Gálatas 1:10 - Tukano

¹⁰ Yɨ'ɨ̂ a'teré werêgɨ, masá yɨ'ɨ̂re “Ãyú butia'ro werê me'rimi” niiáto niîgɨ meheta werê'. Õ'âkɨ̃hɨ pe'ere “Keoró bu'êmi” niî dutigɨ werê'. Yɨ'ɨ̂ too dɨpóropɨre “Masá yɨ'ɨ̂ me'ra e'katiáto”, niî nu'kuwɨ. Tohô niî nu'kugɨ pũrikã, Jesu Cristo ɨaró weetí boosa'. Kɨ̃ɨ̂re da'rá ko'tegɨ meheta niî boosa'.

Õꞌacʉ̃ Yere Ucũrĩ Turi

¹⁰ Yʉꞌʉ aꞌtere weregʉ, masã yʉꞌʉre “Añubutiaro weremeꞌrĩmi” niato nígʉ̃ mejẽta wereꞌe. Õꞌacʉ̃ peꞌere “Queoro buꞌemi” nidutigʉ wereꞌe. Yʉꞌʉ todʉporopʉre “Masã yʉꞌʉ meꞌrã eꞌcatiato”, ninuꞌcũwʉ̃. Tojo ninuꞌcũgʉ̃ pũrĩcã, Jesucristo ʉaro weetibosaꞌa. Cʉ̃rẽ daꞌracoꞌtegʉ mejẽta nibosaꞌa.

Gálatas 1:10 Iomraidhean Croise

Mateus 22:16

Tohô weérã naâ bu'esére siru tuúrãre, tohô niikã́ ãpêrã Herode yaa kurákãharã me'ra Jesu tirópɨ o'ôo'kãrã niîwã. Naâ kɨ̃ɨ̂ tiropɨ etârã, niîwã: —Masaré bu'egɨ́, ɨ̃sâ mɨ'ɨ̂ niisétisere masî'. Mɨ'ɨ̂ diakɨ̃hɨ́ uúkũ'. Masá yɨ'ɨ̂re de'ró wãkûrãsari? niiró mariró diakɨ̃hɨ́ uúkũ'. Õ'âkɨ̃hɨ yeere diakɨ̃hɨ́ werê'. Ãpêrã wiôrã niîma niiró mariró niî pe'tirãre ni'kâro noho ĩ'yâ'.

Mateus 28:14

Apêye kẽ'rare niî nemokãrã niîwã. —Pilato Judéia di'ta wiôgɨ a'teré masikã́, ɨ̃sâ “Diakɨ̃hɨ́ta tohô wa'âkaro niiápɨ”, niî tamurãti. Ɨ̃sâ tohô niikã́, mɨsâre su'risomé. Mɨsâre bu'îri da'rêsome, niîkãrã niîwã.

Mateus 6:24

Ni'kɨ́ ãpêrãre da'rá ko'tegɨ pɨárã dutisére wee masítisami. Ni'kɨré ma'ígɨ, ãpiré ma'itísami. Tohô niikã́ ni'kɨ́ dutisére yɨ'tígɨ, ãpí dutisé pe'ere yɨ'titísami. Ã'rá weeró noho niyéru, a'ti nukúkãkãhasere ma'írã, Õ'âkɨ̃hɨ pe'ere ma'i masítisa'.

Hechos 12:20

Herode ɨpɨ́tɨ uâkɨ niîwĩ Tiro, Sidṍ wamêtise makarikãharã me'ra. Herode yaa di'takãhase niîkaro niîwɨ tee makárikãharã naâ ba'asé pe'e. Kɨ̃ɨ̂ naâ me'ra uâgɨ, tookãhárãre neê ba'asé duâ dutitikɨ niîwĩ. Tohô weérã ba'asé opâturi duaáto taha niîrã teeré Herode tiropɨ apórã wa'âkãrã niîwã. Herode me'ra da'ragɨ́ Blasto wamêtigɨre uúkũ mɨ'takãrã niîwã. —Ɨ̃sâre uúkũ basagɨ wa'âya Herode tiropɨ, niîkãrã niîwã. Kɨ̃ɨ̂ naâre wee tamú sĩ'rigɨ, “Aɨ”, niîkɨ niîwĩ.

Hechos 5:29

Tohô niikã́ta, Pedro, ãpêrã kɨ̃ɨ̂ me'rakãharã kɨ̃ɨ̂re yɨ'tíkãrã niîwã: —Wiôrã dutisé yɨ'rɨóro Õ'âkɨ̃hɨ yee pe'ere nemoró weeró ɨá'. Ɨ̃sâ mɨsâ dutiró weérã, Õ'âkɨ̃hɨ dutiró pe'ere weetí boosa'.

Romanos 1:1

Yɨ'ɨ̂ Paulo mɨsâ Roma wamêtiri makakãharã Jesu Cristore ẽho peórãre ohâ'. Jesu Cristo dutiró weé wã'ya ko'tegɨ niî'. Kɨ̃ɨ̂ yɨ'ɨ̂re Õ'âkɨ̃hɨ masaré yɨ'rɨóse kitire werê dutigɨ besewĩ́.

