Efesios 1:9 - Tukano

⁹ Marîre kɨ̃ɨ̂ weé sĩ'ri'ke, too dɨpóro masî no'oya marí'kere masikã́ weékɨ niîwĩ. Kɨ̃ɨ̂ Jesu Cristo wẽrisé me'ra kɨ̃ɨ yarã́re “Ãyuró weé tu'a eha nɨ'kogɨti” niî'kere masikã́ weékɨ niîwĩ.

Õꞌacʉ̃ Yere Ucũrĩ Turi

⁹ Marĩrẽ cʉ̃ weesĩꞌrĩꞌque, todʉporo masĩnoꞌña marĩꞌquere masĩcã weecʉ niwĩ. Cʉ̃ Jesucristo wẽrĩse meꞌrã cʉ̃ yarãrẽ “Añurõ weetuꞌajanʉꞌcõgʉ̃ti” níꞌquere masĩcã weecʉ niwĩ.

Efesios 1:9 Iomraidhean Croise

Mateus 13:11

Jesu ɨ̃sâre yɨ'tiwĩ́: —Õ'âkɨ̃hɨ mɨsâre a'tîro weemí. Mɨsâre ãpêrã too dɨpóropɨ masîya marimí'kere kɨ̃ɨ̂ wiôgɨ niisére masikã́ weemí. Ãpêrã yɨ'ɨ̂re ẽho peótirã pe'ere masîtikã weemí.

San Lucas 12:32

Mɨsâ yɨ'ɨ̂ bu'erã́, yarã́ ovelha weeró noho niî'. Mɨsâ pehêterãkã niîmirã, uîtikã'ya. Marî pakɨ kɨ̃ɨ̂ wiôgɨ niirópɨ mɨsâ wa'akã́ ɨasamí.

San Lucas 2:14

Õ'âkɨ̃hɨ ɨ'mɨ̂sekɨ̃hɨre e'katí peorã. Niî pe'tirã kɨ̃ɨ̂re “Ãyú butia'mi”, niî basâ peoato. A'tí di'ta pe'ere kɨ̃ɨ̂ ãyuró weé no'o'kãrã ehêri põ'rapɨ ãyuró tɨ'ó yã'ato, niîkãrã niîwã.

Hechos 13:48

Naâ tohô niikã́ tɨ'órã, “Õ'âkɨ̃hɨ yee kiti ãyú butia'” niîrã, tií wi'i niirã́ Judeu masa niîtirã ɨpɨ́tɨ e'katíkãrã niîwã. Toopɨ́ niî'kãrã Õ'âkɨ̃hɨ “Yɨ'ɨ̂re a'tikérã ẽho peórãsama”, niî no'o'kãrã nɨkɨta Jesuré ẽho peókãrã niîwã.

Hechos 4:28

Tohô weérã wẽhékã'wã kɨ̃ɨ̂re. Dɨporópɨ mɨ'ɨ̂ makɨre wẽheátehere masî tohakɨ niîwɨ. “Tohô wa'ârosa'”, niîkɨ niîwɨ. Mɨ'ɨ̂ masî'kere yuhûpɨta ni'kâroakã weérã weemá.

Romanos 11:25

Akawerérã, too dɨpóropɨ masî no'oya marí'kere masikã́ ɨá'. Ɨ̃sâ Judeu masa yɨ'rɨóro masî yɨ'rɨ nɨ'ka' niîri niîgɨ, tohô niîgɨti. Pãharã́ Judeu masa Jesu Cristore ẽho peóti ni'ima yuhûpɨ. Naâ o'mê peeri tɨ'otírã weeró noho niîma. Õ'âkɨ̃hɨ “Judeu masa niîtirã tiikérã ẽho peórãsama” niî'karo nohota naâ ẽho peóka be'ropɨ Judeu masa ẽho peórãsama.

Romanos 8:28

Õ'âkɨ̃hɨ marîre kɨ̃ɨ̂ ɨaró weeáto niîgɨ besékɨ niîwĩ. Tohô weérã marî a'tîro masî'. Marî kɨ̃ɨ̂re ma'irã́re wee tamú nu'kukã'sami. kɨ̃ɨ̂ weeró noho wa'akã́ ɨágɨ niî pe'tise marîre wa'asére ãyuró yapatíkã weesamí.

1 Corintios 1:21

Õ'âkɨ̃hɨ niî pe'tisere masîmi. Tohô weégɨ kɨ̃ɨ̂ a'ti nukúkãkãharãre naâ tɨ'o masíse me'ra kɨ̃ɨ̂re masikã́ weetíkɨ niîwĩ. A'tîro pe'e ɨákɨ niîwĩ. Naâ Jesu Cristo yee kitire tɨ'órã, naâ ẽho peókã, “Naâre yɨ'rɨógɨti”, niîkɨ niîwĩ. Kɨ̃ɨ̂re ẽho peótirã pe'e tee kitíre tɨ'órã, “Tohô niî ma'akã'ro weé'”, niî wãkûkãrã niîwã.

