Efesios 1:7 - Tukano

^7-8 Õ'âkɨ̃hɨ marîre ɨpɨ́tɨ ma'ígɨ, kɨ̃ɨ̂ makɨré o'ôkɨ niîwĩ. Kɨ̃ɨ̂ kurúsapɨ wẽrisé me'ra, kɨ̃ɨ yeé diî a'mâ bɨrose me'ra marî yã'âro weé'ke wapare wapa yeékɨ niîwĩ. Teé me'ra Õ'âkɨ̃hɨ marî yã'âro weé'kere akobohókɨ niîwĩ. Marîre ãyuró weégɨ, tohô weékɨ niîwĩ. Kɨ̃ɨ̂ marîre ãyuró weesére masiáto niîgɨ masisére, tɨ'o masísere marîre o'ô yɨ'rɨ mahakɨ niîwĩ.

Õꞌacʉ̃ Yere Ucũrĩ Turi

^7-8 Õꞌacʉ̃ marĩrẽ ʉpʉtʉ maꞌígʉ̃, cʉ̃ macʉ̃rẽ oꞌocʉ niwĩ. Cʉ̃ curusapʉ wẽrĩse meꞌrã, cʉ̃ ye dí oꞌmabʉrose meꞌrã marĩ ñaꞌarõ weeꞌque wapare wapayecʉ niwĩ. Te meꞌrã Õꞌacʉ̃ marĩ ñaꞌarõ weeꞌquere acobojocʉ niwĩ. Marĩrẽ añurõ wéégʉ, tojo weecʉ niwĩ. Cʉ̃ marĩrẽ añurõ weesere masĩato nígʉ̃ masĩsere, tʉꞌomasĩsere marĩrẽ oꞌoyʉꞌrʉmajãcʉ niwĩ.

Efesios 1:7 Iomraidhean Croise

Mateus 20:28

Yɨ'ɨ̂ Õ'âkɨ̃hɨ makɨ weeró noho weeyá. Yɨ'ɨ̂re ãpêrã wee tamuáto niîgɨ meheta a'tîwɨ. Yɨ'ɨ̂ pe'e naâre wee tamúgɨ a'tîwɨ. Tohô niikã́ yã'âro weé'ke wapare pãharã́re wẽrî basa, wapa yeé wĩrogɨ a'tîwɨ, niîwĩ.

Mateus 26:28

A'té yeé diî niî'. Masá yã'âro weé'kere wẽrî wapa yeé basagɨsa'. Õ'âkɨ̃hɨ masaré apêye ma'má “A'tîro weegɨ́ti” niî'kere kũûgɨsami. Tohô weégɨ yɨ'ɨ̂ wẽrîgɨ diî a'mâ bɨrose me'ra pãharã́ masá yã'âro weé'kere akobohógɨsami.

Mateus 6:12

Ɨ̃sâ yã'âro weé'kere akobohóya. Ɨ̃sâ ãpêrãre akobohó'karo weeró nohota ɨ̃sá kẽ'rare akobohóya.

Marcos 14:24

Naâre tĩâgɨ, niîkɨ niîwĩ: —A'té yeé diî niî'. Masá yã'âro weé'kere wẽrî wapa yeé basagɨsa'. Õ'âkɨ̃hɨ masaré apêye ma'má “A'tîro weegɨ́ti” niî'kere kũûgɨsami. Yɨ'ɨ̂ wẽrîgɨ, diî a'mâ bɨrose me'ra pãharã́ ãyuró weé no'orãsama.

San Lucas 1:77

Mɨ'ɨ̂ Õ'âkɨ̃hɨ yarãre a'tîro niîgɨsa': “Mɨsâ yã'âro weé'kere akobohóse sẽrikã́, mɨsâre akobohógɨsami. A'tîro weégɨ, mɨsâ pekâ me'epɨ wa'â boo'kãrãre yɨ'rɨógɨsami”, niîgɨsa'.

San Lucas 24:47

Kɨ̃ɨ yeé kiti masaré wẽrî basasere niî pe'tirokãharãre werê no'orosa'. Jerusalẽ́pɨ me'ra werê dɨ'pokãti no'orosa'. A'tîro niîrãsama: ‘Mɨsâ yã'âro weé'kere bɨhâ weti dɨka yuúkã, Õ'âkɨ̃hɨ akobohógɨsami’”, niî ohâ no'okaro niîwɨ.

