Efesios 4:5 - Tukano

⁵ Marî wiôgɨ Jesu Cristo ni'kɨtá niîmi. Marî niî pe'tirã kɨ̃ɨ̂re ni'kâro noho ẽho peó'. Jesu Cristore siru tuúsere ĩ'yórã, marî niî pe'tirã wamê yee no'o'.

Õꞌacʉ̃ Yere Ucũrĩ Turi

⁵ Marĩ wiogʉ Jesucristo niꞌcʉ̃ta nimi. Marĩ nipeꞌtirã cʉ̃rẽ niꞌcãrõnojõ ẽjõpeoꞌo. Jesucristore sirutusere ĩꞌorã, marĩ nipeꞌtirã wãmeyenoꞌo.

Efesios 4:5 Iomraidhean Croise

Mateus 28:19

Tohô weérã niî pe'tirokãharãpɨre yee kitíre werêrã wa'âya. Naâre mɨsâ weeró noho yɨ'ɨ̂ bu'erã́ sãhakã́ weeyá. Naâre wamê yeerã, yɨ'ɨ̂ pakɨ, yɨ'ɨ̂, Espírito Santo wamé me'ra wamê yeeya.

Hechos 10:36

Mɨsâ masísa'. Õ'âkɨ̃hɨ ãyusé kitire judeu masare o'ôo'kɨ niîwĩ. Jesu Cristore ẽho peóse me'ra Õ'âkɨ̃hɨ me'ra ãyurã́ niîrãsama niisé kitire werêkɨ niîwĩ. Jesu Cristo niî pe'tirã wiôgɨ niîmi.

Hechos 2:36

Tohô weérã mɨsâ Judeu masa niî pe'tirã masîya. Jesuré, mɨsâ kurúsapɨ paâ bi'pe'kɨreta Õ'âkɨ̃hɨ marî wiôgɨ sõróopĩ. Kɨ̃ɨ̂ Õ'âkɨ̃hɨ besé no'o'kɨta niîkã'miwĩ, niî werêkɨ niîwĩ Pedro.

Romanos 3:30

Niî pe'tirã kɨ̃ɨ̂ ni'kɨréta Õ'âkɨ̃hɨtima. Kɨ̃ɨ̂ Judeu masa Jesu Cristore ẽho peórãre “Bu'îri marirã́, ãyurã́ niîma”, niîsami. Judeu masa niîtirã kɨ̃ɨ̂re ẽho peórã kẽ'rare meharóta niîsami.

1 Corintios 1:13

Tohô wãkûtikã'ro ɨá'. Marî Cristore ẽho peórã niî'. Tohô weérã ni'kâ kurata niî'. Marîre dɨka waáse marí'. Yɨ'ɨ̂ Cristo meheta niî'. Mɨsa yeé niiátehere kurúsapɨ wẽrî basatiwɨ. “Paulore ẽho peórãre wamê yee no'orosa'”, niî no'oya mariwɨ́.

1 Corintios 1:2

Yɨ'ɨ̂ a'ti pũríre mɨsâ Corintopɨ niirã́re ohâ'. Mɨsâ Jesu Cristore ẽho peórã Õ'âkɨ̃hɨ yaa kurakãharãre ohâ'. Mɨsâ Jesu Cristo me'ra niîrã, Õ'âkɨ̃hɨ yarã niî'. Õ'âkɨ̃hɨ mɨsâre kɨ̃ɨ yarã́ niiáto niîgɨ besékɨ niîwĩ. Niî pe'tirokãharã Jesu Cristore ẽho peórãre tohô besékɨ niîwĩ. Jesu Cristo niî pe'tirã kɨ̃ɨ̂re ẽho peórã wiôgɨ niîmi. Tohô niikã́ marî wiôgɨ niîmi.

1 Corintios 12:13

A'tîro niî'. Marî kɨ̃ɨ̂re ẽho peórã niî pe'tirã Judeu masa, Judeu masa niîtirã, ãpêrãre da'rá wã'ya ko'terã, da'rá wã'ya ko'tetirã Espírito Santo ni'kɨ́ me'rata wamê yee no'owɨ. Tohô weérã ni'kâ ɨpɨ niî'. Marî niî pe'tirãpɨta Espírito Santoreta kɨó'.

1 Corintios 12:5

Kɨ̃ɨ̂ o'osé me'ra marî wiôgɨ Jesu Cristo marîre mehêkã di'akɨ̃ da'ra dutísami. Tohô da'ra dutímigɨ, Jesu Cristo ni'kɨtá niîmi.

