Efesios 4:2 - Tukano

² Neê ni'kɨ́ “Ãpêrã yɨ'rɨóro niî'”, niî wãkûtikã'ya. Tu'tiró mariró keoró weeyá. Mɨsâre yã'âro, mehêkã weekã́, wãkû tutuaya. Ãpêrãre ma'írã, keoró weetíkã ĩ'yârã, tohô tɨ'ó yã'akã'ya.

Õꞌacʉ̃ Yere Ucũrĩ Turi

² Ne niꞌcʉ̃ “Ãpẽrã yʉꞌrʉoro niꞌi”, ni wãcũticãꞌña. Nituꞌtiro marĩrõ queoro weeya. Mʉsãrẽ ñaꞌarõ, mejẽcã weecã, wãcũtutuaya. Ãpẽrãrẽ maꞌírã, queoro weeticã ĩꞌarã, tojo tʉꞌoñaꞌcãꞌña.

Efesios 4:2 Iomraidhean Croise

Mateus 11:29

Yɨ'ɨ̂ dutisére, yɨ'ɨ̂ ɨaró noho weeyá. Mɨsâ tohô weekã́, wee tamúgɨti. Yɨ'ɨ̂ da'ra dutípegɨ nií wee'. Yɨ'ɨ̂ mɨsâre pahá yã'agɨ, mehô niigɨ́ weeró noho weé'. Mɨsâ bɨhâ wetisere yɨ'ɨ̂re werekã́, mɨsâre e'katísere dɨka yuúgɨti.

Marcos 9:19

Jesu naâre niîkɨ niîwĩ: —Mɨsâ neê ẽho peóse moó butia'. Yɨ'ɨ̂ mɨsâre yoakã́ bu'êmikã, neê tɨ'o masí wee' yuhûpɨ. No'ó kã'a tero yoakã́ mɨsâ yɨ'ɨ̂re ẽho peótikã põo tẽógɨsari? Kɨ̃ɨ̂ wi'magɨ́re yɨ'ɨ̂ tiro miítia, niîkɨ niîwĩ.

Hechos 20:19

Yɨ'ɨ̂ marî wiôgɨ dutiró weegɨ́ niîgɨ, “Yɨ'ɨ̂ masiró me'ra uúkũ'”, neê niîtiwɨ. Masá Jesuré ẽho peótikã utîkãti. Yɨ'ɨ̂re Judeu masa naâ wẽhé sĩ'ri wapakã́, yɨ'ɨ̂ pi'etíkãti.

Romanos 15:1

Marî ẽho peó tutuarã ãpêrã ẽho peó tutuatirãre wee tamúro ɨá'. Marî tɨ'sasé di'akɨ̃re weetíkã'ro ɨá'.

1 Corintios 13:7

Ãpêrã naâ yã'âro weesére neê kã'ró werê turia wee'. Naâ yã'âro weemíkã naâre ãyuró wãkû'. “Be'ropɨ́ ãyuró weerã́sama”, niî wãkû'. Niî pe'tise ãpêrã marîre yã'âro weekã́, wãkû tutua'.

Gálatas 6:2

Mɨsâ ãpêrãre no'ó mehêkã wa'akã́, a'mêri wee tamúya. Tohô weérã Jesu Cristo dutisére keoró weerã́sa'.

Efesios 1:4

A'ti nukúkã weeátoho dɨporo kɨ̃ɨ̂ marîre bese yuú tohakɨ niîwĩ. Cristore ẽho peórã kɨ̃ɨ yarã́ sãharã́sama niî wãkûgɨ, tohô besékɨ niîwĩ. Marîre kɨ̃ɨ̂ ĩ'yóropɨre ãyurã́, bu'îri moorã́ niiáto niîgɨ tohô weékɨ niîwĩ.

Colosenses 1:11

Kɨ̃ɨ̂ tutuâ yɨ'rɨagɨ kɨ̃ɨ̂ tutuasére mɨsâre o'ôgɨsami. Tohô weekã́, mɨsâ e'katíse me'ra niî pe'tise mehêkã wa'asére wãkû tutuarãsa'.

1 Timoteo 6:11

Timóteo, mɨ'ɨ̂ pũrikã Õ'âkɨ̃hɨ yagɨ ɨâri pehasere neê weé ma'atikã'ya. A'tîro pe'e weeyá. Ãyuró weé nu'kukã'ya. Õ'âkɨ̃hɨre siru tuúya. Kɨ̃ɨ̂re ẽho peóya. Niî pe'tirãre ma'iyá. Mehêkã wa'akã́, wãkû tutuaya. Tu'tiró mariró ãpêrãre ãyuró weeyá.

2 Timoteo 2:25

Mɨ'ɨ̂ bu'esére tɨ'ó sĩ'ritirãre ãyuró pahá yã'ase me'ra naâre “A'tîro pe'e ãyuró weeyá”, niîya. Õ'âkɨ̃hɨ naâ yã'âro weé'kere dɨka yuúgɨsami niîgɨ, tohô niîya. Naâ dɨka yuúrã, diakɨ̃hɨ́kãhasere ẽho peórãsama.

Santiago 1:21

Tohô weérã niî pe'tise mɨsâ yã'âro wãkusére, yã'âro weesétisere du'úkã'ya. Õ'âkɨ̃hɨ yee kiti marîre kɨ̃ɨ̂ kũû'kere keoró ẽho peóya. Tee kitíre tɨ'ó ẽho peórã, mɨsâ yɨ'rɨrã́sa'.

1 Pedro 3:15

A'tîro pe'e wãkûya. “Jesu Cristo niî pe'tirã bu'ipɨ ɨ̃sâ wiôgɨ niîmi”, niî ẽho peóya. No'ó mɨsâre ãpêrã “De'ró weérã Jesu Cristore ẽho peóti?” niî boosama. Naâ tohô niikã́, mɨsâ yɨ'tiátehere wãkû yuu tohaya. Naâre ãyuró yɨ'tí me'rikã'ya. Pũrîro yɨ'titíkã'ya.

1 Pedro 3:8

Ni'kâroakãre niî pe'tirãpɨre werê tɨogɨti. Ni'kâro me'ra niiséti bɨroya. Ãpêrãre pahá yã'aya. Ni'kɨ́ põ'ra weeró noho ma'isétiya. “Ɨ̃sâ ãpêrã yɨ'rɨóro niî'”, niî wãkûtikã'ya.