Efesios 5:2 - Tukano

² Jesu Cristo marîre ma'í'karo nohota a'mêri ma'í nu'kukã'ya. Kɨ̃ɨ̂ marîre ma'ígɨ, wẽrî basakɨ niîwĩ. Kɨ̃ɨ̂ wẽrî basa'ke Judeu masa ovelha wi'magɨ́re wẽhé, Õ'âkɨ̃hɨre ɨ̃hâ moro peo'karo weeró noho niî'. Õ'âkɨ̃hɨ naâ ɨ̃hâ morokã, tɨ'sâkɨ niîwĩ. Teé weeró noho Jesu Cristo marîre wẽrî basa'kere tɨ'sâkɨ niîwĩ.

Õꞌacʉ̃ Yere Ucũrĩ Turi

² Jesucristo marĩrẽ maꞌiꞌcaronojõta aꞌmerĩ maꞌinuꞌcũcãꞌña. Cʉ̃ marĩrẽ maꞌígʉ̃, wẽrĩbosacʉ niwĩ. Cʉ̃ wẽrĩbosaꞌque judío masã oveja wĩꞌmagʉ̃rẽ wẽjẽ, Õꞌacʉ̃rẽ ʉ̃jʉ̃amorõpeoꞌcaro weronojõ niꞌi. Õꞌacʉ̃ na ʉ̃jʉ̃amorõcã, tʉꞌsacʉ niwĩ. Te weronojõ Jesucristo marĩrẽ wẽrĩbosaꞌquere tʉꞌsacʉ niwĩ.

Efesios 5:2 Iomraidhean Croise

Mateus 20:28

Yɨ'ɨ̂ Õ'âkɨ̃hɨ makɨ weeró noho weeyá. Yɨ'ɨ̂re ãpêrã wee tamuáto niîgɨ meheta a'tîwɨ. Yɨ'ɨ̂ pe'e naâre wee tamúgɨ a'tîwɨ. Tohô niikã́ yã'âro weé'ke wapare pãharã́re wẽrî basa, wapa yeé wĩrogɨ a'tîwɨ, niîwĩ.

San Juan 13:34

Mɨsâre apêye ma'má dutisé kũûgɨti. Yɨ'ɨ̂ mɨsâre ma'iró nohota a'mêri ma'iyá.

San Juan 6:51

Teé ba'asé ɨ'mɨ̂sepɨ diháti'kɨ yɨ'ɨ́ta niî'. Teeré ba'ârã, katî nu'kukã'rãsama. Yɨ'ɨ̂ ba'asé o'osé yɨ'ɨ̂ ɨpɨ́ niî'. Yɨ'ɨ̂ ɨpɨré a'ti ɨmɨ́kohokãharãre katî nu'ku dutigɨ o'ôgɨti, niîwĩ Jesu.

Romanos 15:16

Teeré werêgɨ, Judeu masa niîtirã naâ Jesu Cristore ẽho peókã ɨa sãá'. Sacerdotea wa'îkɨ̃rãre Õ'âkɨ̃hɨre o'oró weeró nohota yɨ'ɨ̂ Judeu masa niîtirãre kɨ̃ɨ̂re wiá sĩ'risa'. Espírito Santo naâre Õ'âkɨ̃hɨ yarã sãhakã́ weegɨ́sami. Tohô weekã́ Õ'âkɨ̃hɨ naâre, “Yarã́ niîma”, niî yẽ'êgɨsami.

Romanos 4:25

Jesu marî yã'âro weé'ke wapare wẽrîkɨ niîwĩ. Kɨ̃ɨ̂ wẽrîka be'ro Õ'âkɨ̃hɨ marîre bu'îri marirã́ toha dutígɨ kɨ̃ɨ̂re masókɨ niîwĩ.

Romanos 8:3

Marî yã'âro weerã́ niî yuukã, Moisé dutî'ke weé pe'ota basiótipã. Moisé dutî'ke me'ra yɨ'rɨ masí wee'. Õ'âkɨ̃hɨ pe'e yɨ'rɨó masimi. Kɨ̃ɨ̂ marî yã'âro weé'kere wẽrî wapa yeé dutigɨ kɨ̃ɨ̂ makɨré o'ôo'kɨ niîwĩ. Kɨ̃ɨ̂ makɨ́ marî yã'âro weerã́ ɨpɨ́ weeró noho ɨpɨtíkɨ niîwĩ. Tii ɨpɨ́ me'ra wẽrîgɨ, yã'asére kõ'â wapa yee pe'okã'kɨ niîwĩ.