San Juan 20:23

Mɨsâ ãpêrã naâ yã'âro weé'kere akobohókã, naâ bu'îri marirã́ toharã́sama. Mɨsâ naâre akobohótikã, naâ akobohó no'otirãsama, niîwĩ Jesu.

Hechos 10:43

Niî pe'tirã dɨporókãharãpɨ Õ'âkɨ̃hɨ yee kiti werê mɨ'tarã Jesu yeére a'tîro niî ohâ mɨ'takãrã niîwã: “Kɨ̃ɨ̂re ẽho peórãre niî pe'tirã naâ yã'âro weé'kere akobohóse sẽrikã́, naâre akobohógɨsami kɨ̃ɨ̂ tutuaró me'ra”, niîkãrã niîwã, niîkɨ niîwĩ Pedro Cornélio yaá wi'ipɨ nerê'kãrãre.

Hechos 2:38

Naâ tohô niikã́, Pedro naâre yɨ'tíkɨ niîwĩ: —Bɨhâ weti dɨka yuúya mɨsâ yã'âro weeséti'kere. Jesu Cristore ẽho peó, wamê yee no'oya. Mɨsâ tohô weéka be'ro Õ'âkɨ̃hɨ akobohógɨsami yã'âro weeséti'kere. Tohô niikã́ Espírito Santore o'ôo'gɨsami. Mɨsâ me'ra niî nu'kukɨ̃'sami.

Hechos 20:28

Mɨsâ basi pe'e ko'têya. Éfesopɨ toháarã, ãpêrã Espírito Santo mɨsâre ko'tê duti no'o'kãrã kẽ'rare ko'têya. Õ'âkɨ̃hɨ makɨ wẽrisé me'ra naá kẽ'ra marî weeró nohota kɨ̃ɨ̂ põ'rá niîma. Tohô weérã naâre ovelha ko'terã́ naa yarã́ ovelhare ãyuró ko'terã́ weeró nohota ãyuró ko'têya.

Hechos 3:19

Mɨsâ yã'âro weeséti'kere bɨhâ wetiya. Bɨhâ weti dɨka yuúya. Õ'âkɨ̃hɨ ɨaró noho weeyá. Tohô weekã́, Õ'âkɨ̃hɨ mɨsâ yã'âro weé'kere akobohógɨsami. Akobohó, mɨsâre ãyuró ehêri põ'ratikã weegɨ́sami.

Romanos 2:4

Yã'âro weemíkã, Õ'âkɨ̃hɨ mɨsâre pahá yã'agɨ, maatá bu'îri da'rêtisami. Tohô weérã mɨsâ “Ɨ̃sâre bu'îri da'rêsome”, niîmisa'. Tohô nií wee'. Mɨsâ yã'âro weesére bɨhâ weti dɨka yuuáto niîgɨ mɨsâre pahá yã'asami.

Romanos 3:24

Tohô niîmikã, Õ'âkɨ̃hɨ marîre ma'ígɨ, kɨ̃ɨ̂ makɨré o'ôo'kɨ niîwĩ. Marî yã'âro weé'kere wẽrî wapa yeé dutigɨ tohô weékɨ niîwĩ. Tohô weéro marî wapa yeétimikã, a'tîro niî'. Jesu Cristore ẽho peóse me'ra Õ'âkɨ̃hɨ marîre “Bu'îri marirã́, ãyurã́ niîma”, niî ĩ'yâsami.

Romanos 3:25

Kɨ̃ɨ̂ makɨ́ Jesu Cristore marî yã'âro weé'kere wẽrî wapa yeékã weékɨ niîwĩ. Kɨ̃ɨ̂ wẽrîgɨ diî a'mâ bɨro'ke me'ra marî kɨ̃ɨ̂re ẽho peókã, akobohósami. Teeré weégɨ, Õ'âkɨ̃hɨ keoró kɨ̃ɨ̂ weesére ĩ'yosamí. Dɨporókãharãpɨre naâ yã'âro weekã́, Õ'âkɨ̃hɨ pahá yã'agɨ, bu'îri da'rêtikɨ niîwĩ. Tohô tɨ'ó yã'akã'kɨ niîwĩ.

Romanos 9:23

Marîre, kɨ̃ɨ̂ pahá yã'arã pe'ere kɨ̃ɨ̂ ãyú butia'ro niisétisere, kɨ̃ɨ̂ tutuasére masikã́ ɨákɨ niîwĩ. Dɨporópɨ marîre kɨ̃ɨ̂ weeró noho ãyurã́ niiáto niîgɨ, tohô niikã́ kɨ̃ɨ̂ tutuasére kɨoáto niîgɨ bese yuúkɨ niîwĩ.

