Efesios 2:8 - Tukano

⁸ A'tîro niî'. Marî Jesu Cristore ẽho peórã Õ'âkɨ̃hɨ ãyuró weesé me'ra yɨ'rɨwɨ́. Teé marî basi weé'ke meheta niî'. Õ'âkɨ̃hɨ pe'e marîre yɨ'rɨówĩ.

Õꞌacʉ̃ Yere Ucũrĩ Turi

⁸ Aꞌtiro niꞌi. Marĩ Jesucristore ẽjõpeorã Õꞌacʉ̃ añurõ weese meꞌrã yʉꞌrʉwʉ. Te marĩ basu weeꞌque mejẽta niꞌi. Õꞌacʉ̃ peꞌe marĩrẽ yʉꞌrʉowĩ.

Efesios 2:8 Iomraidhean Croise

Mateus 16:17

Jesu kɨ̃ɨ̂re niîwĩ: —Simão, Jona makɨ, mɨ'ɨ̂ tohô uúkũgɨ, diakɨ̃hɨ́ta uúkũ'. Neê ni'kɨ́ masɨ́ mɨ'ɨ̂re teeré werêtiapĩ. Yɨ'ɨ̂ pakɨ ɨ'mɨ̂sepɨ niigɨ́ mɨ'ɨ̂re teeré masisé o'oápĩ. Tohô weégɨ e'katíya.

Mateus 20:9

Tohô weégɨ a'tîro weesamí. Cinco niikã́pɨ wesepɨ́ da'rá nɨ'ka'kãrãre pihîo mɨ'tasami. Ni'kâ nɨmɨ da'rasé wapa wapa yeé wɨaro noho naâre wapa yeésami.

Marcos 16:16

No'ó yɨ'ɨ̂re ẽho peó, wamê yee no'ogɨ yɨ'rɨó no'ogɨsami. Yɨ'ɨ̂re ẽho peótigɨ pũrikã bu'îri da'rê no'ogɨsami.

San Lucas 7:50

Naâ tohô niîmikã, Jesu pe'e numiôre a'tîro niîkɨ niîwĩ: —Mɨ'ɨ̂ yɨ'ɨ̂re ẽho peó tĩhago, yã'âro weé'kere akobohó no'oapɨ. Wãkû ke'tiro mariró wa'âgosa', niîkɨ niîwĩ.

San Juan 3:36

Kɨ̃ɨ̂ makɨré ẽho peórã noho katî nu'kusere kɨomá. Kɨ̃ɨ̂re ẽho peó sĩ'ritirã pe'e Õ'âkɨ̃hɨ tiropɨ wa'âsome. Õ'âkɨ̃hɨre ɨpɨ́tɨ bu'îri da'rê no'orãsama.

San Juan 4:10

Jesu niîkɨ niîwĩ: —Mɨ'ɨ̂ Õ'âkɨ̃hɨ masaré o'osére masîtisa'. Yɨ'ɨ́ kẽ'rare masîtisa'. Mɨ'ɨ̂ masîgo pũrikã, yɨ'ɨ̂re sẽri booápã. Mɨ'ɨ̂ sẽrikã́, yɨ'ɨ̂ pe'e akó katisé o'osére o'ô booapã.

San Juan 5:24

Diakɨ̃hɨ́ta mɨsâre niîgɨti. Yɨ'ɨ̂ niisére tɨ'orã́, yɨ'ɨ̂re o'ôo'kɨre ẽho peórã katî nu'kusere kɨomá. Naâ bu'îri da'rê no'osome. Naâ pekâ me'epɨ wa'â boo'kãrã yɨ'rɨ wetí tohama.

San Juan 6:35

Jesu naâre niîwĩ: —Yɨ'ɨ́ta ba'asé ɨ'mɨ̂sekãhase niî'. Katî nu'kukã weé'. Yɨ'ɨ̂re ẽho peó siru tuúgɨ neê ɨhá boâsome. Neê ako wɨósome. A'tîro niî'. Ba'â yapîgɨ ɨhá boâtimi. Sĩ'rí yapîgɨ ako wɨótimi. A'té weeró noho yɨ'ɨ̂re ẽho peórã yapîrã weeró noho ãyuró tɨ'ó yã'a nu'kurãsama.

