Efesios 2:12 - Tukano

¹² Tiîtapɨre mɨsâ ẽho peoátoho dɨporo Cristore moókãrã niîwɨ. Mɨsâ Õ'âkɨ̃hɨ yarã Israel kurakãharã me'ra niîtikãrã niîwɨ. Õ'âkɨ̃hɨ Israel kurakãharãre a'tîro niîkɨ niîwĩ: “Naâre ãyuró weegɨ́ti. Naâ wiôgɨ niîgɨti. Yarã́ niîrãsama”, niîkɨ niîwĩ. Mɨsâ pe'ere tohô niîtikɨ niîwĩ. Mɨsâ Õ'âkɨ̃hɨ ɨ̃sâre yɨ'rɨógɨsami niisére masîtikãrã niîwɨ. Õ'âkɨ̃hɨre moókãrã niîwɨ.

Õꞌacʉ̃ Yere Ucũrĩ Turi

¹² Titapʉre mʉsã ẽjõpeose dʉporo Cristore moocãrã niwʉ̃. Mʉsã Õꞌacʉ̃ yarã Israe curuacjãrã meꞌrã niticãrã niwʉ̃. Õꞌacʉ̃ Israe curuacjãrãrẽ aꞌtiro nicʉ niwĩ: “Narẽ añurõ weegʉti. Na wiogʉ nigʉ̃ti. Yarã nirãsama”, nicʉ niwĩ. Mʉsã peꞌere tojo niticʉ niwĩ. Mʉsã Õꞌacʉ̃ ʉ̃sãrẽ yʉꞌrʉogʉsami nisere masĩticãrã niwʉ̃. Õꞌacʉ̃rẽ moocãrã niwʉ̃.

Efesios 2:12 Iomraidhean Croise

San Lucas 1:72

Tohô niikã́ marî yẽkɨ sɨmɨáre “Mɨsâre pahá yã'agɨti. Yɨ'ɨ̂ ‘Tohô weegɨ́ti’ niî'ke ãyusére neê akobohósome”, niîkɨ niîwĩ.

San Juan 10:16

Ãpêrã kẽ'ra Judeu masa niîtimirã, yarã́ niîma. Naá kẽ'ra neêo no'o, yɨ'ɨ̂re ẽho peó siru tuúrãsama. Niî pe'tirã yɨ'ɨ̂re ẽho peórã ni'kâ kura niîrãsama. Yɨ'ɨ̂ ni'kɨtá naâre ko'tegɨ́ niîgɨsa'.

San Juan 15:5

Yɨ'ɨ̂ niî'karo nohota yɨ'ɨ̂ ɨ'sêgɨ weeró noho niî'. Mɨsâ tigɨ dɨpɨ́ri niî'. Yɨ'ɨ̂ me'ra niî nu'kugɨ, yɨ'ɨ́ kẽ'ra kɨ̃ɨ̂pɨre niikã́, kɨ̃ɨ̂ ãyuró wee masísami. Mɨsâ yɨ'ɨ̂ me'ra niî nu'kutirã, neê ãyuró wee masítisa'.

San Juan 4:22

Mɨsâ Samariakãharã mɨsâ ẽho peósere ãyuró tɨ'o masítisa'. Ɨ̃sâ pũrikã ɨ̃sâ ẽho peósere masî'. A'tîro niî'. Masaré yɨ'rɨoákɨhɨ Judeu masɨ niîgɨsami.

Hechos 2:39

Õ'âkɨ̃hɨ too dɨpóropɨ niî'karo nohota mɨsâre, mɨsâ põ'ra niî turiarãre, apêrokãharãpɨre Espírito Santore o'ôo'gɨsami. No'ó niî pe'tirã kɨ̃ɨ̂ beserã́re o'ôo'gɨsami, niî werêkɨ niîwĩ Pedro.

Hechos 28:20

Yɨ'ɨ̂ tohô wee tĩhágɨ, mɨsâ me'ra uúkũgɨti niîgɨ, diakɨ̃hɨ́ masiáto niîgɨ mɨsâre pihîoapɨ. Marî Judeu masa yoakã́ yuû kue'kɨ a'tî tohakɨ niîwĩ. Kɨ̃ɨ̂ Jesu Cristo wamêtimi. Yɨ'ɨ̂ kɨ̃ɨ̂re ẽho peóse bu'iri a'te daári kome daári me'ra dɨ'té no'o'kɨ niî', niîwĩ Paulo.

Hechos 3:25

Too dɨpóropɨ marî yẽkɨ Abraãore Õ'âkɨ̃hɨ a'tîro niîkɨ niîwĩ: “Mɨ'ɨ̂ parami niî turiagɨ me'ra niî pe'tirã a'tí di'takãharãre ãyuró weegɨ́ti.” Abraãore Õ'âkɨ̃hɨ tohô niî'kere ãpêrã Õ'âkɨ̃hɨ yee kiti werê mɨ'tarã marî yẽkɨ sɨmɨáre werê turiakãrã niîwã. Õ'âkɨ̃hɨ kɨ̃ɨ̂ di'akɨ̃ mehereta niîgɨ weepĩ́. Marî naâ paramérã niî turiarã kẽ'rare tohôta niîgɨ weepĩ́.