1 Corintios 1:30

Mɨsâre Õ'âkɨ̃hɨ basita Jesu Cristo yarã sãhakã́ weékɨ niîwĩ. Tohô niikã́ Cristo me'rata marî masisé kɨó'. Kɨ̃ɨ̂ me'rata taha Õ'âkɨ̃hɨ marîre “Naâ ãyurã́, yɨ'rɨó no'o'kãrãpɨ niîma”, niî ĩ'yâsami. Marî kɨ̃ɨ yarã́ niî'. Tohô weégɨ marî pekâ me'epɨ wa'â boo'kãrãre yɨ'rɨ wetíkã weékɨ niîwĩ.

2 Corintios 8:9

A'tîro niî'. Mɨsâ masísa', marî wiôgɨ Jesu Cristo marîre ãyuró weékɨ niîwĩ. Kɨ̃ɨ̂ pehé kɨogɨ́ niîmigɨ, mari yeé niiátehere pahá yã'agɨ a'tí di'tapɨ a'tîgɨ, pahasé kɨogɨ weeró noho wa'âkɨ niîwĩ. Marîre ãyuró weé sĩ'rigɨ, tohô weékɨ niîwĩ.

Efesios 1:14

Õ'âkɨ̃hɨ Espírito Santore marîre o'ô tohakɨ niîwĩ. Tohô weérã marî masî'. Diakɨ̃hɨ́ta niî pe'tise kɨ̃ɨ̂ “O'ôgɨti” niî'kere o'ôgɨsami. Kɨ̃ɨ̂ o'oátehere yuû kuerã weé'. Kɨ̃ɨ yarã́ niî pe'tirã yã'âro weeséti niîmi'kãrãre yɨ'rɨ wetí pe'tikã weegɨ́sami. Tohô weéka be'ro kɨ̃ɨ̂ “O'ôgɨti” niî'kere o'ôgɨsami. Kɨ̃ɨ̂ tohô weekã́ ĩ'yârã, masá Õ'âkɨ̃hɨre “Ãyú butia'gɨ niîmi”, niîrãsama.

Efesios 1:18

Õ'âkɨ̃hɨ, naâ tɨ'ó yã'asepɨ mɨ'ɨ yeékãhasere masikã́ weeyá. Mɨ'ɨ̂ naâre ãyuró weé sĩ'rigɨ besékɨ niîwɨ. Niî pe'tirã mɨ'ɨ yarã́re ãyú butia'sere o'ôgɨsa'. A'teré naâre ãyuró masikã́ weeyá.

Efesios 1:6

Kɨ̃ɨ̂ makɨ́ kɨ̃ɨ̂ ɨpɨ́tɨ ma'igɨ́ me'ra marîre ãyuró weékɨ niîwĩ. Tohô weérã kɨ̃ɨ̂ marîre ãyuró weé'kere wãkûrã, kɨ̃ɨ̂re e'katí peo nu'ku'.

Efesios 2:4

Kɨ̃ɨ̂ pe'e marîre ɨpɨ́tɨ ma'ígɨ, pahá yã'ase kɨó yɨ'rɨawĩ.

Efesios 2:7

Jesu Cristo kɨ̃ɨ̂ wẽrî basa'ke me'ra marîre ma'isére, kɨ̃ɨ̂ ãyú butia'ro weesére ĩ'yókɨ niîwĩ. Be'ropɨ́ niî pe'tirãre teeré masikã́ ɨágɨ tohô weékɨ niîwĩ.

Efesios 3:16

Marî pakɨre mɨsa yeé niiátehere sẽri basá'. Kɨ̃ɨ̂ ãyú butia'gɨ, tutuâ yɨ'rɨgɨ niîmi. Kɨ̃ɨ̂ Espírito Santo me'ra mɨsâre wãkû tutuakã weegɨ́sami.

Efesios 3:8

Yɨ'ɨ́ta mehô niigɨ́ waro niî pe'tirã Õ'âkɨ̃hɨre ẽho peórã dokapɨ tɨ'ó yã'a'. Tohô niîmikã, yɨ'ɨ̂re ãyuró weé sĩ'rigɨ, a'tîro weékɨ niîwĩ. Judeu masa niîtirãre kɨ̃ɨ̂ besé'kɨ Cristo yee ãyusé kitire werê dutiwĩ. Tee kití a'tîro niî'. Õ'âkɨ̃hɨ Jesu Cristo me'ra ãyú butia'sere marîre weemí. Teé ãyusére marî wãkû põo tẽó wee'.

