Efesios 2:10 - Tukano

¹⁰ A'tîro niî'. Marî kɨ̃ɨ̂ weé'kãrã niî'. Jesu Cristo yaa kurakãharã niî dutigɨ tohô weékɨ niîwĩ. Dɨporópɨ marî ãyuró weeátehere wãkû yuu tohakɨ niîwĩ. Teeré ãyuró wee dutígɨ marîre Jesu Cristo yarã wa'akã́ weékɨ niîwĩ.

Õꞌacʉ̃ Yere Ucũrĩ Turi

¹⁰ Aꞌtiro niꞌi. Marĩ cʉ̃ weeꞌcãrã niꞌi. Jesucristo ya curuacjãrã nidutigʉ tojo weecʉ niwĩ. Dʉporopʉ marĩ añurõ weeatjere wãcũyutojacʉ niwĩ. Tere añurõ weedutigʉ marĩrẽ Jesucristo yarã waꞌacã weecʉ niwĩ.

Efesios 2:10 Iomraidhean Croise

Mateus 5:16

A'té weeró noho bahû yoaropɨ yɨ'ɨ̂ ɨaró noho ãyuró weesétiya. Mɨsâ ãyuró weekã́ ĩ'yârã, ãpêrã kẽ'ra marî pakɨ ɨ'mɨ̂sepɨ niigɨ́re “Ãyú yɨ'rɨgɨ niîmi”, niî e'katírãsama.

San Juan 3:21

Ãyuró weerã́ pe'e kɨ̃ɨ̂ pɨ'to siru tuúma. Naâ tohô weekã́, niî pe'tise naâ weesére “Õ'âkɨ̃hɨ ɨaró noho weemá”, bahû yoaropɨ niî masî no'o'.

Hechos 9:31

Niî pe'tirã Jesuré ẽho peórã naâre yã'âro weé du'ukã ĩ'yârã, ãyuró ehêri põ'ratikãrã niîwã. Tohô weérã siâpe me'ra niî pe'tiro Judéia, Galiléia, Samariakãharã nemoró wãkû tutua nemokãrã niîwã. Õ'âkɨ̃hɨ kɨ̃ɨ̂ dutisére ãyuró weé nu'kukã'kãrã niîwã. Espírito Santo wee tamúro me'ra pãharã́ ãpêrã Jesuré ẽho peótimi'kãrã ẽho peó nemokãrã niîwã.

Hechos 9:36

Ape maká Jope wamêtiri makapɨ ni'kó numiô Jesuré ẽho peógo Tabita wamêtigo niîko niîwõ. Grego yee me'ra pe'e maa Dorca wamêtiko niîwõ. Dorca niîro, “Yamâ” niî sĩ'riro weésa'. Koô ãyuró weé nu'kukã'ko niîwõ. Pahasé kɨorãre ãyuró wee tamúko niîwõ.

Romanos 8:1

Jesu Cristo marîre yã'âro niiséti'kere yɨ'rɨ wetíkã weékɨ niîwĩ. Tohô weérã ni'kâroakãre marî Jesu Cristo yarã bu'îri da'rê no'osome maha. Espírito Santo marîre Õ'âkɨ̃hɨ me'ra ãyuró niikã́ weemí. Ni'kâroakãre Espírito Santo dutisére weérã, yã'âro weé wee'. Tohô weérã pekâ me'epɨ wa'âsome.

Romanos 8:29

Õ'âkɨ̃hɨ neê waropɨre ĩ'yâ bese nɨ'ko tohagɨpɨ “Ã'rá yɨ'ɨ̂ põ'ra niîrãsama”, niîkɨ niîwĩ. Kɨ̃ɨ̂ makɨ́ weeró noho niisétiato niîgɨ tohô weékɨ niîwĩ. Tohô niikã́ kɨ̃ɨ̂ makɨré “Niî pe'tirã kɨ̃ɨ̂re ẽho peórã masá ma'mi niiáto”, niîkɨ niîwĩ.

1 Corintios 3:9

Ɨ̃sâ Õ'âkɨ̃hɨ yarã niî'. Kɨ̃ɨ̂re ni'kâro noho da'rá ko'te'. Mɨsâ kɨ̃ɨ̂ da'rarí di'ta weeró noho niî'. Tohô niikã́ wi'í kɨ̃ɨ̂ yeê nɨ'kari wi'i weeró noho niî'.

