Gálatas 1:12 - Tukano

¹² Yɨ'ɨ̂re teeré neê ni'kɨ́ masɨ́ bu'êtiwĩ. Jesu Cristo kɨ̃ɨ̂ basi teé bu'esére masikã́ weewĩ́.

Õꞌacʉ̃ Yere Ucũrĩ Turi

¹² Yʉꞌʉre tere ne niꞌcʉ̃ masʉ̃ buꞌetiwĩ. Jesucristo cʉ̃ basu te buꞌesere masĩcã weewĩ.

Gálatas 1:12 Iomraidhean Croise

1 Corintios 11:23

Yɨ'ɨ̂ mɨsâre bu'ê'kere marî wiôgɨ yɨ'ɨ̂re bu'êwĩ. A'tîro niî'. Jesu kɨ̃ɨ̂re ĩ'yâ tu'tirãpɨre o'oátihi yamita Jesu pãuré miî,

1 Corintios 2:10

Teé ãyusé marî masîti'kere Õ'âkɨ̃hɨ Espírito Santo me'ra marîre masikã́ weemí. Espírito Santo niî pe'tise diâsa yɨ'rɨ nɨ'kasere Õ'âkɨ̃hɨ kɨ̃ɨ̂ weesére masî pe'okã'mi.

2 Corintios 10:7

Mɨsâ bu'îkãhase di'akɨ̃re ĩ'yâ'. No'ó “Jesu Cristo yagɨ niî'” niigɨ́ noho a'tîro masiró ɨá'. Kɨ̃ɨ̂ uúkũro nohota ɨ̃sá kẽ'rare “Cristo yarã niîma”, niiró ɨá'.

2 Corintios 12:1

Marî basi ãyuró uúkũkã, wapa marí'. Tohô niîmigɨ, uúkũgɨti. Marî wiôgɨ kẽ'esé weeró noho yɨ'ɨ̂re ĩ'yó'kere werêgɨti.

Gálatas 1:1

Yɨ'ɨ̂ Paulo, yɨ'ɨ̂ me'rakãharã me'ra mɨsâ Jesu Cristore ẽho peórãre Galácia di'tapɨ niirã́re ohâ'. Mɨsâre ãyu dutíse o'ô'. Yɨ'ɨ̂ Jesu Cristo bese kũú'kɨ niî'. Yɨ'ɨ̂re masa mehéta Õ'âkɨ̃hɨ yee kitire werê dutirã besewã́. Naâ o'ôo'kã meheta teeré werê'. Jesu Cristo, kɨ̃ɨ̂ pakɨ́ Õ'âkɨ̃hɨ naâ basi yɨ'ɨ̂re besewã́. Õ'âkɨ̃hɨta Jesu Cristo wẽrî'kɨpɨre masókɨ niîwĩ.

Gálatas 1:16

Kɨ̃ɨ̂ “Besegɨ́ti” niî'karo nohota keoró ni'kâ nɨmɨ kɨ̃ɨ̂ makɨré yɨ'ɨ̂re ĩ'yowĩ́. Ĩ'yó, yɨ'ɨ̂re Judeu masa niîtirãre Jesu Cristo yee kitire werê dutiwĩ. Kɨ̃ɨ̂ tohô ĩ'yokã́, ãpêrãre “Yɨ'ɨ̂ de'ró weegɨ́sari?” niî sẽrí yã'a nemotiwɨ.

Gálatas 2:2

Õ'âkɨ̃hɨ yɨ'ɨ̂re toopɨ́ wa'â dutiwĩ. Tohô weégɨ wa'âwɨ. Jerusalẽ́pɨre ehâ, Jesu Cristore ẽho peórã wiôrã me'ra di'akɨ̃ nerê, uúkũwɨ. Judeu masa niîtirãre Jesu Cristo masaré yɨ'rɨómi niisé kiti, yɨ'ɨ̂ bu'ê'kere naâre werêwɨ. Yɨ'ɨ̂ neê waropɨ bu'ê nɨ'ka'kere, yɨ'ɨ̂ ni'kâroakã bu'esére de'ró niîrãsari? niîgɨ, werêwɨ. Mɨ'ɨ̂ bu'esé wapa marí' niîri niîgɨ, werê yã'amiwɨ.

Efesios 3:3

Õ'âkɨ̃hɨ too dɨpóropɨ masî no'oya marí'ke kitire yɨ'ɨ̂re bahû yoaropɨ ĩ'yowĩ́. Teeré “Judeu masa niîtirãre ãyuró weegɨ́ti” niî'kere yɨ'ɨ̂re masikã́ weewĩ́. Yɨ'ɨ̂ mɨsâre a'te dɨpóro pehêtepawa ohâ tohapɨ.

1 Tesalonicenses 4:15

Ni'kâroakãre marî wiôgɨ Jesu werê'kere mɨsâre werê turiarã weé'. Jesu a'ti nukúkãpɨ opâturi a'tikã́, Jesuré ẽho peórã kɨ̃ɨ̂re põo tẽrírã wa'ârãsama. Kɨ̃ɨ̂re põo tẽrírã, marî katirã́ ãpêrã wẽrî'kãrã dɨporo ɨ'mɨtã́ wã'kasome.