Efesios 4:16 - Tukano

¹⁶ Tohô dɨpoá niîgɨ, marîre keoró a'mé sɨ'akã weemí. Marî ɨpɨ́ pehé dɨka watímiro, ni'kâ ɨpɨta niî'. A'té weeró noho marî kɨ̃ɨ̂re ẽho peórãre ni'kâ kurata kɨ̃ɨ̂ me'ra ni'kâro me'ra niikã́ weemí. Marî ẽho peórã nɨkɨ a'mêri wee tamúrã, siâpe me'ra wee tamú wã'ka, a'mêri ma'í tu'a eha nɨ'korãsa'.

Õꞌacʉ̃ Yere Ucũrĩ Turi

¹⁶ Tojo dʉpoá nígʉ̃, marĩrẽ queoro aꞌmesʉꞌacã weemi. Marĩ upʉ peje dʉcawatimirõ, niꞌcã upʉta niꞌi. Aꞌte weronojõ marĩ cʉ̃rẽ ẽjõpeorãrẽ niꞌcã curuata cʉ̃ meꞌrã niꞌcãrõ meꞌrã nicã weemi. Marĩ ẽjõpeorãnʉcʉ̃ aꞌmerĩ weetamurã, siape meꞌrã weetamuwãꞌcã, aꞌmerĩ maꞌituꞌajanʉꞌcõrãsaꞌa.

Efesios 4:16 Iomraidhean Croise

San Juan 15:5

Yɨ'ɨ̂ niî'karo nohota yɨ'ɨ̂ ɨ'sêgɨ weeró noho niî'. Mɨsâ tigɨ dɨpɨ́ri niî'. Yɨ'ɨ̂ me'ra niî nu'kugɨ, yɨ'ɨ́ kẽ'ra kɨ̃ɨ̂pɨre niikã́, kɨ̃ɨ̂ ãyuró wee masísami. Mɨsâ yɨ'ɨ̂ me'ra niî nu'kutirã, neê ãyuró wee masítisa'.

Romanos 12:4

A'tîro werêgɨti. Marî ɨpɨ́ ni'kâ ɨpɨ niîmiro, pehé dɨka watíse kɨó'. Teé niî pe'tise ni'kâro noho nií wee'. Mehêkã di'akɨ̃ niî'. Marî kapêri me'ra ĩ'yâ'. Marî o'mê peeri me'ra tɨ'ó'. Dɨ'pôkãri me'ra sihâ'.

1 Corintios 10:17

Marî pãharã́ niîmirã, ni'kâgakãhase pãuré ba'â'. Tohô weérã marî ni'kâ kura, ni'kâ ɨpɨ weeró noho niî'.

1 Corintios 13:13

A'tóka terore ẽho peóse, e'katí yuuse, ma'isé niî'. A'té i'tiáro pe'tisomé. Ma'isé pe'e apêye nemoró ãyú yɨ'rɨ nɨ'ka'.

1 Corintios 8:1

Mɨsâ sẽrí yã'a'kere yɨ'tigɨ́ti. “Wa'îkɨ̃ di'i masá naâ yeê'kãrãre ẽho peórã o'ô'kere ba'aró ɨatí?” niisére yɨ'tigɨ́ti. Mɨsâ “Naâ ẽho peóse yeê'kere wapa marí', teeré masî toha'”, niísa'. Tohôta niî', niîro pe'ea'. Tohô niîrã, a'tîro niîrã weésa': “Ãpêrã yɨ'rɨóro masî yɨ'rɨ nɨ'ka'”, niîrã weésa'. Marî ãpêrãre ma'írã, naâre Õ'âkɨ̃hɨre nemoró ẽho peókã weésa'.

Gálatas 5:22

Espírito Santo pe'e marîre sɨ'orí a'tîro weesétikã weesamí. Ãpêrãre ma'ísa'. E'katíse kɨósa'. Mari yaá ehêri põ'rapɨ ãyuró tɨ'ó yã'asa'. Marîre yã'âro weekã́, uâtisa'. Ãpêrãre pahá yã'asa'. Naâre ãyuró weésa'. Keoró, diakɨ̃hɨ́ weé me'rikã'sa'.

