Filemón 1:9 - Tukano

⁹ Pũûro waro dutî butia' sĩ'ritisa'. Ma'isé me'ra pe'e mɨ'ɨ̂re “Tohô weeyá”, niî sĩ'risa'. Yɨ'ɨ̂ bɨkɨ́ niî'. Jesu Cristo yeere weresé bu'iri, bu'îri da'rerí wi'ipɨ niî'.

Õꞌacʉ̃ Yere Ucũrĩ Turi

⁹ Sõꞌowaro dutibutiasĩꞌrĩtisaꞌa. Maꞌise meꞌrã peꞌe mʉꞌʉrẽ “Tojo weeya”, nisĩꞌrĩsaꞌa. Yʉꞌʉ bʉcʉ ẽjã waꞌaꞌa. Jesucristo yere werese wapa, buꞌiri daꞌreri wiꞌipʉ niꞌi.

Filemón 1:9 Iomraidhean Croise

Romanos 12:1

Akawerérã, Õ'âkɨ̃hɨ marîre ãyuró pahá yã'a nu'kumi. Tohô weérã Õ'âkɨ̃hɨre marî basi marî ɨpɨ́, wãkusé, niî pe'tise me'ra o'ôrã. Mɨ'ɨ yarã́ di'akɨ̃ niî' niîrã, Õ'âkɨ̃hɨre wiarã́. Kɨ̃ɨ̂ me'ra niî butia'rã weeró noho weerã́. Õ'âkɨ̃hɨ marî me'ra e'katíkã ɨárã, tohô weerã́. Marî a'tîro weesé me'ra kɨ̃ɨ̂re ẽho peósere diakɨ̃hɨ́ ĩ'yorã́sa'.

2 Corintios 5:20

Tohô weérã ɨ̃sâ Cristo dɨka yuúrã niî'. Kɨ̃ɨ̂re, kɨ̃ɨ yeé kitire werê basa'. Ɨ̃sâ weresé me'ra Õ'âkɨ̃hɨ mɨsâre “Yɨ'ɨ̂ me'rakãharã niîma”, niîsami. Tohô weérã mɨsâre Cristo dutiró me'ra “Ãyuró Õ'âkɨ̃hɨ me'ra niiáto”, niî'.

2 Corintios 6:1

Ɨ̃sâ Õ'âkɨ̃hɨ yeere da'ra tamúrã niî'. Tohô wee yuúrã, kɨ̃ɨ̂ mɨsâre ãyuró weesére wãkû duti'. Kɨ̃ɨ̂ ɨaró nohota ãyuró weeyá.

Gálatas 3:26

Marî niî pe'tirã Jesu Cristore ẽho peóse me'ra Õ'âkɨ̃hɨ põ'ra niî'.

Efesios 3:1

Õ'âkɨ̃hɨ mɨsâre ma'ígɨ, ãyuró weékɨ niîwĩ. Kɨ̃ɨ̂ tohô weesére wãkûgɨ, kɨ̃ɨ̂re e'katí peo'. Yɨ'ɨ̂ Paulo mɨsâ Judeu masa niîtirãre Jesu Cristo yee kitire weresé wapa, bu'îri da'rerí wi'ipɨ niî'.

Efesios 4:1

Yɨ'ɨ̂ marî wiôgɨ yee kitire weresé wapa, bu'îri da'rerí wi'ipɨ niî'. Õ'âkɨ̃hɨ kɨ̃ɨ̂ tutuaró me'ra marîre ãyuró weékɨ niîwĩ. Teeré wãkûgɨ, mɨsâre a'tîro weekã́ ɨá'. Mɨsâ Õ'âkɨ̃hɨ besé'kãrã weeró nohota ãyuró weesétiya.

Efesios 6:20

Õ'âkɨ̃hɨ yɨ'ɨ̂re a'te kitíre werê dutigɨ o'ôo'wĩ. Yɨ'ɨ̂ kɨ̃ɨ̂re dɨka yuúgɨ weeró noho niî'. A'te kitíre weresé bu'iri ni'kâroakãre yɨ'ɨ̂ bu'îri da'rerí wi'ipɨ niî'. Toopɨ́ niîmigɨ, yɨ'ɨ̂re a'te kitíre uiró mariró wereáto niîrã, sẽri basáya.

1 Timoteo 1:12

Yɨ'ɨ̂ marî wiôgɨ Jesu Cristore “Ãyú'” niî'. Kɨ̃ɨ̂ yɨ'ɨ̂re ãyuró wãkûgɨ, kɨ̃ɨ yarã́re yɨ'ɨ̂re wee tamú dutiwĩ. Tohô wee dutígɨ, yɨ'ɨ̂re tutuasére o'ôwĩ.

Tito 2:2

A'tîro bu'êya. Bɨkɨrã́ ɨmɨá wio pesáse me'ra weesétiato. Naâ wio pesáse me'ra ĩ'yâ no'oato. Ãyuró wãkû yuu weesétirã noho niiáto. Apêyere keoró ẽho peoáto. A'mêri ma'isétiato. Mehêkã wa'akã́, nɨ'ka pooáto.

Hebreos 13:19

A'tîro Õ'âkɨ̃hɨre sẽrikã́ ɨá': “Maatá Õ'âkɨ̃hɨ mɨsâ tiropɨ yɨ'ɨ̂re o'ôo'ato”, niî sẽriyá.

1 Pedro 2:11

Yɨ'ɨ̂ mɨsâre pũûro ma'ísa'. Ni'kâroakã yɨ'ɨ̂ wereátehere mɨsâ weekã́ ɨása'. Marî a'ti nukúkãpɨre siharí masa niî'. Marî niiátoho waro ɨ'mɨ̂sepɨ niî'. Toopɨ́ niî nu'kukã'rãsa'. Tohô weérã marî yã'âro weé sĩ'risere weetíkã'rã. Marî yã'âro weé sĩ'rise ãyuró weé sĩ'rise me'ra a'me kẽése niî'. Teé yã'âro weé sĩ'rise ãyuró weesé pe'ere ka'mú ta'a sĩ'risa'. Õ'âkɨ̃hɨ pe'e marîre ãyuró weekã́ ɨasamí.