu masa ovelha wi'magɨ́re wẽhé, Õ'âkɨ̃hɨre ɨ̃hâ moro peo'karo weeró noho niî'. Õ'âkɨ̃hɨ naâ ɨ̃hâ morokã, tɨ'sâkɨ niîwĩ. Teé weeró noho Jesu Cristo marîre wẽrî basa'kere tɨ'sâkɨ niîwĩ.

Efesios 6:12

Marî Õ'âkɨ̃hɨ ɨaró weé sĩ'rirã, a'mê wẽherã weeró noho niî'. Masá me'ra a'mê wẽhero weeró noho nií wee'. Wãtiâ wiôrã tutuarã́ me'ra a'mê wẽhe'. Wãtiâ a'ti ɨmɨ́kohokãhase yã'âro weesére dutirã́ niîma. Naâ pãharã́ bahutírã masaré wãkusépɨ yã'âro wee dutírã niî kehe sãasama.

Filipenses 4:20

Marî pakɨ Õ'âkɨ̃hɨre e'katí peo nu'kurã. Tohôta weerã́.

1 Tesalonicenses 1:3

Kɨ̃ɨ̂re sẽrírã, a'tîro niî'. “Õ'âkɨ̃hɨ, Tessalônicakãharã mɨ'ɨ̂ makɨ Jesu Cristore ẽho peórã ãyuró weesétisama. Naâ ma'isére ĩ'yórã, ãpêrãre ãyuró wee tamúsama. Jesu Cristo kɨ̃ɨ̂ opâturi a'tiátehere e'katíse me'ra yuû kuerã weesamá. Tohô weérã kɨ̃ɨ̂re ẽho peó du'utisama”, niî sẽrí' Õ'âkɨ̃hɨre.

1 Tesalonicenses 3:11

Ɨ̃sâ marî pakɨ Õ'âkɨ̃hɨre, marî wiôgɨ Jesuré a'tîro sẽrí'. “Tessalônicakãharã tiropɨ ɨ̃sâre o'ôo'ya.

1 Tesalonicenses 3:13

Õ'âkɨ̃hɨ, mɨ'ɨ̂re ẽho peó du'utikã'ato. Mɨ'ɨ̂ ɨaró weeáto. Naâre wãkû tutuakã weeyá. Mɨ'ɨ̂ naâre tohô weekã́, mɨ'ɨ̂ ĩ'yóropɨ bu'îri marirã́ niîrãsama. Tohô weérã Jesu opâturi a'ti nukúkãpɨre kɨ̃ɨ yarã́ me'ra a'tikã́, bu'îri marirã́ niîrãsama.” A'tîro niî sẽri basá' mɨsa yeékãhasere marî pakɨ Õ'âkɨ̃hɨre.

2 Tesalonicenses 2:16

Jesu Cristo marî wiôgɨ basita, tohô niikã́ marî pakɨ Õ'âkɨ̃hɨ marîre pahá yã'arã, ma'íkãrã niîwã. Naâ marîre wãkû tutuakã weé nu'kusama. Marîre o'oátehere e'katí yuu tohakã weesamá.

1 Timoteo 2:6

Jesu Cristo niî pe'tirã masaré yɨ'rɨógɨ wẽrî basakɨ niîwĩ. Marî yã'âro weé'ke wapare wapa yeégɨ tohô weékɨ niîwĩ. A'te kitíre “Tohô wa'ârosa'” niîka tero ehakã́, werê bahurẽ' no'okaro niîwɨ.

Tito 2:14

Jesu Cristo marî yã'âro weesére yɨ'rɨ wetíkã weégɨ, wẽrî basakɨ niîwĩ. Kɨ̃ɨ̂ marîre kɨ̃ɨ yarã́ sãha dutígɨ, yã'asé moorã́ niiáto niîgɨ tohô weékɨ niîwĩ. Marîre e'katíse me'ra ãyuró weesétikã ɨasamí. Tohô weégɨ wẽrî basakɨ niîwĩ.

Hebreos 2:5

A'ti ɨmɨ́koho pe'tíka be'ro ape ɨmɨ́koho niîrosa'. Tii ɨmɨ́kohopɨre Õ'âkɨ̃hɨre werê ko'terã ɨ'mɨ̂sekãharã dutisé doka niîsome.

Hebreos 9:14

Wekɨ yeé diî me'ra, cabra yee diî me'ra tohô weetá basiókã maa, Cristo yee diî me'ra maa tãhâ'. Cristo Espírito Santo niî nu'kugɨ wee tamúse me'ra wa'îkɨ̃rã ɨ̃hâ moro peoro noho o'ôgɨ, kɨ̃ɨ̂ basi Õ'âkɨ̃hɨre wiágɨ, wẽrîkɨ niîwĩ. Kɨ̃ɨ̂ kurúsapɨ wẽrîgɨ, yã'asé moogɨ́ niîkɨ niîwĩ. Kɨ̃ɨ yeé diî me'ra marî bu'îritirã, yã'âro weeséti tɨ'ó yã'a'kere pekâ me'epɨ wa'â boo'kãrãre yɨ'rɨ wetíkã weékɨ niîwĩ. Kɨ̃ɨ̂ Õ'âkɨ̃hɨ katî nu'kugɨ yeere weé nu'ku dutigɨ tohô weékɨ niîwĩ.