Gálatas 5:6

Marî Jesu Cristo yarã niî'. Õ'âkɨ̃hɨ ĩ'yóropɨre õ'rekɨhɨ́ yapa kaserore yehê kõ'a no'ose, yehê kõ'a no'otise wapa marí'. Marî Jesu Cristore ẽho peó tĩharã, ãpêrãre ma'í'. Tee pũríkã wapatí'.

Efesios 1:4

A'ti nukúkã weeátoho dɨporo kɨ̃ɨ̂ marîre bese yuú tohakɨ niîwĩ. Cristore ẽho peórã kɨ̃ɨ yarã́ sãharã́sama niî wãkûgɨ, tohô besékɨ niîwĩ. Marîre kɨ̃ɨ̂ ĩ'yóropɨre ãyurã́, bu'îri moorã́ niiáto niîgɨ tohô weékɨ niîwĩ.

Efesios 3:17

Mɨsâ Cristore ẽho peó, nemoró kɨ̃ɨ̂ me'ra ãyuró niiáto niîgɨ sẽri basá'. Apêye maa, mɨsâ Cristore, tohô niikã́ ãpêrãre ãyuró ma'ikã́ ɨágɨ sẽri basá'.

Efesios 3:7

A'te kitíre Õ'âkɨ̃hɨ yɨ'ɨ̂re werê dutigɨ kũûwĩ. Yɨ'ɨ̂ yã'agɨ́ niîmikã, yɨ'ɨ̂re ãyuró weégɨ, kɨ̃ɨ̂ tutuaró me'ra tohô kũûwĩ.

Efesios 4:12

Tohô weé kɨ̃ɨ yarã́re kɨ̃ɨ yeékãhasere da'raáto niîgɨ tohô weékɨ niîwĩ. Kɨ̃ɨ yaá kurakãharãre kɨ̃ɨ̂ ɨaró wee nemoáto niîgɨ tohô wee masísere o'ôkɨ niîwĩ.

Efesios 4:15

A'tîro pe'e bɨkɨrã́ weeró noho weerã́sa'. Diakɨ̃hɨ́ a'mêri ma'í, uúkũrãsa'. Siâpe me'ra diakɨ̃hɨ́kãhasere ẽho peó tu'a eha nɨ'korãsa'. Tohô niikã́, ãpêrãre werê yapá da'reorãsa'. Niî pe'tise no'ó marî weesére Cristo me'ra niîrã, kɨ̃ɨ̂ ɨaró wee nemórãsa'. Kɨ̃ɨ́ta niîmi kɨ̃ɨ̂re ẽho peóri kurakãharã dɨpoá.

Filipenses 1:9

Mɨsâre “Nemoró a'mêri ma'i nemoáto”, niî sẽri basá'. “Niî pe'tisere ãyuró masisé me'ra tɨ'o kasá nɨ'ko pe'oato”, niî'.

Colosenses 2:19

Naâ Jesu Cristore siru tuútima. Marî pũrikã Jesu Cristo yaa kurakãharã niî'. Kɨ̃ɨ́ta niîmi marî dɨpoá. Marîre kɨ̃ɨ̂ masisére, tutuasére o'ôsami. Teé me'ra marî ɨmɨ̂kohori nɨkɨ Õ'âkɨ̃hɨ ɨaró noho nemoró a'mêri ma'í, wee tamú masi'.

Colosenses 2:2

A'tîro sẽrí': “Õ'âkɨ̃hɨ, naâre wãkû tutuase o'ôya. Ãyuró sɨ'orí niisétiato. A'mêri ma'iáto. Naâ ãyuró mɨ'ɨ yeékãhasere tɨ'o masí pe'oato. Naâ tohô weérã, mɨ'ɨ̂ makɨre ãyuró masîrãsama”, niî sẽri basá'. Neê waropɨre Õ'âkɨ̃hɨ niî pe'tise kɨ̃ɨ̂ makɨ́ Jesu Cristo yeekãhasere werêtikɨ niîwĩ. A'tóka terore maha kɨ̃ɨ yeére werêmi.