Romanos 9:8

A'tîro niîro weé'. Niî pe'tirã Abraão yaa kurapɨ bahuá siru tuurã, Õ'âkɨ̃hɨ põ'ra niîtima. Õ'âkɨ̃hɨ kɨ̃ɨ̂ “Ãyusé weegɨ́ti” niî'kere ẽho peórã, Õ'âkɨ̃hɨ põ'ra niîma. Naáta Abraão paramérã waro niîma.

Gálatas 4:8

Mɨsâ too dɨpóropɨre Õ'âkɨ̃hɨre masîtikãrã niîwɨ. Masá naâ yeê'kãrãre ẽho peókãrã niîwɨ. Naâre Õ'âkɨ̃hɨre weeró noho ĩ'yâkãrã niîwɨ. Naâre ẽho peórã, naâ dutisé doka niî wã'yarã weeró noho niîkãrã niîwɨ. Mɨsâ ẽho peó'kãrã Õ'âkɨ̃hɨ meheta niîkãrã niîwã.

Efesios 2:19

Tohô weérã mɨsâ Judeu masa niîtirã Õ'âkɨ̃hɨ ĩ'yóropɨre apé sia'kãharã siharí masa weeró noho nií wee' maha. Õ'âkɨ̃hɨre masîtirã weeró noho nií wee' maha. A'tîro pe'e niî'. Judeu masa Cristore ẽho peórã weeró nohota Õ'âkɨ̃hɨ yaa kurakãharã niî'. Niî pe'tirã Cristore ẽho peórã me'ra ni'kɨ́ põ'ra, Õ'âkɨ̃hɨ põ'ra niî'.

Efesios 4:18

Naâ tɨ'o masítima. Na'î tĩ'aropɨ niirã́ weeró noho niîma. Õ'âkɨ̃hɨ masaré ãyuró weesére masîtima. Õ'âkɨ̃hɨ yeere wãkû sĩ'ritirã, tɨ'o masítirã weeró noho niîma. Tohô weérã Õ'âkɨ̃hɨ tiropɨ katî nu'kusome.

Colosenses 1:21

Mɨsá kẽ'ra neê waro Õ'âkɨ̃hɨre masîtikãrã niîwɨ. Mɨsâ yã'âro weeséti'ke bu'iri Õ'âkɨ̃hɨre ĩ'yâ tu'ti, yã'âro wãkûkãrã niîwɨ.

1 Tesalonicenses 4:13

Apêye taha werêgɨti. Wẽrî'kãrãpɨ de'ró wa'ârãsari niisére mɨsâre werê kasa nɨ'ko sĩ'risa'. A'teré masîrã, Jesuré ẽho peórã naâ wẽrikã́, pũûro bɨhâ wetisome. A'tîro niî'. Jesuré ẽho peórã wẽrîrã, kɨ̃ɨ̂ tiropɨ kɨ̃ɨ̂ me'ra niî nu'kukã'rãsama. Kɨ̃ɨ̂re ẽho peótirã pũrikã kɨ̃ɨ̂ tiropɨ neê wa'âsome. Tohô weérã Jesuré ẽho peóti tĩharã, naâ me'rakãharã, naâ akawerérã wẽrikã́, pũûro bɨhâ wetisama. Mɨsâ pũrikã Jesuré ẽho peó'. Tohô weérã naâ weeró noho bɨhâ wetitikã'ya.

1 Tesalonicenses 4:5

Õ'âkɨ̃hɨre masîtirã numiare yã'âro weé sĩ'rirã, ɨâri pehasama. Mɨsâ naâ weeró noho niîtikã'ya. Mehô wãkû tutuaya.

2 Tesalonicenses 2:16

Jesu Cristo marî wiôgɨ basita, tohô niikã́ marî pakɨ Õ'âkɨ̃hɨ marîre pahá yã'arã, ma'íkãrã niîwã. Naâ marîre wãkû tutuakã weé nu'kusama. Marîre o'oátehere e'katí yuu tohakã weesamá.

1 Timoteo 1:1

Yɨ'ɨ̂ Paulo Jesu Cristo bese kũú'kɨ niî'. Õ'âkɨ̃hɨ marîre yɨ'rɨógɨ niîmi. Kɨ̃ɨ́ta Jesu Cristo yee kitire werê dutigɨ o'ôo'wĩ. Jesu Cristo marî wiôgɨ kẽ'ra yɨ'ɨ̂re o'ôo'wĩ. Kɨ̃ɨ̂reta marî yuû kuerã weé'.

Hebreos 11:34

Masaré bu'îri da'rêrã, asipó ɨ̃hâ wɨaropɨ sõróokã kẽ'rare, neê ɨ̃hɨ̂tikãrã niîwã. Ãpêrã naâre di'pĩhí me'ra wẽhé sĩ'rikã, yɨ'rɨ wetíkã'kãrã niîwã. Tutuâtimi'kãrã, tutuarã́ wa'âkãrã niîwã. Apé di'takãharã me'ra a'mê wẽherã naâre dokâ ke'akã weérã, nemoró tutuâ yɨ'rɨarã wa'âkãrã niîwã. Naâre ĩ'yâ tu'tirãre dokâ ke'akã weékãrã niîwã.