2 Corintios 5:17

Marî Cristo yarã wa'ârã, apé su'tiro sãhárã weé'. Ãyusé di'akɨ̃ dɨka yuú'. Too dɨpóropɨ no'ó ɨaró weeséti'kere wee nemó wee' maha.

2 Corintios 5:5

Õ'âkɨ̃hɨta marîre a'teré apo yuúkɨ niîwĩ. Kɨ̃ɨ̂ marîre weeátehere masî mɨ'ta dutigɨ Espírito Santore o'ôo' yuu mɨ'takɨ niîwĩ.

2 Corintios 9:8

Õ'âkɨ̃hɨ niî pe'tise ãyusé mɨsâre o'ô yɨ'rɨo o'ô masimi. Kɨ̃ɨ̂ tohô weekã́, mɨsâre dɨ'sasé nohore kɨó pe'orãsa'. Tohô niikã́ no'ó niisé ãpêrãre wee tamú nu'kurãsa'.

Gálatas 6:15

Õ'âkɨ̃hɨ ĩ'yóropɨre õ'rekɨhɨ́ yapa kaserore yehê kõ'a no'ose, yehê kõ'a no'otise wapa marí'. Marî Jesu Cristore ẽho peóse, tohô niikã́ marî yã'âro weeséti'kere dɨka yuúse pũrikã wapatí'.

Efesios 1:1

Yɨ'ɨ̂ Paulo Jesu Cristo bese kũú'kɨ niî'. Kɨ̃ɨ̂ yɨ'ɨ̂re Õ'âkɨ̃hɨ ɨá'karo nohota kɨ̃ɨ yeé kitire werê dutigɨ kũûwĩ. Mɨsâ Õ'âkɨ̃hɨ yarãre, Éfesopɨ niirã́re ãyu dutí'. Mɨsâ Jesu Cristore ẽho peó nu'ku'.

Efesios 1:4

A'ti nukúkã weeátoho dɨporo kɨ̃ɨ̂ marîre bese yuú tohakɨ niîwĩ. Cristore ẽho peórã kɨ̃ɨ yarã́ sãharã́sama niî wãkûgɨ, tohô besékɨ niîwĩ. Marîre kɨ̃ɨ̂ ĩ'yóropɨre ãyurã́, bu'îri moorã́ niiáto niîgɨ tohô weékɨ niîwĩ.

Efesios 2:13

Ni'kâroakã pũrikãre mɨsâ Jesu Cristore ẽho peórã niî'. Tohô weérã too dɨpóropɨ kɨ̃ɨ̂re masîtimi'kãrã kɨ̃ɨ yarã́ wa'âkãrã niîwɨ. Cristo kɨ̃ɨ̂ wẽrisé, kɨ̃ɨ̂ diî a'mâ bɨrose me'ra mɨsâre kɨ̃ɨ yarã́ wa'akã́ weékɨ niîwĩ.

Efesios 2:15

Kɨ̃ɨ̂ wẽrisé me'ra Moisé dutî'kere weérã, neê ni'kɨ́ yɨ'rɨ wetí masitimi niisére masikã́ weékɨ niîwĩ. Tohô weégɨ Cristo pɨá kura niîmi'kãrãre kɨ̃ɨ̂re ẽho peókã ĩ'yâgɨ, ni'kâ kurata weékɨ niîwĩ. Tohô weesé me'ra marîre ãyuró ni'kâro me'ra niisétikã weékɨ niîwĩ.

Efesios 2:2

Ãpêrã a'ti nukúkãkãharã weeró noho yã'âro weé nu'kukãrã niîwɨ. Wãtiâ wiôgɨ ɨaró noho weékãrã niîwɨ. Kɨ̃ɨ̂ a'ti nukúkãkãharã Õ'âkɨ̃hɨre yɨ'rɨ́ nɨ'karãre dutigɨ́ niîmi.

Efesios 2:6

Õ'âkɨ̃hɨ Jesu Cristore masókɨ niîwĩ. Kɨ̃ɨ̂re masó'karo nohota marî Jesu Cristo yarãre masa mɨháa'kãrã weeró noho weékɨ niîwĩ. Jesu Cristo ɨ'mɨ̂sepɨ wiôgɨ duhirí kumuro duhîro nohota marîre kɨ̃ɨ̂ me'rata taha ɨ'mɨ̂sepɨ duhî yuu toharã weeró noho niikã́ weékɨ niîwĩ. Yã'âro niisétise me'ra niîsome maha.