1 Tesalonicenses 1:3

Kɨ̃ɨ̂re sẽrírã, a'tîro niî'. “Õ'âkɨ̃hɨ, Tessalônicakãharã mɨ'ɨ̂ makɨ Jesu Cristore ẽho peórã ãyuró weesétisama. Naâ ma'isére ĩ'yórã, ãpêrãre ãyuró wee tamúsama. Jesu Cristo kɨ̃ɨ̂ opâturi a'tiátehere e'katíse me'ra yuû kuerã weesamá. Tohô weérã kɨ̃ɨ̂re ẽho peó du'utisama”, niî sẽrí' Õ'âkɨ̃hɨre.

1 Tesalonicenses 2:13

Apêye mɨsa yeékãhasere werêgɨti. Õ'âkɨ̃hɨ yee kitire werekã́, mɨsâ Õ'âkɨ̃hɨ yee uúkũse niî' niîrã, maatá ẽho peówɨ. “Masá naâ uúkũsere ẽho peó boosaɨ”, niîtiwɨ. Mɨsâ tohô weesére wãkûrã, Õ'âkɨ̃hɨre “Ãyú'” niî nu'kukã'. Ɨ̃sâ mɨsâre werê'ke Õ'âkɨ̃hɨ uúkũse warota niîwɨ. Tee kití me'rata Õ'âkɨ̃hɨ kɨ̃ɨ̂ ɨaró weeáto niîgɨ mɨsâre siâpe me'ra dɨka yuú nu'kugɨ weemí.

1 Tesalonicenses 3:12

Nemoró naâ basi a'mêri ma'isétikã weeyá. Niî pe'tirã ãpêrã kẽ'rare ma'ikã́ weeyá. Naâre ɨ̃sâ ma'iró nohota naá kẽ'ra ãpêrãre ma'iáto.

2 Tesalonicenses 1:3

Yɨ'ɨ̂ akawerérã, ɨ̃sâ mɨsa yeékãhasere wãkûrã, Õ'âkɨ̃hɨre “Ãyú'” niî nu'kukã'rãti. Mɨsâ Jesu Cristore ẽho peó nemorã weé'. Apêye kẽ'rare mɨsâ a'mêri ma'i nemó'. Tohô weérã Õ'âkɨ̃hɨre “Ãyú'” niî nu'kukã'ro ɨá'.

1 Timoteo 1:5

Mɨsâre a'mêri ma'ikã́ ɨágɨ, tohô dutî'. Yã'asé marirã́, bu'îri marirã́ tɨ'ó yã'arã, diakɨ̃hɨ́ Õ'âkɨ̃hɨre ẽho peórã, keoró ma'irã́sa'.

1 Pedro 1:22

Mɨsâ diakɨ̃hɨ́ niisére yɨ'tírã, Jesu Cristore ẽho peórã weékãrã niîwɨ. Kɨ̃ɨ̂re ẽho peórã, mɨsâ yã'âro weeséti'kere du'úkãrã niîwɨ. Tohô weérã mɨsâ ni'kâroakãre bu'îri marirã́ niî'. Mɨsâ ni'kɨ́ põ'ra weeró noho a'mêri ma'í'. A'mêri ma'írã, bu'îkãhase uúkũse me'ra di'akɨ̃ ma'itíkã'ya. Niî pe'tise mɨsâ weesé me'ra pe'e ma'iyá.

1 João 4:16

Õ'âkɨ̃hɨ marîre ma'isére masî'. Kɨ̃ɨ̂ niî pe'tirãre ma'imí. No'ó ãpêrãre ma'igɨ́ noho ãyuró Õ'âkɨ̃hɨ me'ra niîmi. Õ'âkɨ̃hɨ kẽ'ra kɨ̃ɨ̂ me'ra niîmi.