San Juan 6:37

Niî pe'tirã yɨ'ɨ̂ pakɨ o'ô'kãrã yɨ'ɨ̂re ẽho peósama. Yɨ'ɨ̂re naâ ẽho peókã, naâre yẽ'êtikã weesomé.

San Juan 6:40

Yɨ'ɨ̂re o'ôo'kɨ a'tîro weekã́ ɨamí. “Niî pe'tirã yɨ'ɨ̂re ẽho peórã katî nu'kukã'rãsama”, niîmi. Yɨ'ɨ̂ a'ti ɨmɨ́koho pe'tikã́, naâre masogɨ́sa', niîwĩ Jesu.

San Juan 6:44

Neê ni'kɨ́ naâ ɨaró yɨ'ɨ̂re siru tuú masitisama. Yɨ'ɨ̂re o'ôo'kɨ yɨ'ɨ̂ pakɨ naâ yɨ'ɨ̂re ẽho peókã ɨa sãámi. Kɨ̃ɨ̂ ɨa sãá'kãrã di'akɨ̃ siru tuú masisama. Yɨ'ɨ̂re siru tuúrãre a'ti ɨmɨ́koho pe'tikã́, masogɨ́sa'.

San Juan 6:65

Jesu masaré niîwĩ: —Tohô weégɨ yɨ'ɨ̂ mɨsâre mehêpɨ niî'karo nohota neê ni'kɨ́ kɨ̃ɨ̂ ɨaró yɨ'ɨ̂re siru tuú masitisami. Yɨ'ɨ̂ pakɨ o'ô no'orã di'akɨ̃ siru tuú masisama, niîwĩ Jesu.

Hechos 14:27

Tii makápɨ naâ dahârã, Jesuré ẽho peórãre neêo kũu, naâre werê pe'okã'kãrã niîwã Õ'âkɨ̃hɨ naâ me'ra wee tamú siha'kere. Tohô niikã́ “Judeu masa niîtirã kẽ'ra Jesuré ẽho peórã weeáma maha”, niî kiti werékãrã niîwã naâre.

Hechos 15:11

A'tîro pe'e niî'. Marî wiôgɨ Jesu Cristo ma'i tĩhágɨ, marî wapa yeékã meheta, marîre yã'âro weé'kere akobohókɨ niîwĩ. Marîre yɨ'rɨó'karo nohota Jesu Cristo naâ Judeu masa niîtirã kẽ'rare yɨ'rɨókɨ niîwĩ, niîkɨ niîwĩ Pedro.

Hechos 16:14

Ni'kó toopɨ́ ɨ̃sâ weresére tɨ'ó'ko Lídia wamêtigo niîwõ. Koô Tiatira wamêtiri makakõho, su'tí wapa bɨhɨ́se sõ'â yĩi boó kuresere duagó niîwõ. Judeu maso niîtimigo, Õ'âkɨ̃hɨre ẽho peógo niîwõ. Paulo kɨ̃ɨ̂ weresére ẽho peoáto niîgɨ Õ'âkɨ̃hɨ koôre tɨ'o masíse o'ôkɨ niîwĩ.

Hechos 16:31

Naâ pe'e a'tîro yɨ'tíkãrã niîwã: —Mɨ'ɨ̂ marî wiôgɨ Jesuré ẽho peógɨ, yɨ'rɨgɨ́sa'. Mɨ'ɨ yaá wi'ikãharã kẽ'ra mɨ'ɨ̂ weeró noho ẽho peórãta, yɨ'rɨrã́sama, niîkãrã niîwã.

Romanos 10:14

Tohô niîmikã, Jesu Cristore ẽho peótirã de'ró weé akobohóse sẽri boósari? Kɨ̃ɨ yeé kitire tɨ'otímirã, de'ró weé naâ ẽho peó boosari? Naâre wererã́ marikã́, de'ró weé naâ tee kitíre tɨ'o boósari?

Romanos 10:17

Jesu Cristo yee kitire werekã́, masá teeré tɨ'omá. Tee kitíre tɨ'óka be'ro ẽho peóma.

