Efesios 4:4 - Tukano

⁴ Marî ni'kâ kurakãharã niî'. Espírito Santo ni'kɨ́ niigɨ́, marî niî pe'tirãpɨre niîmi. Õ'âkɨ̃hɨ ɨ'mɨ̂sepɨ wa'â dutigɨ marî niî pe'tirãre bese yuúkɨ niîwĩ.

Õꞌacʉ̃ Yere Ucũrĩ Turi

⁴ Marĩ niꞌcã curuacjãrã niꞌi. Espíritu Santu niꞌcʉ̃ nigʉ̃́, marĩ nipeꞌtirãpʉre nimi. Õꞌacʉ̃ ʉꞌmʉsepʉ waꞌadutigʉ marĩ nipeꞌtirãrẽ beseyucʉ niwĩ.

Efesios 4:4 Iomraidhean Croise

Mateus 28:19

Tohô weérã niî pe'tirokãharãpɨre yee kitíre werêrã wa'âya. Naâre mɨsâ weeró noho yɨ'ɨ̂ bu'erã́ sãhakã́ weeyá. Naâre wamê yeerã, yɨ'ɨ̂ pakɨ, yɨ'ɨ̂, Espírito Santo wamé me'ra wamê yeeya.

Hechos 15:11

A'tîro pe'e niî'. Marî wiôgɨ Jesu Cristo ma'i tĩhágɨ, marî wapa yeékã meheta, marîre yã'âro weé'kere akobohókɨ niîwĩ. Marîre yɨ'rɨó'karo nohota Jesu Cristo naâ Judeu masa niîtirã kẽ'rare yɨ'rɨókɨ niîwĩ, niîkɨ niîwĩ Pedro.

Romanos 11:29

Õ'âkɨ̃hɨ kɨ̃ɨ̂ “Ãyusé o'ôgɨti” niî'kere dɨka yuútisami. O'ô toha nɨ'ko, e'mâtisami. Tohô niikã́ kɨ̃ɨ̂ besé'kãrãre kõ'â butia'tisami.

1 Corintios 10:17

Marî pãharã́ niîmirã, ni'kâgakãhase pãuré ba'â'. Tohô weérã marî ni'kâ kura, ni'kâ ɨpɨ weeró noho niî'.

2 Corintios 11:4

Mɨsâ a'tîro weé'. Ãpêrã mɨsâre mehêkã werekã́, ãyuró tɨ'ó tɨ'sa'. Ɨ̃sâ Jesu yeére werêwɨ. Naâ pe'e tee mehéreta werêma. Mɨsâ neê waropɨre Espírito Santore yẽ'êwɨ. Ni'kâroakãre Espírito Santo mehereta yẽ'êrã weé'. Naâ Õ'âkɨ̃hɨ masaré yɨ'rɨóse mehereta werekã́, ãyuró tɨ'ó ẽho peó'.

Efesios 1:18

Õ'âkɨ̃hɨ, naâ tɨ'ó yã'asepɨ mɨ'ɨ yeékãhasere masikã́ weeyá. Mɨ'ɨ̂ naâre ãyuró weé sĩ'rigɨ besékɨ niîwɨ. Niî pe'tirã mɨ'ɨ yarã́re ãyú butia'sere o'ôgɨsa'. A'teré naâre ãyuró masikã́ weeyá.

Efesios 2:16

Kɨ̃ɨ̂ kurúsapɨ wẽrisé me'ra marîre Judeu masare, Judeu masa niîtirã me'ra a'mêri marî pe'sûtisere du'ukã́ weékɨ niîwĩ. Kɨ̃ɨ̂ wẽrisé me'rata taha marî pɨá kura niîmi'kãrãre ni'kâ kura weékɨ niîwĩ. Tohô niikã́ teé me'rata marîre Õ'âkɨ̃hɨ me'ra ãyuró niikã́ weékɨ niîwĩ.

Efesios 2:18

A'tîro niî'. Jesu Cristo wẽrisé me'ra marî Judeu masa, Judeu masa niîtirã niî pe'tirã marî pakɨ Õ'âkɨ̃hɨre sẽri masí'. Kɨ̃ɨ̂re ẽho peó, masîta basió'. Kɨ̃ɨ̂ tiropɨ wa'â masi'. Espírito Santo ni'kɨ́ niigɨ́ kɨ̃ɨ̂ wee tamúse me'ra tohô weetá basió'.