Hebreos 6:18

Tohô weéro teé pɨáro kɨ̃ɨ̂ wamê peose, kɨ̃ɨ̂ “Masaré ãyuró weegɨ́ti” niî'ke neê dɨka yuúta basió wee'. Õ'âkɨ̃hɨ neê niî soo masitimi. Kɨ̃ɨ̂ diakɨ̃hɨ́ uúkũse me'ra marî kɨ̃ɨ̂ yɨ'rɨó no'o'kãrãre wãkû tutuakã weemí. Kɨ̃ɨ̂ marîre “Ãyuró weegɨ́ti” niî'karo nohota weegɨ́sami, niî no'o'.

Hebreos 8:6

A'tóka tero maa maha Jesu sacerdotea wiôgɨ waro Õ'âkɨ̃hɨ tiropɨ marîre sẽri basá nu'kugɨ niîmi. Kɨ̃ɨ̂ weesé ãpêrã sacerdotea yeé nemoró ãyú yɨ'rɨ nɨ'ka'. A'tîro niî'. Õ'âkɨ̃hɨ neê waro masá me'ra apógɨ, “Yɨ'ɨ̂ dutî'kere weérã, yarã́ niîrãsama”, niîkɨ niîwĩ. Be'roré taha masá me'ra apógɨ, “Mɨsâ wiôgɨ niîgɨti. Mɨsâre yarã́ wa'akã́ weegɨ́ti. Mɨsâre akobohógɨti. Yɨ'ɨ̂ me'ra katî nu'kurãsa'”, niîkɨ niîwĩ. Kɨ̃ɨ̂ tohô niî'kere masî no'o'. Kɨ̃ɨ̂ niî mɨ'ta'ke nemoró be'rokãháse pe'e ãyú yɨ'rɨ nɨ'ka'. Teé be'rokãhasere Jesutá keoró wa'akã́ weékɨ niîwĩ. Tohô weéro ãpêrã sacerdotea weesé nemoró ãyú yɨ'rɨ nɨ'ka'.

1 Pedro 1:21

Jesu Cristo wẽrisé me'ra Õ'âkɨ̃hɨre ẽho peó no'o'. Kɨ̃ɨ̂ Jesu Cristore wẽrî'kɨpɨre masókɨ niîwĩ. Masó, ɨ'mɨ̂sepɨ kɨ̃ɨ̂re mii mɨhákɨ niîwĩ. Toopɨ́ kɨ̃ɨ̂re wiôgɨ sõróokɨ niîwĩ. Marîre ẽho peó dutigɨ tohô weékɨ niîwĩ. Tohô niikã́ marî ɨ'mɨ̂sepɨ wa'aátehere e'katíse me'ra yuû kue dutigɨ tohô weékɨ niîwĩ.

1 Pedro 1:3

Õ'âkɨ̃hɨ, marî wiôgɨ Jesu Cristo pakɨre “Ãyú'” niîrã. Kɨ̃ɨ̂ marîre pahá yã'agɨ, kɨ̃ɨ̂ põ'rá sãhakã́ weékɨ niîwĩ. Kɨ̃ɨ̂ makɨ́ Jesu Cristo wẽrî'kɨpɨre masó'ke me'ra marî too dɨpóro yã'âro niiséti'kere akobohókɨ niîwĩ. Teeré weégɨ, marîre opâturi bahuá apo'kãrãre weeró noho weékɨ niîwĩ. Õ'âkɨ̃hɨ kɨ̃ɨ̂ põ'raré “Ãyú butia'sere o'ôgɨti”, niîkɨ niîwĩ. Kɨ̃ɨ̂ o'oátehere marî e'katíse me'ra yuû kuerã weé'. Teeré ɨ'mɨ̂sepɨ kɨo yuú tohasami. Kɨ̃ɨ̂ o'oátehe a'ti nukúkãkãhase weeró noho pe'tí, boâsome. Niî nu'kukã'rosa'.

1 Pedro 3:15

A'tîro pe'e wãkûya. “Jesu Cristo niî pe'tirã bu'ipɨ ɨ̃sâ wiôgɨ niîmi”, niî ẽho peóya. No'ó mɨsâre ãpêrã “De'ró weérã Jesu Cristore ẽho peóti?” niî boosama. Naâ tohô niikã́, mɨsâ yɨ'tiátehere wãkû yuu tohaya. Naâre ãyuró yɨ'tí me'rikã'ya. Pũrîro yɨ'titíkã'ya.

1 João 3:3

Jesu Cristore neê yã'asé marí'. Marí kẽ'ra kɨ̃ɨ̂ weeró noho ãyurã́ wa'ârãsa' niiátehere wãkû'. Tohô weérã marî yã'âro weeséti'kere dɨka yuú wã'karã weé'.