Efesios 3:2 - Tukano

² Mɨsâ masísa', Õ'âkɨ̃hɨ mɨsâre pahá yã'agɨ, ãyuró weé sĩ'rigɨ, yɨ'ɨ̂re a'tîro werê dutiwĩ. Judeu masa niîtirã kẽ'rare yɨ'rɨómi niisére werê dutiwĩ.

Õꞌacʉ̃ Yere Ucũrĩ Turi

² Mʉsã masĩsaꞌa, Õꞌacʉ̃ mʉsãrẽ pajañaꞌgʉ̃, añurõ weesĩꞌrĩgʉ̃, yʉꞌʉre aꞌtiro weredutiwĩ. Judío masã nitirã quẽꞌrãrẽ yʉꞌrʉomi nisere weredutiwĩ.

Efesios 3:2 Iomraidhean Croise

Hechos 13:2

Ni'kâti naâ be'tí Õ'âkɨ̃hɨre sẽrirí kura Espírito Santo naâre niîkɨ niîwĩ: —Barnabé, Saulore beseápɨ. Naâre apêropɨ wa'â dutigɨ weé'. Naâ apêye di'tapɨ kẽ'rare bu'ê kusiarã wa'ârãsama. Tohô weérã naâre o'ôo'ya, niîkɨ niîwĩ.

Hechos 13:46

Naâ tohô niikã́ tɨ'órã, Paulo kẽ'ra tutuaró me'ra naâre niîkãrã niîwã: —Mɨsâ Judeu masare Jesu yeé kitire werê mɨ'taro ɨá'. Mɨsâ teeré werêmikã, neê ẽho peó wee'. Tohô weérã “Ɨ̃sâ katisé pe'titísere ɨatísa'”, niîrã weé'. Ɨ̃sâ ni'kâroakãre ãpêrã Judeu masa niîtirãre Jesu yeé kitire werê nɨ'karã wa'ârãsa'.

Hechos 22:21

Jesu yɨ'ɨ̂re niîwĩ: “Wa'âya. Yɨ'ɨ̂ apêropɨ yoarópɨ o'ôo'gɨti weé' mɨ'ɨ̂re Judeu masa niîtirã tiropɨ”, niîwĩ.

Hechos 9:15

Jesu kɨ̃ɨ̂re niîkɨ niîwĩ: —Wa'âya. Yɨ'ɨ̂ kɨ̃ɨ̂re yee kitíre wereákɨhɨre besé tohapɨ. Kɨ̃ɨ̂ apé di'takãharãpɨre Judeu masa niîtirãre, naâ wiôrãre, Judeu masa niirã́ kẽ'rare yee kitíre werê kusiagɨsami.

Romanos 1:5

Kɨ̃ɨ̂ yɨ'ɨ̂ Paulore ãyuró weégɨ, kɨ̃ɨ yeé kitire werê dutigɨ besewĩ́. Niî pe'tiropɨ masá Jesu Cristore ẽho peoáto niîgɨ tohô weewĩ́. Ẽho peó tĩharã, kɨ̃ɨ̂ ɨaró weerã́sama.

Romanos 11:13

Ni'kâroakã maa Judeu masa niîtirã se'sarore werêgɨti. Jesu Cristo yɨ'ɨ̂re mɨsâ Judeu masa niîtirãre kɨ̃ɨ yeé kitire werê dutigɨ kũûwĩ. Tohô weéro yɨ'ɨ̂ ĩ'yakã́, yɨ'ɨ̂ da'rasé mehô niisé meheta niî'.

Romanos 12:3

Õ'âkɨ̃hɨ ãyuró weégɨ, yɨ'ɨ̂re mɨsâre kɨ̃ɨ yeé kitire werê dutigɨ kũûwĩ. Tohô weégɨ mɨsâ niî pe'tirãre niîgɨti. Neê ni'kɨ́ marî wee masítisere “Weékã' masi'” niîtikã'ro ɨá'. Marî wee masísere keoró wãkû me'rikã'ro ɨá'. Marî nɨkɨ a'tîro wãkûrã. “Jesu Cristore ẽho peóka be'ro kɨ̃ɨ̂ wee masíse o'ô'ke põo tẽóro wee masí'”, niîrã.

1 Corintios 4:1

Ɨ̃sâre mɨsâ a'tîro wãkuró ɨá'. “Cristore da'rá wã'ya ko'terã niîma”, niiró ɨá'. Ɨ̃sâ Õ'âkɨ̃hɨ yee kiti too dɨpórokãharã masîti'kere werê ko'terã niî'.

Gálatas 1:13

Too dɨpóropɨ Judeu masa naâ ẽho peósetisere yɨ'ɨ̂ weékũ'kere mɨsâ tɨ'opã́. Jesu Cristore ẽho peórãre yã'â butia'ro weékũwɨ. Neê ni'kɨ́ Jesu Cristore ẽho peógɨ mariáto niîgɨ naâ ẽho peósere pe'ó sĩ'rimiwɨ.

Efesios 1:10

A'ti ɨmɨ́koho pe'tikã́, niî pe'tise Õ'âkɨ̃hɨ “A'tîro wa'ârosa'” niî'karo nohota wa'ârosa'. Tohô wa'akã́, kɨ̃ɨ̂ ɨá'karo nohota weegɨ́sami. A'tîro weegɨ́sami. Kɨ̃ɨ̂ niî pe'tirã ɨ'mɨ̂sepɨ niirã́, a'ti nukúkãpɨ niirã́re Cristore naâ dɨpoá sõróogɨsami.