Romanos 2:29

Moisé dutisére yɨ'tigɨ́ meheta Õ'âkɨ̃hɨ yagɨ niîmi. Espírito Santore wãkusé dɨka yuú no'o'kɨ pe'e Judeu masɨ waro niîmi. Kɨ̃ɨ́ta Õ'âkɨ̃hɨ yagɨ niîmi. Kɨ̃ɨ̂re Õ'âkɨ̃hɨ “Ãyugɨ́ niîmi” niî ĩ'yâsami. Masa mehéta tohô ĩ'yâsama.

Romanos 2:8

Ãpêrã pe'e Õ'âkɨ̃hɨre yɨ'rɨ́ nɨ'karã, naâ ɨaró weesétisama. Diakɨ̃hɨ́kãhasere ɨatírã, yã'asé pe'ere wee sirú tuusama. Õ'âkɨ̃hɨ uâ, naâre ɨpɨ́tɨ bu'îri da'rêgɨsami.

1 Corintios 10:33

Yɨ'ɨ̂ weeró noho weeyá. Niî pe'tise yɨ'ɨ̂ weesé me'ra Õ'âkɨ̃hɨ yarãre ãyuró weé sĩ'ri'. Niî pe'tirã Jesu Cristore ẽho peókã ɨa sãágɨ naâ tɨ'sasére weé nu'ku sĩ'ri'. Yeé pe'ere ãyuró weé sĩ'ri wee'. Ãpêrã yee pe'ere naâ yɨ'rɨkã́ ɨa sãágɨ wãkû nɨrɨ'.

2 Corintios 12:19

Apé tero weérã mɨsâ ɨ̃sâre “Ãyuró wãkû dutirã weemá”, niísa'. Tohô nií wee'. A'tîro pe'e niî'. Ɨ̃sâ Õ'âkɨ̃hɨ ĩ'yóropɨre Cristo dutiró me'ra uúkũ'. Yɨ'ɨ̂ ma'irã́ yɨ'ɨ̂ akawerérã, mɨsâre Õ'âkɨ̃hɨre nemoró ẽho peó nemo dutigɨ tohô weé'.

Efesios 6:6

Naâ ĩ'yóropɨre ãyuró da'rayá. Naâ ĩ'yâtiropɨ kẽ'rare meharóta weeyá. Mɨsâ wiôrã ĩ'yóropɨ di'akɨ̃ ãyuró da'rárã, niî soorã wee boósa'. Mɨsâ wiôrã “Ãyuró da'ramí”, niî wãkû dutirã wee boósa'. Tohô weetíkã'ya. Jesu Cristore da'rá ko'terã weeró noho Õ'âkɨ̃hɨ ɨaró noho ãyuró tɨ'sasé me'ra da'rayá.

Filipenses 1:1

Yɨ'ɨ̂ Paulo, tohô niikã́ Timóteo Jesu Cristore da'rá ko'terã niî'. Ɨ̃sâ mɨsâ niî pe'tirãre Jesu Cristore ẽho peórã Filipopɨ niirã́re ohâ'. Tohô niikã́ Jesu Cristore ẽho peóri kurakãharã sɨ'orí wehê peorã kẽ'rare ohâ'. Naâre wee tamú ko'terã kẽ'rare ohâ'.

Colosenses 3:22

Da'rá ko'terã, niî pe'tise mɨsâ wiôrã a'ti nukúkãkãharã naâ dutisére yɨ'tiyá. Naâ ĩ'yóropɨ, naâ ĩ'yâtiropɨre ãyuró da'rayá. Mɨsâ wiôrã ĩ'yóropɨ di'akɨ̃ ãyuró da'rárã, mɨsâ wiôgɨ “Ãyuró da'ramá” niî wãkuáto, niîrã wee boósa'. Mɨsâ tohô weetíkã'ya. Õ'âkɨ̃hɨre ãyuró ẽho peó tĩharã, wee soóro mariró da'rayá.

1 Tesalonicenses 2:4

Õ'âkɨ̃hɨ pe'e ĩ'yâ bese tohagɨpɨ kɨ̃ɨ yeé kiti weresére kũûgɨtigɨ ɨ̃sâre besékɨ niîwĩ. Masá ɨ̃sâ me'ra e'katiáto niîrã meheta kɨ̃ɨ yeé kitire werêwɨ. Õ'âkɨ̃hɨ pe'ere e'katí dutirã werêwɨ. Õ'âkɨ̃hɨ niîmi niî pe'tise marî wãkusére masigɨ́.

Santiago 4:4

Tohô weérã mɨsâ ni'kó numiô marâpɨtigo niîmigota, ãpiré tɨ'sâgo weeró noho niî'. Mɨsâ Õ'âkɨ̃hɨ põ'ra niîmirãta, a'tí di'takãhasere wãkû yɨ'rɨ nɨ'kasa'. Tohô weérã Õ'âkɨ̃hɨre yabîrã weeró noho niî'. No'ó a'tí di'takãhasere ɨâri peha yɨ'rɨ nɨ'kagɨ noho Õ'âkɨ̃hɨre ĩ'yâ tu'tigɨ niîsami.

1 João 3:9

Õ'âkɨ̃hɨ kɨ̃ɨ̂ põ'raré kɨ̃ɨ̂ weeró noho niisétikã weékɨ niîwĩ. Tohô weérã Õ'âkɨ̃hɨ põ'ra yã'asére weé nu'kutima.