Filipenses 4:19

Õ'âkɨ̃hɨ yɨ'ɨ̂ wiôgɨ niî pe'tise mɨsâre dɨ'sasé nohore o'ôgɨsami. Kɨ̃ɨ̂ Jesu Cristo me'ra pehe waró ãyú butia'se kɨó yɨ'rɨ nɨ'kami. Kɨ̃ɨ̂ kɨosé nohore mɨsâre o'ôgɨsami.

Colosenses 2:13

Mɨsâ Judeu masa niîtirã õ'rekɨhɨ́ yapa kaserore yehê kõ'atikãrã niîwɨ. Tohô niikã́ yã'âro weékũkãrã niîwɨ. Yã'âro niiséti tĩharã, too dɨpóropɨre wẽrî'kãrã weeró noho niîkãrã niîwɨ. A'tóka terore maha Õ'âkɨ̃hɨ yarã niî'. Kɨ̃ɨ̂ mɨsâre katî nu'kukã weékɨ niîwĩ. Mɨsâre yã'âro weé'kere akobohókɨ niîwĩ.

Colosenses 2:2

A'tîro sẽrí': “Õ'âkɨ̃hɨ, naâre wãkû tutuase o'ôya. Ãyuró sɨ'orí niisétiato. A'mêri ma'iáto. Naâ ãyuró mɨ'ɨ yeékãhasere tɨ'o masí pe'oato. Naâ tohô weérã, mɨ'ɨ̂ makɨre ãyuró masîrãsama”, niî sẽri basá'. Neê waropɨre Õ'âkɨ̃hɨ niî pe'tise kɨ̃ɨ̂ makɨ́ Jesu Cristo yeekãhasere werêtikɨ niîwĩ. A'tóka terore maha kɨ̃ɨ yeére werêmi.

1 Timoteo 2:6

Jesu Cristo niî pe'tirã masaré yɨ'rɨógɨ wẽrî basakɨ niîwĩ. Marî yã'âro weé'ke wapare wapa yeégɨ tohô weékɨ niîwĩ. A'te kitíre “Tohô wa'ârosa'” niîka tero ehakã́, werê bahurẽ' no'okaro niîwɨ.

Tito 2:14

Jesu Cristo marî yã'âro weesére yɨ'rɨ wetíkã weégɨ, wẽrî basakɨ niîwĩ. Kɨ̃ɨ̂ marîre kɨ̃ɨ yarã́ sãha dutígɨ, yã'asé moorã́ niiáto niîgɨ tohô weékɨ niîwĩ. Marîre e'katíse me'ra ãyuró weesétikã ɨasamí. Tohô weégɨ wẽrî basakɨ niîwĩ.

Tito 3:6

Jesu Cristo marîre yɨ'rɨó'kɨ me'ra Õ'âkɨ̃hɨ Espírito Santo tutuasére marîre o'ô yɨ'rɨ nɨ'kawĩ.

Hebreos 9:22

Tiîtare Õ'âkɨ̃hɨ dutisé a'tîro niîkaro niîwɨ. Diî me'ra Õ'âkɨ̃hɨ wi'ipɨ niisére kɨ̃ɨ̂ ĩ'yóropɨ ãyusé toha dutíro wehêste peo no'okaro niîwɨ. Wehêste peoya marikã́, Õ'âkɨ̃hɨ masá yã'âro weé'kere akobohótikɨ niîwĩ. Diî me'ra di'akɨ̃ Õ'âkɨ̃hɨ masá yã'âro weesére akobohó no'o'.

1 Pedro 2:24

Kɨ̃ɨ̂ basi marî yã'âro weé'ke wapare wapa yeégɨ kurúsapɨ wẽrîwĩ. Marî yã'âro weesére du'u dutígɨ marîre wẽrî basawĩ. Tohô kɨ̃ɨ̂ weesé me'ra a'tîro weewĩ́. Marîre yã'asére siru tuúmi'kãrãre ãyusé Õ'âkɨ̃hɨ yee pe'ere siru tuúkã weewĩ́. Kɨ̃ɨ̂ marîre yɨ'rɨógɨ, kamî da're no'o', ɨpɨ́tɨ pũrisé tɨ'ó yã'awĩ. Tohô kɨ̃ɨ̂ weesé me'ra marî yã'âro yɨ'rɨ boó'kãrã yɨ'rɨó no'owɨ.