Efesios 2:22

Mɨsá kẽ'ra Judeu masa niîtirã ãpêrã Jesu Cristore ẽho peórã me'ra a'mé sɨ'a, Õ'âkɨ̃hɨ yaa kurakãharã tohá'. Õ'âkɨ̃hɨ Espírito Santo me'ra mɨsâpɨre niîmi.

Efesios 4:1

Yɨ'ɨ̂ marî wiôgɨ yee kitire weresé wapa, bu'îri da'rerí wi'ipɨ niî'. Õ'âkɨ̃hɨ kɨ̃ɨ̂ tutuaró me'ra marîre ãyuró weékɨ niîwĩ. Teeré wãkûgɨ, mɨsâre a'tîro weekã́ ɨá'. Mɨsâ Õ'âkɨ̃hɨ besé'kãrã weeró nohota ãyuró weesétiya.

Efesios 5:30

Marî kɨ̃ɨ̂re ẽho peóri kurakãharã kɨ̃ɨ yaá ɨpɨ niî'.

Colosenses 3:15

Õ'âkɨ̃hɨ kɨ̃ɨ̂ ɨaró weekã́, mɨsa yeé ehêri põ'raripɨre e'katíkã weesamí. Kɨ̃ɨ̂ ɨaró weetírã, bɨhâ wetisa'. Tohô weérã kɨ̃ɨ̂ ɨaró weeyá. Ãyuró sɨ'orí niisétiya. A'teré ɨa sãágɨ, kɨ̃ɨ̂ mɨsâre ni'kâ kura, ni'kɨ́ põ'ra weékɨ niîwĩ. Mɨsâ kɨ̃ɨ̂re “Ãyú'” niî nu'kukã'ya.

2 Tesalonicenses 2:16

Jesu Cristo marî wiôgɨ basita, tohô niikã́ marî pakɨ Õ'âkɨ̃hɨ marîre pahá yã'arã, ma'íkãrã niîwã. Naâ marîre wãkû tutuakã weé nu'kusama. Marîre o'oátehere e'katí yuu tohakã weesamá.

1 Timoteo 1:1

Yɨ'ɨ̂ Paulo Jesu Cristo bese kũú'kɨ niî'. Õ'âkɨ̃hɨ marîre yɨ'rɨógɨ niîmi. Kɨ̃ɨ́ta Jesu Cristo yee kitire werê dutigɨ o'ôo'wĩ. Jesu Cristo marî wiôgɨ kẽ'ra yɨ'ɨ̂re o'ôo'wĩ. Kɨ̃ɨ̂reta marî yuû kuerã weé'.

Tito 1:2

Apêyere, naâre Õ'âkɨ̃hɨ tiropɨ katî nu'kuatehere e'katí yuu dutigɨ kũûwĩ. Õ'âkɨ̃hɨ niî sootimi. Kɨ̃ɨ̂ a'ti nukúkã weeátoho dɨporo “Katisé pe'titiátehere o'ôgɨti”, niî tohakɨ niîwĩ.

Tito 3:7

Õ'âkɨ̃hɨ ma'ígɨ kɨ̃ɨ̂ ãyuró weesé me'ra marî yã'arã́ niîmi'kãrãre ãyurã́ wa'akã́ weékɨ niîwĩ. Tohô weérã marî katî nu'kuatehere e'katíse me'ra yuû kuerã, kɨ̃ɨ̂ “O'ôgɨti” niî'kere yẽ'êrãsa'.

1 Pedro 1:21

Jesu Cristo wẽrisé me'ra Õ'âkɨ̃hɨre ẽho peó no'o'. Kɨ̃ɨ̂ Jesu Cristore wẽrî'kɨpɨre masókɨ niîwĩ. Masó, ɨ'mɨ̂sepɨ kɨ̃ɨ̂re mii mɨhákɨ niîwĩ. Toopɨ́ kɨ̃ɨ̂re wiôgɨ sõróokɨ niîwĩ. Marîre ẽho peó dutigɨ tohô weékɨ niîwĩ. Tohô niikã́ marî ɨ'mɨ̂sepɨ wa'aátehere e'katíse me'ra yuû kue dutigɨ tohô weékɨ niîwĩ.

1 João 3:3

Jesu Cristore neê yã'asé marí'. Marí kẽ'ra kɨ̃ɨ̂ weeró noho ãyurã́ wa'ârãsa' niiátehere wãkû'. Tohô weérã marî yã'âro weeséti'kere dɨka yuú wã'karã weé'.