Romanos 4:16

Õ'âkɨ̃hɨre ẽho peórã di'akɨ̃re Abraãore “Tohô weegɨ́ti” niî'kere o'ôgɨsami. Kɨ̃ɨ̂ marîre ma'i tĩhágɨ, marî basi wee tutuákã meheta, teeré o'ôsami. Moisé dutisé kũû'kere weerã́ di'akɨ̃re o'ôsome. Niî pe'tirã Abraão weeró noho ẽho peórãre o'ôgɨsami. Abraão niî pe'tirã ẽho peóse kɨorã́ yẽkɨ niîmi.

Romanos 4:5

Õ'âkɨ̃hɨ pe'e tohô weetími. Marî ãyuró weesé wapa meheta “Bu'îri marirã́, ãyurã́ niîma”, niîsami. Kɨ̃ɨ̂re ẽho peókã pe'ere, tohô niîsami. Masá yã'âro weerã́re yɨ'rɨ wetíkã weegɨ́ niîmi.

Romanos 9:16

Tohô weérã marî masî'. Õ'âkɨ̃hɨ basi kɨ̃ɨ̂ pahá yã'a sĩ'rirãre pahá yã'asami. Masá pahá yã'a dutikã meheta pahá yã'asami. Tohô niikã́ ãyuró weesé wapa meheta pahá yã'asami.

Gálatas 3:14

Jesu Cristo marîre bu'îri da'rê boo'kere kurúsapɨ wẽrî wapa yeékɨ niîwĩ. Tohô weekã́, Õ'âkɨ̃hɨ Abraãore Judeu masa niîtirã kẽ'rare “Tohô weegɨ́ti” niî'ke keoróta wa'âkaro niîwɨ. Jesu Cristore ẽho peókã, naâre Abraãore weeró noho “Ãyurã́, bu'îri marirã́ niîma”, niî ĩ'yâsami. Tohô weégɨ kɨ̃ɨ̂ niî'karo nohota weesamí. Niî pe'tirã Jesu Cristore ẽho peórãre Espírito Santore o'ôo'sami.

Gálatas 3:22

Õ'âkɨ̃hɨ yee kiti ohâka pũripɨ a'tîro ohâ no'okaro niîwɨ: “Niî pe'tirã masá yã'arã́ niîma. Bu'îritirã niîma”, niîwɨ. Tohô weéro Õ'âkɨ̃hɨ Abraãore kɨ̃ɨ̂ dɨporópɨ niî'ke wa'â'. A'tîro niîkɨ niîwĩ: “Mɨ'ɨ̂ weeró noho ẽho peó siru tuurãre ‘Ãyurã́ niîma’, niî ĩ'yâgɨti”, niîkɨ niîwĩ. Tohô weégɨ Õ'âkɨ̃hɨ Jesu Cristore ẽho peórãre bu'îri da'rê no'o boo'kere yɨ'rɨósami.

Efesios 1:19

Mɨ'ɨ̂ tutuâ yɨ'rɨgɨ niî'. Mɨ'ɨ̂ tutuasé neê pe'tisomé. Teé me'ra ɨ̃sâ Jesu Cristore ẽho peórãre dɨka yuúgɨ weé'. Mɨ'ɨ̂ tohô weesére naâre masikã́ weeyá”, niî sẽri basá'. Õ'âkɨ̃hɨ tutuasé a'tîro niî'. Kɨ̃ɨ̂, kɨ̃ɨ̂ tutuasé me'ra Cristo wẽrî'kɨpɨre masakã́ weékɨ niîwĩ. Kɨ̃ɨ̂ masa mɨháaka be'ro kɨ̃ɨ̂re kɨ̃ɨ̂ tiro ɨ'mɨ̂sepɨ wiôgɨ duhirí kumuro diakɨ̃hɨ́ pe'e dɨpókɨ niîwĩ. Kɨ̃ɨ̂ tutuasé me'rata kɨ̃ɨ̂ ɨaró noho marîre dɨka yuúgɨ weemí.

Efesios 2:10

A'tîro niî'. Marî kɨ̃ɨ̂ weé'kãrã niî'. Jesu Cristo yaa kurakãharã niî dutigɨ tohô weékɨ niîwĩ. Dɨporópɨ marî ãyuró weeátehere wãkû yuu tohakɨ niîwĩ. Teeré ãyuró wee dutígɨ marîre Jesu Cristo yarã wa'akã́ weékɨ niîwĩ.