Romanos 8:37

Marî yã'âro yɨ'rɨ́rã, Jesu Cristo marîre ma'igɨ́ wee tamúse me'ra niî pe'tise yã'asére dokâ ke'akã wee masísa'. Tohô niikã́ kɨ̃ɨ̂ wee tamúse me'ra nemoró wãkû tutua nemo masi'.

1 Corintios 16:14

Ãpêrãre ma'í nu'kukã'ya.

1 Corintios 5:7

Tohô weérã pẽ'ri pehári niîrã, teé yã'asé dohórẽ'sere kõ'âkã'ya. Teeré kõ'ârã, mɨsâ ãyurã́ toharã́sa'. Judeu masa Páscoa bosê nɨmɨ dɨporo pãú bɨkɨasé me'ra moré'kere kõ'âsama. Tií bosê nɨmɨre moreyá marisé di'akɨ̃re ba'âsama. Teé weeró noho mɨsâ a'tîro weerã́sa'. Yã'asé dohórẽ'sere kõ'ârã, pãú moreyá marisé weeró noho toharã́sa'. Ãyurã́ toharã́sa' niîtiro maa, ãyurã́ niî toha'. Cristo kɨ̃ɨ̂ basita marî yã'âro weesére kõ'âgɨ wẽhé no'o tohakɨ niîwĩ. Kɨ̃ɨ̂ Páscoa niikã́ ovelha naâ wẽhé'kɨ weeró noho niîmi.

2 Corintios 2:14

Yɨ'ɨ̂ wãkû ke'timigɨ, Õ'âkɨ̃hɨre “Ãyú'” niî'. Kɨ̃ɨ̂ marîre ãyuró weé nu'kukã weemí. Marî Cristo yarã niikã́, tohô weemí. Marî Cristo yee kiti weresé me'ra masaré kɨ̃ɨ̂re masikã́ weemí. Kɨ̃ɨ̂re masisé ɨ'mɨ̂tihise weeró noho niî pe'tiropɨ se'sâ'.

2 Corintios 2:15

Marî Jesu Cristo yee kitire werêrã, ɨ'mɨ̂tihise weeró noho niísa'. A'tîro niî'. Masá Õ'âkɨ̃hɨre “Ãyú'” niikã́, opê weeró noho bahusé me'ra buê morokã, tɨ'sâsami. A'teré weeró noho marî kɨ̃ɨ yeé kitire werekã́ ĩ'yâgɨ, tɨ'sâsami. Tee kití niî pe'tirã kɨ̃ɨ̂ yɨ'rɨó'kãrãre se'sâa wa'a'. Tohô niikã́ kɨ̃ɨ̂ yɨ'rɨó no'oya marirã́ pekâ me'epɨ wa'aáhã kẽ'ra teé uúkũsere tɨ'ó se'sa wa'âma.

2 Corintios 8:9

A'tîro niî'. Mɨsâ masísa', marî wiôgɨ Jesu Cristo marîre ãyuró weékɨ niîwĩ. Kɨ̃ɨ̂ pehé kɨogɨ́ niîmigɨ, mari yeé niiátehere pahá yã'agɨ a'tí di'tapɨ a'tîgɨ, pahasé kɨogɨ weeró noho wa'âkɨ niîwĩ. Marîre ãyuró weé sĩ'rigɨ, tohô weékɨ niîwĩ.

Gálatas 1:4

Jesu Cristo kɨ̃ɨ̂ basi kɨ̃ɨ̂ ɨaró me'ra marî yã'âro weé'kere wẽrî basakɨ niîwĩ. A'ti ɨmɨ́kohokãhase yã'asé doka niî nemotikã'ato niîgɨ tohô weékɨ niîwĩ. A'teré weégɨ, marî pakɨ Õ'âkɨ̃hɨ dutî'karo nohota weékɨ niîwĩ.