1 Corintios 8:6

Marî pe'e a'tîro masî', Õ'âkɨ̃hɨ marî pakɨ ni'kɨtá niîmi. Kɨ̃ɨ̂ niî pe'tise a'ti nukúkãkãhasere bahúrẽ'kɨ niîwĩ. Marî kɨ̃ɨ yarã́ kɨ̃ɨ̂ dutiró weeáhã niî'. Tohô niikã́ Jesu Cristo kẽ'ra ni'kɨtá wiôgɨ niîmi. Kɨ̃ɨ̂ me'ra niî pe'tise weé no'okaro niîwɨ. Marí kẽ'rare kɨ̃ɨ yarã́ sãhakã́ weékɨ niîwĩ. Tohô weérã marî kɨ̃ɨ̂ me'ra niî nu'kukã'rãsa'.

2 Corintios 11:4

Mɨsâ a'tîro weé'. Ãpêrã mɨsâre mehêkã werekã́, ãyuró tɨ'ó tɨ'sa'. Ɨ̃sâ Jesu yeére werêwɨ. Naâ pe'e tee mehéreta werêma. Mɨsâ neê waropɨre Espírito Santore yẽ'êwɨ. Ni'kâroakãre Espírito Santo mehereta yẽ'êrã weé'. Naâ Õ'âkɨ̃hɨ masaré yɨ'rɨóse mehereta werekã́, ãyuró tɨ'ó ẽho peó'.

Gálatas 5:6

Marî Jesu Cristo yarã niî'. Õ'âkɨ̃hɨ ĩ'yóropɨre õ'rekɨhɨ́ yapa kaserore yehê kõ'a no'ose, yehê kõ'a no'otise wapa marí'. Marî Jesu Cristore ẽho peó tĩharã, ãpêrãre ma'í'. Tee pũríkã wapatí'.

Efesios 4:13

Teeré weé, marî a'mêri wee tamúrã, Õ'âkɨ̃hɨ makɨre nemoró ẽho peó nemorãsa'. Kɨ̃ɨ̂re ãyuró masîrãsa'. Tohô niikã́ Õ'âkɨ̃hɨ ɨaró nohota keoró wee masí nemorãsa'. Õ'âkɨ̃hɨ besé'kɨ Cristo ãyuró niisétigɨ niîkɨ niîwĩ. Marî kɨ̃ɨ̂re ẽho peóri kurakãharã kẽ'ra kɨ̃ɨ̂ weeró nohota niisétirãsa'.

Filipenses 2:11

Niî pe'tirã “Jesu Cristo marî wiôgɨ niîmi”, niîrãsama. Naâ Õ'âkɨ̃hɨre, “Ãyú yɨ'rɨami”, niîrãsama.

Filipenses 3:8

Apêye maa, yɨ'ɨ̂ wiôgɨ Jesu Cristore masisé wapatí yɨ'rɨa'. Apêye noho yɨ'ɨ̂ kɨo boó'ke nemoró wapatí'. Jesu Cristore ẽho peóse bu'iri niî pe'tise yɨ'ɨ̂ weeséti'kere, niiséti'kere marî ɨatísere kõ'ârã weeró noho kõ'âwɨ. Jesu Cristo yɨ'ɨ̂ wiôgɨre kɨó sĩ'rigɨ, tohô weewɨ́.

Tito 1:1

Yɨ'ɨ̂ Paulo Õ'âkɨ̃hɨre da'rá ko'tegɨ Jesu Cristo bese kũú'kɨ niî'. Kɨ̃ɨ̂, kɨ̃ɨ yeé kitire werê dutigɨ kũûwĩ. Õ'âkɨ̃hɨ kɨ̃ɨ̂ besé'kãrãre ãyuró ẽho peókã ɨa sãágɨ yɨ'ɨ̂re kũûwĩ. Tohô niikã́ naâre Õ'âkɨ̃hɨ yee, diakɨ̃hɨ́kãhasere masî dutigɨ kũûwĩ. Keoró Õ'âkɨ̃hɨ ɨaró noho wee dutígɨ tohô kũûwĩ.

Tito 1:4

Tito, mɨ'ɨ̂ yɨ'ɨ̂ makɨ weeró noho niî'. Marî ni'kâro noho ẽho peóse kɨó'. Mɨ'ɨ̂re a'ti pũríre ohâ'. Õ'âkɨ̃hɨ marî pakɨ, tohô niikã́ Jesu Cristo marî yã'âro weé'kere yɨ'rɨógɨ ãyuró weeáto mɨ'ɨ̂re. Pahá yã'ato. Mɨ'ɨ̂re ãyuró ehêri põ'ratikã weeáto.

Hebreos 13:7

Mɨsâre ãyuró sɨ'orí wehê peo'kãrã Õ'âkɨ̃hɨ yee kiti werê'kãrãre wãkûya. Naâ ãyuró weeséti yapá da'reo'kere wãkûya. Naâ weeró noho ẽho peó niisétiya.