Efesios 3:7

A'te kitíre Õ'âkɨ̃hɨ yɨ'ɨ̂re werê dutigɨ kũûwĩ. Yɨ'ɨ̂ yã'agɨ́ niîmikã, yɨ'ɨ̂re ãyuró weégɨ, kɨ̃ɨ̂ tutuaró me'ra tohô kũûwĩ.

Efesios 3:8

Yɨ'ɨ́ta mehô niigɨ́ waro niî pe'tirã Õ'âkɨ̃hɨre ẽho peórã dokapɨ tɨ'ó yã'a'. Tohô niîmikã, yɨ'ɨ̂re ãyuró weé sĩ'rigɨ, a'tîro weékɨ niîwĩ. Judeu masa niîtirãre kɨ̃ɨ̂ besé'kɨ Cristo yee ãyusé kitire werê dutiwĩ. Tee kití a'tîro niî'. Õ'âkɨ̃hɨ Jesu Cristo me'ra ãyú butia'sere marîre weemí. Teé ãyusére marî wãkû põo tẽó wee'.

Efesios 3:9

Apêyere Õ'âkɨ̃hɨ niî pe'tirã tee kití too dɨpórokãharã masîti'kere masiáto niîgɨ yɨ'ɨ̂re o'ôo'wĩ. Kɨ̃ɨ̂ niî pe'tisere weé'kɨ tee kitíre maatá werêtikɨ niîwĩ. Tee kití kɨ̃ɨ̂ neê waro wãkû yuu'ke a'tîro niî'. “Judeu masa niîtirã Judeu masa weeró noho Õ'âkɨ̃hɨ põ'ra niîrãsama” niî'ke niî'.

Efesios 4:21

Mɨsâ keoróta kɨ̃ɨ yeé kitire tɨ'órã, masísa'. Kɨ̃ɨ̂re ẽho peórã weesétisere Jesu bu'ê'kere masísa'.

Efesios 4:7

Tohô niîmikã, Cristo marîre, marî nɨkɨre Espírito Santo me'ra wee masísere o'ôkɨ niîwĩ.

Colosenses 1:4

Mɨsa yeé kitire tɨ'owɨ́. A'tîro niî'. Mɨsâ Jesu Cristo masaré yɨ'rɨómi niisé diakɨ̃hɨ́kãhasere tɨ'ókãrã niîwɨ. Teeré tɨ'órã, mɨsâre Õ'âkɨ̃hɨ ɨ'mɨ̂sepɨ weeátehere e'katí yuu tohakãrã niîwɨ. Tohô weérã Jesu Cristore ãyuró ẽho peókãrã niîwɨ. Mɨsâ basi Õ'âkɨ̃hɨ yarã niî pe'tirãre ãyuró ma'isétikãrã niîwɨ. Ɨ̃sâ teeré tɨ'ó'kãrã niî tĩharã, Õ'âkɨ̃hɨre “Ãyú'” niî'.

Colosenses 1:6

Ãpêrã kẽ'ra tohôta tee kitíre tɨ'órã, mɨsâ weeró nohota weérã weemá. Niî pe'tiropɨ werê turia wã'karã weemá. Mɨsâ Õ'âkɨ̃hɨ masaré ma'isére tɨ'órã, “Diakɨ̃hɨ́ta niî'”, niîkãrã niîwɨ.

1 Timoteo 1:11

A'té bu'esé, ãyú butia'se Õ'âkɨ̃hɨ yɨ'rɨóse kiti niîro nohota niî'. Kɨ̃ɨ̂ ãyú yɨ'rɨgɨ yɨ'ɨ̂re a'te kitíre werê dutiwĩ.

1 Timoteo 1:4

Tookãhárãre werê turia ma'asere, tohô niikã́ naâ yẽkɨ sɨmɨáre wamê peo nu'kusere “Wãkû ma'atikã'ya”, niîya. Masá teeré wãkûrã, mehô waro a'mé tu'ti ma'asama. Marîre Õ'âkɨ̃hɨ wee dutí'kere ãyuró weekã́ weé wee'. Marî kɨ̃ɨ̂re ẽho peóse me'ra pe'e Õ'âkɨ̃hɨ wee dutí'kere weé'. Tohô weégɨ naâre mehêkã bu'esére ka'mú ta'aya.

1 Timoteo 2:7

Kɨ̃ɨ yeé kitire werê dutigɨ Cristo yɨ'ɨ̂re sõróowĩ. Kɨ̃ɨ̂ bese kũú'kɨ niiáto niîgɨ Judeu masa niîtirãre kɨ̃ɨ yeé, diakɨ̃hɨ́kãhasere bu'ê dutigɨ sõróowĩ. Diakɨ̃hɨ́ta niî'. Niî soogɨ meheta weé'.

2 Timoteo 1:11

Õ'âkɨ̃hɨ tee kitíre yɨ'ɨ̂re werê dutiwĩ. Judeu masa niîtirãre bu'ê dutigɨ yɨ'ɨ̂re bese kũúwĩ.