Efesios 2:6 - Tukano

⁶ Õ'âkɨ̃hɨ Jesu Cristore masókɨ niîwĩ. Kɨ̃ɨ̂re masó'karo nohota marî Jesu Cristo yarãre masa mɨháa'kãrã weeró noho weékɨ niîwĩ. Jesu Cristo ɨ'mɨ̂sepɨ wiôgɨ duhirí kumuro duhîro nohota marîre kɨ̃ɨ̂ me'rata taha ɨ'mɨ̂sepɨ duhî yuu toharã weeró noho niikã́ weékɨ niîwĩ. Yã'âro niisétise me'ra niîsome maha.

Õꞌacʉ̃ Yere Ucũrĩ Turi

⁶ Õꞌacʉ̃ Jesucristore masõcʉ niwĩ. Cʉ̃rẽ masõꞌcaronojõta marĩ Jesucristo yarãrẽ masãmʉjãaꞌcãrã weronojõ weecʉ niwĩ. Jesucristo ʉꞌmʉsepʉ wiogʉ dujiri cũmurõ dujironojõta marĩrẽ cʉ̃ meꞌrãta tja ʉꞌmʉsepʉ dujiyutojarã weronojõ nicã weecʉ niwĩ. Ñaꞌarõ nisetise meꞌrã nisome majã.

Efesios 2:6 Iomraidhean Croise

Mateus 26:29

Mɨsâre werêgɨti. A'té ɨ'sê dɨka koo vinho ni'kâroakã marî sĩ'rirã́ weeró noho wee nemósome. Be'ró yɨ'ɨ̂ pakɨ yɨ'ɨ̂re wiôgɨ sõróokã, mɨsâ me'ra opâturi ma'má vinho sĩ'ri nemógɨsa' taha, niîwĩ Jesu.

San Lucas 12:37

Da'rá ko'terã naâ wiôgɨ dahaátehere keoró ko'têsama. Kɨ̃ɨ̂ daharí kura keoró boka ehá no'orã noho e'katísama. Diakɨ̃hɨ́ mɨsâre werêgɨti. Naâre tohô boka ehágɨ, wiôgɨ basita ba'asé etiákɨhɨ duhî dutisami. Be'ró naâre eti bɨrósami.

San Juan 12:26

Yɨ'ɨ̂ dutisére weé sĩ'rigɨ, yɨ'ɨ̂re siru tuuáto. Kɨ̃ɨ̂ yɨ'ɨ̂ niiátohopɨre yɨ'ɨ̂ me'ra niîgɨsami. Yɨ'ɨ̂ dutisére wee sirú tuugɨ nohore yɨ'ɨ̂ pakɨ ãyuró weegɨ́sami, niîwĩ Jesu.

San Juan 14:3

Mɨsâ niiátohore apóka be'ro mɨsâre miîgɨ a'tîgɨti. Toopɨ́re mɨsá kẽ'ra niî nu'kukã'rãsa'.

Efesios 1:1

Yɨ'ɨ̂ Paulo Jesu Cristo bese kũú'kɨ niî'. Kɨ̃ɨ̂ yɨ'ɨ̂re Õ'âkɨ̃hɨ ɨá'karo nohota kɨ̃ɨ yeé kitire werê dutigɨ kũûwĩ. Mɨsâ Õ'âkɨ̃hɨ yarãre, Éfesopɨ niirã́re ãyu dutí'. Mɨsâ Jesu Cristore ẽho peó nu'ku'.

Efesios 1:3

Õ'âkɨ̃hɨ, marî wiôgɨ Jesu Cristo pakɨre “Ãyú'” niîrã. Cristo yarã niî yuukã, Õ'âkɨ̃hɨ marîre ãyuró weékɨ niîwĩ. Marîre ma'ígɨ, niî pe'tise ɨ'mɨ̂sepɨ ehêri põ'rakãhase ãyusére o'ôkɨ niîwĩ.

Efesios 2:10

A'tîro niî'. Marî kɨ̃ɨ̂ weé'kãrã niî'. Jesu Cristo yaa kurakãharã niî dutigɨ tohô weékɨ niîwĩ. Dɨporópɨ marî ãyuró weeátehere wãkû yuu tohakɨ niîwĩ. Teeré ãyuró wee dutígɨ marîre Jesu Cristo yarã wa'akã́ weékɨ niîwĩ.

Efesios 2:13

Ni'kâroakã pũrikãre mɨsâ Jesu Cristore ẽho peórã niî'. Tohô weérã too dɨpóropɨ kɨ̃ɨ̂re masîtimi'kãrã kɨ̃ɨ yarã́ wa'âkãrã niîwɨ. Cristo kɨ̃ɨ̂ wẽrisé, kɨ̃ɨ̂ diî a'mâ bɨrose me'ra mɨsâre kɨ̃ɨ yarã́ wa'akã́ weékɨ niîwĩ.

Colosenses 1:18

Jesu Cristo marî dɨpoá kɨ̃ɨ̂re ẽho peórã wiôgɨ niîmi. Kɨ̃ɨ́ta marî kɨ̃ɨ̂re ẽho peórãre katisé o'ogɨ́ niîmi. Marî niî pe'tirã Jesu Cristore ẽho peórã ni'kâ kura, ni'kâ ɨpɨ niî'. Kɨ̃ɨ̂ marî masá ma'mi niîmi. Kɨ̃ɨ̂ wẽrîka be'ro marî niî pe'tirã dɨporo masákɨ niîwĩ. Tohô weégɨ niî pe'tirã bu'ipɨ niîmi.