Filemón 1:22 - Tukano

²² Tohô niikã́ apêye kẽ'rare niî bakeo'gɨti. Yɨ'ɨ̂ kãriátohore apo yuúya. Õ'âkɨ̃hɨ mɨsâ sẽrisére tɨ'okã́, mɨsâ tiropɨ wa'âgɨsa'.

Õꞌacʉ̃ Yere Ucũrĩ Turi

²² Tojo nicã apeye quẽꞌrãrẽ nibaqueꞌogʉti. Yʉꞌʉ cãrĩatjore apoyuya. Õꞌacʉ̃ mʉsã sẽrĩsere tʉꞌocã, mʉsã tiropʉ waꞌagʉsaꞌa.

Filemón 1:22 Iomraidhean Croise

Hechos 27:24

A'tîro niî wereámi: “Neê uîtikã'ya. Mɨ'ɨ̂ Augusto wiôgɨ tiropɨ besé no'ogɨ wa'âgɨsa'. Õ'âkɨ̃hɨ mɨ'ɨ̂ sẽrisére ãyuró tɨ'oámi. Tohô weérã a'tîwɨpɨ niirã́ yɨ'rɨ́ pe'tikã'rãsama. Neê ni'kɨ́ wẽrîsome”, niiámi.

Hechos 28:23

Tohô niîka be'ro naâ ni'kâ nɨmɨ teeré uúkũatihi nɨmɨre besewã́. “Tii nɨmɨ́ a'tîrãti” niî, wa'â wa'âwã. Tii nɨmɨ́ niikã́ pãharã́ masá Paulo kãhirí wi'ipɨ etâwã. Naâ nerê pe'tika be'ro bo'reakã́ bu'ê nɨ'ka'kɨ, teê yamîka' bu'ê na'î tõ'oa wa'âwĩ. Õ'âkɨ̃hɨ kɨ̃ɨ̂ niî pe'tirã wiôgɨ niisé kitire bu'êwĩ. Jesu Cristore ẽho peoáto niîgɨ, Moisé kɨ̃ɨ̂ ohâ'kere, Õ'âkɨ̃hɨ yee kiti werê mɨ'tarã naâ ohâ'kere naâre pũûro ẽho peókã ɨágɨ bu'ê ĩ'yowĩ.

Romanos 15:24

Espanhapɨ wa'âgɨti. Toopɨ́ wa'âgɨ, mɨsâ tiro Romapɨ yɨ'rɨágɨti. Mɨsâre ĩ'yâ, e'katí, kã'ró niî kehogɨti. Be'ró yɨ'ɨ̂re Espanhapɨ wa'aátehere wee tamuápa.

2 Corintios 1:11

Õ'âkɨ̃hɨre mɨsâ ɨ̃sâre sẽri basá nu'kukã, tohô weegɨ́sami. Pãharã́ ɨ̃sâre sẽri basákã, Õ'âkɨ̃hɨ ãyuró ɨ̃sâre wee tamúgɨsami. Kɨ̃ɨ̂ tohô weekã́ ĩ'yârã, pãharã́ Õ'âkɨ̃hɨre “Ãyú'” niîrãsama.

Filipenses 1:19

A'tîro niî'. Mɨsâ sẽrisé me'ra, tohô niikã́ Espírito Santo Jesu Cristo o'ô'kɨ yɨ'ɨ̂re wee tamúse me'ra niî pe'tise yɨ'ɨ̂re wa'asé ãyuró yapatírosa'. A'teré masî'.

Filipenses 2:24

Kɨ̃ɨ̂re o'ôo' sĩ'rimigɨ, yɨ'ɨ́ kẽ'ra Jesu Cristo marî wiôgɨ o'ôo'kã, maatá mɨsâ tiropɨ wa'âgɨsa'.

Hebreos 13:19

A'tîro Õ'âkɨ̃hɨre sẽrikã́ ɨá': “Maatá Õ'âkɨ̃hɨ mɨsâ tiropɨ yɨ'ɨ̂re o'ôo'ato”, niî sẽriyá.

Hebreos 13:23

Mɨsâ a'tîro masikã́ ɨá'. Marî akawerégɨ Timóteo bu'îri da'rerí wi'ipɨ niî'kɨ du'u wĩró no'o tohami. Kɨ̃ɨ̂ maatá yɨ'ɨ̂ tiropɨ etakã́, mɨsâ tiropɨ wa'âgɨ, kɨ̃ɨ̂re miáagɨti.

Santiago 5:16

Tohô weérã mɨsâ yã'âro weé'kere a'mêri werê yɨ'rɨya. Do'âtirãre yɨ'rɨó dutirã, Õ'âkɨ̃hɨre sẽri basáya. Ni'kɨ́ ãyuró weé nu'kugɨ ɨpɨ́tɨ ẽho peóse me'ra sẽrikã́, Õ'âkɨ̃hɨ yɨ'titíkã weetísami.

2 João 1:12

Yɨ'ɨ̂ pehe waró niî sĩ'rise kɨomí', kɨógɨ pe'ea'. A'ti pũrípɨre ohâsome. Yɨ'ɨ̂ basita toopɨ́ wa'â, mɨsâ me'ra uúkũgɨti. Marî tohô weérã, e'katírãsa'.

3 João 1:14

Yɨ'ɨ̂ maatá toopɨ́ wa'akã́, marî a'mêri uu tamúrãsa'.