Gálatas 1:12

Yɨ'ɨ̂re teeré neê ni'kɨ́ masɨ́ bu'êtiwĩ. Jesu Cristo kɨ̃ɨ̂ basi teé bu'esére masikã́ weewĩ́.

Gálatas 1:15

Yɨ'ɨ̂ Jesu Cristore ẽho peórãre yã'âro weewɨ́. Tohô weemíkã, yɨ'ɨ̂ bahuaátoho dɨporopɨ Õ'âkɨ̃hɨ bese yuú tohakɨ niîwĩ. Ɨpɨ́tɨ ma'ígɨ, kɨ̃ɨ̂ makɨ́ niî dutigɨ besékɨ niîwĩ.

Gálatas 1:16

Kɨ̃ɨ̂ “Besegɨ́ti” niî'karo nohota keoró ni'kâ nɨmɨ kɨ̃ɨ̂ makɨré yɨ'ɨ̂re ĩ'yowĩ́. Ĩ'yó, yɨ'ɨ̂re Judeu masa niîtirãre Jesu Cristo yee kitire werê dutiwĩ. Kɨ̃ɨ̂ tohô ĩ'yokã́, ãpêrãre “Yɨ'ɨ̂ de'ró weegɨ́sari?” niî sẽrí yã'a nemotiwɨ.

Efesios 1:11

Õ'âkɨ̃hɨ marîre Jesu Cristo me'ra ni'kâro me'ra niî dutigɨ dɨporópɨ bese yuúkɨ niîwĩ. Marîre kɨ̃ɨ̂ “O'ôgɨti” niî'kere yẽ'ê dutigɨ tohô weékɨ niîwĩ. A'té niî pe'tise kɨ̃ɨ̂ “Weegɨ́ti” niisé kɨ̃ɨ̂ wãkû yuu'kepɨ niî'. Kɨ̃ɨ̂ niî pe'tise ãyú tɨ'sa' niisére weesamí.

Efesios 3:11

Neê waropɨ Õ'âkɨ̃hɨ “Tohôta pehe kurárikãharãre ni'kâ kura wa'akã́ weé yapatígɨti”, niîkɨ niîwĩ. Kɨ̃ɨ̂ niî'karo nohota Jesu Cristo marî wiôgɨ me'ra keoró wa'akã́ weékɨ niîwĩ.

1 Timoteo 3:16

Diakɨ̃hɨ́ta niî'. Marî ẽho peóse too dɨpóro masá masîti'ke niî'. Mehô niisé nií wee'. Ãyusé waro niî'. A'tîro niî': Õ'âkɨ̃hɨ makɨ masɨ́ weeró noho ɨpɨtígɨ a'ti nukúkãpɨre bahuákɨ niîwĩ. Espírito Santo kɨ̃ɨ̂re “Ãyugɨ́ waro niîmi”, niî werê bahurẽ'kɨ niîwĩ. Õ'âkɨ̃hɨre werê ko'terã ɨ'mɨ̂sepɨ niirã́ kɨ̃ɨ̂re ĩ'yâkãrã niîwã. Kɨ̃ɨ yeé kiti a'ti nukúkãpɨre werê se'sa no'o'. A'ti nukúkãpɨre masá kɨ̃ɨ̂re ẽho peóma. Be'ró Õ'âkɨ̃hɨ ɨ'mɨ̂sepɨ kɨ̃ɨ̂re miáakɨ niîwĩ.

2 Timoteo 1:9

Õ'âkɨ̃hɨ marîre pekâ me'epɨ wa'â boo'kãrãre yɨ'rɨ wetíkã weewĩ́. Kɨ̃ɨ̂ ãyuró weekã́ ɨágɨ, kɨ̃ɨ̂ ɨaró wee dutígɨ marîre besékɨ niîwĩ. Marî ãyusé weesétisere ĩ'yâgɨ meheta besékɨ niîwĩ. Kɨ̃ɨ̂ pe'e marîre ãyuró weé sĩ'rigɨ besékɨ niîwĩ. A'tîro niî'. Õ'âkɨ̃hɨ marîre ma'ígɨ, Jesu Cristo marîre yɨ'rɨoátehere wãkûkɨ niîwĩ. Teeré a'ti nukúkã weeátoho dɨporo wãkû tohakɨ niîwĩ.