Gálatas 2:20

Jesu Cristo kurúsapɨ wẽrîkɨ niîwĩ. Yɨ'ɨ̂ kɨ̃ɨ̂re ẽho peógɨ, kɨ̃ɨ̂ me'ra wẽrîgɨ weeró noho wa'âkɨ niîwɨ. Tohô weégɨ yɨ'ɨ̂ se'saro nií wee'. Ni'kâroakãre Jesu Cristo yɨ'ɨ̂re sɨ'orí niîmi. Yɨ'ɨ̂ kɨ̃ɨ̂ ɨaró, kɨ̃ɨ̂ dutiró weé'. Õ'âkɨ̃hɨ makɨre ẽho peógɨ, wãkû tutua'. Kɨ̃ɨ̂ yɨ'ɨ̂re ma'ígɨ, yã'âro weé'kere wẽrî wapa yeé basakɨ niîwĩ.

Efesios 1:4

A'ti nukúkã weeátoho dɨporo kɨ̃ɨ̂ marîre bese yuú tohakɨ niîwĩ. Cristore ẽho peórã kɨ̃ɨ yarã́ sãharã́sama niî wãkûgɨ, tohô besékɨ niîwĩ. Marîre kɨ̃ɨ̂ ĩ'yóropɨre ãyurã́, bu'îri moorã́ niiáto niîgɨ tohô weékɨ niîwĩ.

Efesios 3:17

Mɨsâ Cristore ẽho peó, nemoró kɨ̃ɨ̂ me'ra ãyuró niiáto niîgɨ sẽri basá'. Apêye maa, mɨsâ Cristore, tohô niikã́ ãpêrãre ãyuró ma'ikã́ ɨágɨ sẽri basá'.

Efesios 3:19

Mɨsâre kɨ̃ɨ̂ ma'isére masî dutigɨ sẽri basá'. Kɨ̃ɨ̂ ma'isére wãkû põo tẽó masitisa'. Teé, kɨ̃ɨ̂ ma'isére masîrã, kɨ̃ɨ̂ weeró noho ãyurã́, yã'asé moorã́ niîrãsa'. Tohô weérã Õ'âkɨ̃hɨre kɨó yɨ'rɨarãsa'.

Efesios 4:15

A'tîro pe'e bɨkɨrã́ weeró noho weerã́sa'. Diakɨ̃hɨ́ a'mêri ma'í, uúkũrãsa'. Siâpe me'ra diakɨ̃hɨ́kãhasere ẽho peó tu'a eha nɨ'korãsa'. Tohô niikã́, ãpêrãre werê yapá da'reorãsa'. Niî pe'tise no'ó marî weesére Cristo me'ra niîrã, kɨ̃ɨ̂ ɨaró wee nemórãsa'. Kɨ̃ɨ́ta niîmi kɨ̃ɨ̂re ẽho peóri kurakãharã dɨpoá.

Efesios 4:2

Neê ni'kɨ́ “Ãpêrã yɨ'rɨóro niî'”, niî wãkûtikã'ya. Tu'tiró mariró keoró weeyá. Mɨsâre yã'âro, mehêkã weekã́, wãkû tutuaya. Ãpêrãre ma'írã, keoró weetíkã ĩ'yârã, tohô tɨ'ó yã'akã'ya.

Efesios 5:15

Tohô weérã mɨsâ weesére ãyuró wãkû kasa nɨ'koya. Õ'âkɨ̃hɨ yeere masîtirã weeró noho niîtikã'ya. Kɨ̃ɨ yeére masirã́ weeró noho pe'e ãyuró niîya.

Efesios 5:25

Cristo kɨ̃ɨ yaá kurakãharãre ma'ígɨ, mari yeé niiátehere wẽrî basakɨ niîwĩ. Kɨ̃ɨ̂ ma'í'karo nohota, nɨmôtirã, mɨsâ nɨmosã́ numiare ma'iyá.

Filipenses 4:18

Niî pe'tise Epafrodito me'ra mɨsâ o'ô'kere yẽ'ê tohawɨ. Teeré yẽ'êgɨ, yɨ'ɨ̂ ɨasé nemoró kɨó'. Mɨsâ o'ô'ke Õ'âkɨ̃hɨre o'osé weeró noho niî'. Kɨ̃ɨ̂ tohô weesére tɨ'sâmi.