1 Pedro 3:18

Jesu Cristo marikã ãyugɨ́ niîmigɨ, pi'etíwĩ. Kɨ̃ɨ̂ bu'îri moomígɨ, marî yã'âro weé'ke wapare wẽrî wapa yeé basawĩ. Marî bu'îri kɨorã́re wẽrî basagɨ tohô weewĩ́. Marîre yɨ'rɨógɨ, ni'kâtita wẽrîwĩ. Kɨ̃ɨ̂ tohô weesé me'ra kɨ̃ɨ̂ pakɨ tirópɨ marîre wa'âta basiókã weewĩ́. Kɨ̃ɨ̂ bu'îkaha ɨpɨ waro maa wẽrîa wa'âwĩ. Wẽrî toha, be'ró masákɨ niîwĩ. Kɨ̃ɨ̂ ehêri põ'ra pũrikã wẽrîtikaro niîwɨ.

1 João 2:12

Yɨ'ɨ̂ mɨsâ niî pe'tirãre ohâgɨti. Jesu Cristo kɨ̃ɨ̂ wẽrisé wapa Õ'âkɨ̃hɨ mɨsâ yã'âro weé'kere akobohókɨ niîwĩ. Mɨsâ Õ'âkɨ̃hɨre masî'. Bɨkɨrã́, mɨsâre ohâ'. Jesu Cristore neê waropɨ dɨ'pôkãti'kɨre ẽho peó yuukã, ohâ'. Ma'mâ piha, mɨsâ wãkû tutuarã niî'. Õ'âkɨ̃hɨ yee uúkũsere tɨ'ó ẽho peó'. Wãtîre dokâ ke'akã weékãrã niîwɨ. Tohô weégɨ mɨsâre ohâ'.

1 João 2:2

Jesu Cristo wẽrisé me'ra marî yã'âro weé'kere akobohóse bokákãrã niîwɨ. Marî di'akɨ̃ akobohóse boka masítisa'. Niî pe'tirã a'ti nukúkãkãharã akobohóse boka masísama.

1 João 4:10

Yɨ'ɨ̂ ma'isére uúkũgɨ, marî Õ'âkɨ̃hɨre ma'isére uúkũgɨ meheta weé'. Kɨ̃ɨ̂ pe'e marîre ma'isé pe'ere uúkũgɨ weé'. Kɨ̃ɨ̂ marîre ma'ígɨ, marî yã'âro weé'kere akobohó dutigɨ kɨ̃ɨ̂ makɨré o'ôo'kɨ niîwĩ. Kɨ̃ɨ̂ me'ra marî akobohóse boká'.

Apocalipse 14:4

Naâ neê ni'kâti numiâ me'ra yã'âro weetíkãrã niîwã. Naâ Õ'âkɨ̃hɨ makɨ ovelha wi'magɨ́ weeró noho bahugɨ́re no'ó kɨ̃ɨ̂ wa'aró siru tuúwã. Naâ a'ti nukúkãkãharã wa'teropɨre yɨ'rɨó no'o'kãrã niîwã. Naâ Õ'âkɨ̃hɨre, Õ'âkɨ̃hɨ makɨ ovelha wi'magɨ́ weeró noho bahugɨ́re ẽho peó o'ô mɨ'ta'kãrã niîkãrã niîwã.

Apocalipse 5:9

Naâ Õ'âkɨ̃hɨ makɨ ovelha wi'magɨ́ weeró noho bahugɨ́re apêye ma'má basasére basâ peowã. A'tîro niîwã: Mɨ'ɨ̂ ãyugɨ́ niî'. Mɨ'ɨ̂ a'ti tũrúre miî masi'. A'té pi'râ bi'a'kere pãâ masi'. A'tîro niî'. Mɨ'ɨ̂ wẽhé no'o'kɨ niîwɨ. Mɨ'ɨ̂ wẽrisé me'ra, mɨ'ɨ̂ diî me'ra niî pe'tirã masá Õ'âkɨ̃hɨ yarã niiáto niîgɨ wapa yeékɨ niîwɨ. Niî pe'tise kurarikãharãre, mehêkã uúkũrãre, niî pe'tiropɨ niirã́re Õ'âkɨ̃hɨ yarã wa'akã́ weékɨ niîwɨ. Tohô weégɨ mɨ'ɨ̂ a'ti tũrúre miî masi'.