Santiago 4:4

Tohô weérã mɨsâ ni'kó numiô marâpɨtigo niîmigota, ãpiré tɨ'sâgo weeró noho niî'. Mɨsâ Õ'âkɨ̃hɨ põ'ra niîmirãta, a'tí di'takãhasere wãkû yɨ'rɨ nɨ'kasa'. Tohô weérã Õ'âkɨ̃hɨre yabîrã weeró noho niî'. No'ó a'tí di'takãhasere ɨâri peha yɨ'rɨ nɨ'kagɨ noho Õ'âkɨ̃hɨre ĩ'yâ tu'tigɨ niîsami.

1 Pedro 2:24

Kɨ̃ɨ̂ basi marî yã'âro weé'ke wapare wapa yeégɨ kurúsapɨ wẽrîwĩ. Marî yã'âro weesére du'u dutígɨ marîre wẽrî basawĩ. Tohô kɨ̃ɨ̂ weesé me'ra a'tîro weewĩ́. Marîre yã'asére siru tuúmi'kãrãre ãyusé Õ'âkɨ̃hɨ yee pe'ere siru tuúkã weewĩ́. Kɨ̃ɨ̂ marîre yɨ'rɨógɨ, kamî da're no'o', ɨpɨ́tɨ pũrisé tɨ'ó yã'awĩ. Tohô kɨ̃ɨ̂ weesé me'ra marî yã'âro yɨ'rɨ boó'kãrã yɨ'rɨó no'owɨ.

1 Pedro 3:18

Jesu Cristo marikã ãyugɨ́ niîmigɨ, pi'etíwĩ. Kɨ̃ɨ̂ bu'îri moomígɨ, marî yã'âro weé'ke wapare wẽrî wapa yeé basawĩ. Marî bu'îri kɨorã́re wẽrî basagɨ tohô weewĩ́. Marîre yɨ'rɨógɨ, ni'kâtita wẽrîwĩ. Kɨ̃ɨ̂ tohô weesé me'ra kɨ̃ɨ̂ pakɨ tirópɨ marîre wa'âta basiókã weewĩ́. Kɨ̃ɨ̂ bu'îkaha ɨpɨ waro maa wẽrîa wa'âwĩ. Wẽrî toha, be'ró masákɨ niîwĩ. Kɨ̃ɨ̂ ehêri põ'ra pũrikã wẽrîtikaro niîwɨ.

1 João 2:2

Jesu Cristo wẽrisé me'ra marî yã'âro weé'kere akobohóse bokákãrã niîwɨ. Marî di'akɨ̃ akobohóse boka masítisa'. Niî pe'tirã a'ti nukúkãkãharã akobohóse boka masísama.

1 João 3:16

Jesu Cristo mari yeé niiátehere wẽrîkɨ niîwĩ. Tohô weérã marî a'mêri ma'isére masî'. No'ó ãpêrãre ma'írã, mari yaá katirí ɨmɨ̂kohore wãkû nɨrɨtisa'. Naâre wee tamúrã, marí kẽ'ra wẽrî masi'.

Apocalipse 1:5

Tohô niikã́ Jesu Cristo mɨsâre ãyuró weeáto. Kɨ̃ɨ̂ Õ'âkɨ̃hɨ yeekãhasere keoró weregɨ́ niîmi. Kɨ̃ɨ́ta niî pe'tirã wẽrî'kãrã dɨporo masá mɨ'ta'kɨ niîmi. Kɨ̃ɨ̂ niî pe'tirã a'tí di'takãharã wiôrãre dutîmi. Marîre ma'imí. Kɨ̃ɨ̂ wẽrîgɨ, kɨ̃ɨ yeé diî me'ra marî yã'âro weé'kere yɨ'rɨówĩ.

Apocalipse 5:9

Naâ Õ'âkɨ̃hɨ makɨ ovelha wi'magɨ́ weeró noho bahugɨ́re apêye ma'má basasére basâ peowã. A'tîro niîwã: Mɨ'ɨ̂ ãyugɨ́ niî'. Mɨ'ɨ̂ a'ti tũrúre miî masi'. A'té pi'râ bi'a'kere pãâ masi'. A'tîro niî'. Mɨ'ɨ̂ wẽhé no'o'kɨ niîwɨ. Mɨ'ɨ̂ wẽrisé me'ra, mɨ'ɨ̂ diî me'ra niî pe'tirã masá Õ'âkɨ̃hɨ yarã niiáto niîgɨ wapa yeékɨ niîwɨ. Niî pe'tise kurarikãharãre, mehêkã uúkũrãre, niî pe'tiropɨ niirã́re Õ'âkɨ̃hɨ yarã wa'akã́ weékɨ niîwɨ. Tohô weégɨ mɨ'ɨ̂ a'ti tũrúre miî masi'.

Apocalipse 7:9

Israel yee kurarikãharãre yãa kũú no'oka be'ro a'tîro ĩ'yâwɨ. Pãharã́ masá niî pe'tise kurarikãharã, mehêkã uúkũrã, niî pe'tirokãharãpɨre ĩ'yâwɨ. Naâ wiôgɨ duhirí kumuro diakɨ̃hɨ, tohô niikã́ Õ'âkɨ̃hɨ makɨ ovelha wi'magɨ́ weeró noho bahugɨ́ diakɨ̃hɨ nu'kuwã́. Pãharã́ waro niîwã. Neê ba'pâ keota basiótiwã. Naâ su'tí butisére sãyâ, pũrî opa keérire kɨowã́.