Colosenses 3:14

A'mêri ma'iyá. Mɨsâ tohô ma'írã, niî pe'tise yɨ'ɨ̂ dutî'kere weé pe'okã'rãsa'. Ãyuró mɨsâ basi sɨ'orí niisétirãsa'.

1 Tesalonicenses 4:9

Mɨsâ a'mêri ma'isétise pũrikãre weré wee'. Õ'âkɨ̃hɨ kɨ̃ɨ̂ basi pe'e Espírito Santo me'ra mɨsâre a'mêri ma'i dutí tohakɨ niîwĩ.

1 Timoteo 2:6

Jesu Cristo niî pe'tirã masaré yɨ'rɨógɨ wẽrî basakɨ niîwĩ. Marî yã'âro weé'ke wapare wapa yeégɨ tohô weékɨ niîwĩ. A'te kitíre “Tohô wa'ârosa'” niîka tero ehakã́, werê bahurẽ' no'okaro niîwɨ.

1 Timoteo 4:12

Mɨ'ɨ̂ ma'mɨ̂ niisé bu'iri ãpêrã mɨ'ɨ̂ uúkũsere ẽho peóti boosama. Tohô weesére ka'mú ta'aya. A'tîro pe'e weeyá. Jesu Cristore ẽho peórãre ãyusére weé ĩ'yoya. Mɨ'ɨ̂ uúkũ wɨase, mɨ'ɨ̂ weesétise me'ra ĩ'yoyá. Tohô niikã́ ãpêrãre ma'isé, mɨ'ɨ̂ Jesu Cristore ẽho peóse me'ra ĩ'yoyá. Apêye kẽ'rare ãyugɨ́ mɨ'ɨ̂ niisé me'ra ĩ'yoyá.

Tito 2:14

Jesu Cristo marî yã'âro weesére yɨ'rɨ wetíkã weégɨ, wẽrî basakɨ niîwĩ. Kɨ̃ɨ̂ marîre kɨ̃ɨ yarã́ sãha dutígɨ, yã'asé moorã́ niiáto niîgɨ tohô weékɨ niîwĩ. Marîre e'katíse me'ra ãyuró weesétikã ɨasamí. Tohô weégɨ wẽrî basakɨ niîwĩ.

Hebreos 8:3

A'tí di'tapɨ maa sacerdotea wiôrãre wa'îkɨ̃rãre wẽhé ɨ̃hâ moro peo dutiro sõróo no'okaro niîwɨ. Tohô niikã́ apêyere o'ô dutirã sõróo no'okãrã niîwã. Tohô weégɨ Jesu Cristo kẽ'ra Õ'âkɨ̃hɨre apêye noho o'okã́, ãyú tɨ'sa' niîgɨ wẽrîgɨ, kɨ̃ɨ̂re apêye noho o'ôgɨ weeró noho weékɨ niîwĩ.

Hebreos 9:14

Wekɨ yeé diî me'ra, cabra yee diî me'ra tohô weetá basiókã maa, Cristo yee diî me'ra maa tãhâ'. Cristo Espírito Santo niî nu'kugɨ wee tamúse me'ra wa'îkɨ̃rã ɨ̃hâ moro peoro noho o'ôgɨ, kɨ̃ɨ̂ basi Õ'âkɨ̃hɨre wiágɨ, wẽrîkɨ niîwĩ. Kɨ̃ɨ̂ kurúsapɨ wẽrîgɨ, yã'asé moogɨ́ niîkɨ niîwĩ. Kɨ̃ɨ yeé diî me'ra marî bu'îritirã, yã'âro weeséti tɨ'ó yã'a'kere pekâ me'epɨ wa'â boo'kãrãre yɨ'rɨ wetíkã weékɨ niîwĩ. Kɨ̃ɨ̂ Õ'âkɨ̃hɨ katî nu'kugɨ yeere weé nu'ku dutigɨ tohô weékɨ niîwĩ.