Efesios 4:1

Yɨ'ɨ̂ marî wiôgɨ yee kitire weresé wapa, bu'îri da'rerí wi'ipɨ niî'. Õ'âkɨ̃hɨ kɨ̃ɨ̂ tutuaró me'ra marîre ãyuró weékɨ niîwĩ. Teeré wãkûgɨ, mɨsâre a'tîro weekã́ ɨá'. Mɨsâ Õ'âkɨ̃hɨ besé'kãrã weeró nohota ãyuró weesétiya.

Efesios 4:24

Õ'âkɨ̃hɨ kɨ̃ɨ̂ weeró noho niisétiato niîgɨ, mɨsâre ma'má weesétisere o'ôkɨ niîwĩ. Tohô weérã kɨ̃ɨ̂ ɨaró nohota teé ma'maré weeyá.

Filipenses 1:6

Õ'âkɨ̃hɨ mɨsâre ãyuró weesére yɨ'ɨ̂ masî yɨ'rɨkahá pu'tikã'. Õ'âkɨ̃hɨ mɨsâre ãyuró dɨka yuú nɨ'kakɨ niîwĩ. A'tóka tero kẽ'rare dɨka yuúgɨ weemí. Teê Jesu Cristo a'tirí kurapɨ tohô dɨka yuú yapatígɨsami.

Filipenses 2:13

A'tîro niî'. Mɨsâre Õ'âkɨ̃hɨ ãyuró weé sĩ'rikã weesamí. Kɨ̃ɨ̂ ɨaró noho mɨsâre ãyuró tu'â eha nɨ'kokã weesamí.

Colosenses 1:10

Mɨ'ɨ yarã́ weeró nohota weesétirãsama”, niî sẽri basá'. Õ'âkɨ̃hɨ mɨsâ tohô weekã́ ĩ'yâgɨ, e'katígɨsami. Mɨsâ kɨ̃ɨ̂ ɨá'karo nohota ãyuró weerã́sa'. Kɨ̃ɨ̂re masî nemorãsa'.

Colosenses 3:10

A'tóka terore mɨsâ apêye wãkusé kɨó'. Õ'âkɨ̃hɨ mɨsâre weé'kɨ kɨ̃ɨ̂ weeró noho niisétiato niîgɨ mɨsâre dɨka yuú nu'kugɨ weemí. Nemoró kɨ̃ɨ̂re masiáto niîgɨ tohô weemí.

2 Tesalonicenses 2:17

Mɨsâre wãkû tutuakã, ẽho peó nu'kukã weeáto. Niî pe'tise mɨsâ uúkũsere, mɨsâ weesére ãyuró niisétikã weeáto.

1 Timoteo 2:10

A'tîro pe'e weeáto. Ãyuró bahú sĩ'rirã, Õ'âkɨ̃hɨre ẽho peórã numia wee wɨáse nohore weeáto. Bahû yoaropɨre ãyuró weesé me'ra “Ãyurã́ niîma”, niî no'oato. Ãpêrãre wee tamú, ãyuró weeáto.

1 Timoteo 5:10

“Koô ãyuró weemó” niî no'ogo nohore ohâya. Koô põ'raré ãyuró masó'ko nohore masá koo yaá wi'ipɨ ehakã́ ãyuró yẽ'egó nohore ohâya. Tohô niikã́ mehô niisére da'ragó ãpêrã Jesu Cristore ẽho peórãre wee tamúgo nohore ohâ õ'oya. Pi'etírãre wee tamúgo nohore ohâya. No'ó ãyusé apêye noho weegóre ohâya.

1 Timoteo 5:25

Meharóta taha ãyuró weesé kẽ'ra maatá masî no'o'. Apêye pe'e ãyuró weesé maatá bahutíse be'ropɨ́ bahuárosa'.

1 Timoteo 6:18

Pehé kɨorã́re ãyusére wee dutíya. Ãpêrãre ãyuró weeáto. Naâ kɨosére o'oáto.

2 Timoteo 2:21

Marî a'té weeró noho yã'asére weetírã, bosê nɨmɨ niikã́ ãyusé paari peosé weeró noho niîrãsa'. Marî wiôgɨ yarã waro niîrãsa'. Kɨ̃ɨ̂ niî pe'tise ãyuró wee dutísere keoró weerã́sa'.