Santiago 2:18

Apé tero weégɨ yɨ'ɨ̂ niî'kere ẽho peótigɨ noho a'tîro niî boosami. Ni'kɨ́ ãyusére weetímigɨ, “Jesu Cristore ẽho peó'”, niî boosami. Ãpí “Ãyusé pe'ere weé'”, niî boosami. Kɨ̃ɨ̂ tohô niisére a'tîro werêgɨti. Kɨ̃ɨ̂ ãyuró weetíkã, de'ró weé marî kɨ̃ɨ̂ “Jesu Cristore ẽho peómi” niî ĩ'yâ boosari? Ãyuró weekã́ maa, kɨ̃ɨ̂ Jesu Cristore ẽho peósere masî boosa'.

1 Pedro 3:21

Õ'âkɨ̃hɨ naâre yɨ'rɨó'karo weeró nohota marí kẽ'rare Jesu Cristo wẽrî masasé me'ra Õ'âkɨ̃hɨ yɨ'rɨókɨ niîwĩ. Õ'âkɨ̃hɨ a'ti nukúkãre miôgɨ naâre yɨ'rɨó'ke marîre wamê yeese weeró noho niî'. Marîre wamê yeese marî ɨpɨré ũ'îri koesé meheta niî'. A'tîro niî'. Õ'âkɨ̃hɨ ĩ'yóropɨre bu'îri marirã́ niî sĩ'rirã, kɨ̃ɨ̂re akobohóse sẽrisé niî'.

2 Pedro 1:1

Yɨ'ɨ̂ Simão Pedro Jesu Cristore da'rá wã'ya ko'tegɨ kɨ̃ɨ̂ bese kũú'kɨ mɨsâre ãyu dutí'. Niî pe'tirã ɨ̃sâ weeró noho ẽho peórãre a'ti pũríre ohâ'. Marî Jesu Cristore ẽho peóse ãyusé waro niî'. Jesu Cristo marî wiôgɨ marîre yɨ'rɨógɨ kɨ̃ɨ̂re ẽho peókã weékɨ niîwĩ. Marîre ni'kâro noho kɨ̃ɨ yarã́ wa'akã́ weékɨ niîwĩ.

Judas 1:20

Mɨsâ pũrikã yɨ'ɨ̂ ma'irã́, Jesu Cristore nemoró ẽho peó, wãkû tutua wã'kaya. Mɨsâ ẽho peóse diakɨ̃hɨ́ niisé niî'. Õ'âkɨ̃hɨre sẽrírã, Espírito Santo mɨsâre masisé o'osé me'ra sẽriyá.

Judas 1:3

Yɨ'ɨ̂ ma'irã́, Õ'âkɨ̃hɨ marî Jesu Cristo yɨ'rɨó no'o'kãrãre ãyuró weesére mɨsâre pũûro ohâ sĩ'rimiwɨ. Tohô weé sĩ'ri'kɨ niîmigɨ, ni'kâroakãre a'té pe'ere ohakã́ ãyú tɨ'sa', niî wãkû' maha. Ãpêrã niî soose me'ra bu'ekã́, ẽho peótikã'ya. Õ'âkɨ̃hɨ Jesu Cristore ẽho peó dutigɨ kũû'ke pe'ere wãkû tutua, ẽho peó nu'kukã'ya. Kɨ̃ɨ̂ teeré ni'kâti me'rata marî kɨ̃ɨ yarã́re o'ô dohakɨ niîwĩ. Niî soorã me'risé me'ra mɨsâ me'ra a'mé sɨ'akãrã niîwã. Naâ Õ'âkɨ̃hɨre moomá. A'tîro niîsama: “Õ'âkɨ̃hɨ marî yã'âro weé'kere akobohó yuukã, no'ó ɨaró marî ɨpɨ́ ɨâri pehase nohore wee masí'”, niîsama. Õ'âkɨ̃hɨ ma'ígɨ weesé pe'ere dohórẽ'sama. Jesu Cristo marî wiôgɨ ni'kɨ́ niigɨ́re ɨatísama. Kɨ̃ɨ̂re “Õ'âkɨ̃hɨ makɨ meheta niîmi”, niîsama. Dɨporópɨ Õ'âkɨ̃hɨ yee kiti ohâka pũripɨ naâ tohô weerã́re “Bu'îri da'rê no'orãsama”, niî toha no'okaro niîwɨ. Tohô weérã wãkû tutuaya. Niî soorã dutisére weetíkã'ya. Naâre a'tîro niîya: “Õ'âkɨ̃hɨ marîre ẽho peó dutise di'akɨ̃ keoró niî'. Mɨsâ bu'esé pũrikã diakɨ̃hɨ́ nií wee'”, niîya naâre.