Hebreos 9:23

Dɨporókãhase Õ'âkɨ̃hɨ wi'ipɨ wee wɨáse noho ɨ'mɨ̂sekãhase weeró noho ĩ'yóro weékaro niîwɨ. Teeré Õ'âkɨ̃hɨ ĩ'yóropɨ ãyusé toha dutírã a'tîro weékãrã niîwã. Wa'îkɨ̃rãre wẽhé, naa yeé diî me'ra wehêste peokãrã niîwã. Dɨporókãharã naâ weé'ke nemoró ɨ'mɨ̂sekãhase pe'e ãyú yɨ'rɨ nɨ'ka'. Tohô weéro wa'îkɨ̃rãre ɨ̃hâ moro peo'ke nemoró, ãyusé warore ɨá'. Teé Jesu Cristo wẽrisé niî'.

Hebreos 9:26

Jesu Cristo sacerdotea wiôgɨ weeró noho weégɨ pũrikã, a'tí di'ta dɨ'pôkãtikãpɨta wẽrî nɨ'ka, a'tîro niikã́ kẽ'rare wẽrî nu'kukã' boosami. Tohô weeró noho o'ôgɨ, a'tóka tero a'ti ɨmɨ́koho pe'tí wã'kari kurare Cristo a'ti nukúkãpɨre bahuákɨ niîwĩ. Kɨ̃ɨ̂ ni'kâtita niî pe'tirã yee niiátehere wẽrî basakɨ niîwĩ. Yã'âro weé'kere kõ'âgɨ, tohô weékɨ niîwĩ.

1 Pedro 4:8

Niî pe'tise apêye noho yɨ'rɨóro a'tîro weeyá. Diakɨ̃hɨ́ a'mêri ma'iyá. Neê a'mêri ma'í du'utikã'ya. Marî ãpêrãre ma'írã, marîre yã'âro weesére maatá akobohósa'.

1 João 3:16

Jesu Cristo mari yeé niiátehere wẽrîkɨ niîwĩ. Tohô weérã marî a'mêri ma'isére masî'. No'ó ãpêrãre ma'írã, mari yaá katirí ɨmɨ̂kohore wãkû nɨrɨtisa'. Naâre wee tamúrã, marí kẽ'ra wẽrî masi'.

1 João 3:23

Kɨ̃ɨ̂ dutî'ke a'té niî'. Kɨ̃ɨ̂ makɨ́ Jesu Cristore ẽho peó dutimi. Tohô niikã́ kɨ̃ɨ̂ dutî'karo nohota marîre a'mêri ma'i dutími.

Apocalipse 1:5

Tohô niikã́ Jesu Cristo mɨsâre ãyuró weeáto. Kɨ̃ɨ̂ Õ'âkɨ̃hɨ yeekãhasere keoró weregɨ́ niîmi. Kɨ̃ɨ́ta niî pe'tirã wẽrî'kãrã dɨporo masá mɨ'ta'kɨ niîmi. Kɨ̃ɨ̂ niî pe'tirã a'tí di'takãharã wiôrãre dutîmi. Marîre ma'imí. Kɨ̃ɨ̂ wẽrîgɨ, kɨ̃ɨ yeé diî me'ra marî yã'âro weé'kere yɨ'rɨówĩ.

Apocalipse 5:9

Naâ Õ'âkɨ̃hɨ makɨ ovelha wi'magɨ́ weeró noho bahugɨ́re apêye ma'má basasére basâ peowã. A'tîro niîwã: Mɨ'ɨ̂ ãyugɨ́ niî'. Mɨ'ɨ̂ a'ti tũrúre miî masi'. A'té pi'râ bi'a'kere pãâ masi'. A'tîro niî'. Mɨ'ɨ̂ wẽhé no'o'kɨ niîwɨ. Mɨ'ɨ̂ wẽrisé me'ra, mɨ'ɨ̂ diî me'ra niî pe'tirã masá Õ'âkɨ̃hɨ yarã niiáto niîgɨ wapa yeékɨ niîwɨ. Niî pe'tise kurarikãharãre, mehêkã uúkũrãre, niî pe'tiropɨ niirã́re Õ'âkɨ̃hɨ yarã wa'akã́ weékɨ niîwɨ. Tohô weégɨ mɨ'ɨ̂ a'ti tũrúre miî masi'.