2 Timoteo 3:17

Õ'âkɨ̃hɨ kɨ̃ɨ yarã́re niî pe'tise ãyuró weesére wee masiáto niîgɨ kɨ̃ɨ yeékãhasere ohâ dutikɨ niîwĩ.

Tito 2:14

Jesu Cristo marî yã'âro weesére yɨ'rɨ wetíkã weégɨ, wẽrî basakɨ niîwĩ. Kɨ̃ɨ̂ marîre kɨ̃ɨ yarã́ sãha dutígɨ, yã'asé moorã́ niiáto niîgɨ tohô weékɨ niîwĩ. Marîre e'katíse me'ra ãyuró weesétikã ɨasamí. Tohô weégɨ wẽrî basakɨ niîwĩ.

Tito 2:7

Mɨ'ɨ̂ basita niî pe'tise mɨ'ɨ̂ weesé me'ra niî pe'tirãre ãyusére weé ĩ'yoya. Naâre bu'êgɨ, niî pe'tisere niî sooro mariró wio pesáse me'ra bu'êya.

Tito 3:1

Tookãhárã Cretakãharãre a'tîro wee dutíya. “Wiôrã dutisére yɨ'tiáto. Niî pe'tise ãyuró weesé nohore weeáto.

Tito 3:14

Marî me'rakãharã Jesu Cristore ẽho peórã kẽ'ra ãyusé di'akɨ̃ weeáto. Ãpêrãre apêye noho mookã́ ĩ'yârã, wee tamuáto. Tohô weérã naâ katirí ɨmɨ̂kohore mehô waro niîsome.

Tito 3:8

Teé yɨ'ɨ̂ uúkũ'ke diakɨ̃hɨ́ warota niî'. Mɨ'ɨ̂ teeré naâre bu'ê nu'kukã, ɨpɨ́tɨ ɨa sãá'. Mɨ'ɨ̂ tohô weekã́, Õ'âkɨ̃hɨre ẽho peórã ãyusé di'akɨ̃re weerã́sama. Tohô weesé ãyusé niî'. Niî pe'tirãre ãyuró wa'akã́ weesé niî'.

Hebreos 10:24

Marî basi a'tîro wãkuró ɨá'. “Ã'raré, ãpêrãre wee tamú turia dutigɨ, de'ró weegɨ́sari?” niî wãkuró ɨá'. “Naâre a'mêri ma'i dutígɨ, ãyuró wee dutí sĩ'rigɨ tohô ɨa sãá'”, niiró ɨá'.

Hebreos 13:21

Õ'âkɨ̃hɨ mɨsâre keoró niisétikã weeáto. Niî pe'tisere ãyuró weesétikã weeáto. Tohô weekã́, kɨ̃ɨ̂ ɨaró wee masírãsa'. Jesu Cristo kɨ̃ɨ̂ tutuaró me'ra mɨsâre tohô weegɨ́sami. Cristore e'katí peo nu'kurã. Tohôta weerã́.

1 Pedro 2:12

Mɨsâ Jesu Cristore ẽho peótirã wa'teropɨ niísa'. Kɨ̃ɨ̂re ẽho peóse bu'iri mɨsâre “Yã'arã́ niîma”, niî uukahásama. Mɨsâ naâ wa'teropɨre ãyuró niisétiya. Tohô weekã́, naâ tohô uukahámirã, mɨsâ ãyuró weesétisere ĩ'yârãsama. Teeré ĩ'yârã, siâpe me'ra pãharã́ Jesu Cristore ẽho peórãsama. Tohô weérã kɨ̃ɨ̂ opâturi a'tikã́, mɨsâ weeró nohota naá kẽ'ra Õ'âkɨ̃hɨre “Mɨ'ɨ̂ ãyugɨ́, tutuagɨ́ niî'”, niî ẽho peórãsama.

1 João 1:7

Õ'âkɨ̃hɨ ãyuró weemí. Marî Õ'âkɨ̃hɨ weeró noho ãyuró weérã pũrikã, ãpêrã me'ra ãyuró niiséti masi'. Kɨ̃ɨ̂ makɨ́ Jesu Cristo wẽrisé me'ra niî pe'tise marî yã'âro niisétisere dɨka yuú nu'kumi.

1 João 2:6

Marî Õ'âkɨ̃hɨ me'ra niî' niîrã, Jesu Cristo weeséti'karo nohota wee sirú tuuro ɨá'.