Efesios 2:5

Marî yã'âro weé'ke bu'iri Õ'âkɨ̃hɨ marîre “Wẽrî'kãrã weeró noho niîma”, niî ĩ'yâwĩ. Cristore ẽho peóka be'ro marîre “Cristo me'ra ni'kâro me'ra niîma”, niî ĩ'yâsami. Kɨ̃ɨ̂ Cristore masó'karo nohota marí kẽ'rare katisé pe'titísere o'ôkɨ niîwĩ. Tohô weégɨ Õ'âkɨ̃hɨ marîre pahá yã'agɨ, yã'arã́ niîmi'kãrãre yɨ'rɨókɨ niîwĩ.

Filipenses 1:29

Õ'âkɨ̃hɨ mɨsâre ma'ígɨ, Cristore ẽho peó dutiwĩ. Jesu Cristore ẽho peó'ke bu'iri mɨsâre yã'âro weerã́sama. Teé kẽ'rare Õ'âkɨ̃hɨ kũûwĩ.

Colosenses 2:12

Jesu Cristo wẽrî yaá no'okɨ niîwĩ. Mɨsá kẽ'ra wamê yee no'orã, yã'âro weeséti'kere du'úrã, wẽrî yaá no'o'kãrã weeró noho tohákãrã niîwɨ. Wẽrî'kãrã, katîrã naâ weé'kere weetímima baa. Tohô weérã mɨsá kẽ'ra too dɨpóropɨ weé'kere weetísa'. Jesu Cristo wẽrîka be'ro Õ'âkɨ̃hɨ kɨ̃ɨ̂re masókɨ niîwĩ. Kɨ̃ɨ̂re masó'karo nohota mɨsá kẽ'rare masógɨ, apé su'tiro sãhakã́ weékɨ niîwĩ. Õ'âkɨ̃hɨ kɨ̃ɨ̂ tutuaró me'ra kɨ̃ɨ̂ makɨ́ Jesu Cristore masó'kere mɨsâ ẽho peó yuukã, tohô weékɨ niîwĩ.

2 Tesalonicenses 1:9

Naâre bu'îri da'rê bahurió, kõ'â diho butia'gɨsami. Tohô weérã naâ neê kã'roákã marî wiôgɨre ĩ'yâti butia'rãsama. Tohô niikã́ kɨ̃ɨ̂ tutuasére, kɨ̃ɨ̂ asistésere ĩ'yâsome.

Hebreos 6:4

Mɨsâ apé tero weérã Jesu Cristo yee kitire ẽho peómirã, ẽho peó du'u boosa'. Õ'âkɨ̃hɨ masaré katî nu'kusere o'ôkɨ niîwĩ. Kɨ̃ɨ̂ o'ômikã, naâ ẽho peó du'u boosama. Tohô ẽho peó du'urã nohore a'tîro niî'. Naâ wãkusére opâturi neê dɨka yuú masitisama. Tohô niikã́ Espírito Santore kɨorã́ noho, no'ó Õ'âkɨ̃hɨ yee kiti ãyusé kitire masirã́ noho teeré ẽho peó du'urã, neê opâturi naâ wãkusére dɨka yuú masitisama. Õ'âkɨ̃hɨ tutuasé o'osére masîmirã Jesu Cristore ẽho peó du'urã, neê opâturi akobohóse sẽri masítisama. Kɨ̃ɨ̂re ẽho peó du'urã, naâ basi Õ'âkɨ̃hɨ makɨre opâturi kurúsapɨ paâ bi'perã weeró noho weérã weemá. Niî pe'tirã ĩ'yóropɨ kɨ̃ɨ̂re yabî buhíkã'rã weemá.

1 Pedro 1:5

Marî Õ'âkɨ̃hɨre ẽho peó yuukã, kɨ̃ɨ̂ tutuaró me'ra marîre ko'têsami. Jesu Cristo opâturi a'ti nukúkãpɨre a'tîgɨ, niî pe'tirã ĩ'yóropɨ “Ã'rá yɨ'ɨ̂ yɨ'rɨó'kãrã niîma. Yɨ'ɨ̂ me'ra niî nu'kurãsama”, niî ĩ'yogɨ́sami.